az    ru
Ana səhifə Haqqımızda Hüquq mərkəzi Elektron kataloq Elektron kitabxana     Foto qalereya Facebook Əlaqə
 

    Ümummilli lider
kitabxanalar haqqında


Prezident və mədəniyyət

Mədəniyyət və Turizm Nazirliyinin yenilikləri

Gənclər hərəkatı

Biblioqrafik vəsaitlər

Aktual mövzular

Bu ay teatrlarımızda

Təhsil

Qəzet və jurnallar

Azərbaycan kitabxanaları
internetdə


Dünya kitabxanaları
internetdə


Multikulturalizm




Azərbaycan

Tarixi

Xəritəsi

Dövlət rəmzləri

Azərbaycanın turizm
gözəllikləri


Dağlıq Qarabağ problemi

31 Mart-Soyqırım günü

C.Cabbarlı adına Respublika Gənclər kitabxanasının nəzdində Azərbaycan kitabxanalarının birgə Milli Kataloqlaşdırma Sistemini yaratmaq, Azərbaycanda yaradılan milli elektron resursların, biblioqrafik yazıların keyfiyyətini yüksəltmək, onların vahid Mərkəzdən yoxlanılmasını təmin etmək və təkrarçılığı aradan qaldırmaq məqsədilə Milli Kitabxana İnformasiya Mərkəzi (AZLİBNET) yaradılmışdır.










>>>
>>>
Yeni kitabların virtual sərgisi
Uşaq kitabları



Azərbaycan kitabxanaları XXI əsrin informasiya məkanında

Azərbaycanda olan butun böyük həcmli kitabxanalar haqqında məlumatı (ünvan, əlaqə nömrələri, poçt ünvanı və s.) bu linkə keçid almaqla əldə edə bilərsiniz.




>>>

Tarixi Qobustan


>>>

>>>

Əziz gənclər!
Korrupsiyaya qarşı mübarizədə fəal olun!!!




"Rusiya Federasiyasının Qanunvericilik Bazası"

İnsan hüquqları


ONLİNE İSTİFADƏÇİLƏRİN SAYI

Счетчик посещений Counter.CO.KZ - бесплатный счетчик на любой вкус!
 

Xəbərlər

Cəfər Cabbarlı adına Respublika Gənclər Kitabxanasında 03 dekabr 2016-cı il tarixdə gənc şair Cahangir Ağsulu ilə görüş keçirildi. Tədbirdə həmçinin, Cahangir Ağsulunun nəinki Azərbaycanda, həm də ölkəmizdən kənarda yaşayan milyonlarla soydaşlarımızı vətəni, ulu torpaqlarımızı sevməyə səsləyən, vətənpərvərlik ruhda yazılmış “Vətən eşqi var qəlbimdə” kitabının təqdimatı oldu.
Tədbiri giriş sözü ilə kitabxananın direktoru Tahir Sadıqov açıb gənc şairin həyatı, ədəbi yaradıcılığı haqqında məlumat verəndən sonra qeyd etdi ki, “Sevin həyatı” adlı ilk kitabından sonra “Vətən eşqi var qəlbimdə” müəllifin oxuculara ikinci tövhəsidir. “Vətən eşqi var qəlbimdə” şerlər toplusu vətəninə, torpağına hər vaxt sadiq və “müsəlləh əsgər” olan, sözün əsl mənasında bir şairin ürək ağrısı, qəlb çırpıntısı ilə qələmə aldıqlarının oxucular qarşısında imtahanıdır. Müəllif bu kitabında bütün azərbaycanlıları birliyə çağırır.
Yazıçı-publisist Anar Vəziroğlu çıxışında bildirdi ki, Cahangir müəllim daim ədəbi axtarışda olan, öz üzərində çalışan, sadə xalq dilində yazan, lakin mövzularında qlobal problemlərdən yan keçməyən geniş miqyasa malik bir şairdir.
Şair-publisist Şahlar Baba qeyd etdi ki, Cahangir Ağsulu 2015-ci ildə təsis edərək rəhbəri olduğu “Döyüşçü press” qəzetinin və “Doyushcu.az” saytının vətənpərvərlik mövzuları ilə geniş oxucu kütləsinin rəğbətini qazanaraq respublika səviyyəsində tanınması xalqına sevgisinin bariz nümunəsidir.
Şair Oqtay Rza bildirdi ki, vətənpərvərlik hissi insanın daxilində, ruhunda, canında olur. Cahangir müəllimin isə bütün həyat amalı bu hissin üzərində yuva qurub. Məhz ədəbi yaradıcılığı boyu da oxucu şairin nə dərəcədə vətəninə, torpağına bağlılığının canlı şahididir.
Görüşdə həmçinin, şair-həkim Zakir Ağdamlı, “Qürur Şəhid Ailələri” xeyriyyə ictimai birliyinin sədri Naibə Behbudova, AZƏR TAC-ın xüsusi müxbiri Zərəngiz Mansurova, Qarabağ Ağsaqqallar Şurasının sədri Arif Məhərrəmov, “Azərbaycan-İraq” cəmiyyətinin sədri Tahirə Məmmədova, “Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə, “Ahıllara və Tənhalara Dəstək” ictimai birliyinin üzvü Elxan Rəsuloğlu, aktyor Gülüş Səfərov, BDU-nun müəllimi İradə Əlili, milli qəhrəman Murad Mirzəyevin dostu Mirtərlan Mirişov, Qafqaz Universitetinin müəllimi Pərvanə Kərimova, “Ahıllara və Tənhalara Dəstək” ictimai birliyinin sədri Ruhiyyə Məmmədova da iştirak edirdilər.
Tədbirin sonunda şair Cahangir Ağsulu “Vətən eşqi var qəlbimdə” şerlər kitabından bir neçə nüsxə tədbir iştirakçılarına və kitabxanaya hədiyyə verdi.



Cəfər Cabbarlı adına Respublika Gənclər Kitabxanasında 21-25 noyabr 2016-cı il tarixlərdə “Kitabxanalarda müasir informasiya texnologiyalarının tətbiqi” mövzusunda treninq keçirilmiş.
Treninqdə aşağıda göstərilən proqramların öyrədilməsi, tətbiqi haqqında geniş məlumatlar verilmişdir:
-“Mikrosoft Offige” (Mətni lazım olan formata salmaq. Elektron kitabları tərtib etmək. Prezentasiyaları hazırlamaq. Elektron sənədləri çapa verən zaman kağız formatları, çap rejimləri düzgün seçmək. Şəkillərin ölçülərini azaltmaq və ya çoxaltmaq. Skanerdə kağız sənədləri elektron formata çevirən zaman parametrləri düzgün seçmək və s.)
- “Fayllar üzrə əməliyyatlar” (Mətn növlü faylları PDF növünə çevirmək. Video növlü faylları lazım olan növünə çevirmək. Tədbirlərin video roliklərini youtube kanalında yerləşdirmək. Yerləşdirilən video materialların digər yerlərdə (saytlarda) yayımını etmək. Video, Audio, Data növlü diskləri yaratmaq və faylları köçürmək. Youtube saytında kanalı yaratmaq. Youtube kanalına istifadəçiləri cəlb etmək və s.)
- “Windows 10 əməliyyat sistemi” (Əməliyyat sistemi (ƏS) yenilətmək. (UPDATE). Başlıca əməliyyat sistemi sazlamaq. (BİOS). Sərt diski hissələrə bölmək. (PARTATİTİON). Yaradılmış hissələri format etmək. (FORMATİNG). Əməliyyat sistemini format olunan hissəyə yazmaq və s.) (SETUP)
- “Qlobal və lokal şəbəkələr” (Repeater (Təkrarlayıcı). Switch (Çevirici). HOST.)
Treninqdə Ağcabədi, Kürdəmir, Qazax, Oğuz, Astara, Şəki, Zərdab, Quba, Qusar, Sabirabad, Göyçay, Hacıqabul, Salyan, Ucar kitabxanalarının əməkdaşları iştirak edirdilər.
Treninqin sonuncu günü iştirakçılara sertifikatlar verilmişdir.



Cəfər Cabbarlı adına Respublika Gənclər Kitabxanasının İctimai Hüquqi İnformasiya Mərkəzində 21-25 noyabr 2016-cı il tarixlərdə Azərbaycan Respublikası Mədəniyyət və Turizm Nazirliyinin 2016-cı ilin II yarısı üçün iş planının 6.76 bəndinin icrası ilə əlaqədar “Kitabxanalarda müasir informasiya texnologiyalarının tətbiqi” mövzusunda treninq keçiriləcəkdir.



Hörmətli Əbülfəs müəllim!
Sizin Respublikamızın mədəniyyətinin inkişafı naminə uzun illərlik fəaliyyətinizin, xidmətlərinizin Azərbaycan Respublikasının Prezidenti İlham Əliyev tərəfindən yüksək qiymətləndirilərək “Şöhrət” ordeni ilə təltif edilməyiniz bizi çox sevindirdi. Bu böyük mükafat münasibəti ilə Sizi ürəkdən təbrik edir, uzun ömür, can sağlığı, Azərbaycan mədəniyyətinin təkcə ölkəmizdə deyil, dünya miqyasında ən yüksək zirvələr fəth etməsində yeni-yeni uğurlar, nailiyyətlər arzulayırıq.
Hörmətlə, Cəfər Cabbarlı adına Respublika Gənclər Kitabxanasının kollektivi.




Cəfər Cabbarlı adına Respublika Gənclər Kitabxanasında 11 noyabr 2016-cı il tarixdə Azərbaycanda kitabxanaşünaslıq elminin banisi, Birləşmiş Millətlər Təşkilatı yanında Beynəlxalq İnformasiyalaşdırma Akademiyasının akademiki, Azərbaycan Respublikasının Əməkdar elm xadimi, Azərbaycan Kitabxanaçılar Cəmiyyətinin prezidenti, Bakı Dövlət Universitetinin fəxri professoru, tarix elmləri doktoru, “Şöhrət” ordenlı Abuzər Xələfovun anadan olmasının 85 illiyi münasibəti ilə musiqili ədəbi-bədii gecə keçirildi.

ətraflı


Azərbaycan Respublikası Prezidentinin müvafiq Sərəncamını icra etmək məqsədilə Azərbaycan Respublikası Mədəniyyət vəTurizm Nazirliyinin 21 aprel 2016-cı il tarixli 152 nömrəli əmri ilə “Gəncə şəhərinin “2016-cı il Avropa gənclər paytaxtı” seçilməsi ilə əlaqədar tədbirlər haqqında” tədbirlər planı təsdiq edilmişdir. Tədbirlər planının 10-cu bəndinə əsasən Cəfər Cabbarlı adına Respublika Gənclər Kitabxanası ilə birgə 04 noyabr 2016-cı il tarixdə Gəncə şəhərində “Gənclər-innovasiyalar-kitabxanalar” adlı Azərbaycan-Rusiya elmi-praktiki konfrans başa çatmışdır.

ətraflı

Cəfər Cabbarlı adına Respublika Gənclər Kitabxanasında İtaliyanın Florensiya şəhərinin “Oblate” kitabxanasının istifadəçilərə göstərilən müxtəlif növ xidmət və proqramlarının tətbiq edilməsi ilə bağlı il ərzində müəlliflərlə görüşlər, poeziya və müəllif günləri təşkil olunmuşdur. İl ərzində kitabxanaya oxucu cəlb etmək, Azərbaycan və dünya xalqlarının ədəbiyyatlarını təbliğ məqsədi ilə müəlliflərlə görüşlər, poeziya və müəllif günləri təşkil olunur. Bu il yazıçı Esmira Fuadın “Sözdən asılan arzular”, yazıçı Şahlar Babanın “Mən tanıyan Xan əmi”, şairə Fəridə Sadənin “Azərbaycan, vətənimsən” kitablarının təqdimat mərasimində oxucular əyani şəkildə müəlliflə görüşmüşlər. Şairə-publisist Simizər Nüsrətbəyli, şair-publisist Qəşəm İlqar Ruhdaş, yazıçı-publisist Ziyadxan Nəbibəyov, yazıçı-şair Ramiz Əliyev, şairə Nüşabə Musayeva, şairə Mərcan Şahbuzlu, şairlər Zakir Ağdamlı, Məmməd Məcidoğlu, Oqtay Rza, yazıçılar Tanrıverdi Abbasov, Tofiq Seyidzadə, Əlinasir İmanlı ilə də müəllif günləri təşkil olunmuş, poeziyaları, ümumiyyətlə yaradıcılıqları dinlənilmiş, müzakirə edilmişdir. Şair və yazıçılarla təşkil olunan görüşlər, poeziya günləri, müəllif günləri həmişə oxucuların böyük marağına səbəb olmuşdur. Müəllifin öz dilindən yazdığı şerləri dinləmək, müəlliflə canlı şəkildə görüşmək həmişə hər bir oxucunun sevinc və marağına, canlı ünsiyyətdə istənilən sualına cavab almasına səbəb olur. Qeyd etmək lazımdır ki, belə tədbirlərdə həm şagirdlər, həm tələbələr, həm də bütün yaş qruplarına aid oxucular böyük həvəslə iştirak edirlər.



Cəfər Cabbarlı adına Respublika Gənclər Kitabxanasında İtaliyanın Florensiya şəhərinin “Oblate” kitabxanasının istifadəçilərə göstərilən müxtəlif növ xidmət və proqramlarının tətbiq edilməsi ilə bağlı fiziki məhdudiyyətləri olan insanlar üçün evə kitab aparılması təşkil edilmişdir. Yaşından asılı olmayaraq fiziki məhdudiyyətli insanların şəxsən müraciətləri ilə əlaqədar oxu tələbatını ödəmək üçün kitabxananın xidmət şöbələri tərəfindən müntəzəm şəkildə ünvanlarına maraqlandıqları ədəbiyyatlar çatdırılıb səyyar fərdi xidmətlər göstərilir və bu xidmət daima davam edəcəkdir. Bir faktı da qeyd etmək lazımdır ki, bu xidmət oxucunun yaşadığı ünvanın yaxın və ya uzaq, hansı məsafədə yerləşməsindən asılı olmayaraq həyata keçirilir. Kitabxananın əməkdaşları kitabı ünvana aparmaqla da kifayətlənmirlər. Əgər oxucunun özünün sərbəst mütaliə etmək imkanı yoxdursa kitablar kitabxananın əməkdaşları tərəfindən oxunur. Fiziki məhdudiyyətli oxucular xidmətin bu növündən çox razılıq edirlər.



Cəfər Cabbarlı adına Respublika Gənclər Kitabxanasında İtaliyanın Florensiya şəhərinin “Oblate” kitabxanasının istifadəçilərə göstərilən müxtəlif növ xidmət və proqramlarının tətbiq edilməsi ilə bağlı yaradılan sağlamlıq kursunun 29 oktyabr 2016-cı il tarixdə növbəti məşğələsi keçirildi. Məşğələdə Azərbaycan Milli Elmlər Akademiyasının “Coğrafiya” İnstitutunun baş elmi işçisi Sevinc Məmiyeva, “Yeni Yurd” ictimai birliyinin könüllü nümayəndələri Nərminə Abbasova, Nisə Əliyeva, ictimai birliyin himayədarlıq etdikləri uşaqlar və onların valideynləri iştirak etdilər.
Məşğələni Uşaq Nevroloji Xəstəxanasının ümumi laboratoriya üzrə tibb bacısı Sevinc Sultanova apardı. “Qan. Qanın tərkibi”, “Askoridlər. Uşaqlarda bağırsaq qurdu”, “Düzgün oturuş qaydaları” mövzularına həsr olunmuş növbəti məşğələdə tibb bacısı Sevinc Sultanova uşaqlara geniş məlumat verdi və onların suallarını cavablandırdı. Xəstəlikləri ilə bağlı problem yaşamamaq üçün uşaqları müntəzəm müayinəyə dəvət etdi.
Kitabxananın elmi işlər üzrə direktor müavini Xalidə Musayeva bildirdi ki, sağlamlıq kursunun hər bir məşğələsində uşaqlar az da olsa tibbi biliklər alırlar. Bu da onların sağlam böyümələri üçün çox vacibdir.
Qeyd etmək lazımdır ki, sağlamlıq kursunun ötən məşğələləri “Miqren”, “Beyindaxili təzyiq”, “Xəstələrə ilk tibbi yardım göstərimləsi”, “İnfeksion xəstəliklər”, “Uşaq nevroloji xəstəlikləri”, “Qida zəhərlənmələri zamanı nə etməli”, “Travmatik zədələrdə ilk tibbi yardım”, “Ağ ciyər xəstəlikləri”, “Azyaşlılarda raxit”, “Bronxit” və sair mövzulara həsr olunmuşdu.




Cəfər Cabbarlı adına Respublika Gənclər Kitabxanasında 18 oktyabr 2016-cı il tarixdə Azərbaycan Respublikasının Dövlət Müstəqilliyi günü münasibəti ilə “Müstəqilliyimiz əbədidir, dönməzdir” mövzusunda dəyirmi masa keçirildi.

ətraflı


Cəfər Cabbarlı adına Respublika Gənclər Kitabxanasında 30 sentyabr 2016-cı il tarixdə 01 oktyabr Beynəlxalq Ahıllar günü münasibəti ilə “Ahıllara qayğı və diqqət” mövzusunda görüş keçirildi.

ətraflı


Cəfər Cabbarlı adına Respublika Gənclər Kitabxanasında 31 avqust 2016-cı il tarixdə yazıçı Esmira Fuadın “Sözdən asılan arzular” kitabının təqdimatı keçirildi.

ətraflı


Cəfər Cabbarlı adına Respublika Gənclər Kitabxanasında 23 iyul 2016-cı il tarixdə Ağdam rayonunun erməni qəsbkarları tərəfindən işğalı ilə əlaqədar “Ağdamsız ötən 23 il” mövzusunda dəyirmi masa keçirildi.

ətraflı

Cəfər Cabbarlı adına Respublika Gənclər Kitabxanasında Bakı Dövlət Universitetinin Kitabxanaçıliq-informasiya fakultəsinin qrup 1452 III kurs əyani tələbələrinin istehsalat təcrübəsi yekunlaşdı.



Cəfər Cabbarlı adına Respublika Gənclər Kitabxanasında 24 iyun 2016-cı il tarixdə Zərəngiz Dəmirçi Qayalının “Oğul” adlı kitabının təqdimatı keçirildi.
Kitabda Qarabağ hadisələri, onun bizə verdiyi ağrı acilar, şəhid yanğısı və digər mövzulardan bəhs olunur. Topluda şəhid Elgün İsmayılov, Çanaqqala savaşı, Ağdamın Orta Qərvənd kəndində düşmən gülləsində şəhid olan 8 yaşlı Fariz Bədəlov haqqinda və başqa mövzulara həsr edilmiş poema və şeirlər təqdim olundu.



Cəfər Cabbarlı adına Respublika Gənclər Kitabxanasnın təşkilatı rəhbərliyi ilə 2016 – cı il iyun ayının 10-da “Gənclər mütaliə edir” mövzusunda kitab sərgisi təşkil edildi.
Məqsəd müasir Azərbaycan oxucularını kitab və kitabxanaya cəlb etmək, gənclərin asudə vaxtlarından səmərəli istifadə etmək, narkomaniya, cinayətkarlıqdan uzaq olması, onların maariflənməsi, Azərbaycan tarixinin mədəniyyətini dərindən öyrənməsi və gənclərin vətənpərvər ruhda böyüməsində kitabların rolunu qeyd etməkdir. Yekunda sərgiyə çıxarılmış kitab və jurnallar iştrakçılara hədiyyə edildi.
Gələcəkdə bu istiqamətdə tədbirlər keciriləcəkdir.




Cəfər Cabbarlı adına Respublika Gənclər Kitabxanasında 24 may 2016-cı il tarixdə Azərbaycan Xalq Cümhuriyyətinin yaranmasının 98-ci ildönümü günü münasibəti ilə “Azərbaycan, yurdum mənim” mövzusunda tədbir keçirildi.

ətraflı


Cəfər Cabbarlı adına Respublika Gənclər Kitabxanasında 17 may 2016-cı il tarixdə pedaqoq, şairə Fəridə Sadənin “Azərbaycan, vətənimizsən” kitabının təqdimatı keçirildi.

ətraflı


Cəfər Cabbarlı adına Respublika Gənclər Kitabxanasında 05 may 2016-cı il tarixdə yazıçı Şahlar Babanın Azərbaycan muğam sənətinin korifeyi, Qarabağ xanəndəlik məktəbinin görkəmli nümayəndəsi Xan Şuşinskinin həyatı və ifaçılıq sənətinə həsr olunmuş “Mən tanıyan Xan əmi” kitabının təqdimatı keçirildi.

ətraflı

C.Cabbarlı adına Respublika Gənclər Kitabxanasında 06 may 2016-cı il tarixdə “Xalqın daim sevəcək, tarix unutmayacaq” mövzusunda ümummilli lider, dahi öndər Heydər Əliyevin anadan olmasının 93-cü ildönümü münasibəti ilə anım günü keçirildi.
Tədbir ümummilli lider, dahi öndər Heydər Əliyevin əbədi xatirəsinin bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın direktoru Tahir Sadıqov açıb qeyd etdi ki, Heydər Əlirza oğlu Əliyev 1923-cü il may ayının 10-da Naxçıvanda anadan olmuşdur. Əvvəlcə Naxçıvan Pedaqoji Texnikumunda, Azərbaycan Sənaye İnstitutunda təhsil aldıqdan sonra indiki Sankt-Peterburq və Moskva şəhərlərində xüsusi ali təhsilini davam etdirmiş, yenidən Bakıda Azərbaycan Dövlət Universitetində, tarix fakültəsində oxumuşdur. Naxçıvan MSSR Xalq Daxili İşlər Komissarlığında və Naxçıvan MSSR Xalq Komissarları Sovetində müxtəlif məsul vəzifələrdə xidmət etmişdir. 1967-ci ildə SSRİ Nazirlər Soveti yanında Dövlət Təhlükəsizliyi Komitəsi tərəfindən general-mayor rütbəsi almışdır. 1969-1982-ci illər ərzində Azərbaycan Kommunist Partiyası Mərkəzi Komitəsinin birinci katibi vəzifəsində öz xalqına layiqincə xidmət etmişdir. 1982-1987-ci illərdə SSRİ Nazirlər Soveti sədrinin birinci müavini vəzifəsində çalışmışdır. 1993-cü il oktyabrın 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçilmişdir. Onun Azərbaycan rəhbərliyinə qayıdışı ilə ölkənin ictimai-siyasi, sosial, iqtisadi, elmi-mədəni həyatında, beynəlxalq əlaqələrində dönüş yaranmış, elmi əsaslara, beynəlxalq norma və prinsiplərə uyğun müstəqil dövlət quruculuğu prosesi başlanmışdır. Ümummilli lider, dahi öndər Heydər Əliyevin Azərbaycanın rifahı naminə əvəzsiz xidmətləri xalqımız tərəfindən heç vaxt unudulmayacaq.
Kitabxananın elmi işlər üzrə direktor müavini Xalidə Musayeva çıxışında bildirdi ki, Azərbaycan xalqının böyük oğlu, müstəqil Azərbaycan dövlətinin qurucusu, Azərbaycan siyasi sisteminin yaradıcısı, azərbaycançılıq ideologiyasının banisi, Azərbaycanda milli özünüdərk prosesinin başladıcısı və idarəedicisi olan ulu öndər Heydər Əliyev Azərbaycan xalqının dövlətçilik tarixində çox böyük yeniliklərə, çox böyük işlərə imza atmışdır. O, istər Azərbaycan Kommunist Partiyası Mərkəzi Komitəsinin birinci katibi, istərsə də SSRİ Nazirlər Soveti sədrinin birinci müavini vəzifəsində çalışarkən həmişə Azərbaycan xalqını beynəlxalq münasibətlərdə böyük arenaya çıxarmağı qarşısına məqsəd qoymuşdur. Biz inanırıq ki, müqəddəs ruhu, Azərbaycan və milli vətənpərvərlik sevgisi ilə xalqımızın ürəyində əbədi yaşayan dahi rəhbər Heydər Əliyevin ölməz ideyaları sayəsində tezlikdə işğal atında inləyən torpaqlarımızı da geri alacağıq.
Bakı Dövlət Universitetinin “Kitabxanaçılıq və informasiya” fakültəsinin dördüncü kurs tələbəsi Dinarə Məmmədova bildirdi ki, ulu öndər Heydər Əliyev Azərbaycan həqiqətlərini dünyaya çatdırmağı, müstəqil Azərbaycan dövlətinin əbədi olmasını qarşısına məqsəd qoyan, bu əqidə, bu amalla bütün ömrü boyu fəaliyyət göstərən, haqq səsini dütün dünyaya çatdırmağı bacaran çox böyük tarixi şəxsiyyət idi. Bu səbəbdən də ulu öndər Heydər Əliyev Azərbaycan xalqı tərəfindən daima hörmətlə anılacaq, tarix onu əbədi yaşadacaqdır.
Bakı Dövlət Universitetinin “Kitabxanaçılıq və informasiya” fakültəsinin dördüncü kurs tələbəsi Gülşən Bəhramlı Azərbaycan xalqının milli özünüdərkinin bərpası və müstəqillik mübarizəmizin uğurla sona çatması naminə ulu öndər Heydər Əliyevin əvəzsiz xidmətlərini xüsusi qeyd etdi. Bütün Azərbaycan gəncləri adından dahi rəhbər Heydər Əliyevin ideyalarının davamçıları kimi daim respublikamızın adını uca tutmağa, dünya miqyasında tanıtmağa, vətənin müdafiəsinə həmişə hazır olmağa söz verdi.
Anım günündə Bakı Dövlət Universitetinin, Azərbaycan Dövlət Mədəniyyət və İncəsənət Universitetinin tələbələri iştirak edirdilər.
Tədbir “Heydər Əliyev və müstəqil Azərbaycan” adlı kitab sərgisinə baxışla sona çatdı.



Cəfər Cabbarlı adına Respublika Gənclər Kitabxanasında 25-29 aprel 2016-cı il tarixlərdə “Kitabxanalar innovasiya və müasir texnologiyaların tətbiqi şəraitində” mövzusunda treninq keçirildi.
Cəfər Cabbarlı adına Respublika Gənclər Kitabxanasının direktoru Tahir Sadıqov iştirakçılara treninqin təşkil olunmasında əsas məqsədin şəhər (rayon) kitabxanalarında çalışan mütəxəssislər üçün kompüterlə bağlı tələb olunan proqramların öyrədilməsi və fəaliyyətlərinin optimallaşdırılması istiqamətində təcrübə mübadiləsinin aparılması olduğunu bildirdi.
Azərbaycan Respublikası Mədəniyyət və Turizm Nazirliyinin “Kitab dövriyyəsi və nəşriyyatlarla iş” şöbəsinin müdiri vəzifəsini icra edən Aslan Cəfərov bu gün kitabxalarda müasir informasiya texnologiyalarının tətbiq olunmasının oxucular üçün operativ informasiya tələbatının təmin olunması demək olduğunu bildirdi.
Azərbaycan Respublikası Mədəniyyət və Turizm Nazirliyinin “Kitab dövriyyəsi” sektorunun müdiri Lətifə Məmmədova bildirdi ki, müasir dövrün kitabxanaları rəqəmsal informasiya massivləri ilə işləyən istifadəçilər üçün intellektual asudə vaxt mərkəzlərinə çevrilmişdir.
Treninq iştirakçılarına “Power Point”, “Photoshop” proqramları üzrə vizual dərslərin təşkili, “Youtube”da kanalların yaradılması və oraya videoların yüklənməsi, kitabların PDF formatına salınması, “Nero” proqramı vasitəsi ilə optik disklər üzrə əməliyyatların aparılması, internet modemlərinin, xabların (Switch) quraşdırılması, kitabxanada lokal şəbəkənin yaradılması, ALİSA proqramının adminstrasiya bölməsinin düzgün işlənməsi, “Mikrosoft Office” proqramının öyrədilməsi, interaktiv proqramların tətbiqi və sair mövzularda geniş məlumatlar verilmişdir.
Treninqdə Ağcabədi, Abşeron, Qəbələ, Qubadlı, Beyləqan, Balakən, Masallı, Neftçala, Şəmkir, Şamaxı, Salyan, Sabirabad, Hacıqabul, Laçın, Cəlilabad, Tovuz, Xızı, Yardımlı, Füzuli, Kəlbəcər rayon, Lənkəran, Şirvan, Mingəçevir, Yevlax şəhər kitabxanalarının, Bakı Dövlət Universitetinin, Azərbaycan Texniki Universitetin, Respublika Elmi Tibb Kitabxanasının, AMEA-nın Əlyazmalar İnstitutunun əməkdaşları iştirak etdilər.
Treninqin sonunda iştirakçılara sertifikatlar verildi.



Cəfər Cabbarlı adına Respublika Gənclər Kitabxanasının İctimai Hüquqi İnformasiya Mərkəzində 25-29 aprel 2016-cı il tarixlərdə "Kitabxanalar innovasiyalar və müasir texnologiyaların tətbiqi şəraitində" mövzusunda treninq keçiriləcəkdir.



Cəfər Cabbarlı adına Respublika Gənclər Kitabxanasında 18-22 aprel 2016-cı il tarixlərdə "Kitabxana işinin modernləşdirilməsi, kitabxanaların fəaliyyətinin optimallaşdırılması" mövzusunda treninq keçirilr.
"Kitabxana işinin modernləşdirilməsi, kitabxanaların fəaliyyətinin optimallaşdırılması" mövzusunda keçirilən treninqin birinci günü,- 18 aprel 2016-cı il tarixdə kitabxananın direktoru Tahir Sadıqov treninqin əsas məqsədinin rayon kitabxanalarında kompüterlə bağlı tələb olunan işlərin görülməsi və baş verən bütün problemlərin aradan qaldırılmasının təmin olunmasını bildirmişdir.
Azərbaycan Respublikası Mədəniyyət və Turizm Nazirliyinin “Kitab dövriyyəsi” sektorunun müdiri Lətifə Məmmədova qeyd etmişdir ki, treninqdə “Kompüterdə quraşdırma, sazlama, diaqnostika işləri”, “Mikrosoft Office paketinin proqramları və elektron sənədlərlə işlənmə qaydaları”, “Fayllar üzrə əməliyyatlar”, “Portallar üçün kontentlərin hazırlanması və yerləşdirilməsi qaydaları” mövzuları üzrə təlimlər davam edəcəkdir.
Həmçinin, treninqin birinci günü “Kitabxanalarda biblioqrafik arayışların yerinə yetirilməsi” mövzusunda da təlim keçiriləcək, treninq iştirakçılarının bütün sualları cavablandırılacaqdır.
Treninqdə Polis Akademiyasının, Azərbaycan Dövlət Tibb Universitetinin, F.Köçərli adına Respublika Uşaq Kitabxanasının, Ağstafa, Bərdə, Astara, Beyləqan, Füzuli, Zərdab, Ucar, Şəki, Şamaxı,Sumqarıt, Siyəzən, Samux, Salyan, Sabirabad, Neftçala, Qusar, Quba, Qazax, Qaradağ, Qax, Xaçmaz, Göyçay kitabxanalarının əməkdaşları iştirak etmişlər.
Treninq sabah öz işinin davam etdirəcəkdir.



C.Cabbarlı adına Respublika Gənclər Kitabxanasında 13 aprel 2016-cı il tarixdə “Qarabağı vermərik” mövzusunda musiqili-ədəbi-bədii gecə keçirildi.
Tədbir Azərbaycanın suverenliyi, ərazi bütövlüyü uğrunda şəhid olanların xatirələrinin bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın direktoru Tahir Sadıqov açıb qeyd etdi ki, Azərbaycan dünyanın cənnət diyarı, ən gözəl məkanlarından biridir. Bu gözəl məkanın tacı vətənimizin dilbər guşəsi, bir zamanlar dillər əzbəri olan, indi isə torpağı düşmən tapdağı altında inləyən, azad olacağı günü səbrsizliklə gözləyən Qarabağdır. Uzun illərdir ki, bizim hər birimizin ən böyük arzumuz qələbə, işğal olunmuş torpaqlarımızın, doğma Qarabağımızın geri qaytarılması olmuşdur. Nəhayət, ümummilli lider, dahi öndər Heydər Əliyevin layiqli davamçısı, Azərbaycan Respublikasının Prezidenti İlham Əliyevin müdrik siyasəti sayəsində, mübariz Azərbaycan ordusunun vətənpərvər oğullarının döyüşkənliyi ilə tezliklə qələbəyə qovuşacağıq. Bu sözləri inamla deməyə bir neçə gün bundan qabaq ordumuzun mübariz uğurlarının düşməni geri dönməyə məcbur etməsi haqq verir.
“Aytam” Uşaqların Mədəni Maarifləndirilməsi ictimai birliyinin rəhbəri Aygün Zamanlı Azərbaycan ərazisinin tarixən həmişə işğala məruz qalmasından, xalqımızın dəfələrlə haqsız torpaq iddiaları ilə üz-üzə gəlməsindən, bu mübarizədə şəhid olan vətən oğullarından danışıb bildirdi ki, bu gün informasiyanı güclü etməli, birləşməli, mütləq düşmənə qalib gəlməliyik.
“Respublika” qəzetinin xüsusi müxbiri Rauf İlyasoğlu dahi şəxsiyyətlərin, şairlərin, incəsənət xadimlərinin uyuduqları Qarabağ torpağının viran qalmasından, əsrlərin yadigarı olan tarixi abidələrin, məzarların uçurulmasından ürək ağrısı ilə danışıb hamını vətəni düşməndən azad etməyə səslədi. Dedi ki, əgər Qarabağda ermənilər yurd salıb yaşasalar əcdadlarımızın ruhu bizdən inciyər, bizi bağışlamaz. Rauf İlyasoğlu çıxışını vətən mövzusunda şerlə bitirdi.
Şair Oqtay Rza Qarabağ uğrunda döyüşlərdə şəhid olan tələbələrinin acı talelərindən danışıb onlara həsr etdiyi bir şerini və “Vətən”, “Oğul əsgər gedir” şerlərini söylədi. Çıxışının sonunda qeyd etdi ki, mən qeyrətinə arxalandığımız, ümidimizi bağladığımız igid oğullarımızın bizi bu bəladan xilas edəcəyinə, həmin şad günü həsrətlə gözləyən, qələbə sevincini yaşamaq istəyən arzularımızın gerçəkləşəcəyinə, Qarabağ həsrətimizə son qoyulacağına inanıram.
Tədbirdə “Aytam” Uşaqların Mədəni Maarifləndirilməsi ictimai birliyinin “Qarabağ bülbülləri” ansamblının bədii rəhbəri Əsmayə Rüstəmova, ansamblın üzvləri, Respublika Veteranlar və Ağsaqqallar Şurasının üzvü Sevil İsrafilova, həkim-şair Zakir Ağdamlı, “Dünya Azərbaycanlılarının Beynəlxalq Həmrəyliyi” ictimai birliyinin sədri Tofiq Əlizadə, Cəfər Cabbarlının ev-muzeyinin direktoru Qəmər Bağırova, sabiq polis rəisi Sabir Məmmədov, Azərbaycan Dövlət Televiziya və Radio Verilişləri Qapalı Səhmdar Cəmiyyətinin “Uşaq verilişləri” redaksiyasının müxbiri İlahə Aslanova, yazıçı, tarixçi-tədqiqatçı Nazim Tapdıqoğlu iştirak edirdilər.
Tədbirdə “Aytam” Uşaqların Mədəni Maarifləndirilməsi ictimai birliyinin “Qarabağ bülbülləri” ansamblının üzləri Nərmin Əliyeva, Ayşən Rəfizadə, Nübar Muxtarova, Əziz Məsimli, Jalə Quliyeva, Əsmər Quluzadənin ifasında vətən mövzusunda şerlər səsləndi, “Qarabağ şikəstəsi”, “Qarabağ”, “Çırpınırdı Qara dəniz” mahnıları ifa olundu.
Musiqili-ədəbi-bədii gecənin sonunda “Vətən mənə oğul desə” adlı kitab sərgisinə baxış keçirildi.



Cəfər Cabbarlı adına Respublika Gənclər Kitabxanasının İctimai Hüquqi İnformasiya Mərkəzində 18-22 aprel 2016-cı il tarixlərdə "Kitabxana işinin modernləşdirilməsi, kitabxanaların fəaliyyətinin optimallaşdırılması" mövzusunda treninq keçiriləcəkdir.



Cəfər Cabbarlı adına Respublika Gənclər Kitabxanasında 30 mart 2016-cı il tarixdə 31 mart azərbaycanlıların soyqırımı günü münasibəti ilə “Unudulmayan tarix, unudulmayan faciə” mövzusunda tədbir keçirildi.
Tədbir Azərbaycanın suverenliyi, ərazisinin toxunulmazlığı uğrunda şəhid olanların xatirələrinin bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın elmi işlər üzrə direktor müavini Xalidə Musayeva açıb çıxışını dahi rəhbər, ümümmilli lider Heydər Əliyevin «Tarixi yaddaşsızlıq və unutqanlıq xalqımıza baha başa gələ bilər. Azərbaycanlılara qarşı zaman-zaman törədilən ağır cinayətləri unutmamaq, böyüyən nəsli bədxah qüvvələrin məkrli niyyətlərinə qarşı ayıq-sayıqlıq ruhunda tərbiyə etmək mühüm vəzifədir» sözləri ilə başladı. Qeyd etdi ki,1918-ci ilin mart ayından etibarən əks-inqilabçı ünsürlərlə mübarizə şüarı altında Bakı Kommunası tərəfindən ümumən Bakı quberniyasını azərbaycanlılardan təmizləmək məqsədi güdən mənfur plan həyata keçirilməyə başlandı. Həmin günlərdə ermənilərin törətdikləri cinayətlər Azərbaycan xalqının yaddaşına əbədi həkk olundu. Minlərlə dinc azərbaycanlı əhali yalnız milli mənsubiyyətinə görə məhv edildi. Azərbaycanlıların soyqırımı Bakı, Şamaxı, Quba qəzalarında, Qarabağda, Zəngəzurda, Naxçıvanda, Lənkəranda və Azərbaycanın başqa bölgələrində xüsusi qəddarlıqlarla həyata keçirildi.
Böyük kitabxanaçı Tamella Məmmədova çıxış edərək bildirdi ki, mart hadisələri əslində bolşeviklərin daşnaklarla birlikdə həyata keçirdikləri milli qırğın idi. Bu qırğının əsas təşkilatçısı olan Stepan Şaumyan özü də 1918-ci il aprelin 13-də RSFSR XKS-ə yazdığı məktubunda etiraf etmişdi: "Biz süvari dəstəmizə birinci silahlı hücum cəhdindən bəhanə kimi istifadə etdik və bütün cəbhə boyu hücuma keçdik. Bizim altı min nəfərə yaxın silahlı qüvvələrimiz var idi. "Daşnaksütyunun" da üç-dörd min nəfərlik milli hissələri var idi ki, bunlar da bizim ixtiyarımızda idi. Milli hissələrin inkişafı vətəndaş müharibəsinə qismən milli qırğın xarakteri vermişdi, lakin buna yol verməmək mümkün deyildir. Biz bilərəkdən buna yol verdik". Azərbaycan xalqına qarşı törədilmiş bütün soyqırım faciələrini qeyd etmək məqsədilə ümümmilli lider Heydər Əliyev 27 mart 1998-ci il tarixli «31 mart Azərbaycanlıların Soyqırımı haqqında» fərmanı ilə mart ayının 31-ni Azərbaycanlıların Soyqırım günü elan edilmişdir.
Böyük kitabxanaçı Yeganə Sadıqlı çıxışında dedi ki, azərbaycanlıların mart soyqırımı 1918-ci ilin 30 mart - 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələri tərəfindən qəddarlıqla həyata keçirilib. Ermənilərin “Böyük Ermənistan” yaratmaq kimi qondarma ideyanın gerçəkləşməsi yolunda atdıqları addımlar azərbaycanlılara qarşı kütləvi qətllərin və soyqırım aktlarının reallaşması ilə nəticələndi. Bu qanlı tarix qısa fasilələrlə bütün 20-ci əsr boyu dönə-dönə təkrarlandı. İndi o qanlı tarixdən 98 il ötür.
Baş kitabxanaçı Vüsalə Yusifova çıxışında əvvəlcə Azərbaycan Respublikasının Prezidenti İlham Əliyevin “Bizim ata-baba torpağımız olan İrəvan xanlığı, Zəngəzur mahalı, digər torpaqlar indi Ermənistan dövləti üçün torpaq olubdur. Bunlar bizim tarixi torpaqlarımızdır, ancaq biz Ermənistana qarşı torpaq iddiası irəli sürmürük. Halbuki, sürə bilərik. Çünki indiki Ermənistanın yerləşdiyi ərazi qədim türk, Azərbaycan torpaqlarıdır” sözlərini söylədi. Sonra qeyd etdi ki, ermənilərin Qafqazda törətdikləri qırğınlar və soyqırım aktları bir fakta əsaslanır. Onlar nəyin bahasına olursa-olsun Azərbaycan torpaqlarında məskunlaşmaq və oborigen xalq olduqlarını təsdiqləməyə çalışırdılar. Bu mənfur niyyəti reallaşdırmağın yolu isə azərbaycanlıların kütləvi soyqırımından, qanlı talanlardan və deportasiya siyasətindən keçirdi. 1918-ci ilin martında Bakıda və Azərbaycanın digər bölgələrində həyata keçirilən dəhşətli soyqırım aktı ermənilərin Qafqazda məskunlaşması üçün real nəticə oldu.
İncəsənət şöbəsinin müdiri Mehriban Abbasova, böyük kitabxanaçı Təranə Mehdizadə, şöbə müdiri Xəyalə Məmmədova da 31 mart azərbaycanlıların soyqırım faktları, Stepan Şaumyan başda olmaqla daşnaksütyun partiyasının qanlı cinayətlərindən danışdılar.
Tədbir boyu 31 mart azərbaycanlıların soyqırımını əks etdirən slaydlar nümayiş etdirildi.
Tədbirin sonunda “Soyqırım, genosid” adlı kitab sərgisinə baxış keçirildi.



C.Cabbarlı adına Respublika Gənclər Kitabxanasında 16 mart 2016-cı il tarixdə şair-publisist Qəşəm İlqar Ruhdaşın “Üçüncü dünyanın sakinləri” kitabının təqdimatı keçirildi.
Təqdimat mərasimini giriş sözü ilə kitabxananın direktoru Tahir Sadıqov açaraq şair-publisist Qəşəm İlqar Ruhdaşın ədəbi fəaliyyəti haqqında geniş məlumat verib qeyd etdi ki, onun yaradıcılığı təfəkkür adamının, fikir, düşüncə sahibinin qələminin dəyərli məhsuludur. “Üfüqdən qüruba”, “Həsrətin yolları necə uzunmuş”, “Kamil qaboyunun hekayətləri”, “Biz də uşaq olmuşuq”, “Olum-ölüm”, “Sevgi vadisi” və sair kitablarında olduğu kimi, müəllif “Üçüncü dünyanın sakinləri” əsərində də bu ideyanı davam etdirmişdir. Kitabdakı real hadisələr əsasən ötən əsrin 70-ci illərində cərəyan etsə də qələmə alınarkən bəzi məlumatlar bu günümüzlə səsləşən şəkildə verilmişdir. Q.İlqarın həbsxana divarları arxasında gördüklərini təsvir etməsi məhz öz çəkdiklərinin, həm də ətrafında baş verənlərin real inikası kimi hər bir oxucuda maraq doğurur.
Şair-publisist Qəşəm İlqar Ruhdaş “Üçüncü dünyanın sakinləri” əsərinin qələmə alınmasının əsas səbəblərindən danışarkən bildirdi ki, kitab tələbəlik illərində taleyində rastlaşdığı real hadisələrin məhsuludur. Məhz bu arzuolunmaz real hadisə də onun qırx səkkiz günlük həbsxana həyatı yaşamasına səbəb olmuşdur. Üçüncü dünya yerin üstü ilə tərkinin,- qaranlıqla aydınlığın arasındakı alatoran bir dünyadır. Bura Bayıl həbsxanasıdır. Həbsxana həyatı haqqında real hadisələri əks etdirən bu kitab oxucunu sarsıdan və düşündürən, insanı fiziki əzabla yanaşı həm də mənəvi müxtəlif işgəncələrə düçar edən mühitin canlı təsviridir. Çıxışını özünün müəllifi olduğu “Mən heç nəyə dəyişmərəm”, “Ana” şerlərini söyləməklə bitirir.
“Dünya Azərbaycanlılarının Beynəlxalq Həmrəyliyi” ictimai birliyinin sədri Tofiq Əlizadə çıxışında bildirdi ki, əsl yazıçı həyatı düzgün dərk etməlidir. Milli-mənəvi dəyərlərin qorunduğu bir vaxtda reallığı əks etdirən əsərlərə daha çox üstünlük verilməlidir. Kitabda Q.İlqar barmaqlıqlar arxasındakı həyatı dünyəvi varlıq kimi qəbul etmir, əlahiddə yaşayış forması kimi oxuculara təqdim edir. Müəllif əsər boyu bildirmək istəyir ki, insan bu dünya ilə o dünya arasındakı üçüncü dünyanı özü tapır. Həmin üçüncü dünya isə çox arzuolunmaz məkan və dəhşətli bir yerdir. Kitabın başlıca məziyyəti də oxucuya bu fikri aşılamaqdan ibarətdir.
“Carçı nyus” qəzetinin baş redaktoru Gülnarə Əmirquliyeva çıxışında qeyd etdi ki, gərək elə yaradasan ki, o yaradıcılıqda xalqı ifadə edə biləsən. Q.İldar da belə yaradıcı insanlardandır. Onun yaradıcılığını izlədikcə sənət aləmində özünəməxsus yolu olduğunu görmək çətin deyil. “Üçüncü dünyanın sakinləri” kitabında məkanı bir olsa da müəllif böyük məharətlə müxtəlif zamanları sintez edə bilmişdir. Bunun sətiraltı mənası isə belə anlaşılır ki, zaman dəyişsə də həmin məkanın durumu dəyişmir. Orada insanların fiziki və mənəvi deqredasiyası davam edir.
“MODERN RN” Nitq İnkişafı Mərkəzinin meneceri Bahar Məmmədova şair-publisist Q.İlqarın ədəbi yaradıcılığı, həmçinin, “Üçüncü dünyanın sakinləri” əsəri haqqında danışandan sonra müəllifin “Xatirəyə dönən eşqim” şerini söyləyir.
Tədbirdə həmçinin, “Azərbaycan-İraq Mədəni Əlaqələr” ictimai birliyinin sədri Tahirə Məmmədova, həmin mərkəzin təşkilatçı kordinatoru Kamran Hacıyev, Respublika Veteranlar və Ağsaqqallar Şurasının üzvü Sevil İsrafilova, şair Şahlar Baba, “MODERN RN” Nitq İnkişafı Mərkəzinin psixoloqu Əfsanə Rüstəmova da iştirak edirdilər.
Tədbirin sonunda şair-publisist Qəşəm İlqar Ruhdaş “Üçüncü dünyanın sakinləri” kitabından bir neçə nüsxə kitabxanaya hədiyyə verdi.



Cəfər Cabbarlı adına Respublika Gənclər Kitabxanasında 24 fevral 2016-cı il tarixdə Xocalı faciəsinin 24-cü ildönümünə həsr olunmuş “Güllə yağışı, qan seli” adlı tədbir keçirildi.
Tədbir vətənin azadlığı, müstəqilliyi uğrunda həlak olanların xatirələrinin bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın direktoru Tahir Sadıqov açaraq çıxışına Azərbaycanın ümummilli lideri Heydər Əliyevin "Bu amansız və qəddar soyqırım aktı insanlıq tarixinə ən qorxulu kütləvi terror aktlarından biri kimi daxil oldu" sözləri ilə başladı. Qeyd etdi ki, Xocalı faciəsi Azərbaycan tarixinə ən dəhşətli və qanlı səhifələrdən biri kimi daxil olmuşdur. 1992-ci il fevral ayının 25-i axşam toplardan və ağır artilleriyadan şiddətli atəşə tutulan Xocalı şəhəri 26-a keçən gecə erməni silahlı qüvvələri və SSRİ dövründən Xankəndi şəhərində yerləşən 366-cı motoatıcı alayın zirehli texnikası, hərbi heyətinin köməkliyi ilə tam işğal olundu. Mühasirəyə alınan şəhərdə qalmış təqribən 2500 nəfər Ağdam rayonunun mərkəzinə çatmaq ümüdi ilə şəhəri tərk edən Xocalı sakinlərindən 63-ü uşaq, 106-sı qadın, 70-i qoca və ahıl olmaqla – 613 nəfər qətlə yetirildi, 8 ailə tamamilə məhv edildi, 25 uşaq hər iki valideynini, 130 uşaq valideynlərindən birini itirdi, 1275 nəfər əsir, 150 nəfər isə itkin düşdü. Bu hadisə 1992-ci ildən Azərbaycanda və qardaş Türkiyədə "Xocalı qətliamı", "Xocalı soyqırımı" kimi anılır.
Nümayiş etdirilən “Xocalı faktlarla” sənədli filmi tədbir iştirakçılarına o qanlı qətliamı bir daha yaşatdı.
Xocalı şəhərinin sabiq polis rəisi, mayor Sabir Məmmədov o qanlı hadisələrin canlı şahidi kimi bildirdi ki, ermənilərin "Xocalı döyüşü", "Xocalı hadisəsi" terminləri ilə adlandırdıqları bu faciə XX-ci əsrin silinməz ləkəsidir. Ermənilərin Xocalını yer üzündən silməkdə əsas məqsədləri Qarabağın dağlıq hissəsində azərbaycanlılardan ibarət olan, strateji əhəmiyyətli maneəni aradan qaldırmaq və ümumiyyətlə, Xocalını yer üzündən birdəfəlik silmək idi. Çünki, Xocalı elə bir yaşayış məskəni idi ki, o, Azərbaycan tarixinin qədim dövrlərindən müasir dövrə qədər tarix və mədəniyyət ənənələrini özündə əks etdirirdi. Ərazilərimiz işğal olunan gündən bizim əsas məqsədimiz şəhidlərimizin ruhlarını şad etmək üçün torpaqlarımızın düşmən əsarətindən xilası və qalibiyyətdir. S.Məmmədov çıxışının sonunda təklif etdi ki, Xocalı faciəsinə həsr olunmuş monumental əsər yaradılmalsın, şəhərin elə bir yerində qoyulsun ki, ölkəmizə gələn bütün xarici qonaqlar onu görsünlər.
“Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə öz çıxışında qeyd etdi ki, Ermənistanın hərbi-siyasi təcavüzü dünya ictimaiyyəti tərəfindən ittiham edilməlidir. Bütün beynəlxalq hüquq normalarına zidd olaraq Ermənistan dövləti Dağlıq Qarabağı özünə birləşdirmək istəyir, bu yolda bütün cinəyət və vəhşiliyə hazır olduqlarını nümayiş etdirirlər. XX əsrin faciəsi olan Xocalı soyqırımı bu aqressiv və cinayətkar erməni siyasətinin nəticəsi və əyani sübutudur. Bu faciə təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir. Biz Ali Baş Komandanımız, Azərbaycan Respublikasının Prezidenti İlham Əliyevin əmri ilə vətənin müdafiəsi naminə, torpaqlarımızın azğın düşmənlərdən azad edilməsi, minlərə günahsız, ən qatı zorakılıqla məhv edilmiş soydaşlarımızın, namusu tapdalanmış ana-bacılarımızın intiqamını almaq üçün döyüşə getməyə həmişə hazır olmalıyıq.
Həkim-şair Şahlar Baba çıxışında Azərbaycanın qədim yaşayış məskənlərindən biri olan Xocalının yerləşdiyi təbii şəraitdən, coğrafi mühitdən, törənən qətliama qədər zəhmətsevər xalqımızın yaradıcı əməyi nəticəsində çiçəklənən müasir bir şəhərə çevrilməsindən söhbət açdı. O, qeyd etdi ki, erməni faşizminin mənfur xislətini tamamilə ifşa edən bu kütləvi və amansız soyqırım aktını Azərbaycanın dövlət müstəqilliyinə və ərazi bütövlüyünə qarşı çevrilmiş terror siyasətinin təzahürü olmaqla bəşəriyyətə qarşı və insanlıq əleyhinə törədilmiş qəddar cinayət kimi qiymətləndirilir. 1991-ci ilin payızından Xocalı erməni silahlı dəstələri tərəfindən blokadaya alınmış, Dağlıq Qarabağdan daxili qoşunlar çıxarıldıqdan sonra tam blokadaya düşmüş, 1992-ci ilin yanvarından elektrik enerjisinin verilməməsi nəticəsində hətta işıqsız qalmışdır. Bütün bunlar ermənilərin həyata keçirəcəkləri qətliama hazırlıq idi.
Tədbirdə həmçinin, “Carçı nyus” jurnalının baş redaktoru Gülnarə Əmirquliyeva, AZMİU-nun baş müəllimi Abutel Mirzəyeva, “MODERN RN” Nitq İnkişafının Mərkəzinin direktoru Nigar Muradova, həmin mərkəzin meneceri Bahar Məmmədova, Qarabağ müharibəsi veteranı Fəxrəddin Rəcəbov, Respublika Veteranlar və Ağsaqqallar Şurasının üzvü Sevil İsrafilova, şair Qəşəm İlqar, “İmarət” azarkeş qrupunun üzvləri Qabil Hüseyn, Ülvü Yolçuyev, Elnur Quliyev, Uğur Talıblı, Rüfət Muradi, Mehman Mehdizadə, Murad Adilov, Nihat İzzətli, Hüseyn Qəmərli, Fərid Mirzəli, Tural Xalıqov, AZMİU-nun tələbələri də iştirak edirdilər.
Tədbirin sonunda “Xocalı faciəsi - 24” adlı kitab sərgisinə baxış keçirildi.



Cəfər Cabbarlı adına Respublika Gənclər Kitabxanasında 12 fevral 2016-cı il tarixdə yazıçı, tarixçi-tədqiqatçı Nazim Tapdıqoğlunun “Ermənistanın Azərbaycana təcavüzünün faciəli nəticələri –(1988-1994)” kitabının təqdimat mərasimi keçirildi.
Tədbir vətənin azadlığı, suverenliyi uğrinda həlak olanların ruhlarının bir dəqiqəlik sükutla yad edilməsindən sonra başladı.
Təqdimat mərasimini giriş sözü ilə kitabxananın elmi işlər üzrə direktor müavini Xalidə Musayeva açıb qeyd etdi ki, 1977-ci ildən ədəbi yaradıcılığa şer, məqalə, oçerk, publisistik yazıları ilə gələn Nazim Tapdıqoğlu ümumilikdə qırx beş kitabın müəllifidir. Onun yaradıcılığında əsas yeri rayonların toponimlərini ayrıca kitab şəklində çap etdirdiyi əsərləri tutur. Füzuli, Zəngilan, Kəlbəcər, Ağdam, Laçın, Xocavənd, Xocalı, Qubadlı, Şuşa, Cəbrayıl, Ağcabədi, Kürdəmir, Saatlı, Neftçala, Şəmkir və sair rayonların toponimlərini ayrıca kitab şəklində çap etdirən yazıçı bu rayonların coğrafiyası, əhalisi, memarlıq abidələri, tanınmış musiqiçiləri, şəhid və itkiləri, təbiəti, arxeologiyası, görkəmli şəxsiyyətləri haqqında geniş məlumatlar vermişdir. Bir həqiqəti də bildirmək lazımdır ki, kitablardakı faktlar, rəqəmlər son illərin statistik məlumatlarına əsaslanır.
“Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə çıxış edərək bildirdi ki, “Ermənistanın Azərbaycana təcavüzünün faciəli nəticələri –(1988-1994)” kitabında 1988-ci ilin fevralından başlayan və 12 may 1994-cü ilə qədər davam edən Qarabağ müharibəsində Azərbaycanın erməni silahlı qüvvələri tərəfindən işğal olunmuş şəhərləri, rayonları, qəsəbələri, kəndləri, -bütövlükdə 900 yaşayış məntəqəsi haqqında ətraflı məlumatlar öz əksini tapmışdır. Vətənpərvərlik ruhunda yazılan və gərgin zəhmət hesabına araya-ərsəyə gətirilən bu dəyərli kitab uzaq və yaxınımızı öyrənmək, ümumilikdə kimliyimizi bilmək, onu dərk etmək baxımından hər bi ev, hər bir ailə üçün gərəklidir. Bu qiymətli kitab bütün oxucu kütlələri üçün nəzərdə tutulmuşdur.
Müəllif Nazim Tapdıqoğlu öz çıxışında kitabın yazılma səbəbindən bəhs edərək bildirdi ki, 1988-ci ildən başlayan Qarabağ müharibəsində 12 may 1994-cü il tarixə,-atəşkəsə qədər ümumilikdə 900 yaşayış məntəqəsini itirmiş və 19 300 şəhid vermişik. Ermənistan silahlı qüvvələri tərəfindən Azərbaycan Respublikası ərazilərinin işğalı nəticəsində ölkəmizə çoxlu maddi və mənəvi ziyan dəymişdir. Azərbaycan torpaqlarının işğalı nəticəsində ölkəmizin məruz qaldığı itki və tələbatları Beynalxalq Qiymətləndirmə Standartları əsasında və beynalxalq ekspertlərin iştirakı ilə dəyərləndirilməsi gündəmdə olan məsələlərdəndir. Qarabağ müharibəsi nəticəsində işğal altında qalan torpaqlarımıza həsr olunmuş bu kitab da bizim həyata keçirməli olduğumuz işlərin tərkib hissələrindən biridir.
ADMEA-nın tarix İnstitutunun “Qarabağ tarixi” şöbəsinin müdiri, tarix elmləri doktoru Qasım Hacıyev çıxış edərək Nazim Tapdıqoğlunun həyat və yaradıcılıq fəaliyyətindən danışdı. O qeyd etdi ki, son dərəcə qiymətli tədqiqat səviyyəli bu kitabda başı tarixən min bir bəlalar çəkmiş Azərbaycanın ayrı-ayrı illərdə üzləşdiyi fəlakət və faciələrin təqvim tarixləri toplanmışdır. Kitab faciəli, amma eyni zamanda dəyərli tarixi keçmişimizi əks etdirən və bu səpkidə ürəklə, əsil vətənpərvərlik ruhu, türkçülük eşqi ilə yazılan sistemli, universal nəşrdir. Gərgin axtarışlar və böyük zəhmət tələb edən kitab geniş oxucu auditoriyası üçün nəzərdə tutulmuşdur. Biz inanırıq ki, bu kitab gənc nəslin milli vətənpərvərlik ruhunda tərbiyə almasında çox böyük rol oynayacaqdır.
“Musavat” partiyasının məclis sədri Nüşabə Sadıqlı çıxışında bildirdi ki, Nazim Tapdıqoğlu bu kitabda gördüklərini, şahidi olduqlarını ürək ağrısı ilə qələmə alıb. Xalqın öz haqlarını, itirdiklərini, qazandıqlarını bilməsi üçün belə kitablara çox böyük ehtiyacı vardır. Belə kitablar bütün dünyaya yayılmalı və təbliğ olunmalıdır. Azərbaycan xalqı heç zaman cəsarətini, milli qürurunu itirməyib. Qələbə qazanmaq üçün də xalqa məhz cəsarət, milli qürur, vətənpərvərlik hissinin yüksək olması gərəkdir.
Təqdimat mərasimində həmçinin, Bakı Dövlət Universitetinin professoru Nadir Məmmədov, tarix elmləri namizədi Güntəkin Nəcəfli, ADİU-nin müəllimi İlqar Məmmədov, “Avropa şurası” qəzetinin baş redaktoru Əmin Ərəstunoğlu, “Ulu zirvə” qəzetinin müxbiri Arif Osmanoğlu, “Ulu məkan” qəzetinin baş redaktoru Əlivahid Çayer, “Həkəri” qəzetinin müxbirləri Rza Türkelli, Təranə Sübhən, idtisadçı İftixar Zeynalov, Yasamal rayonu 225 saylı orta məktəbin müəllimi Firuddin Eyvazov, Qarabağ müharibəsi veteranı Vidadi Hüseynov, Şuşa məktəbinin direktoru Gülmira Ağayeva, yazıçı-publisist Əlinasir İmanlı, bəstəkar Sevinc Tofiqqızı, şairlər Şahlar Baba, Zakir Ağdamlı da iştirak edirdilər.
Təqdimat mərasininin sonunda yazıçı, tarixçi-tədqiqatçı Nazim Tapdıqoğlu müəllifi olduğu “Ermənistanın Azərbaycana təcavüzünün faciəli nəticələri(1988-1994)” adlı kitabından bir neçə nüsxə kitabxanaya hədiyyə etdi.



Cəfər Cabbarlı adına Respublika Gənclər Kitabxanasında 04 fevral 2016-cı il tarixdə sabiq polis rəisi Sabir Məmmədovun “Tarixi saxtalaşdırmaq cinayətdir” adlı kitabının təqdimat mərasimi keçirildi.
Tədbir vətənin ərazi bütövlüyü, müstəqilliyi uğrunda həlak olanların ruhlarının bir dəqiqəlik sükutla yad edilməsindən sonra başladı.
Təqdimat mərasimini kitabxananın direktoru Tahir Sadıqov açaraq bildirdi ki, Heydər Əliyev fondunun vitse-prezidenti Leyla Əliyevanın təşəbbüsü ilə başlanmış, bütün dünya birliyi tərəfindən dəstəklənən “Xocalıya ədalət” kampaniyasını genişləndirməkdə məqsəd ermənilərin azərbaycanlılara qarşı törətdiyi soyqırım barədə həqiqətləri dünya ictimaiyyətinə çatdırmaqdır. Xocalı faciəsinin şahidi olan Xocalı polis bölməsinin ilk və sonuncu rəisi Sabir Məmmədovun qələmə aldığı “Tarixi saxtalaşdırmaq cinayətdir” kitabı Qarabağ müharibəsi ilə bağlı cəbhə xatirələri və işlədiyi müddətdə göstərdiyi şücaətdən bəhs edir. Xocalı, Ağdam, Goranboy cəbhəsində gedən döyüşlərdə fəal iştirak etmiş müəllif kitabda həmin vaxt Xocalıda tüğyan edən hadisələrdən, xocalıların başlarına gələn müsibətlərdən söhbət açır.
Kitabın müəllifi keçmiş polis rəisi, mayor Sabir Məmmədov şahidi olduğu Xocalı hadisələrdən ürək yanğısı ilə danışdı. O, qeyd etdi ki, bu kitabı yazmaqda əsas məqsədi Xocalı soyqırımını, Dağlıq Qarabağ həqiqətlərini nəinki ölkəmizdə, hətta, bütün dünyaya tanıtmaqdır. Xocalı soyqırımı XX-ci əsrin silinməz ləkəsidir. Hadisələri ardıcıllıqla izləsək aydın görərik ki, başımıza gətirilən olaylar tarixdə eyni ssenari üzrə cərəyan edir. Azərbaycan xalqı qürurludur, düşmənə baş əyməzdir. Biz həmişə milli genefondumuzu, adət-ənənələrimizi qoruyub saxlaya bilmişik. Bu bir faktdır ki, ermənilər tarixən təkcə Azərbaycana yox, bütün türk dünyasına qarşı torpaq iddiasında olmuşlar. Buna son qoymaq üçün biz ümmummilli lider Heydər Əliyevin layiqli davamçısı, Azərbaycan Respublikasının Prezidenti İlham Əliyevin ətrafında sıx birləşməli və onun yürütdüyü siyasətə tam dəstək olmalıyıq.
Yazıçı Tofiq Seyidzadə öz çıxışında qeyd etdi ki, 1993-cü ildə xalqın təkidi ilə ümummilli lier Heydər Əliyev yenidən hakimiyyətə qayıtdıqdan sonra Azərbaycanda baş verən ictimai-siyasi proseslərə həm hüquqi, həm də siyasi qiymət verildi. Bu gün Azərbaycan diplomatiyası tərəfindən Xocalı soyqırımı haqqında həqiqətlərin dünya ictimaiyyətinə çatdırılması istiqamətində intensiv işlər aparılır. Azərbaycan Respublikasının Prezidenti İlham Əliyevin uğurlu diplomatiyası sayəsində dünyanın bir sıra ölkələrində Xocalı faciəsindən bəhs edən tədbirlər keçirilir, abidələr ucaldılır.
Əməkdar həkim Tariyel Eyvazov çıxışında bildirdi ki, Xocalı faciəsi tarixin yaddaşına qara hərflərlə yazılmış bir gündür. Xocalı soyqırımı analoqu olmayan ümumbəşəri bir faciədir. Bu hadisələrin canlı şahidi kimi onu deyə bilərəm ki, bəşəriyyətin ən qədim yaşayış məskənlərindən biri olan Xocalı bir gecənin içində yerlə-yeksan edildi. Qanlı qırğından sağ qalan əhali dağlara, meşələrə qaçdı. Dinc əhalini təqib edən ermənilər onları güllələyir, əsir düşənlərə isə amansız işgəncələr verirdilər. Bu soyqırımın nəticələri dəhşətli idi. Erməni qəsbkarlarının cinayətləri cəzasız qalmamalıdır. Biz gənclərimizə, yeni yetişən gənc nəslə bu dəhşətli həqiqətləri açıb bildirməli, onları mübariz , vətənpərvər, Azərbaycanın adına layiq böyütməliyik.
Təqdimat mərasimində həkim-şair Zakir Ağdamlı, “Respublika “qəzetinin xüsusi müxbiri Rauf İlyasoğlu, Qarabağ döyüşçüsü Arif Məhərrəmov, tarixçi-tədqiqatçı Nazim Tapdıqoğlu, Xocalı Rayon İcra Hakimiyyətinin nümayəndəsi Xəlil Vəliyev, “Vətənim zəfər yolu” qəzetinin təsisçisi və baş redaktoru Novruz Quliyev, “Carçı nyus” qəzetinin baş redaktoru Gülnarə Əmirquliyeva, Azərbaycan Radiosunun əməkdaşı Hüsniyyə İsmayıllı, Respublika Veteranlar və Ağsaqqallar Şurasının üzvü Sevil İsrafilova, yazıçı-publisist Ziyadxan Nəbibəyov, yazıçı Tanrıverdi Abbasov, şairlər Aydın İsmayılov, Simuzər Nüsrətbəyli, Sənəm Səbayil da Xocalı soyqırımından, törədilən vəhşiliklərdən danışdılar. Onlar “Tarixi saxtalaşdırmaq cinayətdir” kitabını yazıb ictimaiyyətə təqdim etdiyinə görə müəllif Sabir Məmmədova öz təşəkkürlərini bildirdilər.
Təqdimat mərasiminin sonunda müəllif Sabir Məmmədov tərəfindən kitabxanaya bir neçə nüsxə “Tarixi saxtalaşdırmaq cinayətdir” kitabından hədiyyə verildi.



C.Cabbarlı adına Respublika Gənclər Kitabxanasında 02 fevral 2016-cı il tarixdə “Sabahı düşünən gənclik” - 2 fevral Gənclər günü münasibəti ilə dəyirmi masa keçirildi.
Tədbir Azərbaycanın torpaqlarının toxunulmazlığı, istiqlaliyyəti uğrunda şəhid olan gənclərin ruhlarının bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın elmi işlər üzrə direktor müavini Xalidə Musayeva açaraq qeyd etdi ki, 02 fevral tarixi 1997-cı ildən Azərbaycanda Gənclər günü kimi qeyd olunur. Azərbaycan Respublikası gənclərinin İ forumu ilk dəfə 1996-cı ilin 02 fevral tarixində keçirilib. 1997-ci ildən fevral ayının 2-si ümummilli lider, dahi rəhbər Heydər Əliyevin sərəncamı ilə Azərbaycan Respublikasında Gənclər günü elan olunub. Gənclər günü MDB məkanında və Şərqi Avropa ölkələri arasında ilk dəfə olaraq Azərbaycanda qeyd olunub. Dünyada yalnız 1998-ci il avqustun 8-dən 12-dək Lissabonda keçirilən Konfransda BMT-nin qərarı ilə avqustun 12-si gənclər günü elan edilmişdir. Azərbaycan gəncliyi həmişə respublikanın ictimai-siyasi həyatında, mədəniyyət və incəsənətinin inkişafında özünəməxsus rol oynamışdır. Azərbaycanda hər il Gənclər günündə bütün istiqamətlər üzrə gənclər yekun hesabat verirlər. Azərbaycan gəncləri Azərbaycanın qüruru, sabahı, rifahının təkanverici qüvvəsi və gələcəyidir. Hər bir xalqın tarixində onun borclu olduğu şəxsiyyətlər vardır. Azərbaycan xalqı da bu günü və sabahı üçün ulu öndərimiz Heydər Əliyevə borcludur.
Bakı Dövlət Universitetinin kitabxanaçılıq və informasiya fakültəsinin beşinci kurs tələbəsi Humay Babazadə çıxışında müasir gəncliyin vətənpərvərliyindən, torpaqlarımızın toxunulmazlığı uğrunda göstərdiyi qəhrəmanlıqlarından, şəhidliyi uca tutub ölümü də şərəflə qəbul etmələrindən danışdı. Dahi rəhbər, ümummilli lider Heydər Əliyev gənclərlə bağlı siyasəti müasir Azərbaycan dövlətinin ən mühüm fəaliyyət istiqamətlərindən biri kimi dəyərləndirirdi. Hələ ötən əsrin 70-80- ci illərində dahi rəhbərin diqqət və qayğısı sayəsində minlərlə azərbaycanlı gənc keçmiş SSR-nin aparıcı ali məktəblərinə müxtəlif ixtisaslar üzrə təhsil almağa göndərilmişdi. Bu gün də bu ənənəni Azərbaycan Respublikasının Prezidenti İlham Əliyev uğurla davam etdirir. Dövlət başçısının gənclərin xaricdə təhsil almasına dəstək verən qərarlar qəbul etməsi bunun əyani sübutudur.
Bakı Dövlət Universitetinin kitabxanaçılıq və informasiya fakültəsinin beşinci kurs tələbəsi Nurlan Nuriyev çıxışında bildirdi ki, ulu öndər Heydər Əliyevin gəncliyə və gənclərə etimadı indi öz təsdiqini tapmaqdadır. Bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Azərbaycan Respublikasının Prezidenti İlham Əliyev ulu öndərin gənclər siyasətinə sadiqliyini öz qərarları ilə təsdiq edir. Gənclər siyasətində idmanın inkişaf etdirilməsi və onun kütləvililiyinin artırılması da mühüm yer tutur. Dövlət başçısının ardıcıl səyləri nəticəsində Azərbaycan dünyanın qabaqcıl idman ölkələrindən birinə çevrilib. Beləliklə, Azərbaycanda gəncliyə dövlət qayğısı sabaha və uğurlara hesablanan bir siyasətdir. Bu siyasət sağlam və intellektual nəslin formalaşmasına xidmət edir.
Bakı Dövlət Universitetinin kitabxanaçılıq və informasiya fakültəsinin beşinci kurs tələbəsi Hüsniyyə Sultanova çıxış edərək gənclərimizin bu günkü yaşamından, gördükləri işlərdən danışaraq bildirdi ki, gənclik bir millətin yaşaması, inkişafı üçün təməl daşıdır. Güc və qüvvətin, mübarizə və əzmin zirvədə olduğu bir dövrdür. Azərbaycan gəncliyii daim inkişaf edir, gün-gündən böyüyərək tərəqqi edir. Müasir gəncliyin dünyagörüşü, əldə etdikləri nailiyyətlər bizi çox sevindirir. Biz gənclərimizlə fəxr edirik və arzulayırıq ki, Azərbaycan gəncləri yeni-yeni uğurlar əldə etsinlər, bayrağımızı zirvələrə ucaltsınlar.
C.Cabbarlı adına Respublika Gənclər Kitabxanasının böyük kitabxanaçısı Tamella Məmmədova 02 fevral Azərbaycanda Gənclər gününün tarixindən, müasir gəncliyin uğurlarından danışandan sonra özünün tərtib etdiyi “2 fevral Azərbaycanda Gənclər günüdür” biblioqrafik icmal, həmçinin , Azərbaycan gənclərinin uğurlarına, nailiyyətlərinə həsr olunan ədəbiyyatlar haqqında da tədbir iştirakçılarına geniş məlumaat verdi.
Tədbirdə Bakı Dövlət Universitetinin, Azərbaycan Dövlət Mədəniyyət və İncəsənət Universitetinin tələbələri iştirak edirdilər.
Tədbir boyu Azərbaycanın idman şərəfini qoruyan, dəfələrlə dünyanın bir çox ölkələrində Azərbaycan bayrağını ucaldan, himnini səsləndirən gənc idmançıların uğurlarını əks etdirən slaydlar nümayiş etdirildi.
Tədbirin sonunda “Azərbaycanın fəxri- Azərbaycan gəncliyi” adlı kitab sərgisinə baxış keçirildi



C.Cabbarlı adına Respublika Gənclər Kitabxanasında 26 yanvar 2016-cı il tarixdə şairə-publisist Simuzər Nüsrətbəylinin təsis etdiyi “Şam” ədəbi məclisinin üzvləri ilə görüş keçirildi.
Tədbiri giriş sözü ilə kitabxananın direktoru Tahir Sadıqov açıb qeyd etdi ki, XIX əsr ədəbi məclislərin meydana çıxması baxımından ən məhsuldar dövrdür. Sənət adamlarının, xüsusilə şairlərin, ədiblərin bir araya toplanması, ədəbi məclislər təşkil etməsinin tarixi çox qədimdir. Görüb-götürmək, bir-birindən öyrənmək, fikir birliyinə nail olmaq baxımından bu məclislərin çox böyük əhəmiyyəti olmuşdur. Ədəbi məclisə o adamlar toplaşmışlar ki, onların dünyagörüşü, yaradıcılıq istiqaməti, bədii zövqü bir-birinə yaxın olmuşdur. Şairə-publisist Simuzər Nüsrətbəylinin təsis etdiyi “Şam” ədəbi məclisi də belə məclislərin bir növ davamıdır.
Şairə-publisist Simuzər Nüsrətbəyli çıxışında bildirdi ki, bir çox Azərbaycan ziyalılarının xeyir-duası ilə 1999-cu ildə “Şam” ədəbi məclisini yaratmışdır. Bu məclisin fəaliyyət göstərdiyi uzun illər ərzində çoxlu sayda tədbirlər keçirilmişdir. Bu tədbirlərdə Anar, Çingiz Abdullayev, Oqtay Rza, onlarla şair və yazıçı, rəssamlarla görüşlər keçirilmişdir. “Şam” ədəbi məclisinin əsas qayəsi ədəbiyyat, incəsənət xadimlərinin əsərlərinin oxunub təqdim edilməsi, ümumi fikir mübadiləsinin aparılmasıdır. S.Nüsrətbəyli çıxışının sonunda müəllifi olduğu “Şəhidlərə himn” şerini söylədi.
Şairə-publisist Mərcan Şahbuzlu çıxışında bildirdi ki, ilk üç kitabı “Baxışlı” imzası ilə çap olunan, sonralar Nüsrətbəyli imzası ilə yaradıcılığını davam etdirən Simuzər xanım öz əsərlərində “ana”, “vətən” məvhumlarını baş tacı etmişdir. Hal-hazırda o, on kitab müəllifidir. 1997-ci ildən “Ədəbiyyat” qəzetinin əməkdaşı, bu mətbuat orqanının xarici əlaqələr üzrə ədəbi bölməsinin müdiridir. M.Şahbuzlu öz çıxışını yeni yazdığı şerlə bitirdi.
Tarixçi-tədqiqatçı Nazim Tapdıqoğlu qeyd etdi ki, Azərbaycan poeziyasının inkişafında müxtəlif dövrlərdə yaranmış ədəbi məclislərin önəmli yeri olmuşdur. Belə məclislər zaman-zaman təkcə Bakıda deyil, ölkənin müxtəlif şəhər və rayonlarında fəaliyyət göstərmiş və bir çox parlaq imzaların tanınmasına yol açmışdır. Ədəbi məclislər bədii zövqü, ədəbi dairəsi oxşar olan şair və yazıçıların, incəsənət xadimlərinin fikir, ideya birliyinin vəhdətini daha da möhkəmləndirir. Simuzər xanımın yaratdığı “Şam” ədəbi məclisi də belə məclislərin bir növ davamçısıdır.
Tədbirdə həmçinin, “Respublika Veteranlar və Ağsaqqallar Şurası”nın üzvü Sevil İsrafilova, “Qarabağ Həqiqətlərini Beynəlxalq Aləmə Tanıtma” ictimai birliyinin üzvü, “Qalib” jurnallar dərgisinin xüsusi müxbiri Solmaz Kürçaylı, “Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə, AZ TV-nin şöbə müdiri, parodiya ustası Həsən Cəbrayılov, həkim-şair Zakir Ağdamlı, şairə Nüşabə Musayeva, şairlər Məmməd Məcidoğlu, Oqtay Rza, Şahlar Baba da iştirak edirdilər.



Cəfər Cabbarlı adına Respublika Gənclər Kitabxanaslnda 19 yanvar 2016-cı il tarixdə 20 yanvar faciəsinin 26-cı ildönümü münasibəti ilə “Qanlı yanvar gecəsi” adlı dəyirmi masa keçirildi.
Tədbir Azəbaycanın suverenliyi uğrunda həlak olanların ruhlarının bir dəqiqəlik sükutla yad edilməsindən sonra başladı.
Dəyirmi masanı giriş sözü ilə kitabxananın direktoru Tahir Sadıqov açaraq qeyd etdi ki, 1990-cı il yanvar ayının 19-dan 20-nə keçən gecə heç bir xəbərdarlıq edilmədən şəhərə daxil olan sovet qoşun hissələri küçələrə çıxıb öz etirazlarını bildirən dinc əhalini atəşə tutdu. Yüzlərlə insan bu haqsızlığın qurbanı oldu. 20 yanvar faciəsi xalqımızın milli mənliyinı, milli azadlıq ruhuna qarşı təcavüz olmasına baxmayaraq Azərbaycan xalqı bu hadisədə öz qürurunu itirmədi, iradəsi qırılmadı. Xalqımızın qan yaddaşına dünyada görünməmiş faciə kimi həkk olunmuş 20 yanvar tarixi Azərbaycanın taleyinə XX əsrin növbəti qəhrəmanlıq səhifəsi kimi yazıldı. Ümummilli liderimiz Heydər Əliyev 1993-cü ildə xalqın təkidi ilə hakimiyyətə qayıtdıqdan sonra Azərbaycan tarixində qanlı yanvar faciəsi kimi yadda qalan 1990-cı ilin 20 yanvar hadisələrinin səbəbləri və nəticələri daha dəqiq araşdırıldı və müstəqil Azərbaycan Respublikası 1994-cü ildə 20 yanvar faciəsinin hərbi təcavüz və cinayət kimi tam siyasi-hüquqi qiymətini verdi.
Tarixçi-tədqiqatçı Nazim Tapdıqoğlu çıxış edərək bu müdhiş qətliamdan danışdı. O, bildirdi ki, 1990-cı il yanvarın 20-də Azərbaycanın ərazi bütövlüyünü pozmaq cəhdlərinə, keçmiş SSR-i rəhbərliyinin Azərbaycanla bağlı apardığı qərəzli siyasətə, yerli rəhbərliyin xalqımızın mənafeyinə zidd mövqedə durmasına qarşı etiraz əlaməti olaraq küçələrə çıxmış dinc əhaliyə divan tutmaq məqsədi ilə Bakıya və respublikanın digər rayonlarına sovet hərbi hissələri yeridildi. Dinc əhalinin kütləvi etiraz aksiyalarının ağır hərbi texnikanın köməyi ilə vəhşicəsinə dağıdılması təkcə süquta uğramaqda olan sovet siyasi sisteminin qorunması cəhdi kimi deyil, həm də azərbaycanlıların tarixi torpaqlarından sıxışdırılıb çıxarılması ilə bağlı çar Rusiyasının əsrlərlə apardığı mənfur siyasətin yeni şəraitdə davamı idi.
“Dünya Azərbaycanlıların Həmrəyliyinə Dəstək” ictimai birliyinin sədri Tofiq Əlizadə çıxış edərək bildirdi ki, 20 yanvar hadisəsi xalqımızın yaddaşına qanlı faciə kimi daxil olsa da, bütövlükdə milli tariximizin ən şanlı və qəhrəmanlıq səhifələrindən birini təşkil edir. Məhz 20 yanvardan başlayaraq Azərbaycan xalqı SSR-nin tərkibində ədaləti bərpa etməyin qeyri-mümkünlüyünü və milli haqlarımıza obyektiv yanaşma nümayiş olunacağına öz inamını birdəfəlik itirdi. Hakimiyyətin mənbəyi sayılan və öz hüquqları uğrunda düşüncəsi, fikri sözü həmrəyliyi ilə mübarizəyə qalxmış bir xalq 1990-cı il yanvarın 19-dan 20-nə keçən gecə öz zəhimli ordusunun tankları, işıq saçan zəhərli güllələri, xüsusi təyinatlı hərbi dəstələri ilə üzləşdi.
Mərcan Şahbuzlu çıxışında şahidi olduğu qanlı yanvar faciəsindən danışdı. O, bildirdi ki, Bakının ən yüksək nöqtələrindən birində hər bir azərbaycanlı üçün müqəddəs and yerinə çevrilmiş bir yer var. Bu 20 yanvar qurbanlarının uyuduğu and yerimiz Şəhidlər Xiyabanıdır. Bu xiyaban bizə çox doğmadır. Biz hamımız Azərbaycanın müstəqilliyi uğrunda canından keçmiş şəhidlərimizin qarşısında baş əyirik.
Bakı Dövlət Universitetinin “kitabxanaçılıq –informasiya fakultəsinin tələbəsi Amilə Kərimli öz çıxışında qanlı yanvar faciəsindən, dinc əhalinin başına gətirilən müsibətlərdən, günahsız xalqın xüsusi vəhşiliklə qətliamından danışaraq bildirdi ki, biz xaricdə yaşasaqda qəlbimiz vətən üçün döyünür, vətən bizim sağalmaz yaramızdır. Xaricdə yaşasaqda vətənimiz üçün əlimizdən gələn hər şeyi etməyə hazırıq.
Tədbir iştirakçıları “Carçı nyus” qəzetinin baş redaktoru Gülnarə Əmirquluyeva, Azərbaycan Yazıçılar Birliyinin üzvü, şairə Zeynəb Dərbəndli, bəstəkar-qəzəlxan Fazilə Qaraxanqızı, həkim-şair Zakir Ağdamlı, “Rəsmi xəbər.az” saytının baş redaktoru Rəsmiyyə Vahidova 20 yanvar qətliamından, şahid olduğları bu faciədən ürək yanğısı ilə danışdılar. Vətənin azadlığı yolunda canından keçmiş şəhidlərimizə Allahdan rəhmət dilədilər, onlara borclu olduqlarını, ruhları qarşısında baş əydiklərini dilə gətirdilər. Şairlər Oqtay Rza, Qəşəm İlqar, Nəcibə İlkin şəhidlərə həsr olunmuş şeirlərini söylədilər.
Tədbirin sonunda “ O günü unutmayaq- 20 yanvar” adlı kitab sərgisinə baxış keçirildi.



C.Cabbarlı adına Respublika Gənclər Kitabxanasında 30 dekabr 2015-ci il tarixdə “ 31 Dekabr Dünya Azərbaycanlılarının Həmrəylik günü “ münasibəti ilə “Dünya Azərbaycanlıları həmrəy olun” mövzusunda dəyirmi masa keçirildi.
Tədbir Qarabağ uğrunda şəhid olanların ruhlarının bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın direktoru Tahir Sadıqov açaraq ümummilli lider, dahi öndər Heydər Əliyevin Azərbaycan xalqı qarşısındakı xidmətlərindən danışaraq bildirdi ki, 1991-ci ilin 31 dekabr tarixindən bu günə qədər xalqımız “ 31 Dekabr Dünya Azərbaycanlılarının Həmrəyliyi günü” nü bayram kimi qeyd edir. Bu bayram dünyanın 90-dən çox ölkəsində yaşayan 50 milyondan artıq azərbaycanlılarla əlaqələr qurmaq, onlar arasında birlik və həmrəylik yaratmaq işində mühüm rol oynayır. Dünya Azərbaycanlılarının Həmrəylik gününün qeyd edilməsi bütün dünya azərbaycanlıları üçün artıq bir zərurətə və mənəvi ehtiyaca çevrilmişdir. İndi Həmrəylik gününü hətta milliyyəti azərbaycanlı olmayıb, lakin Azərbaycanda doğulub böyümüş, Azərbaycan əsilli diaspor nümayəndələri də qeyd edirlər.
Yasamal rayonu Ağsaqqallar Şurasının sədr müavini Rafiq Cavadov çıxış edərək qeyd etdi ki, bu bayram ayrı-ayrı ölkələrdə yaşayan soydaşlarımızın və həmvətənlərimizin respublikada əlaqələrinin daha da möhkəmləndirilməsi, dünya azərbaycanlıları arasında birliyin və həmrəyliyin yaradılması işində mühüm rol oynamaqdadır. Qədim tarixə malik xalqımız “Dünya Azərbaycanlılarının Həmrəylik günü”nü uzun illərdən bəri yaranmış, qorunub saxlanılmış ənənələrinə, mədəniyyətinə xas olan amal və duyğularla keçirir. Bu bayram ildən-ilə daha geniş vüsət taparaq ürəklərdə vətən eşqi, milli və mənəvi birlik, həmrəylik hisləri bəsləyən hər bir vətəndaşımız tərəfindən güclü dəstək alır.
Yasamal rayonu 31 saylı orta məktəbin müəllimi Fəziylə Cəfərova bildirdi ki, “Dünya Azərbaycanlılarının Həmrəylik günü” çoxmilyonluq Azərbaycan diasporunun əziz bayramlarından biri olaraq müxtəlif ölkələrdə yaşayan azərbaycanlıların birlik rəmzidir. Əsası dahi rəhbərimiz Heydər Əliyev tərəfindən qoyulmuş, hal-hazırda Azərbaycan Respublikasının Prezidenti İlham Əliyev tərəfindən davam etdirilən bu şərəfli ənənə gündən- günə daha da geniş vüsət alır və azərbaycançılıq siyasətinin həyata keçirilməsində əvəzsiz rol oynayır. Bu bayram bizi bir-birimizə daha da yaxınlaşdırır, birlik və bərabərlik yaradır.
Kitabxananın elmi işlər üzrə direktor müavini Xalidə Musayeva çıxışında dekabrın 31-nin Dünya Azərbaycanlılarının Həmrəylik günü elan olunmasından, milli diasporun formalaşmasından, xarici olkələrdə Azərbaycan lobbisinin inkişafındakı başlıca məqamlardan danışdı. O, qeyd etdi ki, sevimli öndər Heydər Əliyevin 1993-cü ildə xalqın təkidi ilə hakimiyyətə qayıdışından sonra ölkədə davamlı sabitlik və iqtisadi tərəqqinin qoyulması ilə yanaşı, milli birliyə nail olundu, azərbaycançılıq anlayışı milli təfəkkür tərzinə çevrildi. Azərbaycan dünyanın ayrı-ayrı ölkələrində məskunlaşmış soydaşlarımız üçün milli iftixar, mənəvi dayaq və güvənc yeri oldu. Ona görə də ən yeni tariximizdə dünya azərbaycanlılarının milli həmrəyliyinə nail olunması ümummilli lider Heydər Əliyevin xalqımız qarşısındakı əvəzsiz xidmətlərindən biridir.
Günay Xəlilova, Almaz Əhmədova, Vüsalə Yusifova da çıxış edərək bu günün özəl bir gün olduğunu vurğulayıb qeyd etdilər ki, biz hamımız azərbaycanlı olduğumuz üçün fəxr edirik. Azərbaycanın bu gününün rifahı və gələcəyimiz üçün prezidentimiz İlham Əliyevə borcluyuq.
Tədbirin boyu “Dünya Azərbaycanlılarının Həmrəylik günü” nə həsr olunmuş slaydlar nümayiş etdirildi.



28 dekabr 2015-ci il tarixdə Cəfər Cabbarlı adına Respublika Gənclər Kitabxanasının beynəlxalq əlaqələr və beynəlxalq kitabxanalararası abonement bölməsinin böyük kitabxanaçısı Yeganə Sadıqlı Azərbaycan Respublikası Mədəniyyət və Turizm Naziri cənab Əbülbəs Qarayevin imzaladığı Cəfər Cabbarlı adına Respublika Gənclər Kitabxanasında səmərəli fəaliyyətinə və 60 illik yubileyi ilə əlaqədar “Fəxri Fərman”la və Cəfər Cabbarlı adına Respublika Gənclər Kitabxanasının təsis etdiyi Kitabxana biblioqrafiya sahəsində göstərdiyi yüksək xidmətlərinə görə “Fəxri Fərman”la təltif olunmuşdur.
Təbrik edirik!



C.Cabbarlı adına Respublika Gənclər Kitabxanasında 14 dekabr 2015-ci il tarixdə Azərbaycanın Milli Kulinariya Mərkəzinin baş direktoru, YUNESKO-nun Beynəlxalq Xalq Yaradıcılığı Təşkilatının üzvü Tahir Əmiraslanovun “Miftahüt Tabbahin” kitabının təqdimatı keçirilmişdir.
Tədbir ümummilli lider, dahi öndər Heydər Əliyevin ölməz xatirəsinin bir dəqiqəlik sükutla yad edilməsindən sonra başladı.
Təqdimat mərasimini giriş sözü ilə kitabxananın direktoru Tahir Sadıqov açıb Azərbaycanın Milli Kulinariya Mərkəzinin baş direktoru, YUNESKO-nun Beynəlxalq Xalq Yaradıcılığı Təşkilatının üzvü, Fransa Kulinariya Akademiyasının, Malta, Rumıniya, Yerusəlim, BƏƏ-nin və bir sıra digər ölkələrin Kulinariya Assosiasiyalarının fəxri üzvü, Rusiya Kulinariya Assosiasiyasının vitse prezidenti, Dünya hakimlər kollegiyasının üzvü Tahir Əmiraslanovun “Miftahüt Tabbahin” (Aşpazların açarı) kitabının hələlik birinci hissəsinin yazılmasını, yaxın zamanlarda ikinci hissəsinin də oxucuların istifadəsinə veriləcəyini bildirdi. Qeyd etdi ki, milli-mənəvi dəyərlərimizi qoruyub gələcək nəsillərə çatdırmaq biz kitabxanaçıların vəzifəsidir. “Miftahüt Tabbahin” (Aşpazların açarı) kitabının da mütləq tam mətnini elektron kataloqa salacaq, geniş oxucu kütlələrinə təqdim edəcəyik.
Azərbaycanın Milli Kulinariya Mərkəzinin baş direktoru Tahir Əmiraslanov çıxışında bildirdi ki, Türkiyədə türk dilində XIX əsrin axırı, XX əsrin əvvəli yazılmış qırx yemək kitabı vardır. Bunlardan yeddisi erməni əlifbası ilə yazılıb. Bu kitabların hələ heç birində erməni mətbəxi, erməni yeməkləri ifadəsi yoxdur. Yeməklər sadəcə ayla-turka, yaxud ayla-frankadır. T.Əmiraslanov həmçinin “Miftahüt Tabbahin” kitabının 8 ilə axrtarılıb, üstində işlənib ərsəyə gətirildiyini dedi.
Turizm İnstitutunun rektoru Cəfər Cəfərov çıxışında bildirdi ki, böyük işlər ilk baxışdan kiçik görünən işlərin bazasından əmələ gəlir. Qələbə yalnız hərb meydanında deyil, həmçinin, mədəniyyətin, incəsənətin təbliğinə uzanan əllərdədir. Məhz Tahir Əmiraslanovun çox böyük mətbəx ənənələrinə malik “Miftahüt Tabbahin” kitabı da mədəniyyətimizin, milli kulinariyamızın qələbəsidir. Azərbaycanda hər sahədə olduğu kimi mətbəx sahəsində də görülən işlər çox böyükdür. Əlbəttə ki, bu işlər T.Əmiraslanovun adı ilə bağlıdır.
Azərbaycan Respublikası Mədəniyyət və Turizm Nazirliyinin əməkdaşı Fikrət Babayev “Miftahüt Tabbahin” kitabı ətrafında geniş çıxış edərək bildirdi ki, bu kitab həm də ideoloji, siyasi məna daşıyır. Ermənilər daim Azərbaycana məqsus rəqsləri, musiqini, kulinariyanı özününküləşdiriblər. Əfsus ki, YUNESKO-ya erməni adı altında bizim mədəniyyət, incəsənət nümunələrimizin daxil olması hələ də davam edir.
12 saylı Peşə Litseyinin müəllimi Şahin Bəylərov “Miftahüt Tabbahin” kitabının oxucuların istifadəsinə verilənədək olan müddət ərzində T.Əmiraslanovun böyük zəhmətini xüsusi vurğuladı. Milli mətbəximiz həmişə qorunmalıdır. Bu sahəyə böyük xidmətləri olan T.Əmiraslanovun qazandığı isə yalnız xalqın sevgisidir.
Təqdimat mərasimində Azərbaycanın Milli Kulinariya Mərkəzinin baş direktor müavini Ceyran Əsgərova, Azərbaycan EA Etnoqrafiya İstitutunun əməkdaşı Malik Əliyev, AZƏRTAC-ın müxbirləri İlqar Cəfərov, Zərintac Dəmirçiqayalı, “Kaspi” qəzetinin əməkdaşı Viktoriya Tretyakova, aşpaz Ramiz Ağamalıyev, Azərbaycan Milli Kulinariya Mərkəzinin işçiləri Tünzalə Məmmədzadə, Nigar Nəbiyeva, Elnurə Quliyeva, Bəyim Məmmədova, Aygül Əsgərova, Emil Məmmədov da iştirak edirdilər.
Təqdimat mərasiminin sonunda “Miftahüt Tabbahin” kitabından bir neçə nüsxə müəllif tərəfindən kitabxanaya hədiyyə verildi.



Mədəniyyət və Turizm Nazirliyinin 2015-ci ilin II yarımili üçün İş Planına uyğun olaraq 6.82 bəndinin icrası ilə əlaqədar Cəfər Cabbarlı adına Respublika Gənclər Kitabxanasında 07-11 dekabr 2015-ci il tarixlərində “Kitabxanaların informasiyalaşdırılması, kompüter proqramlarının öyrədilməsi mövzusunda təlim keçirildi.
Təlimdə Masallı, Xızı, Göyçay,Ucar, İmaişli, Astara, Şəki, Şamaxı, Neftçala, AZDRETK, Şirvan, Qusar, Bərdə, Sumqayit, Balakən, Zərdab, Qax, Sabirabad rayon MKS-lərinin əməkdaşları iştirak edirdilər.
Təlimim sonunda iştirakçılara sertifikat verildi.



Cəfər Cabbarlı adına Respublika Gənclər Kitabxanasında 06 noyabr 2015-ci il tarixdə şair Qəşəm İlqar Ruhdaşın “Xatirələr limanı” adlı kitabının təqdimat mərasimi keçirildi.
Tədbiri giriş sözü ilə kitabxananın direktoru Tahir Sadıqov açaraq artıq dəfələrlə kitabxanada kitablarının təqdimatı keçirilən şair Q.İlqarı növbəti kitabının işıq üzü görməsi münasibəti ilə ürəkdən təbrik etdi. T.Sadıqov ilk növbədə şairin yaradıcılığındakı vətən məhəbbətini, yurd sevgisini yüksək qiymətləndirdi. O, bildirdi ki, Qəşəm İlqar Ruhdaş... Bu ad özünə, istedadına güvənib yaşayan, yaradan bir şairin ünvanıdır. “ Xatirələr limanı” bir şəhərin , bir dənizin limanı deyil, şəhərin limanqarışıq özüdür, sahilqarışıq bütöv bir ümmandır. Bu kitab çox zəngin bir şair ömrünün yeni fəsili, həm də barlı-bəhərli fəslidir.
“Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə öz çıxışında şairi kövrək qəlbli, vətənpərvər, səmimi, vətəninə, yurduna bağlı bir insan adlandırdı. O, qeyd etdi ki, Q. İlqar nasir və publisist kimi qədərincə ülgüdən keçmiş, sözü söz olan sənətkardır. Onun üçün yaşam poeziyadır O, şerlərində dosta, ailəyə, sədaqətə üstünlük verir.
Nəğməkar şairə Könül Nazimqızı çıxışında Q.İlqara yeni yaradıcılıq uğurları arzulayaraq bildirdi ki, o, həmişə kədərini gizləyən, sevincini isə elə ilk yaşantı anındaca bölüşməyə hazır olan insandır. Vətəninə ruhdaş, yurduna sirdaş, uğrunda canını verməyə hazır olan Qarabağ sevdalısı Q.İlqar yaradıcılığını da həmişə bu istiqamətdə davam etdirir.
Asiya Universitetinin və İqtisad Universitetinin tələbələri şair Qəşəm İlqar Ruhdaşın şerlərini ifa etdilər.
Xanəndə Şahin Babayevin ifasında xalq mahnılarınıın və Q. İlqarın şerlərinə yazılmış mahnıların səsləndirilməsi tədbirə xüsusi ahəngdarlıq verdi.
Təqdimat mərasimində həmçinin, “Dünya ana və uşaqlar” ictimai birliyinin sədri Dünyaxanım Əliyeva, Bakı İslam Universitetinin müəllimi İlkin Həsənov, şairə Əzizə Ağahüseynqızı, şair Qəzənfər Məsimoğlu, müəllimlər Leyla Ələkbərova, Diləfruz Ələkbərova da iştirak edirdilər.
Təqdimat mərasiminin sonunda şair Q.İlqar yeni yaradıcılıq planlarından danışdı və “Xatirələr limanı” kitabından bir neçə nüsxə kitabxanaya hədiyyə etdi.



XV Beynəlxalq konfrans “Kitabxanalardan gələcəyə” 2015-ci il Beynəlxalq layihə çərçivəsində “Milli ədəbiyyatlar dialoqu”, “Məhəbbət-həyat poeziya və günəşdir” mövzusunda Soçi-Adler şəhərində 24-25 oktyabr 2015-ci il tarixdə Avrasiya-kitabxana internet-forum keçirilmişdir. Keçirilən forumda və 26-28 oktyabr tarixlərində XV Beynəlxalq konfrans “Kitabxanalardan gələcəyə”, “Rusiyada ədəbiyyat ili, XXI əsr oxucularına gedən yol” mövzuda keçirilən konfransda Azərbaycan Respublikasının Mədəniyyət və Turizm Nazirliyinin Cəfər Cabbarlı adına Respublika Gənclər Kitabxanasının direktoru Tahir Sadıqov çıxış etmişdir. Tahir Sadıqov öz çıxışında Azərbaycanın qədim və zəngin mədəniyyətindən və qədim dövrlərdən bu günə qədər Kitab və Kitabxanaların keçdiyi tarixi inkişaf yolu haqqında iştirakçılara ətraflı məlumat vermişdir. Eyni zamanda konfransda Tahir Sadıqovun müəllif olduğu “ Cabbarlı adına Respublika Gənclər Kitabxanasının dünəni, bu günü və sabahı” adlı kitabının təqdimatı keçirilmişdir.



16-18 sentyabr 2015-ci il tarixlərində IV Bakı Beynəlxalq Kitab Sərgi-Yarmarkası keçirildi. Bakı İdman Sarayında təşkil olunan sərgi-yarmarkada Cəfər Cabbarlı adına Respublika Gənclər Kitabxanası da fəal iştirak etdi. Kitabxana tərəfindən sərgi-yarmarkada yüzlərlə kitab, audio-disk nümayiş etdirildi. Sərgi-yarmarkanın iştirakçılarına, gələn qonaqlara nümayiş etdirilən ədəbiyyatlar ümümmilli lider, dahi rəhbər Heydər Əliyevin, Azərbaycan Respublikasının Prezidenti İlham Əliyevin, YUNESKO-nun xoşməramlı səfiri, Heydər Əliyev fondunun prezidenti Mehriban xanım Əliyevanın Azərbaycanın ictimai-siyasi həyatında xidmətlərinə həsr olunmuş, həmçinin, müxtəlif müəlliflər tərəfindən vətənpərvərlik mövzusunda yazılan kitabları əhatə edirdi.
Sərgi-yarmarkada nümatiş etdirilən bütün kitablar, xüsusilə də audio-disklər yüksək diqqətə və marağa səbəb oldu.
IV Bakı Beynəlxalq Kitab Sərgi-Yarmarkasının nümayiş etdirildiyi sonuncu gün,- 18 sentyabr 2015-ci il tarixdə Cəfər Cabbarlı adına Respublika Gənclər Kitabxanası IV Bakı Beynəlxalq Kitab Sərgi-Yarmarkasında fəal iştiradına görə “DİPLOM” ilə təltif olundu.



C.Cabbarlı adına Respublika Gənclər Kitabxanasında 08 sentyabr 2015-ci il tarixdə Azərbaycan Respublikasının Prezidenti İlham Əliyev tərəfindən 2011-ci ilin 27 dekabrında “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində imzaladığı Milli Fəaliyyət Proqramı” ilə bağlı “Dünyaya sülh gərəkdir” adı altında dəyirmi masa keçirilmişdir.
Tədbiri elmi işlər üzrə direktor müavini Xalidə Musayeva açıb qeyd etdi ki, sülh Azərbaycanda dövlət siyasətinin tərkib hissəsidir. Bu siyasətin əsası ulu öndər, dahi rəhbər Heydər Əliyev tərəfindən qoyulmuşdur. Hal-hazırda ümummilli lider Heydər Əliyevin haqlı olaraq əqidəsindən dönməz siyasətini Azərbaycan Respublikasının Prezidenti İlham Əliyev layiqincə davam etdirir. Azərbaycan Respublikası Prezidentinin müvafiq Sərəncamı ilə təsdiq edilmiş və uğurla icra olunan İnsan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramında əhalinin hüquq düşüncəsinin və hüquq mədəniyyətinin inkişaf etdirilməsi, ayrı-seçkiliyin yolverilməzliyi, sülh və dözümlülük mədəniyyətinin, xalqımızın milli-mənəvi dəyərlərinin təbliği məqsədilə maarifləndirmə tədbirləri aparılır. Sülh, əmin-amanlıq, insan hüquqlarının müdafiəsi və qorunması təkcə Azərbaycana yox, bütün dünyaya gərəkdir.
Yasamal rayonu 31 saylı orta məktəbin müəllimi Fəziylə Cəfərova çıxışında bildirdi ki, sentyabr ayının 21-i bütün dünyada “Beynəlxalq Sülh Günü” kimi qeyd olunur. Bununla əlaqədar, Azərbaycan Respublikasının İnsan Hüquqları üzrə müvəkkili, ombudsman Elmira Süleymanovanın təşəbbüsü ilə hər il ənənəvi olaraq avqust ayının 21-dən sentyabr ayının 21-dək respublikamızda “Sülh aylığı” keçirilir. Sülh aylığı çərçivəsində keçirilən tədbirlər ölkəmizdə insan hüquqlarının təbliğinə, insanların hüquq düşüncəsinin, hüquq mədəniyyətinin inkişaf etdirilməsinə, əhalinin müxtəlif qruplarının hüquqlarının müdafiəsinə və onların problemlərinin həllinə xidmət edir.
Baş kitabxanaçı İradə Kərimova çıxışında dünya sülh hərəkatı və bu hərəkatın bütün Yer üzü tərəfindən dəstəklənməsi, müstəqil Azərbaycan dövlətinin sülhsevər siyasəti haqqında məlumatlar verərək dünyada baş verən müharibələrin insanlara yalnız fəlakət, müsibət gətirməsini, məhz elə bu səbəbdən də sülhün, asayişin qorunmasının keşiyində durmağın vacibliyini bildirdi. Dünyaya, bütün bəşəriyyətə yalnız sülh, demokratiya, insan hüquqlarının qorunmaası, müdafiəsi, gələcək nəslin məhz bu ruhda tərbiyə olunmasının labüdlüyünü qeyd etdi.
Komplektləşdirmə və elektron kataloq şöbəsinin müdiri Şahnaz Quliyeva "Gənclərin vətəndaşlıq tərbiyəsində sülh mədəniyyətinin və insan hüquqlarının təbliğinin rolu" mövzusunda ətraflı çıxışında yaşadığı ölkənin vətəndaşı olduğu hər bir şəxsin fikir, vicdan, din azadlığına, yaşamaq, təhsil almaq və digər hüquqlara malik olmasından danışıb sülhsevər xalqımızın gələcəyi olan gənc nəslə ümummmilli lider Heydər Əliyevin və Azərbaycan Respublikasının Prezidenti İlham Əliyevin bu istiqamətdə ideyalarının davamçıları olmaqlarını arzuladı.
Tədbir “Azərbaycanda sülh siyasəti” adlı kitab sərgisinə baxışla sona çatdı.



C.Cabbarlı adına Respublika Gənclər Kitabxanasında 31 avqust 2015-ci il tarixdə “Şöhrət Ordenli”, Əməkdar İncəsənət Xadimi, Azərbaycanın xalq şairi Fikrət Qocanın anadan olmasının 80 illiyi münasibəti ilə “Xalq şairi Fikrət Qoca-80” adlı geniş kitab sərgisi təşkil olunmuşdur.
Tədbiri kitabxananın direktoru Tahir Sadıqov açıb Fikrət Qocanın həyatı və ədəbi yaradıcılığı haqqında məlumat verərək qeyd etdi ki, yaradıcılığa 1956-cı ildə “Kirpi” jurnalında “Bacıqızı” adlı ilk mətbu əsəri ilə başlayan şairin şerləri illər ötdükcə bir sıra dünya xalqlarının dillərinə tərcümə olunmuşdur. “Şerlər” , “Qışda çiçəklər”, “Yerin cazibəsi”, “Səma dənizdə çimir” kitabları Moskvada rus dilində nəşr olunmuşdur. Onun çap etdirdiyi şer kitablarında vətən məhəbbəti, vətənpərvərlik duyğuları, insan və zaman haqqında düşüncələri öz əksini tapmışdır. Onun ürəkdən gəlmiş, səmimiyyət duyulan poeziyasının xalq ruhu, insan psixologiyası ilə bağlılığı, reallığı, insanlığı böyük məhəbbətlə tərənnüm edib sevdirməsi, vətəndaşlığı və ən əsası lirik düşüncə tərzi daim cazibə qüvvəsi ilə oxucuların qəlblərini riqqətə gətirir.
Elmi işlər üzrə direktor müavini Xalidə Musayeva çıxışında Fikrət Qocanın yaradıcılığında Qarabağ mövzusuna, əlində üçrəngli bayrağımızla ölümün gözünə dik baxan Azərbaycan döyüşçüsünün şücaətinə, azadlığa doğru şəhid-şəhid, addım-addım irəli gedən igidlərin də tərənnümünə xüsusi yer ayırdığını vurğuladı.
Komplektləşdirmə və elektron kataloq şöbəsinin baş kitabxanaçısı İradə Kərımova, informasiya-biblioqrafiya şöbəsinin kitabxanaçısı Qənirə Mustafayeva şairin yaradıcılığının əsas xüsusiyyətlərindən, zəngin poeziyasının dil üslubundan danışandan sonra qeyd etdilər ki, Fikrət Qoca müasir Azərbaycan şerinin qüdrətli yaradıcılarındandır.
“Xalq şairi Fikrət Qoca-80” adlı sərgidə şairin 90 illik həyatını və 59 illik ədəbi fəaliyyətini əks etdirən kitablar nümayiş etdirildi.



C.Cabbarlı adına Respublika Gənclər Kitabxanasında 28 avqust 2015-ci il tarixdə filologiya elmləri doktoru, Azərbaycan MEA-nın həqiqi üzvü, Azərbaycanın Əməkdar İncəsənət Xadimi, Azərbaycan Dövlət Mükafatı laureatı, M.F.Axundov adına Ədəbi Mükafatın laureatı, şair, dramaturq, ədəbiyyatşünas Bəxtiyar Vahabzadənin anadan olmasının 90 illiyi münasibəti ilə “Xalq şairi Bəxtiyar Vahabzadə-90” adlı geniş sərgi təşkil olunmuşdur.
Tədbiri kitabxananın direktoru Tahir Sadıqov açıb çağdaş şerin tarixinə Böyük Vətən Müharibəsindən sonrakı nəslin nümayəndəsi kimi daxil olani xalq şairi Bəxtiyar Vahabzadənin həyatı, ədəbi yaradıcılığı haqqında geniş məlumat verərək qeyd etdi ki, 70-dən artıq şer kitabının, 2 monoqrafiyanın, 11 elmi-publisistik kitabın, yüzlərlə məqalənin, eləcə də tarixi və müasir mövzuda 20-dən artıq iri həcmli poemanın müəllifi kimi onun adı Azərbaycan ədəbi tarixinə qızıl hərflərlə yazılmışdır. Görkəmli şairin əsərləri,- şer kitabları, dramları və publisistik yazıları dünyanın bir çox dillərinə, o cümlədən ingilis, fransız, alman, fars, türk, polyak, ispan, macar, MDB ölkələri xalqlarının dillərinə tərcümə edilmişdir. Beynəlxalq əlaqələr və beynəlxalq kitabxanalararası abonement bölməsinin müdiri Xəyalə Məmmədova Bəxtiyar Vahabzadənin öz yaradıcılığında özünü dərin və orijinal hisslər şairi kimi tanıtmasından, məhz elə o səbəbdən də oxucuların, xüsusən gənclərin bu poeziyaya hədsiz maraq göstərməsindən danışdı.
Baş kitabxanaçılar Sevda Rəhimova və Sənubər Həsənova çıxış edərək bildirdilər ki, 1943-cü ildə “Ana və şəkil” adlı ilk şeri ilə ədəbiyyata gələn şair sonralar bütün yaradıcılığı boyu həmişə şerlərində vətənini, onun zəhmət adamlarını, təbiətini, insanların daxili aləmini tərənnüm edib. Bu şerlərdə türkçülük, Azərbaycançılıq, xalqına sədaqət, yurduna bağlılıq xüsusi qeyd olunmalı keyfiyyətlərdir. “Xalq şairi Bəxtiyar Vahabzadə-90” adlı sərgidə şairin həyat yollunu və ədəbi yaradıcılığını əhatə edən kitablar nümayiş etdirilmişdir.



C.Cabbarlı adına Respublika Gənclər Kitabxanasında 26 avqust 2015-ci il tarixdə Azərbaycanda və həmçinin Yaxın Şərqdə məşhur qəzəl şairi kimi şöhrət qazanmış Əlağa Vahidin anadan olmasının 120 illiyinə həsr olunmuş “Şair-qəzəlxan Əlağa Vahid- 120” başlığı altında geniş sərgi açılmışdır.
Tədbiri kitabxananın direktoru Tahir Sadıqov açaraq qeyd etdi ki, dahi Məhəmməd Füzulini özünün böyük ustadı adlandıran Əlağa Vahid onun dil üslubundan, işlətdiyi əruz bəhrlərindən, təsvir və ifadə vasitələrindən, qafiyə və rədiflərindən bilavasitə faydalanaraq öz yaradıcılığında bədii sözün məna dolğunluğuna, ifadə səlisliyinə nail olmuşdur. Elmi işlər üzrə direktor müavini Xalidə Musayeva, incəsənət şöbəsinin müdiri Mehriban Abbasova da klassik qəzəl məktəbinin istedadlı davamçısı olan qəzəlxan şairin həyatı, bədii yaradıcılığı haqqında məlumat verərək bildirdilər ki, Əlağa Vahid öz yaradıcılığında vətənə, xalqa məhəbbətini sadə, adi xalq danışıq dilində əruzun ritmik bəhrlərində uğurla şerə çevirmişdir.
Sərgidə görkəmli şairin 70 illik həyatını və ədəbi fəaliyyətini əks etdirən kitablar nümayiş etdirilmişdir.



C.Cabbarlı adına Respublika Gənclər Kitabxanasında 29 iyul 2015-ci il tarixdə AYB-nin üzvü, “Zəfər qalası” qəzetinin təsisçisi və baş redaktoru, publisist, şair Natella Asenanın (Hacıyeva) “Komandanım, əmrindəyik” kitabının təqdimat mərasimi keçirildi.
Təqdimat mərasimini giriş sözü ilə uzun müddət Müdafiə Nazirliyinin mətbuat xidmətinin rəhbəri olmuş, ehtiyatda olan polkovnik, şair Ramiz Duyğun açaraq qeyd etdi ki, N.Asena ixtisasca ingilis dili müəllimi olsa da yazdığı vətənpərvər mövzulu yazılarla müxtəlif müsabiqələrdə qalib olmuşdur. O, 2004-cü ildə Azərbaycan Respublikası Müdafiə Nazirliyinin elan etdiyi “Hərbi vətənpərvərlik və əsgər mənəviyyatı” nominasiyasının birinci mükafatına layiq görülmüşdür. 1990-1991-ci illərdə N.Asena o dövrün reallıqlarını çəkinmədən, qorxmadan yazmışdır. Beynəlxalq Rəsul Rza mükafatçısı, şair-alim Oqtay Rza çıxışını Natella xanıma həsr etdiyi şeirlə başladı. O.Rzanın “Mən inanıram ki, Azərbaycan Respublikasının Prezidenti, Ali Baş Komandan İlham Əliyev Natella Asenanı “Komandanım, əmrindəyik” kitabına, “Zəfər Qalası” qəzetinin 10 illik fəaliyyətinə və eyni zamanda bu qəzeti tək-tənha çıxardığına görə onu dövlət mükafatına layiq görəcəkdir” təklifi alqışlarla qarşılandı. Ədəbiyyatşünas alim Asif Rüstəmli çıxışından əvvəl kitabxananın direktoru Tahir Sadıqova təşəkkürünü bildirdi. Müstəqilliyimizin qazanılmasında Natella xanımın da müəyyən dərəcədə rolunu vurğuladı. Əlil hərbçi Cəlaləddin Bayramov “Komandanım, əmrindəyik” kitabı haqqında danışandan sonra N.Asenanın istedadlı qələm sahibi olmasından əlavə bir neçə xarici dil bilməsini də qeyd etdi. “Təzadlar” qəzetinin əməkdaçı E.Məmmədli vətənpərvər müəllifin yaradıcılığı haqqında danışandan sonra onun “Bütövlük ulartısı” şeirini söylədi. Şair Mərcan Şahbuzlu hər zaman Ali Baş Komandanımızın əmrinə hazır olduğumuzu bildirdi və işğal olunan torpaqlarımızın tezliklə geri alınacağını söylədi.
Tədbirdə həmçinin, “Respublika” qəzetinin xüsusi müxbiri Rauf İlyasoğlu, “Azərbaycan” nəşriyyatının şöbə müdiri İradə Ələsgərova, Azərbaycan Milli Kitabxanasının şöbə müdiri Fəridə Hacıyeva, yazıçı-jurnalist Müşfiq Borçalı, hüquqşünas Namizət Səfərli, “Paralel” qəzetinin əməkdaşı Yusif Seyid, hərbçi Aruz Məmmədli də iştirak edirdilər.
Kitabxananın əməkdaşları A.Əhmədova, M.Abbasova, G.Xəlilova da 1993-cü il hadisələrində ölkənin iflic halına düşdüyü bir vaxtda ümummilli lider Heydər Əliyevin yenidən hakimiyyətə qayıdışı ilə Azərbaycanın tarixində yeni səhifə açmasından, xalqın düşdüyü çətin vəziyyətdən danışdılar. Onlar qeyd etdilər ki, bu nadir tarixi simanın yenilməz iradəsi, uzaqgörənliyi, tükənməz enerjisi onu xalqın sevimlisi etmiş, ideyaları isə layiqli davamçısı, ölkə prezidenti İlham Əliyev tətrəfindən qorunur və həyata keçirilir.
Tədbirin sonunda N.Asena “Zəfər qalası” qəzetinin on iki ildə dərc olunmuş hər sayından ibarət üç cildlik materialları kitabxananın direkdoru Tahir Sadıqova təqdim etdi və bütün tədbir iştirakçıları Tahir Sadıqova öz təşəkkürlərini bildirdilər.



Bakı Dövlət Univerisitetinin Kitabxanacılıq-informasiya fakültəsinin tələbələri üçün istehsalat-təcrübə baza mərkəzi olan Cəfər Cabbarlı adına Respublika Gənclər Kitabxanasında IV kurs (qrup 1438) tələbələrinin istehsalat təcrübəsinin başa catmasının yekun müzakirəsi.



Bu gun C. Cabbarlı adına Respublika Gənclər Kitabxanasının direktoru Tahir Sadıqovun 60 yaşı tamam olur. Kitabxananın bütün kollektivi onu bu yubiley münasibəti ilə ürəkdən təbrik edir, möhkəm can sağlığı, uzun ömur, həyatın enişli-yoxuşlu yolları ilə inamla addımlayıb ən yüksək zirvəyə ucalmasıni arzulayırlar. Xoşbəxt ailə sahibi, xoşbəxt ata, xoşbəxt baba olan Tahir müəllimi uca tanrı həyatda bütün arzu-diləyinə çatdırsın və hələ uzun illər ona C. Cabbarlı adına Respublika Gənclər Kitabxanasına rəhbərlik etməyi nəsib etsin.



C.Cabbarlı adına Respublika Gənclər Kitabxanasında 13 iyun 2015-ci il tarixdə ”Milli qurtuluşa geden yol...” adı altında dəyirmi masa keçirildi.
Tədbir vətənimizin ərazi bütövlüyü, istiqlaliyyəti və müstəqilliyimizin əldə edilməsi uğrunda şəhid olmuş bütün soydaşlarımızın əziz xatirəsinin bir dəqiqəlik sükutla yad ediməsindən sonar başladı. Tədbiri giriş sözü ilə kitabxananın direktoru T.Sadıqov açaraq qeyd etdi ki, Azərbaycanın ən yeni tarixinin mühüm mərhələlərindən biri 1993-cü ilin hadisələri ilə bağlıdır. Ulu öndər Heydər Əliyevin 1993-cü ilin iyun ayının 15-də Azərbaycanda siyasi hakimiyyətə xilaskar missiyalı qayıdışı bizi milli müstəqilliyimizi itirmək təhlükəsindən xilas etdi. Bununla da ölkənin ictimai-siyasi , sosial-iqtisadi, elmi-mədəni həyatında beynalxalq norma və prinsiplərə uyğun müstəqil dövlət quruculuğu prosesi başladı. Ümummilli lider Heydər Əliyev Azərbaycan dövlətçiliyinin möhkəm təməlini qoyması ilə milli müstəqilliyin inkişaf sektoruna dönməzlik xarakteri verdi. Azərbaycanın dövlət müstəqilliyini hər cür daxili və xarici təhdidlərdən qorudu. Ulu öndərin qurub yaratdığı, müstəqilliyə qovuşdurduğu Azərbaycan hazırda prezident İlham Əliyevin rəhbərliyi altında sürətlə inkişaf edir, qarşıya qoyduğu bütün məqsədlərinə doğru sürətlə addımlayır. Kitabxanaçı S.Yaqubova 15 iyun Milli Qurtuluş günündən danışaraq bildirdi ki, 1991-ci ildə Azərbaycan müstəqillik əldə etdi. Lakin müstəqilliyin ilk illəri siyasi hakimiyyət böşluğu və dövlətin əsaslarının, ordu və dövlət təhlükəsizliyi orqanları da daxil olmaqla , dövlətin bütün təsisatlarının böşluğu ilə yaranan çətinliklərə dolu idi. Azərbaycanın görkəmli oğlu, böyük vətənpərvər Heydər Əliyev xalqın bu ağır günündə şübhəsiz ki. kənardan baxa bilməzdi. O xalqın və respublikanın hakim dairələrinin təkidli dəvətini qəbul edib Bakıya gəldi. Bununla da daxili və xarici düşmənlərimizin bütün planları iflasa uğradı. Bütün Azərbaycan xalqı bu gəlişi böyük ümüdlə və sevinclə qarşıladı.
Böyük kitabxanaçı V.Yusifova öz çıxışında qeyd etdi ki, tariximizə Milli Qurtuluş günü kimi daxil olmuş 1993-cü ilin 15 iyun tarixi onu qiymətləndirənlər, dərindən dərk edənlər üçün çox əzizdir. Vətənini, xalqını sevən, həmin çətin, ağrılı günlərin dəhşətlərini yaşayan hadisələri gözləri ilə görən insanlar üçün əsl qurtuluş tarixi Azərbaycanda ölüm-dirim müharibəsinin tarixidir. Bu tarixi yaradan isə Azərbaycanın inkişafında, müstəqilliyində, gələcəyində müstəsna rol oynayan, daim xalqına arxalanan və xalqa arxa olan Heydər Əliyevin xidmətləri danılmazdır. Bu böyük şəxsiyyətin xalqımız üçün gördüyü işləri sadalamaqla bitirmək olmaz. Kitabxanaçı G.Rzayeva çıxışında bildirdi ki, 1993- cü ilin iyun ayında ümummilli lider Heydər Əliyevin hakimiyyətə gəlişi Azərbaycanda yeni dəyərlər sisteminin və yeni ideyaların meydana çıxmasına stimul yaratmış oldu. Azərbaycan xalqının müasir dövlətçiliyinin təşəkkül tapmasında görkəmli dövlət xadimi Heydər Əliyevin müstəsna xidmətləri olmuşdur. Ulu öndər bugünkü müstəqil dövlətçilik sistemimizin ideoloji-siyasi dayaqlarını yaratmaqla öz adını milli tariximizdə əbədi həkk etdirmişdir. O xalqı həqiqi müstəqilliyə qovuşturan əvəzolunmaz milli lider adını əbədi olaraq qazanmışdır.
Kitabxananın əməkdaşları A.Əhmədova, M.Abbasova, G.Xəlilova da 1993-cü il hadisələrində ölkənin iflic halına düşdüyü bir vaxtda ümummilli lider Heydər Əliyevin yenidən hakimiyyətə qayıdışı ilə Azərbaycanın tarixində yeni səhifə açmasından, xalqın düşdüyü çətin vəziyyətdən danışdılar. Onlar qeyd etdilər ki, bu nadir tarixi simanın yenilməz iradəsi, uzaqgörənliyi, tükənməz enerjisi onu xalqın sevimlisi etmiş, ideyaları isə layiqli davamçısı, ölkə prezidenti İlham Əliyev tətrəfindən qorunur və həyata keçirilir.
Tədbir boyu Milli Qurtuluşa həsr olunmuş video-çarx nümayiş olundu. Dəyirmi masanın sonunda “Azadlıq yolu,- Milli Qurtuluş” adlı kitab sərgisinə baxış keçirildi.



C.Cabbarlı adına Respublika Gənclər Kitabxanasında 27 may 2015-ci il tarixdə Azərbaycan Xalq Cümhuriyyətinin yaranmasının 97-ci ildönümü münasibəti ilə “Azərbaycan, yurdum mənim” mövzusunda dəyirmi masa keçirildi.
Tədbir vətənimizin ərazi bütövlüyü, istiqlaliyyəti və müstəqilliyimizin əldə olunması uğrunda həlak olmuş bütün soydaşlarımızın əziz xatirəsinin bir dəqiqəlik sükutla yad edilməsindən sonra başladı. Tədbiri giriş sözü ilə kitabxananın elmi işlər üzrə direktor müavini X.Musayeva açaraq qeyd etdi ki, bu gün yaranmasının 97-ci ildönümünü q eyd etməyə hazırlaşdığımız Azərbaycan Xalq Cümhuriyyətinin qədim köklərə söykənən tariximizdə müstəsna rolu vardır. Cəmi 23 ay yaşamasına baxmayaraq, Azərbaycan Xalq Cümhuriyyəti Avropanın demokratik dəyərlərini özündə birləşdirən yeni bir dövlət nümunəsi olmuşdur. Azərbaycanın istiqlaliyyətinin elan ediməsində, Şərqdə ilk demokratik respublikanın təşəkkül tapmasında Fətəli Xan Xoyskinin, Məmmədəmin Rəsulzadənin, Nəsib bəy Yusifbəylinin, Əlimərdan bəy Topçubaşovun, Əliağa Şıxlinski və başqalarının böyük tarixi xidmətləri olmuşdur. Məhz onların fəaliyyəti nəticəsində ana dilinin dövlət dili elan edilməsi, dövlət sərhədlərinin müəyyən olunması, iqtisadiyyat ,mədəniyyət, təhsil sahəsində böyük nailiyyətlər əldə olunmuşdur.
Şöbə müdiri Ş.Kazımova öz çıxışında demokratik respublikanın yaranmasından, onun Azərbaycan xalqının həyatında oynadığı misilsiz rolundan danışaraq bildirdi ki, Azərbaycan Xalq Cümhuriyyətinin yaranması mürəkkəb siyasi dövrdə cərəyan edən hadisələrin və xalqımızın milli oyanışının yekunu idi. Abbasqulu ağa Bakıxanov, Həsən bəy Zərdabi, Cəlil Məmmədquluzadə və digər görkəmli şəxsiyyətlər tərəfindən təməli qoyulmuş proseslər Azərbaycanda yeni tipli teatrın, məktəbin və mətbuatın yaranması ilə nəticələnmiş milli özünüdərkin gerçəkləşməsinə böyük təsir göstərmişdir. Əlimərdan bəy Topçubaşov və başqa ziyalıların siyasi proseslərə qatılması , dumaya seçilməsi və Rusiya müsəlmanlarının təşkilatlanmasındakı xidmətləri danılmazdır. Kitabxanaçı İ.Təhməzova Azərbaycan Xalq Cümhuriyyətinin yaranma tarixindən, onun rəhbərlərindən, Fətəli xan Xoyski, Məmmədəmin Rəsulzadə və başqalarının xüsusi xidmətlərindən danışaraq keçmişsiz gələcəyin olmamasını, tarixi unutmamağı xüsusi vurğuladı. O, qeyd etdi ki, tarixi keçmişimizə və onun müasirliklə əlaqəsinə daiir ümummilli liderimiz, dahi şəxsiyyət Heydər Əliyevin aşağıdakı fikri tariximizin və bu günümüzün qiymətləndirilməsi baxımından xüsusi əhəmiyyət kəsb edir: “1918-ci ildə yaranmış Azərbaycan Demokratik Cümhuriyyəti bizim milli sərvətimizdir, tarixin parlaq səhifəsidir. Ondan sonrakı illər həyatımızın böyük mərhələləridir, xalqımızın böyük nailiyyətləridir”.
Kitabxanaçı R.Məlikova çıxışında 1918-ci ildə yaranan Azərbaycan Xalq Cümhuriyyəti tarixin keşməkeşli yollarında süquta uğrasa da, dövlətimiz 1991-ci ildə müstəqilliyini yenidən bərpa etdi. Bu gün Azərbaycan dövləti dünyanın aparıcı ölkələri sırasında özünəməxsus yer tutur. Ulu öndər Heydər Əliyevin “müstəqilliyimiz əbədidir, dönməzdir” sözlərini xatırladan bu siyasətin hazırda Azərbaycan Respublikasının Prezidenti İlham Əliyev tərəfindən uğurla həyata keçirildiyini söylədi.
S.Yaqubova, P.Hüseynova, M.Abbasova da Azərbaycan Cümhuriyyətinin yaranma tarixi, bu quruluşun uğrunda gedən mübarizədən danışdılar. Tədbirin sonunda ”Azad, demokratik Azərbaycan” adlı kitab sərgisinə baxış keçirildi.



Azərbaycan Respublikası Mədəniyyət və Turizm Nazirliyinin 2015-ci ilin birinci yarısı üçün iş planının 6.62 bəndinin icrası ilə əlaqədar C. Cabbarlı adına Respublika Gənclər Kitabxanasında 12,13,14,15 may 2015-ci il tarixlərdə “Kataloqlaşdırma və inzibatçı modulları” mövzusunda məşğələlər keçirilir. Bu və ya digər mövzularda məşğələlər davam edəcək.



C.Cabbarlı adına Respublika Gənclər Kitabxanasında 29 aprel 2015-ci il tarixdə, faşizm üzərində Qələbənin 70 illik yubileyi ilə əlaqədar veteranlarla görüş keçirildi.
Böyük Vətən Muharibəsi veteranları, “Azərbaycan Respublikası Qadınlar Cəmiyyəti”nin üzvləri, ictimaiyyət nümayəndələrinin iştirak etdiyi tədbir Azərbaycanın dövlət himninin səsləndirilməsi, İkinci Dünya müharibəsində və Qarabağ muharibəsi uğrunda həlak olanların əziz xatirəsinin 1 dəqiqəlik sükutla yad edilməsindən sonra başladı.
Tədbiri giriş sözü ilə kitabxananın direktoru T.Sadıqov açaraq tədbir iştirakçılarına, müharibə veteranlarına ”Qələbə günü münasibətilə təbrik etdi.O,qeyd etdi ki, İkinci Dünya müharibəsində faşizm üzərində qələbədə 70 il keçir.1939-cu il sentyabrın 1-də faşist Almaniyası Polşanı işğal edib.Bununla da bəşəriyyət tarixinə ən qanlı müharibə kimi daxil olan İkinci Dünya müharibəsi başlayıb.1941-ci ildə Hitler Almaniyası Azərbaycanın da daxil olduğu SSRİ- yə hücum edib.Bəşər tarixində ən dəhşətli müharibəsində qələbənin əldə olunmasına Azərbaycan xalqı da böyük töhfələr verib.Bu qanlı müharibədə xalqımız 700 min oğul və qızını cəbhəyə yola salıb.Qanlı qadalı döyüşlərdə göstərdikləri igidliyə görə ölkəmizin 130-dan çox vətəndaşı Sovet İttifaqı Qəhrəmanı adına layiq görülüb.
Bütün bunlara görə İkinci Dünya müharibəsində şərəfli yol keçmiş Azərbaycan övladlarının tarixi şücaətləri, habelə arxa cəbhədə fədakarlıqla çalışanların xidmətləri heç vaxt yaddaşlardan silinməyəcək, gənc nəslə əsl vətənpərvərlik nümunəsi olacaq. Azərbaycan respublikası ”Qadınlar Cəmiyyətinin” sədri Bahar Qasımova öz çıxışında qeyd etdi ki,zəngin təbii sərvətlərə və əlverişli coğrafi mövqeyə malik olan Azərbaycan İkinci Dünya müharibəsi illərində də iri dövlətlərin strateji planlarında mühüm yer tuturdu.Onlar Azərbayca böyük maraq göstərirdilər.Onların əsas hədəfi Bakını ələ keçirmək idi.Böyük Vətən müharibəsi başlanan illərdə Azərbaycan övladları faşizmə qarşı döyüşlərdə mərdliklə döyüşmüşlər.Həzi Aslanov,Mehdi Hüseynzadə,İsrafil Məmmədov misilsiz igidlik göstərmişlər.
Böyük Vətən müharibəsi veteranı Sofa Cəfərova müharibədə iştirakından döyüşlərdə göstərdiyi şücaətindən danışdı.O Azərbaycan xalqının Ümumilli Lider Heydər Əliyevin hakimiyyətdə olduğu bütün dövrlərdə müharibə veteranlarının problemlərinə böyük diqqət və qayğı ilə yanaşdığını, məhz onun xidməti nəticəsində İkinci Dünya müharibəsi iştirakçılarının mənəvi haqlarının özlərinə qaytarıldığını və bu dahi şəxsiyyətin xalqın tələbi ilə yenidən hakimiyyətə qayıdışından sonra ölkəmizdə Qələbə Gününün qeyd olunduğunu diqqətə çatdırdı.Sofa Cəfərova həmçinin bildirdi ki, dahi rəhbərin bu siyasəti Azərbaycan Respublikasının Prezidenti İlham Əliyev tərəfindən uğurla davam etdirilir.
Müharibə veteranı, professor, elmlər doktoru Qara Sarıyev çıxış edərək faşizm üzərində qələbədə Azərbaycanın rolundan,xalqımızın müharibədə gösrərdiyi qəhrəmanlıqlarından tədbir iştirakçılarına məlumat verdi.O qeyd etdi ki, müharibə illərində aclıqla, səfalətlə üzləşdisə də yenə də döyüşdən geri çəkilmədik. Düşmən üzərində parlaq qələbələr qazandıq.Bizim şücaətimiz indiki nəsil üçün örnək olmalıdır.Onlar da bizim kimi vətənin keşiyində durub torpaqlarımızı yağı düşməndən azad etməlidirlər.
Müharibə veteranları Elmar Paşayev, Fatmaxanım Səttarova, Məhəmməd Hüseynov Yaqub Hüseynov, Əli Cümşüdov “Carçı News” jurnalının baş redaktoru Gülnarə Əmirquliyeva, şair Oqtay Rza , Tofiq Əlizadə və başqaları İkinci Dünya müharibəsi hadisələrindən, Azərbaycan xalqının müharibənin qazanılmasında göstərdiyi xidmətlərdən danışdılar. Tədbirin sonunda veteranlara hədiyyələr təqdim edildi.



C.Cabbarlı adına Respublika Gənclər Kitabxanasında 25 aprel 2015-ci il tarixdə təcrübəli pedaqoq, şairə Nəbibə Səfərovanın “Ömrümün əvəzsiz vəfadarı” adlı kitabının təqdimat mərasimi keçirildi. Tədbiri giriş sözü ilə kitabxananın direktoru Tahir Sadıqov açaraq Nəbibə xanımın yaradıcılığından, ədəbi fəaliyyətindən danışdı. O, qeyd etdi ki, “Ömrümün əvəzsiz vəfadarı”kitabı müəllifin oxucularla növbəti görüşüdür. Kitabda müəllifin ayrı-ayrı illərdə yazdığı vətənpərvər ruhlu şeirləri ilə yanaşı, elmi və uşaq şeirləri, eləcə də məhəbbət mövzulu şeir və qəzəlləri də toplanmışdır. Tahir Sadıqov həmçinin, kitabxanada keçirilən çoxsaylı tədbirlərin əhəmiyyətindən söz açdı və müasir electron kitabxanaların yenilikləri ilə qonaqları tanış etdi.
“Respublika” qəzetinin xüsusi müxbiri Rauf İlyasoğlu öz çıxışında qeyd etdi ki, Nəbibə xanım nəcib keyfiyyətlərə malik, qəlbi Allah sevgisi, vətən eşqi ilə döyünən, vətəninə millətinə, dilinə bağlı bir insandır. Onun şeirlərini oxuduqca biz bunun bir daha şahidi oluruq. Nəbibə xanımın şeirlərinin təsir gücü və əhatə dairəsi çox genişdir. Şeirlərində çox müqəddəs mövzular seçilmişdir və şeirlərinin avazı da bu müqəddəsliyə uyğundur. Nəbibə xanımın vətənpərvər ruhdakı şeirləri xüsusi ustalıqla qələmə alınmışdır. “Ömrümün əvəzsiz vəfadarı” kitabının ön söz müəllifi və məsləhətçisi, ilahiyyatçı alim, akademik Vasim Məmmədəliyev çıxışında qeyd etdi ki, Nəbibə xanımın şeirlərini oxuyanda hətta ,onunla şəxsi tanışlığı olmayan hər bir kəs onun bir ana , bir nənə, bir müəllimə, bir vətənpərvər insan kimi necə yüksək keyfiyyətlərə malik olduğunu görər. Onun əsl müsəlman xanımına məxsus davranışı, ömür-gün yoldaşına məhəbbəti, hörməti, sədaqəti gənclərə gözəl nümunədir . Nəbibə xanımın qələmə aldığı bütün yazılarında qəlbinin istisini, ürəyinin riqqətin,təmiz elitar genindən süzülüb misralara hopmuş ruhunu görürük. Aləmi gözəl və yaxşı görmək istəyən hər bir insanın əvvəlcə öz daxili dünyası yaxşı və gözəl olmalıdır. Şairənin qəlbi gözəl olduğundan o, dünyaya da gözəllik gözü , lütf nəzəri ilə baxmış və hər şeyi gözəl görə bilmişdir.
Azərbaycan Televiziyası və Radio MMC-nin sədr müavini Cavanşir Cahangirov çıxışında ana dilimizin qorunması ilə bağlı bəzi televiziya aparıcılarının , jurnalistlərin nöqsanlarından danışdı və müəllifin iradlarını müsbət qiymətləndirdi. O, qeyd etdi ki, Nəbibə xanım incə bir ustalıqla dağları, səyyarələri, günəşi, uca çinarı, yağışı bir sözlə, Allah-Təalanın yaratdığı bütün canlı və cansız aləmi elə gözəl vəsf edir ki, oxucu heyranlığını gizlədə bilmir. Nəbibə müəllimənin şeirinin ən gözəl təhlili onun yaradıcılığı qarşısındakı heyrətamiz və bu heyrətdən doğan sükutumuzdur. Tədbirdə “ARXİMEN” şirkətinin memarı Tağı Hacızadə, şair ,qəzəlxan, ilahiyyatçı Hacı Səyyar, Nəbibə xanımın sevimli müəllimi olmuş İsfəndiyar Qurbanovun oğlu Namiq Qurbanov, 182 saylı orta məktəbin dərs hissə müdüri Bəsti Vəliyeva, biologiya müəllimi Sevinc Əliyeva, Milli Məclisin əməkdaşı Sevinc Rəhimova, “Respublika” qəızetinin əməkdaşı Sahilə və başqaları Nəbibə Səfərovanın bədii yaradıcılığından, kitabda toplanmış həm kiçik yaşlı uşaqlar həm də böyüklər üçün yüksək ustalıqla yazılmış şeirlərindən danışdılar.
182 saylı məktəbin şagirdləri Nəbibə müəllimənin şeirlərindən ibarət kompozisiya ilə çıxış etdilər. Tədbirin sonunda Nəbibə xanım tədbir iştirakçılarıa ünvanına söylədikləri xoş sözlərə görə öz təşəkkürünü bildirdi və qeyd etdi ki, bildiyimiz kimi mən uzun illərdir ki, şagirdlərlə işləyirəm. Burada işlədiyim müddətdə şagirdlərin,onların simasında bugünkü gəncliyin mənəvi ehtiyaclarının nədən ibarət olduöunu mükəmməl öyrənə bildim.Demək olar ki, ikinci kitabın yaranmasına səbəb elə həmin mənəvi ehtiyaclar olmuşdur.Mən bu kitabda bugünkü gəncliyə onu demək istəyirəm ki, bütün bunları Ulu Yaradanın bizə bəxş etdiyi islam dini qayda-qanunlarına əməl etməklə hər cür gözəlliyə nail ola bilərlər.



2015-ci ilin iyun ayında Bakıda keçirilməsi nəzərdə tutulan I Avropa Oyunları ilə əlaqədar C.Cabbarlı adına Respublika Gənclər Kitabxanasında bir sıra tədbirlər həyata keçirilir. Kitabxanada “Bakı Avropa Oyunları- 2015” adlı kitab sərgisi təşkil edilib. “Olimpiya oyunlarının tarixi”, “Dünya Olimpiya oyunları”, mövzularında dəyirmi masalar, Azərbaycanı dünya miqyasında təmsil edən idmançılarla görüşlər keçirilir.



C.Cabbarlı adına Respublika Gənclər Kitabxanasında erməni diasporuna qarşı effektiv mübarizə tədbirləri aparmaq mədsədi ilə daimi və müddətli kitab sərgiləri təşkil olunur, biblioqrafik siyahılar, biblioqrafik göstəricilər tərtib edilir.
Azərbaycan Respublikası Mədəniyyət və Turizm Nazirliyinin 2015-ci il 10 aprel tarixli 181 nömrəli “Erməni diasporuna qarşı effektiv mübarizə tədbirlərinin və koordinasiya işinin gücləndirilməsinə dair” əmri ilə təsdiq edilmiş Tədbirlər Planının icrasını təmin etmək məqsədi ilə müntəzəm olaraq “Təcavüzkarların amansız qətli”, “Tarixin qanlı səhifəsi”, “Azərbaycanlılara qarşı erməni təcavüzü”, “Milli dərd, milli genosid”, “20 yanvar şəhidləri”, “Əsrin faciəsi,- Xocalı qırğını”, “Tarix unudulmur” və s. mövzularda dəyirmi masalar və anım günləri keçirilir.
“Əsrin qan yaddaşı”, “Milli dərd, milli genosid”, “Soyqırım erməni xəyanətidir”, “Xocalı qırğını”, “31 mart,- milli soyqırım”, “Qanlı yanvar, qanlı gün”, “Azərbaycanlıların soyqırımı” adlı daimi və müddətli kitab sərgiləri təşkil olunur ki, bu sərgilərdə də milli-mədəni irsimizin məhv olunmasına, Azərbaycanlıların soyqırımına, deportasiyasına həsr olunan ədəbiyyatlar öz əksini tapır.



C.Cabbarlı adına Respublika Gənclər Kitabxanasında 30 mart 2015-ci il tarixdə 31 mart Azərbaycanlıların soyqırımı gününə həsr olunmuş “Təcavüzkarların amansız qətli” mövzusunda anım günü keçirildi.
Tədbir 31 mart soyqırım qurbanlarının xatirələrinin bir dəqiqəlik sükutla yad edilməsindən sonra başladı. Anım gününü giriş sözü ilə kitabxananın elmi işlər üzrə direktor müavini Xalidə Musayeva açaraq Azərbaycan xalqına qarşı törədilmiş söyqırımın dəhşətlərindən danışıb qeyd etdi ki, xalqımızın kütləvi şəkildə qırğını, doğma yurdlarından sürgün edilməsi tariximizin ən dəhşətli və faciəli səhifələrindən biridir. Həmin ağır günlərdə erməni daşnak ordusu Bakıda və ölkənin digər bölgələrində dinc əhaliyə amansız divan tutmuşdur. 1918-ci ildə Bakıda və Azərbaycanın digər bölgələrində ermənilərin törətdikləri qırğınlardan 97 il ötməsinə baxmayaraq, bu vəhşiliklər xalqın qan yaddaşında əbədi iz buraxmışdır. Ötən əsrin əvvəllərindən başlayaraq ermənilərin azərbaycanlılara qarşı həyata keçirdikləri aramsız soyqırım və deportasiya siyasəti 1918-1920-ci illərdə xüsusən genişlənmiş və Azərbaycan xalqını yer üzündən tam silmək kimi iyrənc niyyətlərini üzə çıxarmışdır. Ümummilli liderimiz Heydər Əliyevin 26 mart 1998-ci ildə imzaladığı “31 mart Azərbaycanlıların Soyqırımı Haqqında” fərmanı ilə artıq 17 ildir ki, 31 mart tarixi Azərbaycanlıların soyqırımı günü elan olunmuşdur. Bakı Dövlət Universitetinin müəllimi, tədqiqatçı alim Nazim Tapdıqoğlu öz çıxışında ermənilərin yüzilliklər boyu azərbaycanlılara qarşı yeritdiyi mənfur siyasətdən, törətdikləri cinayətlərdən tədbir iştirakçılarına geniş məlumat verdi. O, bildirdi ki, “Böyük Ermənistan “ yaratmaq xülyasından ruhlanan erməni qəsbkarları 1905-1907-ci illərdə azərbaycanlılara qarşı açıq şəkildə geniş miqyaslı qanlı aksiyalar həyata keçirdilər. Ermənilərin Bakıdan başlanan vəhşilikləri Azərbaycanı və indiki Ermənistan ərazisindəki kəndləri əhatə edirdi. Yüzlərlə yaşayış məntəqəsi dağıdılıb yerlə yeksan edildi, minlərlə dinc sakin xüsusi qəddarlıqla qətlə yetirildi. 1918-ci ilin mart ayından etibarən əks-inqilabçı qüvvələrlə mübarizə şüarı altında Bakı Kommunası tərəfindən Bakı quberniyasını azərbaycanlılardan təmizləmək məqsədi güdən mənfur plan həyata keçirilməyə başladı. Şaumyanın başçılığı ilə törədilmiş bu cinayətdə minlərlə dinc azərbaycanlı əhali yalnız milli mənsubiyyətinə görə məhv edilmişdir. Xalqımız onlara qarşı edilmiş bu vəhşilikləri heç bir zaman unutmamalı və unutdurrmamalıdır.
“Respublika Veteranlar Şurası”nın üzvü, hüquqşünas Kərim Rzayev çıxış edərək bildirdi ki, 1918-ci ilin mart ayının 31-i Azərbaycan xalqının tarixinə növbəti qanlı hadisələrdən biri kimi daxil olmuşdur. Bu tarix hamımıza yaxşı məlumdur. Həmin ağır günlərdə erməni daşnak ordusu Bakı, Şamaxı, Quba qəzalarında, Qarabağda, Zəngəzurda, Naxçıvanda və Azərbaycanın başqa bölgələrində dinc əhaliyə qarşı əsil soyqırım törətmişlər. Onlar 3 gün ərzində təkcə Bakıda 12 min azərbaycanlının həyatına son qoymuş, qocaları, uşaqları, qadınları qətlə yetirmiş, çoxlu tarixi abidəni məhv etmişlər. Bildiyimiz kimi, hər bir xalqın tarixində elə hadisələr olur ki, heç vaxt yaddan çıxmır, unudulmur, gələcək nəsillərin yaddaşına həkk olunur. Bu soyqırım da bizim yaddaşımıza qanlı günlərdən biri kimi daxil olmuşdur.
“Respublika Veteranlar Şurası”nın üzvü Zemfira Kərimova çıxışında qeyd etdi ki, 1918-ci il 31 mart soyqırımı ermənilərin çoxdan hazırladıqları ssenarinin həyata keçirilməsi idi. Ermənilər yaxşı bilirdilər ki, bizim maddi-mədəniyyət abidələrimiz qədimliyimizin sübutudur, xalqımızın tarixi keçmişini, qəhrəmanlıq səhifələrini yaşadıb varlığımızı və torpaqlarımızın əzəli sahibi olduğumuzu əks etdirir. Ona görə də, Azərbaycanın dədə-baba yurdları xüsusi amansızlıqla xarabazara döndərildi. Ermənilərin vətənimizə, millətimizə qarşı törətdikləri cinayətlər bununla bitmir. Bu işdə hər kəs yaxından iştirak etməli, Ermənistanda dövlət siyasəti səviyyəsinə qaldırılmış soyqırım faktlarını bütün dünya ictimaiyyətinə çatdırılmalıdır. Onu da qeyd etmək lazımdır ki, dövlətimiz tərəfindən artıq bu istiqamətdə ciddi işlər görülür.
“Aztəminatlı Gənclərə Sosial Dəstək” ictimai birliyinin icraçı direktoru Ləman Allahverənqızı , şair-jurnalist Təranə Mürsəqulova, “Aztəminatlı gənclərə Dəstək” İctimai birliyinin üzvü Tariyel Vəliyev, Raifə Sərxanqızı 31 mart soyqırım qurbanlarından, onlara qarşı törədilən vəhşiliklərdən, erməni qəsbkarlığından danışdılar. Onlar xalqımızı mübariz olmağa, birləşməyə, başlarına gələn bu dəhşətləri unutmamağa, bu faciəni gələcək nəsillərə ötürməyə çağırdılar və bildirdilər ki, Azərbaycan xalqına qarşı törədilmiş soyqırımlar bizim qan yaddaşımızdır, biz bu qanlı soyqırımı heç vaxt unutmarıq. Tədbirin sonunda “31 mart, - Milli Soyqırım”adlı kitab sərgisinə baxış keçirildi.



C.Cabbarlı adına Respublika Gənclər Kitabxanasında 25 fevral 2015-ci il tarixdə Xocalı soyqırımının 23-cü ildönümünə həsr olunmuş “Əsrin faciəsi,- Xocalı qırğını” mövzusunda dəyirmi masa keçirildi.
Tədbir vətənin azadlığı uğrunda şəhid olanların xatirələrinin bir dəqiqəlik sükutla yad edilməsindən sonra başladı. Tədbirdə Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmağından, bu soyqırım zamanı Azərbaycan xalqı minlərlə şəhid qurban verməyində, 1992-ci il fevral ayının 25-dən 26-na keçən gecə erməni silahlı qüvvələri SSRİ dövründən Xankəndi şəhərində yerləşən 366-cı motoatıcı alayın zirehli texnikası və hərbi heyətinin köməkliyi ilə Xocalı şəhərinin işğal edilməsi haqqında geniş müzakirə aparıldı. Tədbirdə qeyd edildi ki, hücümdan əvvəl, fevralın 25-i axşam şəhər toplardan və ağır artilleriyadan şiddətli atəşə tutuldu. Nəticədə, fevralın 26-ı səhər Xocalı tam alova büründü. Mühasirəyə alınan şəhərdə qalmış təqribən 2500 nəfər xocalılı Ağdam rayonunun mərkəzinə çatmaq ümidi ilə şəhəri tərk etdi. Amma bir günün içində yer üzündən silinən şəhəri tərk edən 2500 Xocalı sakinindən 613 nəfəri düşmən gülləsinə tuş gəlib qətliamın qurbanı oldu. Bu soyqırım nəticəsində 63-ü uşaq, 106-ı qadın, 70-i qoca olmaqla- 613 nəfər Xocalı sakini qətlə yetirildi. Düşmən gülləsinə tuş gəlib yaralanan 487 nəfərdən 76-sı uşaq idi. O vaxtdan indiyənə qədər bu hadisə Azərbaycanda Xocalı soyqırımı” kimi tanınır. “Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə öz çıxışında ermənilərin Azərbaycan xalqına qarşı törətdiyi cinayətlərdən, Xocalı faciəsinin həqiqətlərindən ürək yanğısı ilə danışdı. O, bildirdi ki, Xocalı faciəsi XX əsrdə Azərbaycan xalqının həyatına ən qanlı fəlakət və faciələrlə, həm də hünər və rəşadətlə dolu əsr kimi daxil olmuşdur. Bu faciə 200 ilə yaxın müddətdə erməni şovinist-millətçiləri tərəfindən Azərbaycanlılara qarşı müntəzəm olaraq həyata keçirilən etnik təmizləmə və soyqırım siyasətinin davamı və ən qanlı səhifəsidir. Öz miqyasına və dəhşətlərinə görə dünya tarixində analoqu az olan Xocalı soyqırımını törətməkdə erməni şovinistləri və ideoloqları uzaqgörən məqsəd güdürdülər. Onların məqsədi Dağlıq Qarabağ və digər Azərbaycan torpaqlarını ələ keçirmək, xalqımızın müstəqillik və ərazi bütövlüyü uğrunda mübarizə əzmini qırmaq idi. Lakin mənfur düşmən öz niyyətinə çata bilmədi. Doğrudur, faciə bütün Azərbaycan xalqını sarsıtmış, Xocalı sakinlərinə sağalmaz yaralar, mənəvi zərbələr vurmuşdur. Xocalılar amansız soyqırım günündə də özlərini əsl qəhrəman kimi aparmış, onlara qarşı qeyri-bərabər döyüşdə igidliklə vuruşmuşlar.
Professor Nizaməddin Şəmsizadə çıxışında Xocalı qırğınının dəhşətlərindən danışaraq qeyd etdi ki,1988-ci ildən başlamış Ermənistan- Azərbaycan, Dağlıq Qarabağ münaqişəsi tarixində ən müdhiş hadisələrdən biri Xocalıda baş vermiş soyqırım oldu. Bu hadisə XX əsrin ən dəhşətli və qəddar faciələrindən biri hesab edilə bilər. 1992-ci il fevralın 25-dən 26-na keçən gecə Xocalıda baş verənlər xalqımızın yaddaşına əbədilik həkk olundu. Lakin, xalqımız Xocalı kədəri, Xocalı hüznü yaşadığı vaxtda faciənin ağırlığı o zamankı Azərbaycan hakimiyyəti tərəfindən lazımi şəkildə qiymətləndirilmədi. Yalnız ümumilli lider Heydər Əliyevin hakimiyyətə qayıdışından sonra Xocalı faciəsi özünün əsl siyasi-hüquqi qiymətini aldı, soyqırımı haqqında həqiqətlərin dünya dövlətləlrinə və beynəlxalq ictimaiyyətə çatdırılması üçün təsirli tədbirlər görüldü.
Çıxış edən ”Qadın Hüquqlarının Müdafiəsi” ictimai birliyinin sədri Mehriban Abdullayeva bildirdi ki, 1992-ci il fevral ayının 26-da erməni silahlı qüvvələri azərbaycanlılara qarşı misli görünməmiş Xocalı soyqırımı törətmişlər. Bu əsl soyqırım idi. Xocalıda öldürülmüş 613 nəfərin haqsız tökülən qanlarının cavabını mütləq günahkarlar almalıdırlar. Bu cinayətdə 56 nəfər xüsusi qəddarlıq və amansızlıqla qətlə yetirilmişdir. Onlar diri-diri yandırılmış, başları kəsilmiş, üzlərinin dərisi soyulmuş, körpə uşaqların gözləri çıxarılmışdır. Bu gecə yüzlərlə insan al qanına qəltan edilib qətlə yetirilmişdi. Əsrlər keçsə də bu faciə Azərbaycan xalqının yaddaşında əbədi qalacaqdır. Şairlər Oqtay Mirzə, Qəşəm İlqar, həkim-şair Zakir Ağdamlı, ”Milli qəhrəman Asif Məhərrəmov Fond” unun sədri Ədalət Məhərrəmov, “Aim.az” saytının baş redaktoru, jurnalist İbrahim Rüstəmov da Xocalı soyqırımının dəhşətlərindən, ermənilərin Azərbaycan xalqına qarşı törətdiyi vəhşiliklərdən danışdılar. Onlar qeyd etdilər ki, bu təkcə azərbaycanlılara deyil, bütün bəşəriyyətə qarşı törədilmiş cinayətdir. Biz daim gənc nəsli maarifləndirməli, gənclərimizi vətənpərvərlik ruhunda tərbiyə etməliyik. Bu, bizim vətəndaşlıq borcumuzdur.
“Soyqırım və Terror Əleyhinə İctimai Təşkilatlar Assosiasiyası” nın sədri Elşad Əliyev, şair-publisist German Hüseynov, şair Şahlar Baba, şəhid ailələri Almaz Zeynalova, Elşad Sadıqov, Rayifə Sərxanqızı, Bakı Dövlət Universitetinin kitabxanaçılıq və informasiya fakültəsinin tələbələri də iştirak edirdilər. Tədbirin sonunda “Əsrin qan yaddaşı” adlı kitab sərgisinə baxış keçirildi.



C.Cabbarlı adına Respublika Gənclər Kitabxanasında 21 fevral 2015-ci il tarixdə Azərbaycanın milli qəhrəmanı Şirin Mirzəyevin xatirəsinə həsr olunmuş “Qəhrəmanlar unudulmayacaq” mövzusunda dəyirmi masa keçirildi.
Tədbir vətən uğrunda şəhid olanların xatirələrinin bir dəqiqəlik sükutla yad edilməsindən sonra başladı. Dəyirmi masa Azərbaycanın milli qəhrəmanı Şirin Mirzəyevin vətənimizin azadlığı, torpaqlarımızın qorunması uğrunda göstərdiyi şücaət və qəhrəmanlığına həsr olundu. Qeyd edildi ki, əslən Şuşanın Mirzələr kəndindən olan Şirin Mİrzəyev 1947-ci il yanvar ayının 5-də Xankəndində dünyaya göz açmışdır. N.Gəncəvi adına orta məktəbi bitirdikdən sonra hərbi xidmətə yola düşmüşdür. 1991-ci ildə qəlbində alovlanan vətən məhəbbəti, vətənə xidmət arzusu onu Ağdama çəkib gətirmişdir. Özü də elə bir vaxtda ki, onun kimi peşəkar hərbçilərə vətənin böyük ehtiyacı var idi. 1991-cilin oktyabr ayında bütün təqiblərə və maneələrə baxmayaraq, polkovnik-leytenant Şirin Mirzəyev respublikamızda ilk nizami özünümüdafiə batalyonunu min bir əziyyətlə yaratdı. Bu o dövr üçün çox zəruri addım idi. O, Ağdam rayonunun həm hərbi komissarı, həm də alay komandiri kimi məsul vəzifələri çox bacarıqla yerinə yetirirdi. O, 18 iyun 1992-ci ildə Sırxavənd kəndi istiqamətində aparılan döyüşlər zamanı minaya düşərək həlak olmuşdur. Şirin Mirzəyevin vətənin müdafiəsi uğrunda göstərdiyi xidmətlər unudulmur və unudulmayacaq. O, daim xalqımızın qəlbində yaşayacaq.
Azərbaycanın milli qəhrəmanı Şirin Mizəyevin döyüş yoldaşı Rey Kərimoğlu öz çıxışında bildirdi ki, Şirin Mirzəyev 20 yanvar hadisələrindən sonra etiraz əlaməti olaraq tutduğu vəzifədən istefa etmiş, sonradan isə Qarabağda qurulan könüllülər ordusunun komandiri olmuşdur. Şirin Mirzəyev 1988-ci ildə V.İ.Lenin adına Moskva Hərbi Siyasi Akademiyasını bitirmişdir. Daxili qoşunlar alayında 15 illik hərbi xidmət yolu keçmişdir. O,1991-ci ildə özünümüdafiə batalyonunu yaratmış, 1992-ci ilin mart ayının 28-də onun və tərəfdarlarının səyi nəticəsində respublikada 1-ci olan tabor yaradıldı və ürəyi vətən sevgisiylə çırpınan podpolkovnik Şirin Mirzəyev Ağdam rayon özünümüdafiə taborunun komandiri seçildi. Azərbaycan Respublikasının Milli Qəhrəmanı Asif Məhərrəmov adına İnkişaf Fondu”nun sədri Ədalət Məhərrəmov çıxışında qeyd etdi ki, Şirin Mirzəyevin döyüş yolu respublikada örnək ola biləcək bir yoldur. Onun sərkərdəlik qabiliyyəti nəticəsində Fərrux, Pircamal, Qazançı, Ballıqaya, Qaraşlar, Bəşirli, Sırxavənd, Ağbulaq kəndləri erməni qəsbkar dəstələrindən azad edildi. Ağdam rayonunun 120 km-lik ərazisi müdafiə edildi. Əzabkeş sərkərdə Şirin Mirzəyev düşmənlə döyüş zamanı həmişə ön xətdə olurdu. Onun bu keyfiyyəti alayın bütün üzvlərini cəsarətləndirirdi. İlk anlar könüllülük prinsipi ilə gələn döyüşçülər bir qədər ərköyünlük edirdilər. Şirin Mirzəyevin özünün şəxsi nümunəsi, hərbi qanunlara ciddi riayət etməsi, hər bir əsgərə fərdi qayğısı və tələbkarlığı sayəsində bütün nöqsanlar aradan qaldırılırdı.
Firudun Məmmədov milli qəhramanımız Şirin Mirzəyevin döyüş yolundan, onun Milli Ordu quruculuğundakı rolundan, Qarabağ müharibəsində göstərdiyi qəhrəmanlığından danışaraq qeyd etdi ki, o, ordu yaradanda hələ Azərbaycan öz müstəqiliyini elan etməmişdi. O vaxtkı döyüşlərdə hətta hərbi sursatımız da yox idi. Hərbi sursatları öz vəsaitimiz hesabına alırdıq. İndi Azərbaycan çox böyük hərbi sursata, hərbi bazaya malikdir. Biz bu gün ordumuzla öyünürük. Lakin, ordumuzun Qarabağ uğrunda son döyüşə başlamasını səbrsizliklə gözləyirik. Şirin Mirzəyev haqqında kiçik həcmli film çəkilib, lakin böyük həcmli filmlər də hazırlanıb çəkilməsi nəzərdə tutulub. Şirin Mirzəyevin həyat yoldaşı, millət vəkili Flora Qasımova bildirdi ki, bu gün Azərbaycanda vətənpərvərliyin inkişafına doğru atılan hər bir addım təqdirəlayiqdir. Mən istəyirəm ki, bizim gənclərimiz ermənilərin Azərbaycana qarşı törətdikləri soyqırımın nəticəsi olan Qubadakı qəbristanlığı ziyarət edib həqiqətin şahidi olsunlar. Lazım gəlsə gənclərimiz müharibə yolu ilə torpaqlarımızı geri almağa hazır olmalıdırlar. Şirin Mizəyev heç cür inana bilmirdi ki, Azərbaycanlılar doğma Qarabağdan məcburi köçkün düşə bilərlər. O, bunu heç cür qəbul edə bilmirdiyi üçün “Mən hərbçiyəm, bu mənim borcumdur” deyərək doğma torpaqlarımızın düşmən tapdağından müdafiəsinə qoşulmuşdu.
Elşad Əliyev, Elnur Quliyev, Ədalət Məhərrəmov, Əkbər Rüstəmov, Rafiq Kərimov da Şirin Mirzəyevin keçdiyi döyüş yolu, göstərdiyi şücaətlərdən, gənclərə nümunə olmasından, sanki qəhrəmanlıq məktəbi yaratmasından danışdılar. Tədbirdə “Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə, “Soyqırım və Terrorizm Əleyhinə İctimai Təşkilatlar Assosiasiyası”nın sədri Elşad Əliyev, müharibə veteranı, 83 saylı alayın əsgəri Fəxrəddin Rəcəbov, müharibə veteranı, 845 saylı batalyonun komandiri Əkbər Rüstəmov, hərbi jurnalist İbrahim Rüstəmov, jurnalist Sultan Laçın, Ağdam sakinləri, qazılar Mahir İbrahimov, Rafiq Kərimov, “İmarət” azarkeş qrupunun üzvlərindən Xəyyam Hüseynov, Pərviz Əsgərov, Natiq Şirinov, Elvin İbrahimov, Rüfət Salahov,Tağı Tağıyev, Tural Xalıqov, Rüfət Muradlı, Elnur Quliyev, Qabil Hüseynov, Şəms Azadi, Xaləddin Bayramov və digərləri də iştirak etdilər.
Elşad Əliyev, Elnur Quliyev, Ədalət Məhərrəmov, Əkbər Rüstəmov, Rafiq Kərimov da Şirin Mirzəyevin keçdiyi döyüş yolu, göstərdiyi şücaətlərdən, gənclərə nümunə olmasından, sanki qəhrəmanlıq məktəbi yaratmasından danışdılar. Tədbir boyu ssenari müəllifi Feyruz Saniyev olan Azərbaycanın milli qəhrəmanı Şirin Mirzəyev haqqında çəkilmiş film nümayiş etdirildi.



C.Cabbarlı adına Respublika Gənclər Kitabxanasında 13 fevral 2015-ci il tarixdə “Dilimiz-Vətənimiz” mövzusunda ədəbi-bədii gecə keçirildi.
“Aytam” uşaqların mədəni maarifləndirilməsi ictimai birliyinin sədri Aygün Zamanlı öz çıxışında vətənpərvərlikdən, vətənə-xalqa sədaqətdən, azərbaycan dilinin təbliğindən danışaraq bildirdi ki, Azərbaycan xalqı gələcəyimiz olan gənc nəslin vətənə məhəbbət, xalqa, elinə-obasına, dilinə hörmət, öz ata-babalarının ənənələrinə sədaqət ruhunda tərbiyə olunmasına həmişə böyük məsuliyyətlə yanaşmış və ona həyati əhəmiyyətli məsələ kimi baxmışdır. Bu bir həqiqətdir ki, vətənpərvərlik, doğma dilini sevmək insanda fədakarlıq, qəhrəmanlıq, məğlubedilməzlik hissi yaradır. Bildiyimiz kimi, ana dili hər bir xalqın, millətin varlığıdır. Dil millətin həyat tərzi, mədəni irsidir. Dili yaşadan, inkişaf etdirən onun mənsub olduğu xalqdır. Xarici ölkələrdə keçirdiyimiz tədbirlərdə bizim əsas məqsədimiz ana dilimizi, mədəniyyətimizi, adət-ənənələrimizi tanıtmaqdır. Dahi şəxsiyyət Heydər Əliyevin dilimizin inkişafında, mədəni tərəqqisində, dünyada tanınmasında xidmətlərini xüsusi vurğulamaq lazımdır.
Azərbaycan Dövlət Radiosunun uşaq verilişləri şöbəsinin redaktoru İlahə Aslanova çıxışında qeyd etdi ki, hər bir millətin varlığı, yaşaması onun dilindən asılıdır. Dil nəinki insanlar arasında ünsiyyət, həm də ədəbi-mədəni irsin nəsillərdən-nəsillərə ötürülməsi üçün bir vasitədir. Ona görə də dil amilinə laqeydlik, biganəlik olmaz. Azərbaycan dilinin inkişafı, onun tətbiqi sahəsinin genişləndirilməsi və yabançı təsirlərdən qorunması istiqamətində ulu öndər Heydər Əliyevin böyük xidmətləri olmuşdur. O, ana dilinin saflığının, təmizliyinin qorunması üçün mühüm işlər görmüşdür. Müdrük rəhbərin diqqət və qayğısı nəticəsində hələ sovet dövründə Azərbaycan dili ölkəmizdə dövlət dili kimi elan olunmuşdu. həmçinin bildirdi ki, ana dilimizin qorunması, uşaqlarımızın vətənpərvərlik ruhunda tərbiyə olunmasında biz valideynlərin boynuna böyük öhdəliklər düşür. Biz uşaqlarımıza doğma vətənini və ana dilini sevməyi öyrətməliyik.
“Respublika” qəzetinin xüsusi müxbiri Rauf İlyasoğlu çıxışında qeyd etdi ki, dil insanlar arasında ünsiyyət vasitəsi, insan kamilliyinin açarıdır. Hər bir xalqın öz dili var. Dövlət dilimiz olan Azərbaycan dili zaman-zaman inkişaf edib zənginləşən dillərdən biridir. Həm şifahi, həm də yazılı nitqimizdə Azərbaycan dilinin qrammatik qayda və qanunlarına əməl etmək hər birimizin vətəndaşlıq borcudur. Amma çox təəssüflər olsun ki, bu gün bəzi qəzet və jurnallarda, idarə və müəssisələrdə dilimizdəki söz və mürəkkəb adların yazılışına lazımınca diqqət yetirilmir. Bu dil bizimdir. Bu dilin qayğısına bizdən başqa kimsə qalmayacaq. Ona görə də sözün əsl mənasında gəlin dilimizə hörmət edək, ən azından bu bizim vətəndaşlıq borcumuzdur.
Nizami Gəncəvi adına Milli Azərbaycan Ədəbiyyatı müzeyinin şöbə müdiri Tutu Məmmədova ana dilimizin özünəməxsusluğundan, zənginliyindən, əsrdən-əsrə keçməsinə baxmayaraq öz aktuallığını, lətafətini itirməməsindən danışdı. O, qeyd etdi ki, biz dünyaya göz açanda ilk kəlimələri bu dildə eşitmişik. Tanrı bizə elə nemət bəxş edib ki, bu neməti göz bəbəyi kimi qorumalıyıq. Azərbaycan dili türk dilləri arasında səs və məna incəliklərinə görə bütün dillərdən seçilir. Azı minillik tarixi olan dağ şəlaləsi kimi saf, büllur kimi tərtəmiz ana dilimiz xalqımızın folklorla yoğrulmuş təfəkkür süzgəcindən keçib cilalanmış və bu gün dünyanın 60 milyondan çox Azərbaycan xalqının milli-mənəvi sərvətinə çevrilmişdir. Ana dili hər bir millətin mənəvi sərvəti, qol-qanadıdır. Heç bir maddi nemət və imkanat ana dilini əvəz etməyə qadir deyil. Bizim də borcumuz bu dili qoruyub gələcək nəsillərə ötürməkdir.
Kitabxananın əmkdaşı R.Məlikova çıxışında bildirdi ki, bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Prezident İlham Əliyev ulu öndərin gənclər siyasətinə sadiqliyini gənclərlə bağlı verdiyi qərarlarla təsdiq edir. Gənclərin mənəvi inkişafı, xarici ölkələrdə təhsil alması, sosial müdafiəyə ehtiyacı olanların problemlərinin həlli istiqamətində görülən işlər böyük diqqətin nəticəsidir.
Tədbirdə həmçinin, “Həkəri” qəzetinin xüsusi müxbiri Mehman Ərəstunoğlu, Bakı Dövlət Universitetinin tələbələri və “Aytam” ictimai birliyinin üzvləri olan məktəblilər də iştirak edirdilər “Aytam” ictimai birliyinin üzvü Aygün Rəsulzadə Azərbaycan dilinin saflığı, müqəddəsliyi mövzusunda çıxışından sonra bütün həmyaşıdlarını bu dili sevməyə, bu dilə hörmət etməyə səslədi. Çıxışını X.R.Ulutürkün “Mənim dilim” şerini söyləməklə bitirdi. “Aytam” ictimai birliyinin üzvləri A.İmanov M.Arazın “Qorxuram göz yaşlarından”, S.Abbasova və K.Abbasov X.R.Ulutürkün “Mən yenə dönəcəyəm Azərbaycana”, “Azadlığı istəmirəm zərrə-zərrə, qram-qram”, M.Arazın “Ayağa dur, Azərbaycan”, R.Əliyev X.R.Ulutürkün “Azadlıq” və T.Bayramın “Qarabağ” şerlərini söylədilər.



C.Cabbarlı adına Respublika Gənclər Kitabxanasında 2 fevral 2015-ci il tarixdə “Gənclik, -gələcəyin qurucuları” mövzusunda Gənclər günü münasibəti ilə dəyirmi masa keçirildi.
Tədbiri giriş sözü ilə kitabxananın elmi işlər üzrə direktor müavini X.Musayeva açaraq qeyd etdi ki, 2 fevral 1997-ci il tarixdən hər ilin bu günü Azərbaycanda Gənclər günü kimi qeyd olunur. Azərbaycan Respublikası gənclərinin I forumu ilk dəfə 1996-cı ilin bu günündə keçirilib. 1997-ci ildən fevral ayının 2-si ümummilli lider, dahi öndər Heydər Əliyevin sərəncamı ilə Azərbaycan Respublikasında Gənclər günü elan olunub. Gənclər günü MDB məkanında və Şərqi Avropa ölkələri arasında ilk dəfə olaraq Azərbaycanda qeyd olunub. Azərbaycanda gənclər günü qeyd olunandan sonra digər MDB ölkələrində və Şərqi Avropa ölkələrində də bu gün qeyd olunmağa başladı. Dünyada yalnız 1999-cu ildə BMT-nin qərarı ilə avqustun 12-si Gənclər günü elan edilib. Azərbaycan gəncliyi həmişə respublikanın ictimai-siyasi həyatında, mədəniyyət və incəsənətinin inkişafında özünəməxsus rol oynamışdır. Azərbaycanda hər il Gənclər günündə bütün istiqamətlər üzrə gənclər yekun hesabat verirlər. Azərbaycan gəncləri Azərbaycanın sabahı, rifahının təkanverici qüvvəsi və gələcəyidir. Tədbirdə Bakı Dövlət Universitetinin “Kitabxanaçılıq və informasiya” , “Jurnalıstika” fakültələrinin tələbələri iştirak edirdilər.
Tələbə S.Allahverdiyev öz çıxışında müasir gəncliyin vətənpərvərliyindən, torpaqlarımızın toxunulmazlığı uğrunda göstərdiyi qəhramanlıqlarından, şəhidliyi uca tutub ölümü də şərəflə qəbul etmələrindən danışdı. O, qeyd etdi ki, tarixən hər bir xalq özünün xoşbəxt gələcəyə olan ümidlərini ilk növbədə gənc nəsillə bağlayır. Gənc nəslin yetişdirilməsi hər bir ölkə üçün ən başlıca məsələdir. Çünki, ölkənin gələcəyi, müqəddaratı indiki gənclərdən asılıdır. Gənc nəslin vətənpərvərlik ruhunda tərbiyə olunması onun mənsub olduğu xalqın rifahının, ölkənin çiçəklənməsinin rəhnidir. Bu gün böyük iftixarla demək olar ki, müasir Azərbaycan gəncliyi milli-mənəvi dəyərlərimizi, doğma ana dilimizi, ata-babalardan qalan gözəl adət-ənənələrimizi göz bəbəyi kimi qoruyub yaşadır.
Tələbə T.İbrahimli müasir gənclərimizin uğurlarından danışaraq qeyd etdi ki, hər bir xalqın tarixində onun borclu olduğu şəxsiyyətlər vardır. Azərbaycan xalqı isə bu günü və sabahı üçün ulu öndərimiz Heydər Əliyevə borcludur. Bildiyimiz kimi, ulu öndər gənclərlə bağlı siyasəti müasir Azərbaycan dövlətinin ən mühüm fəaliyyət istiqamətlərindən biri kimi dəyərləndirirdi. Hələ ötən əsrin 70- 80-cı illərində dahi rəhbər Heydər Əliyevin diqqət və qayğısı sayəsində minlərlə azərbaycanlı gənc keçmiş SSSR-nin aparıcı ali məktəblərinə müxtəlif ixtisaslar üzrə təhsil almağa göndərilmişdi. Bu gün də bu ənənəni Azərbaycan Respublikasının prezidenti İlham Əliyev uğurla davam etdirir. Dövlət başçısının gənclərin xaricdə təhsil almasına dəstək verən qərarlar qəbul etməsi bunun sübutudur. Tələbə S.Həsənova öz çıxışında bildirdi ki, gənclik bir millətin yaşaması, inkişafı üçün təməl daşıdır. 1997-ci ildə ümummilli liderimiz Heydər Əliyevin təşəbbüsü ilə bu günün Gənclər günü elan olunmasından artıq 18 il ötür. Bildiyimiz kimi, ölkəmizdə ictimai-siyasi arenada gənclərin sayı daha çoxdur. Azərbaycan gəncləri ölkəmizin ictimai-siyasi, mədəni həyatında fəal iştirak edirlər. Onlar bir çox sahələrdə, o cümlədən, idman sahəsində böyük uğurlar qazanır və ölkəmizi layiqincə təmsil edirlər.
Kitabxananın əməkdaşı S.Yaqubova ümummilli liderimiz Heydər Əliyevin 1997-ci ildən fevral ayının ikisini Gənclər günü elan etməsindən, Respublika əhalisinin 35 %-nin gənclər olmasından, gənclərin ölkənin ictimai-siyasi həyatında fəal iştirakından danışdı. O, qeyd etdi ki, ulu öndər gənclərin imkan və bacarıqlarını yüksək qiymətləndirir, onların problemlərinin həlli istiqamətində həyata keçirilən tədbirlərə xüsusi önəm verir, bu siyasəti müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirirdi. Onun gəncliyə və gənclərə etimadı indi öz təsdiqini tapmaqdadır.
Kitabxananın əmkdaşı R.Məlikova çıxışında bildirdi ki, bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Prezident İlham Əliyev ulu öndərin gənclər siyasətinə sadiqliyini gənclərlə bağlı verdiyi qərarlarla təsdiq edir. Gənclərin mənəvi inkişafı, xarici ölkələrdə təhsil alması, sosial müdafiəyə ehtiyacı olanların problemlərinin həlli istiqamətində görülən işlər böyük diqqətin nəticəsidir.
Ü.Babayeva, X.Məmmədova, T.Mehdiyeva da müasir Azərbaycan gəncliyinin dünyabaxışı, zamandan tələbi, maraq dairəsi, dünya gəncləri ilə müxtəlif mövzularda rəqabətindən danışdılar və onlar ümummilli liderimiz Heydər Əliyevin layiqli davamçısı, Azərbaycan Respublikasının prezidenti, gənclərin sözün əsl mənasında dostu, köməkçisi, arxası, ümidi olan İlham Əliyevə göstərdiyi qayğıya görə təşəkkürlərini bildirdilər. Tədbir boyu Azərbaycan gəncliyinin fəaliyyətini əks etdirən slaydlar nümayiş olundu. Tədbirin sonunda “Azərbaycan gəncliyi” adlı kitab sərgisinə baxış keçirrildi.



C.Cabbarlı adına Respublika Gənclər Kitabxanasında 19 yanvar 2015-ci il tarixdə 20 yanvar faciəsinin 25-ci ildönümünə həsr olunmuş “O gecə şəhidlik zirvəsinə səsləyirdi” adlı elmi-praktik konfrans keçirildi.
Tədbir vətən uğrunda şəhid olanların xatirəsinin bir dəqiqəlik sükutla yad edilməsindən sonra başladı.
Elmi-praktik konfransı giriş sözü ilə kitabxananın direktoru T.Sadıqov açaraq qeyd etdi ki, 1990-cı ilin 20 yanvarında keçmiş sovet dövlətinin hərbi maşınının Azərbaycan xalqına qarşı həyata keçirdiyi qətllər insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq qalacaqdır. Milli azadlıq, ölkəsinin ərazi bütövlüyü uğrunda mübarizəyə qalxmış dinc əhaliyə divan tutulması, yüzlərlə günahsız insanın yaralanması, hətta qətlə yetirilməsi sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdi. Ümummilli liderimiz Heydər Əliyev 1993-cü ildə xalqın tələbi ilə hakimiyyətə qayıtdıqdan sonra Azərbaycan tarixində qanlı yanvar faciəsi kimi yadda qalan 1990-cı ilin 20 yanvar hadisələrinin səbəbləri və nəticələri daha dəqiq araşdırıldı və bu faciənin hərbi təcavüz kimi tam siyasi-hüquqi qiymətini verdi.
Elmi-praktik konfransda “Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə, “Qadın Hüquqlarının Müdafiəsi” ictimai birliyinin sədri Mehriban Abdullayeva, “Respublika Ağsaqqallar və Veteranlar Şurasının” üzvü Sevil İsrafilova, şair-həkim Şahlar Baba, “Bakı Elektrik Şəbəkə və YAP Gənclər Təşkilatının sədri Nicat Müslümov, “Rəsmi xəbər.az” saytının baş redaktoru Rəsmiyyə Vahidova, “Qlobal Dünya və Müasir Azərbaycan” ictimai birliyinin sədri Səbinə Babayeva, İqtisadiyyat və Sənaye Nazirliyinin nümayəndəsi Fatma İmaməliyeva, şairə-publisist Kəmalə Abiyeva, yazıçı Xoşqədəm Cəbrayıloğlu, “Carçı nyus” jurnalının baş redaktoru Gülnarə Əmirquliyeva, şair-publisist Qəşəm İlqar, “Bakı nyus” internet tv-nin baş redaktoru Vüsalə Nəciyeva, bəstəkar Sevinc Tofiqqızı, 31 saylı orta məktəbin müəlliməsi Səidə Bədəlzadə, “Milli Məclisin Sosial-Siyasət Komitəsinin” eksperti Vüqar Fərzizadə, Azərbaycan Televiziyasının diktoru Xalidə Əhmədova və başqa ziyalılar iştirak edirdilər.
T.Əlizadə öz çıxışında bildirdi ki, biz 20 yanvarı milli faciə, milli hüzn kimi qeyd edirik. Lakin, bu faktdır ki, 1990-cı iı yanvar ayının 19-dan 20-nə keçən gecə Azərbaycan xalqına qarşı törədilmiş cinayət, tökülmüş nahaq qanlar Azərbaycan xalqının mübarizə əzmini qıra bilmədi. Həmin gecə xalqımız özünün yenilməzliyini, qəhrəmanlığını, vətənə, torpağa sədaqətini, azadlıq uğrunda mübarizə əzmini bütün dünyaya sübut etdi. Məhz bu əzm və iradənin sayəsində xalqımız müqəddəs arzusuna çatdı, milli azadlığına qovuşdu. Azərbaycan müstəqil dövlət kimi dünya birliyinə daxil oldu.
X. Cəbrayıloğlu çıxış edərək qeyd etdi ki, Bakının ən yüksək nöqtələrindən birində hər bir azərbaycanlı üçün müqəddəs and yerinə çevrilmiş bir yer var. Bu, 20 yanvar qurbanlarının və Ermənistanın hərbi təcavüzünə qarşı döyüşlərdə həlak olanların dəfn edildiyi Şəhidlər Xiyabanıdır. Hər il yanvarın 20-də minlərlə insan vətənin azadlığı və suverenliyi uğrunda canlarından keçmiş Azərbaycan oğul və qızlarının əziz xatirəsini ehtiramla yad etmək üçün buranı ziyarət edirlər. Nəsillər dəyişəcək, lakin vətən oğullarının xatirəsi ürəklərdə əbədi yaşayacaqdır.
R. İlyasoğlu çıxış edərək qeyd etdi ki, T. Sadıqov təcrübəli və peşəkar mütəxəsis kimi öz işinin öhdəsindən layiqincə gəlir.O, uzun müddətdir ki, kitabxana sahəsində çalışır.
Onun kitabxananın inkişafında gördüyü işlər təqdirə layiqdir.Bakı Dövlət Universitetinin kitabxanaçılıq-informasiya fakültəsini bitirıən T. Sadıqov əvvəlcə Nizami rayon MKS direktoru, 1994-cü ildən isə Respublika Gənclər Kitabxanasının direktoru vəzifəsində çalışmışdır.. Çalışdığı bu illər ərzində o, kitabxana sahəsində göstərdiyi fəaliyyətə görə bir sıra diplom və təltiflərə layiq görülmüşdür.”C. Cabbarlı adıbna Respublika Gənclər Kitabxanası: dünəni, bu günü və sabahı” adlı bu kitab T. Sadlqovun uzun illər fəaliyyətinin və əməyinin nəticəsidir.
M. Abdullayeva öz çıxışında bildirdi ki, 20 yanvar faciəsi törədilən zaman Azərbaycan xalqı ağır iflic vəziyyətinə və informasiya blokadasına salınmışdı, radio, televiziya və mətbuatın nəşrinə qadağa qoyulmuşdu. Xalq ağır və dəhşətli faciədən xəbərsiz idi. Görünməmiş qəddarlıqla keçirilən cəza tədbirləri nəticəsində heç bir günahı olmayan 133 dinc sakin öldürüldü, 744 nəfər yaralandı, 841 nəfər qanunsuz şəkildə həbs olundu. Həlak olanların arasında qadınlar, qocalar və uşaqlar da var idi. Bu hadisə sovet rejiminin törətdiyi ən qanlı faciələrdən biri və dinc əhaliyə qarşı yönəlmiş vəhşi bir cinayət hadisəsi idi.
Q.İlqar öz çıxışında bildirdi ki, hər il olduğu kimi bu il də bura yığışmaq bizim üçün çox ağırdır. Həmin gün çox qanlar axıdıldı, dinc əhali haqsızlığın qurbanına çevrildi. Lakin mən əminəm ki, günahsız axıdılan qanlar yerdə qalmayacaq, haqq-ədalət öz yerini tapacaq. O, çıxışının sonunda özünün müəllifi olduğu “Şəhidlər dönməz oldu”adlı şerini söylədi.
X.Əhmədova, V. Fərzizadə, R.Vahidova və başqa ziyalılar çıxış edərək 20 yanvar faciəsindən, o qanlı gündən, sovet imperiyasının xalqımıza qarşı amansızlıından danışdılar. Onlar bildirdilər ki, bugünkü azadlığımız, suverenliyiumizə görə şəhidlırimizə borcluyuq. Azərbaycan və Azərbaycan xalqı yenilməz, düşmın qarşısında əyilməzdir. Gün gələcək, qələbəmizə görə xalqımızla bərabər şəhid olanların ruhları da sevinəcək.
Tədbir boyu 20 yanvar faciəsini əks etdirən slaydlar və bəstəkar S. Tofiqqızının “20 yanvar” faciəsinə həsr etdiyi musiqi kompozisiyası nümayiş olundu. Sonda “Qanlı Yanvar, Qanlı Gün” adlı kitab sərgisinə baxış keçirildi.



C.Cabbarlı adına Respublika Gənclər Kitabxanasında 29 dekabr 2014-cü il tarixdə “31 Dekabr Dünya Azərbaycanlılarının Həmrəylik günü “ münasibəti ilə “Həmrəy, həmfikir olaq” mövzusunda elmi-praktik konfrans keçirildi. Tədbir Qarabağ uğrunda şəhid olanların ruhlarının bir dəqiqəlik sükutla yad edilməsi və dövlət himninin səsləndirilməsindən sonra başladı.
Elmi-praktik konfransı giriş sözü ilə kitabxananın direktoru T.Sadıqov açaraq tədbir iştirakçılarını Dünya Azərbaycanlılarının Həmrəylik günü və Yeni il münasibəti ilə təbrik edərək qeyd etdi. Ümummilli liderimiz Heydər Əliyevin Azərbaycan xalqı qarşısındakı xidmətlərindən danışaraq bildirdi ki, 1991-ci ilin 31 dekabr tarixindən bu günə qədər xalqımız “31 Dekabr Dünya Azərbaycanlılarının Həmrəyliyi günü”nü bayram kimi qeyd edir. Bu bayram dünyanın 70-dən çox ölkəsində yaşayan 50 milyondan artıq azərbaycanlılarla əlaqələr qurmaq, onlar arsında birlik və həmrəylik yaratmaq işində mühüm rol oynayır. Dünya Azərbaycanlılarının Həmrəylik gününün qeyd edilməsi bütün dünya azərbaycanlıları üçün artıq bir zərurətə və mənəvi ehtiyaca çevrilmişdir. İndi Həmrəylik gününü hətta milliyyətcə azərbaycanlı olmayıb, lakin Azərbaycanda doğulub böyümüş, Azərbaycan əsilli diaspor nümayəndələri də qeyd edirlər.
Tədbirdə “Dünya Azərbaycanlılarının Həmrəyliyinə Dəstək” ictimai birliyinin sədri Tofiq Əlizadə, “Rəsmi Xəbər. Az” informasiya agentliyinin üzvü Rəsmiyyə Vahidova, “Carçı nyus” jurnalının baş redaktoru Gülnarə Əmirquliyeva, nəğməkar-şairə Könül Nazimqızı, “Şahdağ Xeyriyyə” ictimai birliyi nin sədri Rəhilə Teymurova, həkim-şair Zakir Ağdamlı, “Respublika Veteranlar və Ağsaqqallar “ şurasının üzvü Sevil İsrafilova, Bakı Elektrik Şəbəkə ASC-nin sədri Nicat Müslümov , şair-həkim Şahlar Baba, bəstəkar Sevinc Tofiqqızı, “Azərbaycan Diaspora” qəzetinin əməkdaşı Şükufə İsmayılzadə, şair Qəşəm İlqar, satirik Xoşqədəm Cəbrayıloğlu iştirak edirdilər.
T.Əlizadə öz çıxışında qeyd etdi ki, azərbaycanlılar minnilliklər boyu özlərinin doğma torpağı olan tarixi Azərbaycan ərazisində yaşayaraq dünya sivilizasiyasına böyük töhfələr vermişlər. Müharibələr, inqilablar, hərbi-münaqişələr nəticəsində Azərbaycan parçalanmış, azərbaycanlıların bir qismi öz yuvalarından ayrı düşmüşdür. İş tapmaq, təhsil almaq məqsədi ilə başqa ölkələrdə qərar tutub yaşayan azərbaycanlılar da var. Hazırda onlar dünyanın bir çox ölkələrində yaşayırlar. Başqa ölkələrdə yaşamaqlarına baxmayaraq, onların qəlbi daim doğma vətəni üçün döyünür. Həmrəylik günü bu istəyin simvolik nişanıdır. Azərbaycan dövlətinin iqtisadi-siyasi, sosial-mədəni qüdrətinin artması və dinamik inkişafı bütün dünya azərbaycanlılarının arzusudur
G. Əmirquliyeva çıxış edərək qeyd etdi ki, bu bayram ayrı-ayrı ölkələrdə yaşayan soydaşlarımızın və həmvətənlərimizin respublikamızla əlaqələrinin daha da möhkəmləndirilməsi, dünya azərbaycanlıları arasında birliyin və həmrəyliyin yaradılması işində mühüm rol oynamaqdadır. Qədim tarixə malik xalqımız “Dünya Azərbaycanlılarının Həmrəylik günü”nü uzun illərdən bəri yaranmış, qorunub saxlanılmış ənənələrinə, mədəniyyətinə xas olan amal və duyğularla keçirir. Bu bayram ildən-ilə daha geniş vüsət taparaq ürəklərdə vətən eşqi, milli və mənəvi birlik, həmrəylik hissləri bəsləyən hər bir soydaşımız tərəfindən güclü dəstək alır.
K.Nazimqızı öz çıxışında bildirdi ki, iyirmi üç il öncə ümummilli liderimiz Heydər Əliyevin təşəbbüsü ilə elan edilmiş milli - mənəvi birliyə çağIrış günü ümumxalq mənafelərimizin həyata keçirilməsi naminə soydaşlarımızın azərbaycançılıq ideyası əsasında sıx birləşməsi prosesinin başlanğıcını qoymuşdur. Ulu öndərin hakimiyyətə tarixi qayıdışı bütün sahələrdə olduğu kimi, diaspor quruculuğu və dünya azərbaycanlılarının həmrəyliyi istiqamətində də yeni işlərin başlanmasına rəvac verdi.
R. İlyasoğlu çıxış edərək qeyd etdi ki, T. Sadıqov təcrübəli və peşəkar mütəxəsis kimi öz işinin öhdəsindən layiqincə gəlir.O, uzun müddətdir ki, kitabxana sahəsində çalışır. Onun kitabxananın inkişafında gördüyü işlər təqdirə layiqdir.Bakı Dövlət Universitetinin kitabxanaçılıq-informasiya fakültəsini bitirıən T. Sadıqov əvvəlcə Nizami rayon MKS direktoru, 1994-cü ildən isə Respublika Gənclər Kitabxanasının direktoru vəzifəsində çalışmışdır.. Çalışdığı bu illər ərzində o, kitabxana sahəsində göstərdiyi fəaliyyətə görə bir sıra diplom və təltiflərə layiq görülmüşdür.”C. Cabbarlı adıbna Respublika Gənclər Kitabxanası: dünəni, bu günü və sabahı” adlı bu kitab T. Sadlqovun uzun illər fəaliyyətinin və əməyinin nəticəsidir.
Şair Q. İlqar çıxış edərək bu günün özəl bir gün olduğunu vurğuladı və qeyd etdi ki, biz hamımız azərbaycanlı olduğumuz üçün fəxr edirik. Azərbaycanın bu günü, bu gününün rifahı, gələcəyimiz üçün Azərbaycan Respublikasının Prezidenti İlham Əliyevə borcluyuq. Çıxışının sonunda şair özünün müəllifi olduğu “Özünü oyat” adlı şerini söylədi.
Elmi-praktik konfrans boyu “Dünya Azərbaycanlılarının Həmrəyliyinə Dəstək” ictimai birliyinin fəaliyyəti haqqında slaydlar nümayiş etdirildi.




Məni qınayanlar qoy qınamasın,
Özüm də bilmədim kimi sevmişəm.
Halıma yananlar deyin yanmasın,
Özüm də bilmədim kimi sevmişəm.
**** **** **** **** ****
Mən qiymət vermədim məni sevənə,
Baxmadım ürəyim, qəlbim deyənə.
İnandım gözümə xoş görünənə,
Özüm də bilmədim kimi sevmişəm.

ətraflı

C. Cabbarlı adına Respublika Gənclər Kitabxanasında 15 noyabr 2014- cü il tarixdə şairə Məhbubə Salmanovanın “Ana fəryadı” adlı kitabının təqdimat mərasimi keçirildi.
Tədbiri giriş sözü ilə C.Cabbarlı adına Respublika Gənclər Kitabxanasının direktoru T.Sadıqov açaraq qeyd etdi ki, Məhbubə xanım vətənpərvər, səmimi, təvəzökar və əsl duyğusal mənəviyyat adamıdır. O, bütün xarakterik xüsusiyyətləri ilə ləyaqətli vətəndaş və əsl ana obrazını özündə cəmləşdirmişdir. Şairənin “Ana fəryadı” kitabında toplanmış şeirlər tarixi zərurətdən doğulmuş və əsasən milli mentalitetimizə söykənən motivlərə əsaslanır. Kitab Azərbaycan gəncliyinin nümunəsi olan gənc Orxan Rzaqulu oğlunun nakam və yarımçıq ömür salnaməsinin portretidir, desəm yanılmaram. ”Ana fəryadı” poemasını faciəli dram da adlandırmaq olar. Poemada erkən oğul itirən Zərifə ananın fəryadı çox qabarıq şəkildə , həm də milli mentalitetimizə uyğun bir formada əsl Azəri anasının iniltisi, ağrı-acısı şəklində yüksək məharətlə verilmişdir.
Təqdimat mərasimində Yeni Azərbaycan Partiyası Nəsimi rayon təşkilatı idarə heyətinin üzvü Z.Quliyeva, Nəsimi bələdiyyəsinin üzvü N.İsmayılova, “Qoşa Ulduz” jurnalının baş redaktoru G.Namazova , “Azad Azərbaycan” qəzetinin şöbə müdiri Hacı Tofiq Seyidzadə, “Azad qələm” jurnalının baş redaktoru N.İlkin, “Gənclik” jurnalının baş redaktoru N.Rafiq, “Respublika” qəzetinin xüsusi müxbiri, şair-publisist R.İlyasoğlu, yazar S.Qasımova, şəhid anası R.Əsgərova və başqa ziyalılar da iştirak edirdilər. R.İlyasoğlu öz çıxışında Məhbubə Salmanovanın bədii yaradıcılığından bəhs edərək qeyd etdi ki, “Ana fəryadı” kitabı öz aktuallığı, mövzu çalarlığı, eləcə də zamanla həmahəngliyinə görə böyük oxucu auditoriyası üçün nəzərdə tutulmuşdur. Bildiyimiz kimi Məhbubə xanım müəllimdir. O, hər gün vətəndaş tərbiyə edir və elm öyrədir. Məhbubə xanıma insanlıq, yaradıcılıq, vətənə, xalqa məhəbbət övlada münasibət və sonsuz sevgi deyilən bir duyğu hakimdir. O duyğu ki, hər an, hər saat, hər gün və ömrü boyu Məhbubə xanımla birgə yaşayır və addımlayır. Məhz onun “Ana fəryadı” kitabını vərəqlədikcə, poemanın ayrı-ayrı fəsillərdən ibarət səhnələrində şairənin özünün həmin obrazların əvəzindən çıxış edərək, yanğı ilə bəhs etməsinin şahidi oluruq.
G.Namazova çıxış edərək Məhbubə xanıma yeni yaradıcılıq uğurları arzuladı və qeyd etdi ki, Məhbubə xanım bu kitabında erkən oğul itirən ananın fəryadını, ağrı-acısını böyük məharətlə qələmə almışdır. “Ana fəryadı” kitabını oxuduqca yorulmadan, səhnə-səhnə, əsas rollar öz ürək sözlərini səmimi,oxunaqlı dillə ifadə edirlər və səlis ,məntiqlə, ardıcıllıqla əvəz edirlər.,Bütövlükdə əsərin əsas motivində faciə ilə nikbin ruh yaşayır və əsərin sonuna kimi oxucunu intizarda qoyur ki, bu da Zərifə ananın Ayxana qovuşma səhnəsidir.,Ümumiyyətlə, əsər güclü dramatik poemadır. Əminəm ki, Məhbubə xanımın bu kitabı oxucuların stolüstü kitabına çevriləcəkdir.
Z. Quliyeva öz çıxışında bu kitabı yazıb ərsəyə gətirdiyinə görə Məhbubə xanıma öz dərin təşəkkürünü bildirərək qeyd etdi ki, dünya müvəqqətidir. O insana sınaq üçün verilmişdir. Dünya adlı güzgüdə hər kəs öz simasını göstərir. Bu poemada günah yükü daşıyan insanlara xəbərdarlıq var. Həyat və insan fəlsəfəsi hər insanın başa düşəcəyi fəlsəfə deyil.Bu fəlsəfəni yalnız yaranışının mənasını başa düşən, insan psixologiyasına bələd olan insanlar anlaya bilər.Mən həyatdan nakam köçənlərin hamısına Allahdan rəhmət diləyir, gözü yaşlı olanlara Allahdan səbir diləyirəm.
N. İlkin, N.İsmayılova, R.Mirzəzadə və başqa ziyalılar çıxış edərək müəllifə yeni yaradıcılıq uğurları arzuladılar.
Müəllif M.Salmanova öz çıxışında bildirdi ki, “Ana fəryadı” kitabı onun oxucularla ikinci görüşüdür. Onun ilk şeirlər kitabı olan “Qəhrəmanlar döyüşür, yurdu yaşatmaq üçün” öz aktuallığı, zamanla səsləşməsi baxımından böyük oxucu auditoriyası qazanmışdır.O, həmçinin qeyd etdi ki, yaradıcılığında vətənpərvərlik, məhəbbət mövzuları geniş yer tutur.Dahi şəxsiyyətlərə ittihafnamələr və faciəli poema yaradıcılığının intibah dövrüdür.
Sonda müəllif M.Salmanova “Ana fəryadı” kitabından bir neçə nüsxə kitabxanaya hədiyyə verdi.



10-14 noyabr 2014-cü il tarixdə Rusiya Federasiyasının Suzdal şəhərində “Kitabxanalar üçün informasiya texnologiyaları, komputer sistemləri və nəşriyyat məhsulları” mövzusunda XVIII Beynəlxalq Konfrans (LİBKOM 2014) keçirilmişdir. Həmin konfransda C.Cabbarlı adına Respublika Gənclər kitabxanasının direktoru Tahir Sadıqov çıxış edərək konfrans iştirakçılarını Odlar yurdu, günəşli Azərbaycan adından salamlamış, gələcəkdə də Rusiya-Azərbaycan dostluq əlaqələrinin möhkəmlənməsindən danışmış və konfransda iştirakına görə konfransın Təşkilat Komitəsinə öz təşəkkürünü bildirmişdir.



C.Cabbarlı adına Respublika Gənclər Kitabxanasında 07 noyabr 2014- cü il tarixdə Azərbaycan Bayrağı Günü münasibəti ilə “Ucal Azərbaycan bayrağı” mövzusunda elmi - praktiki konfrans keçirildi.
Tədbir vətənimizin ərazi bütövlüyü, istiqlaliyyəti və müstəqilliyimizin əldə olunması uğrunda həlak olmuş bütün soydaşlarımızın əziz xatirəsinin bir dəqiqəlik sükutla yad edilməsindən sonra başladı.
Elmi – praktik konfransı kitabxananın elmi işlər üzrə direktor müavini X. Musayeva açaraq qeyd etdi ki, XX əsrin sonlarında SSSR- nin dağılması ilə yaranan tarixi şərait nəticəsində Azərbaycan dövlət müstəqilliyini bərpa etmişdir. Azərbaycan Respublikası müstəqilliyini bərpa etdikdən sonra Azərbaycan dövlət bayrağı milli suverenliyin simvolu kimi ölkəmizin bütün vətəndaşları üçün müqəddəs dövlətçilik rəmzlərindən birinə çevrilmişdir. Azərbaycan Xalq Cümhuriyyətinin yadigarı olan bu bayraq bizim azadlıq məfkurəsinə, milli – mənəvi dəyərlərə və ümumbəşəri ideallara sadiqliyimizi nümayiş etdirir. Ölkə prezidenti İlham Əliyevin noyabrın 17-də Azərbaycan Dövlət Bayrağı Gününün təsis edilməsi haqqında sərəncam imzalamasından sonra hər il noyabr ayının 9- u Azərbaycan Respublikasının Dövlət Bayrağı Günü kimi qeyd edilir.
Tədbirdə Yasamal Rayonu Ağsaqqallar Şurasının sədr müavini R. Cavadov, Bakı Dövlət Universiteti və Azərbaycan Mədəniyyət və İncəsənət Universitetinin tələbələri, Yasamal Rayonu 167 saylı orta məktəbin şagirdləri iştirak edirdilər.
R. Cavadov çıxış edərək qeyd etdi ki, Azərbaycan Respublikasının dövlət atributlarından, dövlətçilik rəmzlərindən biri onun Milli Bayrağı – Dövlət bayrağıdır. Azərbaycan Respublikasının Dövlət bayrağı Azərbaycan dövlətinin suverenliyinin rəmzidir. Müstəqil Azərbaycan dövlət bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən “Türkçülük, islamçılıq və müasirlik” düsturunun müəllifi görkəmli Azərbaycan mütəfəkkiri Əli bəy Hüseynzadə olmuşdur. Azərbaycan Milli Qurtuluş Hərəkatının ideoloqu M. Ə. Rəsulzadə 1918- ci ildə Azərbaycan Parlamentinin yığıncağında qaldırdığımız bayrağın türk milli mədəniyyətinin, müsəlman sivilizasiyasının və müasir Avropa demokratik əsaslarının simvolu olduğunu vurğulamışdır.
Kitabxananın əməkdaşı Ş. Kazımova öz çıxışında qeyd etdi ki, Azərbaycan Respublikasının dövlət bayrağı bərabər enli üfuqi üç zolaqdan ibarətdir. Yuxarı zolaq mavi, orta zolaq qırmızı, aşağı zolaq yaşıl rəngdədir. Mavi rəng- Azərbaycan xalqının türk mənşəli olması, türkçülük ideyası ilə bağlıdır. Qırmızı rəng- müasir cəmiyyət qurmaq, demokratiyanı inkişaf etdirmək, bir sözlə müasirləşməni ifadə edir. Yaşıl rəng isə islam sivilizasiyasına, islam dininə mənsubluğunu bildirir. Böyük mütəfəkkir Əli bəy Hüseynzadə “ Qırmızı qaranlıqlar içində yaşıl işıqlar” əsərində yaşıl rəngin geniş izahını vermişdir.
R. İlyasoğlu çıxış edərək qeyd etdi ki, T. Sadıqov təcrübəli və peşəkar mütəxəsis kimi öz işinin öhdəsindən layiqincə gəlir.O, uzun müddətdir ki, kitabxana sahəsində çalışır. Onun kitabxananın inkişafında gördüyü işlər təqdirə layiqdir.Bakı Dövlət Universitetinin kitabxanaçılıq-informasiya fakültəsini bitirıən T. Sadıqov əvvəlcə Nizami rayon MKS direktoru, 1994-cü ildən isə Respublika Gənclər Kitabxanasının direktoru vəzifəsində çalışmışdır.. Çalışdığı bu illər ərzində o, kitabxana sahəsində göstərdiyi fəaliyyətə görə bir sıra diplom və təltiflərə layiq görülmüşdür.”C. Cabbarlı adıbna Respublika Gənclər Kitabxanası: dünəni, bu günü və sabahı” adlı bu kitab T. Sadlqovun uzun illər fəaliyyətinin və əməyinin nəticəsidir.
Kitabxananın əməkdaşı X. Manafova çıxış edərək, dövlət müstəqilliyimizdən, onun Azərbaycan xalqının həyatında oynadığı rolundan danışdı. O, qeyd etdi ki, bu gün biz Azərbaycan dövlətinin hazırki inkişafına və onun regionun güclü dövlətə çevrilməsinə nəzər saldıqda, ümummilli liderimiz Heydər Əliyevin əməyini görürük. Bildiyimiz kimi, Azərbaycanın üçrəngli dövlət bayrağı 1918- ci il noyabr ayının 9- da Azərbaycan Xalq Cümhuriyyətinin qərarı ilə qəbul edilmişdir. Lakin 1920- ci il aprelin 28- də Xalq Cümhuriyyəti süqut etdikdən və Sovet hakimiyyəti qurulduqdan sonra bu bayraqdan imtina edilmişdir. Bu bayraq ikinci dəfə 1990- cı ilin noyabrın 17- də Naxçıvan Muxtar Respublikası Ali Məclisinin qərarı ilə qəbul edilmiş və Muxtar Respublikanın dövlət bayrağı kimi qəbul edilmişdir. 1991- ci il fevral ayının 5- də Azərbaycan Respublikası Ali Soveti Naxçıvan Respublikası Ali Məclisinin vəsatətinə baxmış və üçrəngli bayrağın Azərbaycan dövlət bayrağı kimi qəbul edilməsi haqqında qərar vermişdir.
Tələbələr İ. Məmmədova, S. Sadıqov, K. Amilova da dövlət bayrağımızdan, onun xalqımızın həyatında oynadığı rolundan ətraflı danışdılar. 167 saylı məktəbin şagirdləri “Azərbaycan bayrağı” adlı kompozisiya ilə çıxış etdilər.
Tədbirin sonunda “Bir kərə yüksələn bayraq” adlı kitab sərgisinə baxış keçirildi.



C. Cabbarlı adına Respublika Gənclər Kitabxanasında 6 noyabr 2014-cü il tarixdə kitabxananın direktoru, respublikamızın görkəmli və təcrübəli kitabxanaşünası Tahir Sadıqovun “C.Cabbarlı adına Respublika Gənclər Kitabxanası: dünəni, bu günü və sabahı”adlı kitabının təqdimat mərasimi keçirildi.
Tədbiri giriş sözü ilə kitabxananın direktoru T. Sadıqov açaraq qeyd etdi ki, 1928-ci ildən fəaliyyətə başlayan kitabxana ilk illərdə bir çox çətinliklərlə qarşılaşsa da 50-ci illərdə onun fəaliyyətində əsaslı dönüş yaranmışdır. Bu illərdə kitabxananın fondu ildən- ilə zənginləşmiş, oxucuların arasında gənclər və məktəblilər üstünlük təşkil etmişdir.İllər keçdikcə kitabxananın struktur quruluşunda xeyli dəyişikliklər baş vermişdir. Əvvəlcə qiraətxana kimi fəaliyyətə başlayan kitabxanada sonralar kitab fondu, oxu zalı, abonoment şöbəsi təşkil olunmuş, 1968-ci ildə 4 şöbəsi, 3 filialı yaradılmışdır.1976-cı ildə kitabxana Respublika Gənclər Kitabxanası kimi fəaliyyətə başlamışdır. Bundan sonra onun fəaliyyət dairəsi daha da artmışdır. Nəticə olaraq hazırda kitabxananın fondu 128 600 nüsxə, oxucuların sayı isə 13 453 nəfərdir. Ölkə prezidenti İlham Əliyevin imzaladığı bir sıra sərəncamlar kitabxana işinin inkişafına, onun maddi texniki bazasının və kadr ehtiyatlarının möhkəmləndirilməsinə köməklik göstərmişdir.
Təqdimat mərasimində Bakı Dövlət Universitetinin kitabxanaçılıq- informasiya fakültəsi, pedaqogika üzrə fəlsəfə doktoru, dosent Mehman Məmmədov, “Dünya Azərbaycanlılarının Həmrəyliyinə Dəstək” ictimai birliyinin sədri T. Əlizadə, “Carçı nyus” jurnalının baş redaktoru G. Əmirquliyeva, Respublika Əlil və Şəhid Ailələrinin Vətənpərvərlər Cəmiyyətinin sədri, milli qəhrəman A. Məhərrəmov, “Rəsmi Xəbər. Az” informasiya agentliyinin baş redaktoru R. Vahidova, professor, yazıçı-publisist Z. Nəbibəyli, “Respublika” qəzetinin xüsusi müxbiri, şair- publisist R. İlyasoğlu, Bakı Dövlət Universitetinin müəllimi İ. Əlili, yazıçı X. Cəbrayıloğlu, şair- publisist Q. İlqar, şair- yazar K. Nazimqızı, həkim- şair Z. Ağdamlı, tarixçi, yazar Ç. Nağıyeva, həkim- şair Ş. Əliyev, Bakı Dövlət Universitetinin və Azərbaycan Mədəniyyət və İncəsənət Universitetinin tələbələri də iştirak edirdilər.
T. Əlizadə çıxış edərək qeyd etdi ki, C. Cabbarlı adına Respublika Gənclər Kitabxanasının oxuculara və geniş ictimaiyyətə verdiyi ən böyük töhfə kitabxananın direktoru T. Sadıqovun ərsəyə gətirdiyi “ C.. Cabbarli adına Respublika Gənclər Kitabxanası: dünəni, bu günü və sabahı” adlı monoqrafiyasıdır. Nəfis şəkildə çap edilən monoqrafiya ulu öndər Heydər Əliyevin “Kitabxana xalq, millət üçün, cəmiyyət üçün müqəddəs bir yer, mənəviyyat, bilik, zəka mənbəyidir.” və möhtərəm prezidentimiz İlham Əliyevin “ Azərbaycan kitabxanaları Azərbaycan xalqının milli sərvətidir” kəlmələri ilə başlanır. Müəllif əsərin müqəddimə hissəsində öncə Azərbaycanda kitabxana işinin tarixinə qısa bir nəzər salmış və bu tarixin tədqiqatçısı, Azərbaycan elmi kitabxanaşünaslıq məktəbinin banisi professor A. Xələfovun əməyini yüksək qiymətləndirmişdir.
M. Məmmədov öz çıxışında kitabın əhəmiyyətindən danışaraq qeyd etdi ki, ”C. Cabbarlı adına Respublika Gənclər Kitabxanası: dünəni, bu günü və sabahı” adlı monoqrafik əsər vaxtında oxuculara təqdim edilən bir tarixdir. Kitabda təkcə C. Cabbarlı adına Respublika Gənclər Kitabxanasının fəaliyyəti deyil, həmçinin Azərbaycanda kitabxana quruculuğu, ölkəmizdə kitabxanalara göstərilən dövlət qayğısı və digər məsələlər öz geniş əksini tapmışdır. Ona görə də kitab təkcə kitabxana ictimaiyyəti üçün deyil, həmçinin geniş oxucu kütləsi üçün nəzərdə tutulmuşdur. Kitabın müəllifi C. Cabbarlı adına Respublika Gənclər Kitabxanasının direktoru Tahir Sadıqov uzun müddətdir ki, kitabxana işində çalışır. İşlədiyi müddət ərzində dəfələrlə Mədəniyyət və Turizm nazirliyi tərəfindən diplomlara və təltiflərə layiq görülmüşdür. Onun oxuculara təqdim etdiyi bu monoqrafiyası çoxillik təcrübənin nəticəsi kimi meydana gəlmişdir.
G. Əmirquliyeva öz çıxışında T. Sadıqovun yaradıcılığından, təcrübəli və peşəkar kitabxanaşünas kimi fəaliyyətindən danışdı. O, qeyd etdi ki, müəllif kitabda informasiya mədəniyyəti və oxucu problemi, yeni informasiyalaşdırma tendensiyaları məsələlərinə toxunmuş və belə nəticəyə gəlmişdir ki, informasiyanın tədricən inkişafının ictimai resursuna çevrilməsi cəmiyyətin informasiyalaşdırılması yolunda ölkənin müvəffəqiyyətli irəliləyişini əks etdirən göstəricidir. Müəllif kitabxanada tətbiq edilən AZLİBNET Milli İnformasiya Resurs Mərkəzinin fəaliyyətinə də aydınlıq gətirmişdir. Məlum olduğu kimi bu mərkəz toplu kataloqu ayrı-ayrı kitabxana şəbəkələrinə və fərdi oxucuların istifadəsinə verməklə, ölkəmizdə ilk dəfə olaraq yeni mərkəzləşdirilmiş kataloqlaşdırma xidmətini həyata keçirməyi qarşıya məqsəd qoymuşdur.
R. İlyasoğlu çıxış edərək qeyd etdi ki, T. Sadıqov təcrübəli və peşəkar mütəxəsis kimi öz işinin öhdəsindən layiqincə gəlir.O, uzun müddətdir ki, kitabxana sahəsində çalışır. Onun kitabxananın inkişafında gördüyü işlər təqdirə layiqdir.Bakı Dövlət Universitetinin kitabxanaçılıq-informasiya fakültəsini bitirıən T. Sadıqov əvvəlcə Nizami rayon MKS direktoru, 1994-cü ildən isə Respublika Gənclər Kitabxanasının direktoru vəzifəsində çalışmışdır.. Çalışdığı bu illər ərzində o, kitabxana sahəsində göstərdiyi fəaliyyətə görə bir sıra diplom və təltiflərə layiq görülmüşdür.”C. Cabbarlı adıbna Respublika Gənclər Kitabxanası: dünəni, bu günü və sabahı” adlı bu kitab T. Sadlqovun uzun illər fəaliyyətinin və əməyinin nəticəsidir.
Z. Ağdamlı, Ç. Nağıyeva, Q. İlqar, K. Nazimqızı və İ. Əlili də “ C. Cabbarlı adına Respublika Gənclər Kitabxanası: dünəni, bu günü və sabahı” kitabının müasir zaman ilə səsləşməsindən, geniş oxucu kütləsi üçün nəzərdə tutulmasından danışıb müəllifə yeni yaradıcılıq uğurları arzuladılar.
Sonda bütün tədbir iştirakçılarına müəllif tərəfindən “C. Cabbarlı adına Respublika Gənclər Kitabxanasının: dünəni, bu günü və sabahı” adlı kitabdan hədiyyə edildi.



Əziz oxucular!
06.11.2014-cü il tarixində saat 14-00-da C.Cabbarlı adına Respublika Gənclər Kitabxanasının İctimai Hüquqi İnformasiya Mərkəzində "C.Cabbarlı adına Respublika Gənclər Kitabxanası: dünəni, bu günü və sabahı" adlı kitabının təqdimat mərasimi keçiriləcəkdir.



C.Cabbarlı adına Respublika Gənclər Kitabxanasında 01 noyabr 2014-cü il tarixdə “Ədalət məşəli” qəzetinin xüsusi müxbiri, gənc yazıçı-jurnalist Fərqanə Hüseynlinin “Bu kənd bizim kəndimizdir” kitabının təqdimat mərasimi keçirildi.
Təqdimat mərasimi Qarabağ uğrunda döyüşlərdə həlak olanların xatirələrinin bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın elmi işlər üzrə direktor müavini X.Musayeva açıb Ağdam, Cəbrayıl, Zəngilan, Qubadlı, Kəlbəcər..., - ümumilikdə Azərbaycanın on rayonunun işğal altında olmasından, Füzuli rayonunun 1993-cü ilin avqust ayının 23-də ermənilər tərəfindən zəbt edilməsindən, “Bu kənd bizim kəndimizdir” kitabının da məhz Füzuli rayonunun Arış kəndinə həsr olunmasından danışdı. Elinə, obasına bağlı olan, minlərlə qaçqın və köçkün soydaşlarının halına yanan, vətən uğrunda canından keçən Füzuli şəhidlərinin ruhunu bu kitabda yad edən müəllifin Arış kəndinin tarixi, tanınmış şəxsiyyətləri, ziyalıları haqqında geniş məlumat verməsini bildirdi. Qeyd etdi ki, F.Hüseynova kitabda Qarabağ uğrunda döyüşlərdə şəhid olan vətən oğulları haqqında məlumat verərkən itkin düşənlərin də adlarını xatırlamağı unutmayıb. Həmçinin, kitabda öz əksini tapan şerlərdə, bayatılarda da bir həzinlik, niskillik, vətən həsrəti, ürək ağrısı duyulmaqdadır.
Təqdimat mərasimində şair-hüquqşünas İ.Türkoğlu, tarixçi-tədqiqatçı, şair, publisist N.Tapdıqoğlu, “Azərbaycan Tribunası” qızetinin baş redaktoru S.Mehdiyev, “Azad qələm” qəzetinin və “İşıq” jurnalının əməkdaşı N.İlkin, şairə-publisist G.Munis, AzMİU-nun professoru T.Əliyev, həkim-şair Z.Ağdamlı, ADİU-nun müəllimi İ.Məmmədov, Respublika Əlil və Şəhid Ailələrinin Vətənpərvərlər Cəmiyyətinin sədri, milli qəhrəman A.Məhərrəmov, şair E.Atayurd, yazıçı E.Rasimoğlu, milli qəhrəman Q.Sadıqovun bacısı P.Nəcəfova, Füzuli rayonunun Arış kənd sakini E.Abdullayev iştirak edirdilər.
N. Tapdıqoğlu öz çıxışında erməni işğalı altında olan torpaqlarımızın, kəndlərimizin acı taleyindən danışaraq qeyd etdi ki,müharibə illərində Füzuli camaatı yaddaşlarda qalan qəhrəmanlıqlar göstərmiş və onların adı qəhrəmanlıq siyahısına düşmüşdür. O, Arış kəndini xüsusi vurğulayaraq bildirdi ki, müharibə zamanı Arış kəndi daha çox zərbə almışdır. Bu kəndin igidləri düşmənlə mübarizədə daha çox şücaət göstərmişdilər. Arış kəndi Füzuli rayonunun mərkəzindən 10 km cənubda, Qarabağ silsiləsinin ətəyində yerləşən kənddir. 400 nəfər əhalisi olan bu kənddə görkəmli ziyalılar yetişmişdir. Füzuli bölgəsinin tanınmış soylarından olan Xələfovların babası Mirzə Xələf İmamqulu oğlu əslən Arış kəndindən olmuşdur.
Nəcibə İlkin çıxışında Fərqanə xanımın yaradıcılığından, onun istedadlı jurnalist kimi fəaliyyətindən danışdı. O, qeyd etdi ki, əslən Arış kəndindən olan Fərqanə xanım yazdığı bu kitabda doğma kəndi haqqında, kəndin tanınmış şəxsiyyətləri, tanınmış ziyalıları, Qarabağ müharibəsində şəhid olmuş övladları haqqında oxuculara qiymətli məlumatlar verir, eləcə də yaşayış mənrəqəsinin tarixi coğrafiyası, arxeologiyası, toponimiyası haqqında izahlı şərhlər ortaya qoyur. Müəllifin əməyi onun Arış və arışlılara olan sönməz məhəbbətinin nəticəsi kimi yüksək qiymətləndirilməlidir.
Milli qəhrəman A.Məhərrəmov Qarabağ torpağının həqiqətən də qəhrəmanlar yurdu, qəhrəmanlıq məskəni olduğunu vurğuladı. Məhz elə səbəbdən də vətən oğullarının son nəfəslərinədək döyüşüb düşmənə baş əymədiklərini, “Bu kənd bizim kəndimizdir” kitabının da bu qəhrəmanlıqların aynası olduğunu bir daha bildirdi.
T.Əliyev, Z.Ağdamlı, S.Mehdiyev, G.Munis və P.Nəcəfova da “Bu kənd bizim kəndimizdir” kitabının müasir zamanın tələbi ilə səsləşməsindən, kitabın xatirə-memuar janrına yaxın olan bir üslubda yazılmasından danışıb müəllifə yeni yaradıcılıq uğurları arzuladılar.
Yazıçı-jurnalist Fərqanə Hüseynli çıxış edərək bildirdi ki, doğulduğum Füzuli rayonunun, eləcə də ana- atamın, nənə- babamın baba yurdları olan kəndin tarixi həqiqətlərini sözlə yox, kitab şəklində yazıb ərsəyə gətirmək və maraqlı materiallar əsasında geniş oxucu kütləsinə ərməğan etmək istədim. Tarixi faktlara əsasən illər boyu düşmənlərin, yağıların tapdağında inləyən bu kəndin tarixini bilmək və öyrənmək üçün bu kitaba müraciət etdim. Bu kənd doğrudan da tarixiliyi və dini baxımlığı ilə fərqlidir. Adı xəritəyə düşməməsi də elə bu baxımdan irəli gəlir.
Sonda Fərqanə Hüseynli “Bu kənd bizim kəndimizdir” kitabından bir neçə nüsxə kitabxanaya hədiyyə verdi.



C.Cabbarlı adına Respublika Gənclər Kitabxanasında 17 oktyabr 2014-cü il tarixdə Dövlət Müstəqilliyi günü münasibəti ilə “Müstəqilliyimiz əbədidir, dönməzdir” adı altında dəyirmi masa keçirilmişdir.
Dəyirmi masa Azərbaycanın müstəqilliyi uğrunda həlak olanların xatirələrinin bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın elmi işlər üzrə direktor müavini X.Musayeva açıb qeyd etdi ki, XX ərin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa etmişdir. 1991-ci il oktyabrın 18-də Ali Sovetin sessiyasında tarixi sənəd - Dövlət Müstəqilliyi haqqında Konstitusiya Aktı qəbul edilmişdir. Azərbaycan xalqı yekdilliklə dövlət müstəqilliyinə tərəfdar çıxmışdır. 1992-ci ildə Milli Məclis AzərbaycanRespublikasının Dövlət Himnini, 1993-cü ilin əvvəlində Dövlət Gerbini təsdiq etmişdir. Azərbaycanın dövlət müstəqilliyini ilk dəfə olaraq qardaş Türkiyə Respublikası, Ruminiya,Pakistan, İsveçrə, İran, ABŞ, Rusiya Federasiyası və başqa dövlətlər tanımışlar. Müstəqilliyimizi qazandığımız ilk illərdə torpaqlarımızın işğalı ilə yanaşı, respublikamızda vətəndaş müharibəsi baş vermişdir. 1993-cü il iyunun 15-də Azərbaycan ziyalılarının və xalqın təkidi ilə ulu öndərimiz Heydər Əliyevin yenidən siyasi hakimiyyətə qayıması ilə respublikamız günü-gündən sürətlə inkişaf edərək dünyanın ən qüdrətli dövlətlərindən birinə çevrilmişdir. Dahi rəhbər Heydər Əliyevin yolunu bu gün Ilham Əliyev ləyaqətlə davam etdirir.
Tədbirdə Yasamal Rayonu Ağsaqqallar Şurasının sədr müavini R.Cavadov, Azərbaycan Dövlət Mədəniyyət və İncəsənət Universitetinin tələbələri, Yasamal Rayonu 176 saylı orta məktəbin şagirdləri iştirak edirdilər.
R. Cavadov çıxış edərək qeyd etdi ki, 18 oktyabr Dövlət Müstəqilliyi Günü tariximizin ən şərəfli səhifələrindəndir. Tarixin acı təcrübəsi göstərmişdir ki, müstəqilliyi əldə etmək asandır, lakin onu qoruyub saxlamaq, tarixən inkişaf etdirmək ən çətin və ən şərəfli işdir. 1918-ci ildə Azərbaycan Xalq Cümhuriyyəti öz müstəqilliyini elan etmişdirsə də, lakin onu qoruyub saxlaya bilməmişdir. 1991- ci ildə öz müstəqilliyini bəyan etmiş Azərbaycan Respublikasının son 23 ildə hansı mərhələlər keçməsinin və hansı çətinliklərlə üzləşməsinin biz canlı şahidləriyik. Bu çətin, ağrılı, lakin şərəfli günləri yaşamaq bizim taleyimiz və qismətimiz olmuşdur. Ona görə də, biz müstəqilliyimizi lazımınca dəyərləndirməli və onu göz bəbəyi kimi qoruyub cəmiyyətin hər bir üzvünün “müqəddəs borcu” devizinə çevirməliyik.
Kitabxananın əməkdaşı Ü. Babayeva öz çıxışında qeyd etdi ki, Azərbaycan Respublikası artıq 23 ildir ki, əsarət altında olmayan , müstəqil, istiqlal ölkədir. Ölkəmiz bu istiqlaliyyətə Xalq Cümhuriyyətinin süqutundan 71 il sonra qovuşub. 1991-ci il avqustun 30- da Azərbaycan Ali Sovetinin “ Azərbaycan Respublikasının istiqlaliyyəti “ haqda bəyannaməsi qəbul olundu. 1991-ci il oktyabrın 18-də Azərbaycan Respublikası Ali Soveti Azərbaycanın istiqlaliyyəti barədə Konstitusiya aktı qəbul etdi. Konstitusiya Aktında göstərilir ki, müstəqil Azərbaycan dövləti 1918- 1920- ci illərdə mövcud olmuş Xalq Cümhuriyyətinin hüquqi varisidir.
Tələbə S.Rüstəmova əvvəlcə ümumilli liderimiz Heydər Əliyevin Azərbaycan xalqı qarşısındakı gördüyü işlərdən bəhs edərək bildirdi ki, Heydər Əliyevin Azərbaycan müstəqilliyinin qorunub saxlanılması, dünya səviyyəsində tanınması sahəsindəki nailiyyətləri danılmazdır. Həmçinin,S.Rüstəmova öz çıxışında qeyd etdi ki, ərazisi bütöv olmayan, torpaqları işğal altında inildəyən bir məmləkətin Müstəqillik günü sevindirici olsa da, kədəri də böyükdür. Biz arzu edirik ki, işğal olunun bütün torpaqlarımızı tezliklə geri qaytaraq və əsl sevinci, əsl bayram əhval-ruhiyyəsini həmin gün duyaq.
Kitabxananın əməkdaşı G. Xəlilova çıxış edərək, dövlət müstəqilliyimizdən, onun Azərbaycanın həyatında oynadığı rolundan danışdı. O, qeyd etdi ki, bu gün biz Azərbaycanın hazırki inkişafına və onun regionun ən mühüm dövlətinə çevrilməsinə nəzər yetirdikdə, ümumilli liderimiz Heydər Əliyevin əməyini görürük. Müstəqillik bütün dünya xalqları, o cümlədən Azərbaycan xalqı üçün də ən mühüm məsələdir. Müstəqilliyimizi milli sərvət kimi qorumaq, onun mahiyyətini və əhəmiyyətini gənc nəslə aşılamaq, hər birimizin vətəndaşlıq borcudur.
Tələbələr A.Həsənova, T,Sadıqova və B.Əlibəyova da Azərbaycan Respublikasının müstəqilliyə qovuşmaq yollarında çəkdiyi əzab-əziyyətlərdən, verdiyi qurbanlardan, müstəqilliyimizin əldə olunma tarixindən ətraflı danışdılar.
176 saylı orta məktəbin şagidrləri “Müstəqil Respublikam” adlı ədəbi kompozisiya ilə çıxış etdilər.
Tədbir boyu “Azərbaycan müstəqillik illərində” adlı video-çarx nümayiş etdirildi.
Dəyirmi masanın sonunda “Müstəqil Azərbaycan” adlı kitab sərgisinə baxış keçirildi.



15-23 sentyabr 2014-cü il tarixdə Rusiya Federasiyasının Soçi-Adlerdə “Yeni mədəni dövlət siyasəti: müasir gənclik üçün yeni kitabxana formatı” mövzusunda XIV Beynəlxalq Konfrans keçirilir. Bu konfransda Mədəniyyət və Turizm Nazirliyinin C.Cabbarlı adına Respublika Gənclər Kitabxanasının direktoru T.Sadıqov iştirak edir. T.Sadıqov konfrans iştirakçılarının qarşısında çıxış edərək Cənab Prezident İlham Əliyev tərəfindən 06 oktyabr 2008-ci il tarixdə “Azərbaycan Respublikasında kitabxana-informasıya sahəsinin 2008-2013-cü illərdə inkişafı üzrə” Dövlət Proqramının təsdiq edilməsinə dair imzaladığı Sərəncam haqqında məlumat vermişdir. T.Sadıqov Dövlət Proqramından irəli gələn tədbirlər sırasında müasir Azərbaycan oxucularının kitabxana-informasiya sahəsinə olan tələbatının ödənilməsi, kitabxana fondunun klassik və müasir Azərbaycan, Dünya ədəbiyyatı ilə daim zənginləşdirilməsi, kitabxanaların qloballaşmış dünya informasiya məkanına çıxması, kitabxanaların maddi-texniki bazasının yüksəldilməsi və s. bu kimi mövzular haqqında geniş məlumat vermişdir. Eyni zamanda T.Sadıqov müəllifi olduğu “C.Cabbarlı adına Respublika Gənclər Kitabxanası: dünəni,bu günü və sabahı” adlı kitabını konfrans iştirakçılarına hədiyyə etmişdir.



02 sentyabr 2014-cü il tarixdə C.Cabbarlı adına Respublika Gənclər Kitabxanasında bir nəfər işçinin halının pisləşməsi ilə əlaqədar "Təcili yardım" xidmətinə zəng vurulmuşdur. Telefon xuliqanları bu vəziyyətdən istifadə edib Fövqəladə Hallar Nazirliyinin "Yanğın söndürmə" xidmətinə zəng vurub anlaşılmazlıq yaratmalarının nəticəsində iki dəfə "Yanğın söndürmə" komandası yanğını söndürmək, ANS, ATV kanalları isə çəkiliş aparmaq üçün kitabxanaya gəlmişlər. Biz mütləq şəkildə bu anlaşılmazlığı yaradanların tapılması üçün məhkəməyə müraciət edəcəyik.


C. Cabbarlı adına Respublika Gənclər Kitabxanasında 26 avqust 2014- cü il tarixdə Azərbaycanın birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri, Milli Məclisin deputatı Mehriban xanım Əliyevanın ad günü münasibəti ilə “Mərhəmət Elçisi“ adı altında dəyirmi masa keçirildi.
Tədbirlə əlaqədar “Azərbaycanın birinci xanımı” adlı foto-stend təşkil olunmuşdu.
Tədbiri giriş sözü ilə , “Mərhəmət Elçisi” jurnalının baş redaktoru Ş.Əhmədli açaraq qeyd etdi ki, Mehriban xanım Əliyeva Azərbaycanın müstəqilliyinin ilk dövrlərindən etibarən milli mədəniyyətimizin qorunması sahəsidə geniş fəaliyyət göstərməyə başlamışdır. Hələ 1996-cı ildə o, Azərbaycan mədəniyyətinin geniş təbliğ olunması məqsədilə azərbaycan, rus və ingilis dillərində çap olunan “Azərbaycan- İrs” jurnalını təsis etmişdir. Bakıda fəaliyyət göstərən Müasir İncəsənət Müzeyinin yaradılması ideyası da Heydər Əliyev Fondunun prezidenti, , YUNESKO və İSESKO-nun xoşməramlı səfiri Mehriban xanım Əliyeva tərəfindən irəli sürülüb. Ş. Əhmədli həmçinin qeyd etdi ki, 2006- cı ildən nəşr edilən “Mərhəmət Elçisi” jurnalı Mehriban xanımın fəaliyyətini işıqlandırmağa davam edir.
Dəyirmi masada Azərbaycan Respublikası Mədəniyyət və Turizn Nazirliyi “Kitabxana işi” sektorunun müdiri Lətifə Məmmədova, “Mərhəmət Elçisi” jurnalının baş redaktoru Şakir Əhmədli, hüquqşünas, yazıçı Əli Eyvazov, Milli Məclisin sabiq deputatı Miri Qənbərov, “Respublika” qəzetinin xüsusi müxbiri Rauf İlyasoğlu, Bakı şəhəri Metropoliteninin stansiya rəisinin müavini Əmrah Vəliyev, Əməkdar Mədəniyyət işçisi Maarif Teymurov, həkim-şair Zakir Ağdamlı, Azərbaycan Radiosunun diktoru Eldost Bayramov, yazıçı Aqşin Babayev, 28 saylı uşaq bağçasının müdiri Aida Rzayeva və başqa ziyalılar iştirak edirdilər.
M. Qənbərli öz çıxışında ulu öndər Heydər Əliyevlin hakimiyyətdə olduğu dövrdə dəfələrlə onunla görüşməsindən danışdı. O, qeyd etdi ki, Mehriban xanım Əliyeva da ulu öndərimizin yolunu, ideyalarını layiqincə davam etdirir. O, Azərbaycanı bütün dünyaya tanıdır və yüksək səviyyədə təmsil edir. 2004- cü ilin may ayından,- yarandığı gündən bəri Azərbaycan xalqının mədəniyyətinə, elm və təhsilinə, səhiyyə və sosial həyatına möhtəşəm şəkildə qayğı göstərən , heç bir zaman unudulmayacaq xeyriyyəçilik tədbirləri ilə milli tariximizə yazılan Heydər Əliyev Fondunun hərtərəfli fəaliyyəti dünya ictimaiyyətinin diqqətini çəkir. Bu işdə Mehriban xanımın xidmətləri danılmazdır.
A. Babayev çıxışına Mehriban xanımın “Mən həmişə gördüyüm hər bir işə böyük məsuliyyətlə yanaşıram, hər zaman öz fəaliyyətimdə çalışmışam bir neçə amala əsaslanım. Bunlar vətənpərvərlik, insansevərlik, mərhəmətlilikdir” sözləri ilə başladı. Qeyd etdi ki, biz Mehriban xanımın fəaliyyətinin hər sahəsində Heydər Əliyev dühasını görürük. Mehriban xanım Azərbaycan xalqının elçisidir, xalq yalnız sevdiyi insanlara bu müqəddəs kəlməni etibar edir, onu “elçi” adlandırır. Xalqımız Mehriban xanımı sevir və dəstəkləyir. Çünki, onun fəaliyyətinin kökündə mənsub olduğu xalq və millət sevgisi dayanır.
Ə. Eyvazov söylədi ki, Mehriban xanım əsl fədakar, mübariz, əməksevər, insanpərvər Azərbaycan qadınının simvoludur . O, qeyd etdi ki, türklər Mehriban xanımı “əfsanəvi insan, xanımlar xanımı” adlandırırlar. Bildiyimiz kimi Azərbaycan tarixində igid, cəsur, qeyrətli diplomat qadınlar çox olub. Tarixə nəzər salsaq, mütləq bunun şahidi olarıq. Amma tarix boyu, indiyədək Azərbaycanı dünyada, beynalxalq aləmdə Mehriban Əliyeva kimi təbliğ edən, şərəfləndirən ikinci qadın yoxdur. Bu müdrüklük və xoşbəxtlik hələ heç bir qadına nəsib olmayıb. Mehriban xanım öz işinin öhdəsindən böyük ustalıqla gəlir. Mehriban xanım bu işi ona görə bacarır ki, o, Azərbaycanı sevir və Azərbaycan sevgisi də ona sevgi gətirib.
Z.Ağdamlı Mehriban xanımın Azərbaycanın mədəni rifahının yüksəlməsində əvəzsiz xidmətlərndən, Heydər Əliyev fondunun prezidenti kimi fəaliyyətindən, Azərbaycan Respublikasının Prezidenti İlham Əliyevin ideyalarını dəstəkləyib yeksək səviyyədə həyata keçirməsindən danışandan sonra ona həsr etdiyi şerini oxudu.
E.Bayramov, A.Rzayeva, Ə.Vəliyev də Mehriban xanımın Azərbaycan elminin, təhsilinin və mədəniyyətinin inkişafı sahəsində gördüyü işlərdən, ölkəmizi beynəlxalq aləmdə yüksək səviyyədə təmsil etməsindən, xeyriyyəçilik fəaliyyətindən danışıb bu yolda ona daha böyük uğurlar arzuladılar.
Tədbir boyu Mehriban xanım Əliyevanın Azərbaycanın mədəni inkişafında göstərdiyi xidmətlərini əks etdirən video-çarx nümayiş etdirildi.
Sonda Azərbaycanın birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri, Milli Məclisin deputatı Mehriban xanım Əliyevaya yazılmış təbrik məktubu oxundu.



C. Cabbarlı adına Respublika Gənclər Kitabxanasında 30 may 2014-cü il tarixdə görkəmli Azərbaycan maarifçisi, şair, yazıçı, alim, tərcüməçi Abbasqulu ağa Bakıxanovun 220 illik yubileyi münasibəti ilə “Bakıxanov irsi” adlı ədəbi-bədii gecə keçirildi.
Tədbiri giriş sözü ilə C.Cabbarlı adına Respublika Gənclər Kitabxanasının direktoru T.Sadıqov açaraq qeyd etdi ki,Abbasqulu ağa Bakıxanov 1794-cü il iyun ayının 21-də Bakının Əmircan kəndində varlı bir ailədə anadan olmuşdur. Onun atası Mirzə Məhəmməd xan Bakı xanlar nəslindən, anası Sofiya xanım isə müsəlmanlığı qəbul etmiş gürcü qızı idi.O, səkkiz yaşına qədər Bakıda yaşamışdır.1802-ci ildə atası xanlıq taxtı uğrunda vuruşmalarda öz əmisi oğlu Hüseynqulu xana məğlub olduğuna görə ,vaxtı ilə dayısı Fətəli xanın ona bağışladığı Əmsar kəndinə köçməli olmuşdur. 1819-cu ildə Bakıxanov general Yermolovun dəvəti ilə Tiflisə gedib Qafqaz Baş hərbi idarəsində şərq dilləri tərcümanı vəzifəsinə qəbul olunmuş və 25 il bu vəzifədə çalışmışdır.1847-ci ildə Abbasqulu ağa Bakıxanov Məkkədən Mədinəyə gedərkən Vadiyi-Fatima adlanan yerdə vəba xəstəliyinə tutulub vəfat etmiş və həmin yerdə dəfn olunmuşdur.
Ədəbi-bədii gecədə “Dünya Azərbaycanlılarının Həmrəyliyinə Dəstək” ictimai birliyinin sədri T.Əlizadə, professor, xalq artisti T.Bakıxanov, “Qlobal Dünya və Müasir Azərbaycan” ictimai birliyinin təsisçisi S.Babayeva, “Qüdsi Əbədiyyəti” kitabının müəllifi, əməkdar jurnalist İ.Mirzəbəyli, “Carçı nyus” jurnalının baş redaktoru G.Əmirquliyeva, “Qadın Hüquqlarının Müdafiəsi” ictimai birliyinin sədri M.Abdullayeva, tarixçi N.Tapdıqoğlu, “Rəsmi Xəbər.Az” informasiya agentliyinin baş redaktoru R.Vahidova, 16 saylı Yasamal 2-ci seçki dairəsinin sədri S.Seyidzadə, həkim-şair Z.Ağdamlı, şair, publisist Q.İlqar, şairə A.Zeynalova, İctimai Siyasi Universitetin tələbələri və başqa ziyalılar iştirak edirdilər.
T.Əlizadə öz çıxışında çağdaş Avropa mədəniyyətinin Şərqdə ilk carçısı Abbasqulu ağa Bakıxanov Qüdsinin elmi, ədəbi, fəlsəfi xidmətlərindən danışdı.O, bildirdi ki, A.Bakıxanov –orta əsrlərdən yeni dövrə, ənənədən müasir mənada elmə keçidi hazırlayan ilk böyük maarifçi ədib və alimdir.O, tarix, fəlsəfə, ilahiyyat, ədəbiyyat və etikaya aid qiymətli əsərlər müəllifi, fəal maarifçi, eyni zamanda klassik Azərbaycan poeziyasının bütün sirlərinə bələd olan qüdrətli bir şair kimi tanınır.T.Əlizadə Bakıxanovlar nəslinin sonuncu şəcərəsi olan xalq artisti, professor Tofiq Bakıxanovun xalqımızın qarşısındakı xidmətlərindən də danışdı.
Tarixçi N.Tapdıqoğlu çıxışında Bakıxanovun ədəbi-bədii fəaliyyətindən danışaraq qeyd etdi ki, Bakıxanov ilk təhsilini Qubada almışdır.O, az bir müddətdə ərəb və fars dillərini mükəmməl öyrənmiş və bu dillərdə bir çox kitablar oxumuşdur.Bakıxanov ensiklopedik biliyə malik bir şəxsiyyət idi.Bunun nəticəsi olaraq o, Türkmənçay və Gülüstan müqavilələrinin imzalanmasında tərcüməçi kimi iştirak etmişdir.”Gülüstani-İrəm” əsəri ilə Azərbaycan tarixşünaslığının əsasını qoyan Bakıxanov “Qüdsi” təxəllüsü ilə şerlər yazmışdır.Onun Azərbaycan xalqı qarşısındakı xidmətləri danılmazdır.
Xalq artisti, professor T.Bakıxanov sözün əsil mənasında böyük şəxsiyyət olan Abbasqulu ağa Bakıxanovun Azərbaycan ədəbiyyatına, onun tarixinə göstərdiyi xidmətlərdən danışaraq qeyd etdi ki, Bakıxanovlar şəcərəsi artıq 12-ci nəsildir ki, Azərbaycan tarixində əbədilik qazanmış simaları ilə milli-mədəni xəzinəmizə öz töhfələrini verir.Bu şəcərənin 7-ci nəslindən olan Abbasqulu ağa Bakıxanov öz sülaləsinin ən görkəmli siması olmaqla bərabər XlX əsrin ilk yarısından etibarən, Bakıxanovlara dünya şöhrəti gətirən nailiyyətlərə imza atmışdır.O, yaşadığı dövrdən başlayaraq bu günümüzə qədər hər bir soydaşımızın müasiri və müəllimi kimi qəbul edilmişdir.
İctimai Siyasi Universitetin tələbəsi H.Rəhimova Bakıxanovun bədii yaradıcılığından, yazdığı əsərlərdən danışdı. O, bildirdi ki, Bakıxanov yaradıcılığa Qüdsi təxəllüsü ilə başlamışdır.O, “Gülüstani-İrəm”, “Riyazül-qüds”, “Müşkətül-ənvar”, “Miratul-camal”, “Kitabi-əskəriyyə”, “Təhzibi-əxlaq”, Nəsihətlər” və başqa əsərlərin, şer və mənzum hekayələrin müəllifidir. H.Rəhimova həmçinin qeyd etdi ki, ümummilli liderimiz Heydər Əliyevdə Bakıxanovun fəaliyyətini yüksək qiymətləndirirdi.
Tədbirin sonunda “Şair, yazıçı, alim” adlı kitab sərgisinə baxış keçirildi.



C.Cabbarlı adına Respublika Gənclər Kitabxanasında 27 may 2014-cü il tarixdə Azərbaycan Xalq Cümhuriyyətinin yaranmasının 96-cı ildönümü münasibətilə “Azərbaycan demokratiya yollarında” mövzusunda elmi-praktik konfrans keçirildi.
Tədbir vətənimizin ərazi bütövlüyü, istiqlaliyyəti və müstəqilliyimizim əldə olunması uğrunda həlak olmuş bütün soydaşlarımızın əziz xatirəsinin bir dəqiqəlik sükutla yad edilməsindən sonra başladı.
Elmi-praktik konfransı giriş sözü ilə kitabxananın direktoru T. Sadıqov açaraq qeyd etdi ki, Azərbaycan Xalq Cümhuriyyəti gərgin və mürəkkəb ictimai-siyasi şəraitdə fəaliyyət göstərmişdir. Buna baxmayaraq, Xalq Cümhuriyyəti dövlətçilik atributlarının qəbul edilməsi, ana dilinin dövlət dili elan olunması, dövlət sərhədlərinin müəyyən olunması, iqtisadiyyat, mədəniyyət, təhsil sahəsində böyük nailiyyətlər əldə etmişdir ki, bu nailiyyətlər də bu günki müstəqil Azərbaycan Respublikasının yaranması üçün böyük zəmin yaratmışdır. Cəmi 23 ay fəaliyyət göstərməsinə baxmayaraq Azərbaycan Xalq Cümhuriyyəti türk və islam dünyasında ilk demokratik, hüquqi və dünyəvi dövlət nümunəsi olmuşdur. 1918-ci il mayın 28-də öz müstəqilliyini qeyd edən Azərbaycan Cümhuriyyəti Azərbaycan xalqının həyatında, mədəni quruculuğunda çox böyük rol oynamışdır.
Elmi-praktik konfransda “Dünya Azərbaycanlılarının Həmrəyliyinə Dəstək” ictimai birliyinin sədri T. Əlizadə, “Qadınların Sosial Problemlərinin Araşdırılması” ictimai birliyinin sədri R. Vahabova, “Carçı nyus” jurnalının baş redaktoru G. Əmirquliyeva, həkim-şair Z. Ağdamlı, şair Q. İlqar, şairə, qiraətçi C. Qaraqızı, Yasamal 16 saylı 2-ci seçki dairəsinin sədri S. Seyidzadə, milli qəhrəman A. Məhərrəmov fondunun sədri Ə. Məhərrəmov, gənc tədqiqatçı Ç. Nağıyeva, müğənnilərdən Z. Abdullayeva, İctimai Siyasi Universitetin tələbələri və başqa ziyalılar iştirak edirdilər.
R. Vahabova öz çıxışında Azərbaycan Xalq Cümhuriyyətinin yaranma tarixindən, onun rəhbərlərindən, M.Ə.Rəsulzadənin, F. Xoyskinin xüsusi xidmətlərindən danışaraq keçmişsiz gələcəyin olmamasını, tarixi unutmamağı xüsusi vurğuladı. O, qeyd etdi ki, tarixi keçmişimizə və onun müasirliklə əlaqəsinə dair Azərbaycan Respublikasının Prezidenti Heydər Əliyevin aşağıdakı fikri tariximizin və bugünümüzün qiymətləndirilməsi baxımından mühüm əhəmiyyət kəsb edir: “1918-ci ildə yaranmış Azərbaycan Demokratik Cümhuriyyəti bizim milli sərvətimizdir, tariximizin parlaq səhifəsidir. Ondan sonrakı illər həyatımızın böyük mərhələləridir, parlaq səhifələridir, xalqımızın böyük nailiyyətləridir”.
G. Əmirquliyeva bildirdi ki, Azərbaycan Xalq Cümhuriyyətinin yaranmasında M. Ə. Rəsulzadə, F. Xoyski, N.Yusifbəyli, Ə. Hüseynzadə, Ə.Topçubaşov, Ə. Ağayev və başqa vətənpərvər ziyalılarımız çiyin- çiyinə mübarizə aparmışlar. Türk və islam dünyasında ilk demokratik, hüquqi və dünyəvi dövlət nümunəsi olan Azərbaycan Demokratik Respublikası deyilərkən ilk ağıla gələn M. Ə. Rəsulzadədir. Bu gün “Bir kərə yüksələn bayraq, bir daha enməz” şüarı böyükdən kiçiyə hər kəsin dilinin əzbəridir. Bu şüar bizlərə Məmməd Əmin Rəsulzadədən yadigar qalan bayrağa hörmət simvolu, azadlıq hərəkatının devizidir.
Həkim-şair Z. Ağdamlı qeyd etdi ki, biz hər il may ayının 28-də Azərbaycan Xalq Cümhuriyyətinin yaradılmasının ildönümünü qeyd edirik. Bu tarixi gün Azərbaycan xalqının həyatına böyük və əlamətdar hadisə kimi daxil olmuşdur. Müstəqilliyimiz bərpa olduqdan sonra bu bayram hər il ölkəmizdə böyük təntənə ilə qeyd edilir. Keçirilən tədbirlərdə Cümhuriyyət dövrünə bir daha nəzər salınır. Azərbaycan Xalq Cümhuriyyəti xüsusən təhsilin, mədəniyyətin, ədəbiyyat və incəsənətimizin inkişaf sahəsində fəaliyyəti ilə yadda qalmışdır.
Şair Q.İlqar Azərbaycanın demokratiya yollarında irəliləyişindən danışandan sonra Azərbaycana həsr etdiyi “And içirəm” şerini söylədi.
C.Qaraqızı , Z. Abdullayeva, Azərbaycan İctimai Siyasi Universitetin tələbələri Azərbaycan Cümhuriyyətinin yaranma tarixi, bu quruluşun uğrunda gedən mübarizədən danışdılar.
Tədbir boyu “Azərbaycan Cümhuriyyəti” adlı video- çarx nümayiş etdirildi.
Elmi-praktik konfransın sonunda “Azad, Suveren Azərbaycan” adlı kitab sərgisinə baxış keçirildi.
Tədbirdə ümummilli lider Heydər Əliyevin həyat və yaradıcılığına həsr olunmuş kitablar, tariximizin özündə əks etdirən monoqrafiyalar, dünyanın məşhur yazıçılarının seçilmiş əsərləri, gənclərə və uşaqlara aid ədəbiyyat nümunələri tədbir iştirakçılarının böuük marağına səbəb olmuşdur.



C.Cabbarlı adına Respublika Gənclər Kitabxanasının direktoru T.Sadıqov 16 may 2014-cü il tarixdə Qusar rayon mərkəzindəki Nərimanov adına istirahət parkında Qusar rayon Mərkəzləşdirilmiş Kitabxana Sisteminin təşkilatçılığı ilə həyata keçirilən VII Ümumrespublika Kitab Bayramında iştirak etmişdir. Bir sıra mötəbər qonaqların qatıldığı Kitab Bayramında iştirak edən T.Sadıqov təbrik nitqi ilə çıxış etmiş, hər il Qusar rayonunda keçirilən bu tədbirə böyük məmnuniyyt hissi ilə qatıldığını qeyd etmiş, və bu kimi tədbirlərin hər bir qusarlı üçün yaddaqalan gün olduğunu, tədbirin insanların maarifləndirilməsi üçün xüsusi əhəmiyyət kəsb etdiyini vurğulamışdır. T.Sadıqov həmçinin, öz çıxışında belə geniş miqyaslı tədbirin həyata keçirilməsində əməyi keçən hər bir kəsə öz minnətdarlığını bildirmişdir.
Tədbirdə ümummilli lider Heydər Əliyevin həyat və yaradıcılığına həsr olunmuş kitablar, tariximizin özündə əks etdirən monoqrafiyalar, dünyanın məşhur yazıçılarının seçilmiş əsərləri, gənclərə və uşaqlara aid ədəbiyyat nümunələri tədbir iştirakçılarının böuük marağına səbəb olmuşdur.



C.Cabbarlı adına Respublika Gənclər Kitabxanasında 16 may 2014-cü il tarixdə şair, ədəbiyyatşünas, yazıçı, tərcüməçi Nazim Rizvanın “Bir gün gələr, xalqım məni yad edər” mövzusunda anım günü keçirildi.
Tədbiri giriş sözü ilə kitabxananın direktor müavini X. Musayeva açaraq filologiya elmləri namizədi, ədəbiyyatşünas, yazıçı Nazim Rizvanın həyatı və elmi yaradıcılığı haqqında məlumat verərək qeyd etdi ki, o, 1951-ci il may ayının 12-də Bakı şəhərində anadan olmuşdur. 1973-cü ildə Azərbaycan Dövlət Universitetinin tarix fakultəsini bitirmişdir. 1981- 1987-ci illərdə həmin institutun “Cənubi Azərbaycan ədəbiyyatı” şöbəsində kiçik elmi işçi, 1987-2003-cü illərdə isə böyük elmi işçi vəzifəsində çalışmışdır. 1996-2003-cü illərdə “Dünya Azərbaycanlılarlnın Həmrəyliyi Cəmiyyətinin” Ağsaqallar Şurasının sədri olmuşdur. N.Rizvan dörd cildlik “Cənubi Azərbaycan ədəbiyyatı antologiyası” kitabının tərtibçisı, iki cildlik “Cənubi Azərbaycan ədəbiyyatı tarixinin oçerkləri” kitabının müəllifi, M.Şəhriyarın “Yalan dünya” kitabının tərtibçisi və tərcüməçisi olmuşdur.
Tədbirdə “Dünya Azərbaycanlı Gənclərinin Beynalxalq Həmrəyliyi” cəmiyyətinin sədri T. Əlizadə , “Rəsmi xəbər” Azərbaycan saytının baş redaktoru R. Vahidova, “Carçı” jurnalının baş redaktoru G. Əmirquliyeva, Respublika Vereranları Şurasının üzvü S. İsrafilova, həkim, şair Z. Ağdamlı, şair Q. İlqar, Nizami Gəncəvi adına Ədəbiyyat İnstitutunun əməkdaşları Z. Zeynalova, E. Bağırova, M. Mehdibəyova, Esmira Fuad (Şükürova) , Azərbaycan İctimai Siyasi Universitetin tələbələri və başqa ziyalılar iştirak edirdilər.
T. Əlizadə öz çıxışında Nazim Rizvanın fəaliyyətindən, gördüyü işlərdən danışdı. O, qeyd etdi ki, Nazim Rizvan da bizim təşkilatın üzvü olmuşdur. O, çox vətənpərvər insan idi . Onun üçün vətənpərvərlik anlayışı öndə gəlirdi. Nazim müəllim öz qısa ömrünü xalqın yolunda şam kimi əritmişdi. Dünyaya səpələnmiş Azərbaycan türklərinin birləşə bilməməsi onu həmişə narahat edirdi. Məhz bu səbəbdən də görkəmli alim 2002-ci il “Azərbaycan Diasporu tarixindən” əsərini yazmışdı. Bu əsərlə Nazim Rizvan Azərbaycan Diaspor mətbuatı mövzusuna toxunmuş və bu sahəni tədqiq etmişdi. Azərbaycanda Nazim Rizvanı əsasən Şəhriyarşünas alim kimi tanıyırlar.
Q. İlqar Nazim Rizvanla bağlı düşüncələrini tədbir iştirakçıları ilə bölüşdü. O, qeyd etdi ki, Nazim Rizvan bədii yaradıcılığa 1963-cü ildə “Göy-Göl” şeri ilə başlamışdır. İlk mətbu şeri “Azərbaycan” qəzetində dərc olunmuşdur. Bundan sonra “Çinar pöhrələri”, “Odlu misralar”, “Azərbaycan”, “Yaşıl budaqlar”, Yeni səslər” ədəbi almanaxlarında, qəzet və jurnallarda çıxış etmişdir. Q.İlqar çıxışını özünün müəllifi olduğu iki şerin ifası ilə bitirdi.
Həkim, şair Z. Ağdamlı çıxışında bildirdi ki, Nazim Rizvanın şəxsiyyəti ilə sənəti üst-üstə düşürdü. Bildiyimiz kimi o, şair, ədəbiyyatşünas, yazıçı olmaqla yanaşı, həm də gözəl tərcüməçi idi. O, Qətran Təbrizi, Nizami Gəncəvi, Abbasqulu ağa Bakıxanov, A.S. Puşkin, Dobrolyubov və digər şairlərin şerlərini, Konan Doyl, A.P.Çexov, L.N.Tolstoy, Viktor Hüqonun roman, povest, hekayə və məktublarını Azərbaycan dilinə tərcümə etmişdir. Onun əsərləri İran, Türkiyə, Almaniya, həmçinin, İsveçin qəzet və jurnallarında dərc olunmuşdur. 1992 və 1998-ci illərdə İran İslam Respublikasında keçirilən Beynalxalq Şəhriyar konqresində, 2001-ci ildə Estoniyada Avropa Azərbaycanlıları konqresində iştirak etmişdir.
E. Fuad Nazim Rizvanla bağlı xatirələrindən danışdı. O, qeyd etdi ki, mən Nazim Rizvanın yetirməsiyəm. O, öyrətməyi və öyrənməyi sevən adam idi. Vətəni sevməyənlər, milli duyğusu olmayanlar gözünün düşməni idi. Əqidəsinə sadiq, dürüst, təvazökar, ədalətli bir ziyalı idi. Bu ilin aprel ayında Türkiyədə keçirilən tədbirdə də Nazim Rizvan anılmışdı. Mən onun ruhu qarşısında baş əyirəm. Mən görkəmli alimimizin anadan olmasının 65 illiyi münasibəti ilə kitab hazırlamaq fikrindəyəm.
Nazim Rizvanın həyat yoldaşı Gülçöhrə xanım, Azərbaycan Ensiklopediyasının işçisi, tədqiqatçı-tarixçi qızı Leyla xanım da N.Rizvanla ilə bağlı xatirələrini bölüşdülər. Nazim Rizvan haqqında hazırlanmış sujetlərə baxdıqda isə, onun qəlbinin nə qədər vətən eşqi ilə çırpındığının şahidi oluruq. Bu onun dünya azərbaycanlılarının həmrəyliyi üçün yazdığı himndə də özünü göstərir.
G.Əmirquliyeva, D.Əliyeva, M.Mehdibəyova N.Rizvanla eyni şöbədə çalışmalarından, birgə fəaliyyətləri dövründə olan xatirələrinin danışdıqdan sonra alimin ailə üzvləri də çıxış etdilər.
İctimai Siyasi Universitetin tələbəsi H.Rəhimova “Dünya Azərbaycanlı Gənclərinin Beynalxalq Həmrəyliyi” cəmiyyətinin himnini oxudu.
Tədbir boyu N.Rizvanın fəaliyyətini əks etdirən qısa metrajlı film nümayiş etdirildi.



Azərbaycanda yeni tibb jurnalı"nın - Azərbaycan allerqologiya və klinin immunologiya jurnalı" yeni nömrəsi işıq üzü görüb. Allerqoloq, immunoloq, pediatr, pulmonoloq, dermatoloq, otorinolarinqoloq, ümumiyyətlə allerqologiya və immunologiya ilə maraqlanan bütün tibb mütəxəssisləri üçün nəzərdə tutulmuş bu jurnalın baş redaktoru Lalə Allahverdiyevadır. Jurnalın ikinci nömrəsinə “Talassemiya xəstələrinin qanında bəzi endogen antimikrob peptidlərin tətbiqi”, “Kliniki allerqologiya və immunologiya ixtisası üzrə rezidenturada həkim-mütəxəssis hazırlığının məzmununa və səviyyəsinə qoyulan minimum dövlət tələbləri”, “Современные возможности диагностики аллергических заболиваний у детей”, “Клинико-патогенетическая гетерогенность тяжелой неконтролируемой бронхиальной астмы” və s. kimi məqalələr daxil edilmişdir.



C. Cabbarlı adına Respublika Gənclər Kitabxanasında 8 may 2014- cü il tarixdə Şuşa şəhərinin işğalının 22-ci il dönümünə həsr olunmuş “Şuşa həsrəti” mövzusunda anım günü keçirildi.
Tədbir Qarabağ uğrunda döyüşlərdə həlak olanların ruhlarının bir dəqiqəlik sükutla yad edilməsindən sonra başladı.
Anım gününü giriş sözü ilə kitabxananın direktoru T. Sadıqov açıb bildirdi ki,1992-ci il may ayının 7-dən 8-nə keçən gecə erməni silahlı dəstələri keçmiş sovet ordusunun 366-cı alayının hərbi qulluqçularının və 40 zirehli texnikasının köməyi ilə Şuşa şəhərinə hücuma keçdilər. Uzun sürən artilleriya atəşindən və qeyri-bərabər qanlı döyüşlərdən sonra şəhər işğal olundu. Şuşanın işğalı nəticəsində şəhərdə 195 nəfər Azərbaycan vətəndaşı xüsusi amansızlıqla qətlə yetirilmiş, 165 nəfər yaralanmış, onlardan 150 nəfəri əlil olmuş, 20 mindən artıq əhali isə doğma yuvasını tərk edərək məcburi köçkün vəziyyətinə düşmüşdür. O, çıxışında qeyd etdi ki, Şuşa hər bir azərbaycanlının qan yaddaşının silinməz səhifəsi, mədəniyyətimizin parlaq rəmzi idi.
Tədbirdə “Dünya Azərbaycanlılarının Beynalxalq Həmrəyliyi Cəmiyyəti”nin sədri T. Əlizadə, “Carçı nyus” jurnalının baş redaktoru G. Əmirquluyeva, həkim-şair Z. Ağdamlı, şair, publisist Q. İlqar, Azərbaycan Yazıçılar Birliyinin sədr müavini Ə. Əhmədov, gənc tarixçi Ç. Nağıyeva, Azərbaycan İctimai Siyasi Universitetin və Bakı Dövlət Universitetinin tələbələri iştirak edirdilər.

T. Əlizadə çıxışında Şuşanın işğalından ürək ağrısı ilə danışdı. O, qeyd etdi ki, Qarabağ təbiətin bütün gözəlliklərini özündə əks etdirən diyardır və ən səfalı guşəsi Şuşa şəhəridir. Hər daşı, hər qarış torpağı xalqımızın həyatında baş vermiş bir çox tarixi hadisələrin şahidi olan bu şəhər görənləri valeh edirdi. Şuşa təkcə cənnət məkanı deyil, həm də hərbi strateji əhəmiyyət kəsb edən bir alınmazlıq qalası olmuşdur. Şuşanın işğal günü bütün Azərbaycan xalqının mənəviyyatına vurulmuş ağır bir zərbə, bizim hamımız üçün sağalmaz bir dərddir.
Həkim-şair Z. Ağdamlı qeyd etdi ki, Azərbaycan xalqının mədəniyyətinin, əsrarəngiz musiqisinin beşiyi sayılan, tarixi Azərbaycan torpaqlarının əbədi və ayrılmaz parçası, böyük alimlərin, bəstəkarların, şairlərin vətəni olan Şuşa şəhəri artıq 22 ildir ki, düşmən tapdağı altındadır. Bütün dünyanın, beynalxalq təşkilatların işğalçı ölkə kimi tanıdığı Ermənistanın silahlı qüvvələri bu şəhərdən Azərbaycan xalqının izlərini silmək, onu unutdurmaq üçün ən ağlagəlməz cinayətlərə əl atmışlar. Onlar Şuşa şəhərinin qiymətli tarixi abidələrini dağıdıb, milli arxitekturasını silib istədikləri kimi yenidən qurmağa çalışırlar.
“Carçı nyus” jurnalının baş redaktoru G. Əmirquluyeva bildirdi ki, Şuşa bizim hamımızın sağalmaz yaramızdır. Şuşa alınmaz qala idi, biz Şuşanı qoruya bilmədik, lakin mən inanıram ki, biz Şuşanı geri qaytaracağıq. Bunun üçün daim mübarizə aparmalı, gənc nəsli də bu ruhda tərbiyə etməliyik. Biz Azərbaycan Respublikasının Prezidenti İlham Əliyevin səyi nəticəsində nəinki Şuşanı, işğal olunan bütün Azərbaycan torpaqlarını mütləq geri qaytaracağıq.
Q. İlqar, Ə. Əhmədov, Ç. Nağıyeva da Şuşanın erməni qəsbkarları tərəfindən işğal tarixi, torpaqlarımızın toxunulmazlığı uğrunda müharibədə qurban gedən vətən oğullarının qəhrəmanlıqları haqda danışdılar. Şair- publisist Q.İlqar Qarabağın dilbər guşəsi sayılan Şuşaya həsr etdiyi “Dağıl dünya” adlı şerini oxudu.
Tədbir boyu Şuşanın işğalı ilə bağlı video çarx nümayiş etdirildi.
Anım gününün sonunda “Şuşam mənim” adlı kitab sərgisinə baxış keçirildi.



C. Cabbarlı adına Respublika Gənclər Kitabxanasında 24 aprel 2014-cü il tarixdə Çinarə Nağıyevanın “Misir dünən və bu gün” kitabının təqdimat mərasimi keçirildi.
Təqdimat mərasimini C. Cabbarlı adına Respublika Gənclər Kitabxanasının direktoru T. Sadıqov açaraq qeyd etdi ki, kitab Misir dövlətinin ən qədim zamanından müasir dövrünə qədər olan tarixini əhatə etmişdir. Kitab Qədim Misirin tarixi, dini inancları, Qədim Misir incəsənəti, Misir heroqliflərinin sirri, Misir elmi bilikləri, Misirşünaslıq, Erkən səltənət dövrü, Orta səltənət dövrü, Son səltənət dövrü, Misirdə maarif , təhsil və bir sözlə Misir tarixini bütünlükdə əhatə edir/ Kitab kompilyativləşdirilmiş mövzulardan bəhs edir. Kitab Misir Ərəb Respublikasının Azərbaycandakı səfirliyinin Mədəniyyət Mərkəzi tərəfindən bəyənilərək elmi rəy verilmişdir.
Təqdimat mərasimində Misir Ərəb Respublikasının Azərbaycandakı səfirliyinin nümayəndəsi Məhəmməd Cəlali, Misir Mədəniyyət Mərkəzinin nümayəndəsi Hüseyn Qəbali, Misirlə bağlı vacib araşdırmaların müəllifi, Rusiya Elmlər Akademiyasının elmi işçisi və akademiki Sudef Sail Molla Abbas, “Zəngəzurun səsi” qəzetinin baş redaktoru Yavər Nuruyev, “Nur-sağlam həyat” jurnalının baş redaktoru Raziyyə İmanqızı, “Qlobal Dünya və Müasir Azərbaycan” ictimai birliyinin təsisçisi Səbinə Babayeva, “Nur” jurnalının xüsusi müxbiri Baba Ağayev, kitabın baş məsləhətçisi Kərim Qasımov, “Dünya Azərbaycanlılarının Həmrəyliyi” cəmiyyətinin prezidenti Tofiq Əlizadə, “Respublika” qəzetinin xüsusi müxbiri Rauf İlyasoğlu, bəstəkar- şairə Ülkər Nazim qızı, müğənni Roza Zərgərli və digər ziyalılar iştirak edirdilər.
Y. Nuriyev çıxışında qeyd etdi ki, kitab geniş oxucu kütləsi üçün nəzərdə tutulub. Kitabda qədim dövrdən çağdaş dövrümüzə qədər olan Misirin mədəniyyəti, tarixi, Misirdə idarəçilik, Misir ehramları, Misir ədəbiyyatına dair mövzulara geniş yer verilmişdir.
Misir Mədəniyyət Mərkəzinin nümayəndəsi H. Qəbali çıxışında kitab haqqında yüksək fikirdə olduğunu və kitaba elmi rəy yazdığını bildirdi. O, “Misir dünən və bugün “ kitabına rəy verməkdən qürur hissi duyduğunu bildirdi və arzu etdi ki, kitab respublikamızın bütün kitabxanalarda öz yerini tapsın. Qeyd etdi ki, bu işdə Bakıdakı Misir Mədəniyyət Mərkəzi müəllifə köməklik göstərməyə hazırdır.
S.Sail qədim Misirin tarixi, orta əsrlərdə Misirdə əhəmənilərin və ərəblərin hakimiyyəti, Misirdə ptolomeylər və məmlüklər dövrü haqqında çıxışında bildirdi ki, məmlüklər Yaxın Şərqdən səliblərin qovulması uğrunda uzun müddət mübarizə aparan türk əsgərlərindən təşkil olunmuş elita idilər və Misirin qanuni hakimi hesab olunurdular.
Təqdimat mərasiminin sonunda müəllif Ç. Nağıyeva kitabxanaya “Misir dünən və bugün” kitabından bir neçə nüsxə hədiyyə verdi.



C. Cabbarlı adına Respublika Gənclər Kitabxanasında “Dünya Azərbaycanlılarının Həmrəyliyinə Dəstək” ictimai birliyi, “Qadınların Sosial Problemlərinin Araşdırılması” ictimai birliyi, “Carçı nyus” jurnalının təşəbbüsü və təşkilatçılığı ilə SSRİ və Azərbaycanın xalq artisti, “Şöhrət” və “İstiqlal” ordenli, Koroğlu obrazının əvəzsiz ifaçısı Lütfiyar İmanovun anadan olmasının 85 illik yubileyi münasibətilə “Sənətkar Ömrü” adlı ədəbi-bədii gecə keçirildi.
Tədbiri giriş sözü ilə C. Cabbarlı adına Respublika Gənclər Kitabxanasının direktoru T. Sadıqov açaraq qeyd etdi ki, Lütfiyar İmanov 1929-cu il aprelin 17-də Sabirabad rayonunda anadan olub. Azərbaycanın böyük sənətkarı ilk rolunu 1943-cü ildə Sabirabad Dövlət Musiqi Teatrının səhnəsində “Beş manatlıq gəlin” tamaşasında oynayıb. 18 yaşında ilk dram dərnəyini yaradıb.1959-cu ildə Moskvada tamaşaya qoyulan Koroğlu operasında baş rolu –Koroğlu rolunu oynayıb. 1968-ci ildə İncəsənət Universitetini bitirib və bundan sonra 30-dan çox operada baş rolun ifaçısı olub. 1975-ci ildə 6 ay İtaliyanın La-Skala teatrında təcrübə keçib.Böyük sənətkar 2008-ci ildə Bakıda vəfat edib və Fəxri Xiyabanda dəfn olunub.
Ədəbi-bədii gecədə “Dünya Azərbaycanlılarının Həmrəyliyinə Dəstək” ictimai birliyinin sədri T.Əlizadə, “Qadınların Sosial Problemlərinin Araşdırılması” ictimai birliyinin sədri R.Vahabova, “Carçı nyus” jurnalının baş radaktoru G.Əmirquliyeva, həkim-şair Z.Ağdamlı, şair Q.İlqar, Azərbaycan Televiziyasının diktorlarından X.Əhmədova, mağənnilər Z.Abdullayeva, E.Qaraxanoğu, Azərbaycan Dövlət Mədəniyyət və İncəsənət Universitetinin tələbələri iştirak etdilər.
T. Əlizadə Lütfiyar İmanovla dostluq əlaqələrindən danışaraq bildirdi ki, Lütfiyar müəllim böyük sənətkar olmasına baxmayaraq, həm də tanınmış ictimai xadim idi.Onunla mənim dostluq əlaqələrimiz 1995-ci ildən başlamışdı. O, daima bizim işlərimizlə, maddi çətinliklərimizlə maraqlanardı. 2004-cü ildə isə, o bizim təşkilatın himninin musiqisini də yazdı. O, uzun müddət Bakı Musiqi Akademiyasında müəllim-professor kimi çalışmışdır. 1980-1990-cı illərdə iki dəfə Azərbaycan Ali Sovetinin deputatı olmuşdur.
R. Vahabova sözün əsil mənasında böyük sənətkar olan Lütfiyar İmanovun həyat və yaradıcılığından danışaraq qeyd etdi ki, 1957-ci ildə A. Zeynallı adına musiqi məktəbində pedaqoq A. Milavanovun sinfində təhsilini bitirən L.İmanov Dövlət Estrada Orkestrində , sonralar Musiqili Komediya Teatrında işləməyə başlamışdır. 1958-ci ildə gənc artist görkəmli dirijor, bəstəkar Niyazinin diqqətini cəlb edir. Ecazkar səsə malik müğənninni dinləyən Niyazi onu opera teatrında Koroğlu rolunda çıxış etməyə dəvət edir.
Həkim-şair Z. Ağdamlı çıxış edərək dedi ki, Lütfiyar İmanovun adı ölkəmizin, eləcə də xarici ölkələrin konsert salonlarını və opera səhnələrini fəth etmiş bir müğənni kimi musiqisevərlərin geniş dairələrində yaxşı tanınmışdır. Onun yaradıcılığı çoxcəhətlidir. O həm xalq mahnılarının ifaçısı, həm çox çətin, rəngarəng repertuarlı kamera müğənnisi idi. 1959-cu ildə Bülbül Lütfiyar İmanovun ifasını dinlədikdən sonra “Molodej Azerbaydjana” qəzetinə onun gələcəyi haqqında yüksək fikirdə olduğunu söyləyib və səsində qəhrəmanlıq simvolu olduğunu vurğulamışdır.
G. Əmirquliyeva çıxışında bildirdi ki, Lütfiyar İmanovun vokal pərəstişkarları ilk dəfə onunla 1959-cu ildə Moskvada keçirilən Azərbaycan incəsənəti 10 günlüyündə, SSRİ Böyük Tetrının səhnəsində əfsanəvi qəhrəman Koroğlu obrazını yaradarkən tanış olmuşlar. F. Əmirovun “Sevil” operasında Balaş, C.Cahangirovun “Azad”, operasında Ayaz, R. Mustafayevin eyni adlı operasında Vaqif, M. Maqomayevin “Nərgiz” operasında Əliyar, V. Adıgözəlovun “Ölülər” operasında İskəndər, S. Ələskərovun “Bahadır və Sona” operasında Bahadır müğənninin parlaq şəkildə yaratdığı opera partiyalarıdır. O, Hindistan, Norveç, İtaliya, Fransa, Polşa, Almaniya, Türkiyə və digər ölkələrdə konsertlər vermişdir.
Azərbaycan Dövlət Mədəniyyət və İncəsənət Universitetinin tələbəsi F. Quliyeva Lütfiyar İmanovun həyat və yaradıcılığından bəhs edərkən qeyd etdi ki, ümummilli liderimiz Heydər Əliyev də Lütfiyar İmanovun xalqımızınn qarşısındakı xidmətlərini yüksək qiymətləndirmiş, onu xalqımızın böyük sənətkarı adlandırmışdır.
Ədəbi- bədii gecədə müğənnilər Z. Abdullayeva, E.Qaraxanoğlu geniş musiqi proqramı ilə çıxış etdilər.
Tədbirin sonunda T. Əlizadənin Lütfiyar İmanov haqqında çəkdiyi ədəbi- bədii qısa metrajlı musiqili video filmə baxış keçirildi.



C.Cabbarlı adına Respublika Gənclər Kitabxanasında 18 aprel 2014-cü il tarixdə XX əsrin 50-60-cı illərində Azərbaycan dramaturgiya və nəsrinin istedadlı yaradıcılarından biri, milli mədəniyyətimizin və incəsənətimizin inkişafında müstəsna xidmətlər göstərmiş, görkəmli dramaturq, yazıçı İlyas Əfəndiyevin anadan olmasının 100 illik yubileyi münasibətilə “Görkəmli yazıçı və dramaturq” mövzusunda ədəbi-bədii gecə keçirilmişdir.
Tədbiri C. Cabbarlı adına Respublika Gənclər Kitabxanasının direktoru T. Sadıqov açaraq demişdir ki, İlyas Məhəmməd oğlu Əfəndiyev 1914-cü il may ayının 28-də Füzuli şəhərində tanınmış və hörmətli tacir ailəsində anadan olmuşdur. Onun ata-babası bütün Qarabağda tanınan , kasıba, yoxsula əl tutan , xeyirxah və alicənab adamlar idilər.
İlyas Əfəndiyev on altı yaşında orta məktəbi başa vuraraq ana dili müəllimi kimi çalışmağa başlamış, üç illik fəaliyyətdən sonra Bakıya gələrək Ali Pedaqoji İnstitutun coğrafiya fakültəsinə daxil olmuşdur. Lakin atasının vəfatı və eyni zamanda, “kulak oğlu” olması səbəbindən ona qarşı başlayan təzyiqlər gənc İlyasa burada əyani təhsilini davam etdirməyə imkan verməmişdir. O, doğma yurduna qayıdaraq məktəbdə coğrafiya müəllimi kimi işləməyə başlamış və 1938-ci ildə Ali Pedaqoji İnstitutun qiyabi şöbəsini bitirmişdir. 1940-cı ildən başlayaraq “Ədəbiyyat qəzeti” redaksiyasında tənqid şöbəsinin müdiri, Bakı kinostudiyasında ssenari şöbəsinin müdiri, habelə Yazıçılar İttifaqının katibi vəzifəsində çalışmaqla yanaşı, bir-birindən maraqlı hekayə, povest, pyes və romanları qələmə almışdır.
Azərbaycan ədəbiyyatı qarşısındakı xidmətlərinə görə İ. Əfəndiyev bir sıra mükafatlarla təltif edilmiş, Azərbaycan Dövlət Mükafatına, Respublika Əməkdar İncəsənət xadimi və Xalq yazıçısı fəxri adlarına layiq görülmüşdür. O, 1996-cı ildə vəfat etmiş və Fəxri Xiyabanda dəfn olunmuşdur.
Tədbirdə “Dünya Azərbaycanlı Gənclərinin Beynalxalq Həmrəyliyi” cəmiyyətinin sədri T. Əlizadə, “Respublika” qəzetinin xüsusi müxbiri R. İlyasoğlu, həkim, şair Zakir Ağdamlı, Azərbaycan Dövlət Mədəniyyət və İncəsənət Universitetinin və Azərbaycan Pedaqoji Universitetinin tələbələri də iştirak edirdilər.
T. Əlizadə öz çıxışında İ. Əfəndiyev dühasının xalqımızın həyatında, ədəbiyyatımızın, teatrımızın inkişafındakı müstəsna rolundan danışdı. O , qeyd etdi ki, İ. Əfəndiyev yaradıcılığı təkcə nəsr və dramaturgiya nümunələri ilə məhdudlaşmır.O, bədii yaradıcılığın dil, üslub problemlərinə, dram əsərlərinin səhnə təcəssümünə dair qiymətli məqalələrin, onlarla publisistik yazının müəllifidir. Onun yazdığı pyeslər türk, fars, rus, alman, ingilis, fransız və digər dillərə tərcümə edilmişdir.
R. İlyasoğlu çıxışında İ. Əfəndiyevin əsələrinin forma və üslub keyfiyyətindən, bədii təsirlik xüsusiyyətindən danışdı. O, qeyd etdi ki, İ. Əfəndiyev bədii yaradıcılığa lirik ruhlu hekayələrlə başlamışdır. 1939-cu ildə onun “Kənddən məktublar” adlı beş hekayədən ibarət ilk kitabı çıxmışdır. Bu kiçik kitab ədəbi ictimaiyyətin diqqətini cəlb etmiş və onun yaradıcılığı barədə yüksək rəylər söylənmişdir. Onun əsərlərinin sujetləri sadə, həyati və konkretdir, uydurmaçılıqdan uzaqdır.
Şair, həkim Zakir Ağdamlı İ. Əfəndiyevin uşaqlıq illərinin çətinliyindən, məşəqqətlərlə keçməsindən bəhs edərkən qeyd etdi ki, Əfəndiyevlər ailəsi Sovet hökuməti dövründə ciddi təqiblərə məruz qalmış, onların ata-baba mülkləri əllərindən alınmış, bəziləri həbs edilərək vətəndən sürgün edilmişdir. Yazıçının atası Məhəmməd Əfəndiyevə “kulak” damğası vurularaq evi , bağı əlindən alınmış və “səs hüququndan” məhrum olunmuşdur. İ. Əfəndiyevin həyatının çətin anları elə bu vaxtdan başlamışdır. Bu ailənin xoş günləri, İlyasın uşaqlıq illərinin sevincli anları 1920-ci ilin aprel-may aylarında başa çatmışdır. İ. Əfəndiyevin görkəmli ədib kimi yetişməsində ailəsinin və oxuduğu məktəbin böyük rolu olmuşdur.
Tələbə X.İsmayılova çıxışında qeyd etdi ki, ədəbiyyatımızın, mədəniyyətimizin, incəsənətimizin inkişafında onun “Söyüdlü arx”, “Körpüsalanlar”, “Sarıköynəklə Valehin nağılı”, “Geriyə baxma, qoca” kimi roman və povestlərin , “Sən həmişə mənimləsən”, “Unuda bilmirəm”, “Atayevlər ailəsi”, “Məhv olmuş gündəliklər”, “Mənim günahım” və sair kimi əsərlərinin xüsusi rolu olmuşdur. İlyas Əfəndiyevin yaradıcılığına ən yüksək qiyməti ümummilli liderimiz Heydər Əliyev vermiş və xüsusilə qeyd etmişdir ki, İ. Əfəndiyev Azərbaycan ədəbiyyatının dahi şəxsiyyətlərindən biridir, onun Azərbaycan ədəbiyyatına bəxş etdiyi ədəbi irs daim yaşayacaqdır.
Ədəbi-bədii gecədə Azərbaycan Mədəniyyət və İncəsənət Universitetinin bir qrup tələbəsi İ. Əfəndiyevin pyeslərindən kiçik səhnəciklər göstərdilər.
Tədbirin sonunda İ. Əfəndiyevlin həyatı və ədəbi yaradıcılığı ilə bağlı video çarx nümayiş etdirildi, “Nasir, dramaturq” adlı kitab sərgisinə baxış keçirildi.



C.Cabbarlı adına Respublika Gənclər kitabxanasının direktoru T.Sadıqov kitabxananın əməkdaşları ilə birlikdə 1-2 aprel 2014-cü il tarixdə “ADA” Universitetində “Kitabxana-informasiya sahəsində əldə edilmiş nəzəri və təcrübi nailiyyətlərin tətbiqi” mövzusunda birinci Beynəlxalq elmi konfransda iştirak etmişlər.
Bu ali təhsil ocağının Azərbaycan Respublikasının Mədəniyyət və Turizm Nazirliyi ilə birgə keçirdiyi konfransın açılışında “ADA” Universitetinin rektoru, səfir Hafiz Paşayev, mədəniyyət və turizm naziri Əbülfəs Qarayev, universitetin tədris işləri üzrə prorektoru, doktor Patrik Kvin və digər rəsmi şəxslər çıxış etmişlər.
Konfransda iştirak edən Tahir Sadıqov çıxışında Prezident İlham Əliyevin 2008-ci il 6 oktyabr tarixli Sərəncamı ilə təsdiq edilmiş “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı”nın əhəmiyyətini vurğulayaraq deyib ki, bu proqram həmin sahənin inkişafını stimullaşdırıb və kitabxanaların fəaliyyətinin səviyyəsini yüksəldib. T.Sadıqov Gənclər Kitabxanasında yaradılan “Azlibnet” Milli Kitabxana-İnformasiya Mərkəzinin fəaliyyəti və strukturu barədə söz açıb, yaradılan mərkəzin kitabxana sistemində çalışan mütəxəssislərin işinin yüngülləşdirilməsi, səmərəsinin və keyfiyyətinin yüksəldilməsi yönümündə yeni bir addım olduğunu xüsusi vurğulamışdır. Direktor Tahir Sadıqov məruzəsində kitabxanada fəaliyyət göstərən İctimai Hüquqi İnformasiya Mərkəzinin də fəaliyyətinə geniş yer vermişdir.
Konfransın digər məruzələrində müasir dövrdə kitabxanaların əhəmiyyətindən, onların cəmiyyətin tələbatına uyğun olaraq müasir formatda fəaliyyət göstərmələrindən geniş söhbət açılmışdır.
Natiqlər “Kitabxana-informasiya sahəsində əldə edilmiş nəzəri və təcrübi nailiyyətlərin tətbiqi” mövzusunda birinci Beynəlxalq elmi konfransın sessiyalarında müzakirə ediləcək mövzuların müvafiq istiqamətdə inkişafa və birgə əməkdaşlığa öz töhfəsini verəcəklərini vurğulamışlar.
Beş sessiyadan ibarət konfrans müasir kitabxanalarda informasiya xidməti, kitabxanalarda tədris və tədqiqat işlərinin düzgün istiqamətləndirilməsi, rəqəmsal elmlər, kitabxanaların rəqəmsallaşdırılması və digər mövzuları əhatə edir.
Beynəlxalq konfransda Böyük Britaniyanın Aberisvits Universitetinin kitabxana xidmətinin rəhbəri Culiya Hart, Qazaxıstanın Nazarbayev adına Universiteti kitabxanasının meneceri Cim Agee, Tbilisi Dövlət Universitetinin rektoru İrakli Qaribaşvili və Azərbaycan ali məktəblərinin və digər kitabxanaların nümayəndələri iştirak edirdilər.



C.Cabbarlı adına Respublika Gənclər Kitabxanasında 31 mart 2014-cü il tarixdə 31 mart Azərbaycanlıların soyqırımı günü münasibəti ilə “Milli faciə, milli dərd” mövzusunda dəyirmi masa keçirildi.
Tədbir 31 mart soyqırımının qurbanlarının xatirələrinin bir dəqiqəlik sükutla yad edilməsindən sonra başladı.
Dəyirmi masanı giriş sözü ilə kitabxananın elmi işlər üzrə direktor müavini X.Musayeva açıb bildirdi ki,ümummilli lider Heydər Əliyevin 27 mart 1998-ci ildə imzaladığı” 31 mart Azərbaycanlıların Soyqırımı haqqında” fərmanı ilə 31 mart tarixi Azərbaycanlıların soyqırımı günü elan olunmuşdur. O, qeyd etdi ki, azərbaycanlıların kütləvi şəkildə qırğını, doğma yurdlarından sürgün edilməsi tariximizin ən dəhşətli və faciəli səhifələrindən biridir. Həmin ağır günlərdə erməni daşnak ordusu Bakıda və ölkənin digər bölgələrində dinc əhaliyə amansız divan tutmuşdur. 1918-ci il mart qırğınları xalqımızın qan yaddaşına, onun taleyinə qara hərflərlə yazılmış, azərbaycanlılara qarşı ən dəhşətli təcavüzlərdən biri kimi daxil olmuşdur.
Tədbirdə Bakı Dövlət Universitetinin, Azərbaycan Dövlət Mədəniyyət və İncəsənət Universitetinin tələbələri iştirak etdilər.
Kitabxananın əməkdaşı Ü.Babayeva öz çıxışında qeyd etdi ki, tariximizin qanlı səhifələrindən biri olan bu soyqırım xalqımıza qarşı dəfələrlə törədilmiş kütləvi qətl kimi qiymətləndirilməlidir. Bu soyqırım Azərbaycan xalqı və dövlətçiliyinin tarixində baş vermiş faciəli hadisələrə milli yaddaşın təzahürüdür. Biz bu haqsızlığı, onun acı nəticələrini unutmamalı, gələcək nəsillərə də mütləq çatdırmalıyıq.
Kitabxananın əməkdaşı İ.Kərimova bu soyqırımı törədənləri pisləyib qeyd etdi ki, bu, ermənilərin azərbaycanlılara qarşı törətdiyi ilk əməl deyil. 1918-ci ilin 30 mart və 3 aprel tarixləri arasında baş verən mart hadisələri Bakı şəhərində və Bakı quberniyasının müxtəlif bölgələrində,- eləcə də Şamaxı, Quba, Xaçmaz, Lənkəran, Salyan, Zəngəzur , Qarabağ və digər ərazilərdə daşnak erməni silahlı dəstələrinin azəbaycanlılara qarşı törətdikləri ən dəhətli qırğın, ən ağlasığmaz faciədir. Bu soyqırım nəticəsində 12 minə yaxın azərbaycanlı qətlə yetirilmiş, on minlərlə insan itkin düşmüşdür.
Şöbə müdiri X.Məmmədova Azərbaycan xalqının tarixinə qanlı hərflərlə yazılan arzu olunmayan tarixi günlər,- 20 yanvar, 26 fevral Xocalı faciəsi, 31 mart azərbaycanlıların soyqırımı faciələri ətrafında çıxış edib müasir gəncliyin milli vətənpərvərlik ruhunda böyüməsindən, xalqımıza qarşı törədilən cinayətlərin cəzasız qalmayacağından danışdı.
Bakı Dövlət Universitetinin tələbələri A.Məmmədova, R.Kamilov, A.Həsənzadə 1918-ci il mart soyqırımının tarixi, təşkilatçıları haqqında dəqiq faktlarla çıxış edib həmyaşıdlarını, vətənpərvər runlu bütün gəncləri xalqımıza qarşı törədilən haqsızlıqları unutmamağa, həmçinin, uzun illər boyu düşmən əsarətində qalan Qarabağı, zəbt edilən torpaqlarımızı geri almağa səslədilər.
Azərbaycan Dövlət Mədəniyyət və İncəsənət Universitetinin tələbələri “Soyqırım qurbanları “adlı ədəbi kompozisiya ilə çıxış etdilər.
Tədbir boyu 31 mart azərbaycanlıların soyqırımını əks etdirən slaydlar nümayiş etdirildi.
Tədbirin sonunda “Soyqırım, - Milli faciə” adlı kitab sərgisinə baxış keçirildi.



Martın 20-də XX əsr Azərbaycan ədəbiyyatının klassiki, çağdaş Azərbaycan dramaturgiyasının banisi, milli mədəniyyətimizin və incəsənətimizin inkişafında müstəsna xidmətlər göstərmiş görkəmli dramaturq, şair, tərcüməçi Cəfər Cabbarlının 115 ili tamam olmuşdur. C.Cabbarlı adına Respublika Gənclər Kitabxanasında Cəfər Cabbarlının Ev Muzeyi və kitabxananın birgə təşkilatçılığı ilə görkəmli ədibin xatirəsinə həsr edilmiş yubiley tədbiri keçirilmişdir.
Tədbiri Cəfər Cabbarlı adına Respublika Gənclər Kitabxanasının direktoru Tahir Sadıqov açaraq demişdir:
Azərbaycan ədəbiyyatının görkəmli nümayəndəsi yazıçı-dramaturq Cəfər Qafar oğlu Cabbarlı 1899-cu il martın 20-də Bakının yaxınlığındakı Xızı kəndində sadə, zəhmətkeş bir ailədə anadan olmuşdur. 1902-ci ildə yazıçının ailəsi Bakıya köçmüş və şəhərin “Dağlı məhəlləsi”adlanan ərazidə yaşamışlar.
Ədəbi fəaliyyətə uşaq yaşında şeirlə başlayan (“Eşidənlərə” və “Sücaətim” adlı ilk şeirləri 1911-ci il 5 noyabr tarixində “Həqiqəti-əfkar” qəzetinin 2-ci nömrəsində dərc edilmişdir) Cabbarlı sonralar bir sıra lirik və satirik şeirlər yazsa da, yaradıcılığını əsasən dramaturgiya sahəsində inlişaf etdirmiş,səhnəmiz üçün yazdığı qüdrətli əsərləri onu Azərbaycan dramaturgiyasının yaradıcılarından biri kimi şöhrətləndirmişdir.
Yazıçı zəngin və hərtərəfli yaradıcılıq yolu keçərək ədəbiyyatın həm şeir , həm dram, həm də nəsr janrlarından bacarıqla istifadə etmiş, eyni zamanda istedadlı jurnalist , tərcüməçi və kino xadimi kimi tanınmışdır.
Tahir Sadıqov xüsusilə vurğulamışdır ki, xalqın tərəqqisinin ana xəttini mədəniyyətin, teatrın inkişafında görən sənətkar bir-birinin ardınca gözəl səhnə əsərləri yaratmış , “Vəfalı Səriyyə, yaxud göz yaşları içində gülüş”, “Solğun çiçəklər”, “Nəsrəddin şah”, “Trablis müharibəsi”, “Ədirnə fəthi”, “Bakı müharibəsi”, “Aydın”, “Oqtay Eloğlu”, “Od gəlini”, “Sevil”, “Almaz”, “Yaşar”, “1905-ci ildə”, “Dönüş” kimi dram əsərləri ilə xalqının sevimlisinə çevrilmişdir.
Böyük yazıçı yaradıcılığının ən coşqun dövründə -1934-cü il dekabrın 31-də Bakıda vəfat etmiş,Fəxri Xiyabanda dəfn olunmuşdur.Cəfər Cabbarlı yaradıcılığını 30 ildən artıqdır ki, tədqiq edən filologiya elmlər doktoru, professor Asif Rüstəmli bu tədbirin Cəfər Cabbarlının adını daşıyan gözəl bir məkanda keçirilməsindən məmnun olduğunu bildirmiş və qeyd etmişdir ki, Cəfər Cabbarlı yaradıcılığı ilə bağlı yazdığı monoqrafiya ötən il Türkiyədə “Monastr” nəşriyyatında çap olunmuş və orada bu münasibətlə möhtəşəm tədbirlər keçirilmişdir.Natiq xüsusilə qeyd etmişdir ki, Cəfər Cabbarlı yaradıcılığına ən yüksək qiyməti ümummilli liderimiz Heydər Əliyev vermişdir.Ulu öndər çıxışlarının birində demişdir: “Cəfər Cabbarlı Azərbaycan ədəbiyyatının dahi şəxsiyyətlərindəndir.
Azərbaycan Dövlət Mədəniyyət və İncəsənət Universitetinin prorektoru, professor Rafiq Sadıqov bildirmişdir ki, Cəfər Cabbarlı sənət dünyasında , səmada hər zaman parlayan və sönməz bir ulduzdur.Cəfər Cabbatlı ömür-gün yoldaşı Sona xanıma həsr etdiyi şeirləri xüsusi məhəbbətlə qələmə almışdır.
Uzun müddət Cəfər Cabbarlının dram əsərlərini səhnələşdirən görkəmli rejissor Ağakişi Kazımov demişdir ki, Cəfər Cabbarlı milli ruhlu cəfakeş yazıçı olmuşdur.Cəfər Cabbarlını və İlyas Əfəndiyevi yenidən oxumaq, öyrənmək lazımdır.
Filologiya elmləri doktoru, professor Nizaməddin Şəmsizadə vurğulamışdır ki, Cəfər Cabbarlı romantik əsərlərin yaradıcısı olmaqla yanaşı, Azərbaycanın ən milli yazıçısıdır.C. Cabbarlı adına ilk tədqiqat əsərini 1934-cü ildə tədqiqatçı alim, şair Əli Nazim yazmışdır.C. Cabbarlı turançı idi, türkçü idi.
Tədbirdə Cəfər Cabbarlının xatirəsinə həsr olunmuş film nümayiş etdirildi. Eyni zamanda Azərbaycan Mədəniyyət və İncəsənət Universitetinin müəllimi , bədii qiraətçi Zülfiyyə Eldarqızının ifasında dramaturqun poeziya nümunələrinin toplandığı “Turan ellərinə salam söyləyin” adlı diskin təqdimatı olmuşdur.
Bədii qiraətçilər Nadir Hüseynov, Zülfiyyə Eldarqızı Cəfər Cabbarlının yüksək sənətkarlıqla yazdığı şeirləri özünəməxsus tərzdə söyləmişlər.
Əbilov adına Mədəniyyət Mərkəzinin bədii rəhbəri Mirəhməd Əsgərov yazıçının “Bir azad quşdum” şeirinə bəstələnmiş mahnını ifa etmişdir.
Cəfər Cabbarlının hələ 16 yaşında yazdığı “Ana” şeirini tanınmış diktor Xalidə Gözəl xüsusi məharətlə söyləmişdir.Nizami rayonu Uşaq Gənclər yaradıcılıq mərkəzi dram dərnəyinin üzvlərinin ifasında Cəfər Cabbarlının əsərlərinin əsasında hazırlanmış ədəbi-bədii kompozisiya (bədii rəhbər Xanım İsmayılova) göstərilmişdir.
Professor Aydın Dadaşov, filoloq Füruddin Qurbansoy , Vaqif Azəryar və başqaları C. Cabbarlı yaradıcılığından danışmışlar.
Sonda Cəfər Cabbarlı adına Ev Müzeyinin direktoru , Cəfər Cabbarlının nəvəsi Qəmər Seyfəddinqızı kitabxana rəhbərliyinə, qonaqlara təşəkkürünü bildirmiş və qeyd etmişdir ki, bu günlərdə Mədəniyyət və Turizm Nazirliyinin təşkilatçılığı ilə Cəfər Cabbarlının tərcümə əsərləri oxucuların istifadəsinə veriləcəkdir.


18 mart 2014-cü il tarixdə Cəfər Cabbarlı adına Respublika Gənclər Kitabxanasında AJB-nin üzvü, “Respublika” qəzetinin xüsusi müxbiri, “Yeni nəşrlər” kataloq jurnalının məsul katibi, “Qızıl qələm”və s. media mükafatları laureatı, şair-publisist Rauf İlyasoğlunun “Könül duyğularım”kitabnın təqdimatı və 55 illik yubileyi ilə bağlı tədbir keçirilmişdir.
Tədbiri kitabxananın direktoru Tahir Sadıqov açmış, Novruz bayramı münasibətilə iştirakçıları təbrik etmişdir.
Tahir Sadıqov Rauf İlyasoğlu yaradıcılığından ətraflı danışmış və qeyd etmişdir ki, kitabxanamızda mütəmadi keçirilən tədbirlərdə Rauf İlyasoğlu həmişə iştirak edir, yazılar dərc etdirir. Bu günlərdə onun hazırladığı kitab oxucularımızın ixtiyarına veriləcəkdir. Rauf İlyasoğlu 100-dən artıq kitabın redaktoru, ön söz müəllifi və tərtibçisidir. Müəllifin “Xatirəyə dönmüş anlar” , “Dostlara dost töhfəsi” , “Cinaslı rübailər”, “Könül duyğularım” və s. kitabları oxucuların rəğbətini qazanmışdır.
Doğulub boya- başa çatdığı Ağdam şəhərindən atası , tanınmış jurnalist İlyas Allahverdiyevin əlyazmalarından bir qismini 1992-ci ildə işğal zonasından çıxarmış və “Laçın qaşında” , qəzəllər və...”, “Mənim inamlı dünyam” , “Qara göl” romanlarını çap etdirmişdir.
Rauf İlyasoğlunun Azərbaycanın milli qəhrəmanı Mübariz İbrahimovun xatirəsinə həsr etdiyi poeması IV sinif Azərbaycan dili sinifdənxaric oxu kitabına salınmış və müəllifin ayrı-ayrı məktəblərdə şagirdlərlə görüşü keçirilmişdir.
Tədbirdə Dünya Azərbaycanlıları Mədəniyyət Mərkəzinin vitse-prezidenti , Sabitlik və İnkişaf Mərkəzinin sədri Rasim Məmmədov Rauf İlyasoğlunun vətəpərvərliyindən, insani keyfiyyətlərindən danışmış və Azərbaycanın xalq şairi, “Şöhrət “ ordenli Söhrab Tahirin salamını çatdırmışdır.
Tibb elmləri namizədi , uzun müddət Ağdam Rayon Xəstəxanasının baş həkimi, Mahrızlı hospitalının yaradıcısı olmuş, ali dərəcəli həkim Taryel Eyvazov vurğulamışdır ki, cəbhə bölgələrindən yazan Rauf İlyasoğlu məqalə və kitablarında hər birimizin ürəyindən keçən hissləri yaradıcılıq məharəti ilə ifadə etmişdir. Bədii qiraətçi Tahirə Ağasıyeva Rauf İlyasoğlunun məhəbbət mövzulu şeirlərini özünəməxsus tərzdə ifa etmişdir.
Tədbirdə Beynalxalq İdeal Sülhün Təbliği Fondunun rəhbəri Əlikram Müzəffər , hərbçi-şair Zəminə Xınalı, həkim-şair Zakir Ağdamlı, şairlərdən Mərcan Şahbuzlu, Nəcibə İlkin, Dəmir Məhəmmədoğlu, Qarabağ müharibəsi veteranlarından Xocalı Polis Şöbəsinin ilk sabiq polis rəisi Sabir Məmmədov ehtiyatda olan polis polkovniki Hacı Fərhad Bağırov , jurnalistlərdən Zəhra Paşayeva, Səbinə Ağdamlı, Məmməd Qəhrəmanoğlu, Məhəmməd Əlioğlu, şəhid ailəsi Polad Səhliyev, Elşən Pələngov, BDU-nun tələbəsi Lalə Allahverdiyeva Rauf İlyasoğlunun geniş və çoxşahəli yaradıcılığından danışmışlar.
Qeyd olunmuşdur ki, R. İlyasoğlu qoşma, rübai, təcnis, bayatı ilə yanaşı, oçerk, hekayə, alleqorik hekayə və povestlərində müəllifidir.
Sonda Rauf İlyasoğlu bu günlərdə “Dost sədaqəti”, “Məni Dəlidağda basdırın” publisistik kitablarının, eləcə də atası İlyas Qəmginin 2 cildlik felyetonlarının çapa hazırlandığını bildirmiş, bu gözəl bahar bayramında tədbir iştirakçılarına , kitabxana rəhbərliyinə təşəkkürünü bildirmişdir.


C.Cabbarlı adına Respublika Gənclər Kitabxanasının direktoru T.Sadıqov və kitabxananın əməkdaşları martın 7-də Azərbaycan Dillər Universitetitinin (ADU) Çin dili və mədəniyyəti mərkəzində 8 mart Beynəlxalq Qadınlar Gününə həsr olunmuş "Çinin tarixində görkəmli qadınlar" ədəbi-bədii tədbirdə iştirak etmişlər. Tədbiri giriş sözü ilə açan Çin dili və mədəniyyəti mərkəzinin direktoru, dosent Rafiq Abbasov ailə, qadın və uşaq problemlərinin həlli istiqamətində həyata keçirilən dövlət siyasətindən, Azərbaycan və Çində dövlət quruculuğunda qadınların iştirakından danışdı. O, Azərbaycan və Çinin birinci xanımları Azərbaycan Milli Məclisinin deputatı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri Mehriban Əliyeva və Çin Xalq Qurtuluş Ordusunun general-mayoru, vərəm və QİÇS üzrə Ümumdünya Səhiyyə Təşkilatının xoşməramlı səfiri Pen Liyuanın ictimai-siyasi fəaliyyətini xüsusilə vurğulamışdır.
Tədbirdə C.Cabbarlı adına Respublika Gənclər Kitabxanasının direktoru T.Sadıqov “Azərbaycan və Çin. Mədəni əməkdaşlıq və dostluq yolu” adlı təqdimat ilə çıxış etmişdir. T.Sadıqovun çıxışının əsas mövzusu Azərbaycan və Çin Xalq Respublikası arasında olan dərin köklərə əsaslanan mədəni əlaqələr, onların birgə keçdiyi tarixi yol, müasir Bakı və Pekin şəhərləri, müxtəlif illərdə iki dövlət arasında olan mədəni əlaqələr, mədəniyyət və turizm sahəsində imzalanan sazişlər olmuşdur.Tədbir iştirakçıları tərəfindən böyük maraq ilə qarşılanan çıxış slaydlı təqdimat ilə müşayət olunmuşdur. Sonda T.Sadıqov auditoriyada olan bütün qadınları bir daha 8 Mart Beynəlxalq Qadınlar Günü münasibətilə təbrik etmiş, onlara möhkəm can sağlığı, təhsil və işlərində nailiyyətlər arzulamışdır. Çıxışdan sonra Çin dili və mədəniyyət mərkəzinin direktoru, dosent Rafiq Abbasov Çin dili və mədəniyyəti mərkəzi tərəfindən hazırlanmış “İlham Əliyev - qədim xalqlar dostluğunun müasir davamçısı” adlı kitabı T.Sadıqova hədiyyə etmişdir.
Tədbirdə həmçinin, AMEA-nın Şərqşünaslıq İnstitutunun əməkdaşı Xuraman Əliyeva Azərbaycanda ilk şərqşünas qadın, alim, XX əsrin görkəmli nümayəndəsi, professor Aida İmanquliyevanın elmi və ədəbi irsi haqqında danışmışdır. Sonra ADU-nun Regionşünaslıq və Beynəlxalq münasibətlər fakültəsinin tələbələri ədəbiyyatda qadın gözəlliyinin simvolu olan dörd görkəmli Çin qadınları: Si Şı, Van Djaoszyun, Dyaoçan, Yan Quyfəy, Çin imperatriçələri, əfsanəvi qadın sərkərdələr Fu Xao və Mulanın dövlət fəaliyyəti haqqında məlumat verilmişdir.



24 fevral 2014-cü il tarixdə C.Cabbarlı adına Respublika Gənclər Kitabxanası “Dünya Azərbaycanlılarının Həmrəyliyi” cəmiyyəti və “Demokratik Cəmiyyət və Qadın Hüquqlarının Müdafiəsi” ictimai birlikləri ilə birlikdə “Xocalı faciəsi XX əsrin qanlı soyqırımıdır” mövzusunda tədbir keçirdi.


ətraflı

C.Cabbarlı adına Respublika Gənclər Kitabxanasında 18 yanvar 2014-cü il tarixdə “20 yanvar şəhidləri” adlı dəyirmi masa keçirildi.
Tədbir Azərbaycanın suverenliyi uğrunda həlak olanların ruhlarının bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın elmi işlər üzrə direktor müavini X.Musayeva açıb qeyd etdi ki, 1990-cı ilin yanvar ayının 19-dan 20-nə keçən gecə heç bir xəbərdarlıq edilmədən şəhərə daxil olan sovet qoşun hissələri küçələrə çıxıb öz etirazlarını bildirən dinc əhalini pulemyotlardan və avtomatlardan atəşə tutdu. Yüzlərlə insan bu haqsızlığın qurbanı oldu. 20 yanvar faciəsi xalqımızın milli mənliyinə, milli azadlıq ruhuna qarşı təcavüz olmasına baxmayaraq Azərbaycan xalqı bu hadisədə öz qürurunu itirmədi, iradəsi qırılmadı. Xalqımızın qan yaddaşına dünyada görünməmiş faciə kimi həkk olunmuş 20 yanvar tarixi Azərbaycanın taleyinə XX əsrin növbəti qəhrəmanlıq səhifəsi kimi yazıldı. Ümummilli liderimiz Heydər Əliyev 1993-cü ildə xalqın tələbi ilə hakimiyyətə qayıtdıqdan sonra Azərbaycan tarixində qanlı yanvar faciəsi kimi yadda qalan 1990-cı ilin 20 yanvar hadisələrinin səbəbləri və nəticələri daha dəqiq araşdırıldı və Müstəqil Azərbaycan Respublikası 1994-cü ildə 20 yanvar faciəsinin hərbi təcavüz və cinayət kimi tam siyasi- hüquqi qiymətini verdi.
Dəyirmi masada Yasamal Rayonu Ağsaqqallar Şurasının sədr müavini R.Cavadov, Yasamal rayonu 172 saylı orta məktəbin müəllimi N.Əfəndiyev, Bakı Dövlət Universitetinin “Kitabxanaçılıq və İnformasiya” fakültəsinin tələbələri iştirak etdilər.
R.Cavadov öz çıxışında bildirdi ki, biz 20 yanvarı milli matəm, milli hüzn kimi qeyd edirik. Lakin, bu faktdır ki, 1990-cı ilin yanvar ayının 19-dan 20-nə keçən gecə Azərbaycan xalqına qarşı törədilmiş cinayət, tökülmüş nahaq qanlar, insanların vəhşicəsinə qətlə yetirilməsi Azərbaycan xalqının müstəqillik uğrunda mübarizə əzmini qıra bilməmişdir.
N.Əfəndiyev bildirdi ki, həmin gecə Azərbaycan xalqı özünün yenilməzliyini, qəhrəmanlığını, vətənə, torpağa sədaqətini, azadlıq uğrunda mübarizə əzmini bütün dünyaya bəyan etdi. Məhz bu əzm və iradənin sayəsində xalqımız müqəddəs arzusuna çatdı, milli azadlığına qovuşdu. Azərbaycan müstəqil dövlət kimi dünya birliyinə daxil oldu. N.Əfəndiyev çıxışını şəhidlərə həsr etdiyi şerlə bitirdi.
Tələbə N.Kərimov 20 yanvar tarixinin canlı şahidi olmasa da bu faciə haqqında böyük məlumata malik olduğunu, Azərbaycan xalqının tarixinə qanlı hərflərlə yazılan səhifənin heç zaman unudulmayacağını, müasir gənc nəsildə vətənpərvərlik ruhunun yüksəkliyini, torpaqlarımızın toxunulmazlığı uğrunda mübarizəyə hər an hazır olduqlarını xüsusi vurğuladı. O, çıxışının sonunda şair B.Vahabzadənin “Şəhidlər” şerini söylədi.
Tələbə L.Hacızadə çıxışında söylədi ki, 20 yanvar faciəsində şəhid olanların xatirəsini bu gün hörmətlə yad edərkən fəxrlə deyə bilərik ki, onların uğrunda canlarını qurban verdikləri müstəqilliyin əldə olunmasından artıq uzun illər keçir. Müstəqil Azərbaycan Respublikası dünya dövlətlərarası münasibətlər sistemində öz yerini tutmuş və bütün dünyaya sübut etmişdir ki, müstəqilliyimiz əbədidir, dönməzdir.
Tələbə V.Məmmədova da 1990-cı ilin yanvar ayının 19-dan 20-nə keçən gecə rus qoşunları tərəfindən Azərbaycan xalqına qarşı edilən təcavüzdən, axıdılan haqsız qanlardan danışdı. Qeyd etdi ki, Azərbaycan xalqı öz qəhrəman övladlarının fədakarlığını yüksək qiymətləndirərək hər il 20 yanvarda onların əziz xatirəsini dərin ehtiramla yad edir.
Kitabxananın əməkdaşı Ü.Babayeva çıxışında bildirdi ki, 20 yanvar faciəsi respublikada milli-azadlıq hərəkatına və demokratik proseslərə təsir göstərsə də, müstəqillik uğrunda xalqımızın apardığı proseslərə təsir göstərsə də mübarizəni dayandıra bilmədi. Əksinə, 20 yanvar faciəsi xalqımızın istiqlaliyyət, milli-azadlıq və müstəqillik uğrunda apardığı hərəkata güclü təkan verdi və respublikada siyasi mübarizə yeni tarixi dövrə daxil oldu.
Tədbir boyu 20 yanvar faciəsinə həsr olunmuş video-rolik nümayiş etdirildi.
Tədbirin sonunda “Unudulmayan faciə və qətl” adlı kitab sərgisinə baxış keçirildi.


C.Cabbarlı adına Respublika Gənclər Kitabxanasında “Kitabxana saytlarının inkişafı və modernləşdirilməsi” mövzusunda 10-13 dekabr 2013-cü il tarixində treninq keçirildi. Treninqdə Daşkəsən, Oğuz, Ağstafa, Saatlı, Sabirabad, Ağdam, Cəlilabad, Astara, Qəbələ, Ağcabədi və digər rayon kitabxana əməkdaşları iştirak etmişlər.
Treninq müddətində adı çəkilən rayonların İnformasiya – resurs şöbəsinin əməkdaşlarına C.cabbarlı adına Respublika Gənclər kitabxanasının mütəxəssisləri tərəfindən veb dizayn sahəsinə dair bilgilər tədris edilmişdir. İştirakçılar sayta mətn və şəkil yerləşdirmək, yeni səhifə yaratmaq, yeni kitablar və metodiki səhifələr keçidlərini yaratmaq, yeni məlumatların serverə yüklənməsini öyrənmişlər. Adı çəkilən mövzulardan əlavə treninq iştirakçılarına aparıcı kitabxana saytlarının iş təcrübəsi, metodikası da əyani formada – saytlar vasitəsilə göstərilmişdir. Treninq iştirakçıları İnformasiya - resurs şöbəsinin əsas vəzifələrindən biri olan İnternetdə faydalı məlumatların və saytların axtarışı, bu məlumatların elektron resursa çevrilməsi, elektron kitabların yüklənməsi, sayta yerləşdirilməsi haqda məlumat da əldə etmişlər.
Eyni zamanda treninq iştirakçılarına Azlibnet Milli İnformasiya Mərkəzinin iş struktur quruluşu bölmələri, yarımbölmələri, bloklar, blokların daxilindəki linklər barədə, həmçinin Respublikanın beş iri kitabxanasının biblioqrafik yazılarının toplandığı və geniş kitabxana şəbəkələri üçün Mərkəzləşmiş Kataloqlaşdırma yerinə yetirən və bununla da kitabxanaların elektron kataloqlarının dünya standartları səviyyəsində yenidən qurulmasını təmin edən Toplu kataloq, ondan istifadə qaydaları haqqında bilgi verilmişdir.
Treninqdə Azərbaycan Respublikasının Mədəniyyət və Turizm Nazirliyinin Analitik təhlil və proqram təminatı şöbəsinin müdiri Qabil Abbasov da iştirak etmiş, treninq iştirakçılarına müasir kitabxana saytları qarşısında qoyulan tələblər, kitabxana saytlarının müasir standartlara uyğunlaşdırılması yollarını tədris etmiş, kitabxana mütəxəssislərinin suallarını cavablandırmışdır.
Nəzəri və təcrübi hissədən ibarət olan treninqdə iştirakçılara “Kitabxanaçıların ixtisasartırma kursu”nun əməkdaşları tərəfindən ümumi İnternet və elektron poçt haqda bilgilər də verilmişdir.
Treninqın sonunda test və təcrübi tapşırıqdan ibarət imtahan keçirilmiş, treninqı uğurla başa vuran iştirakçılara Sertifikat təqdim edilmişdir.
Dövlət Proqramında nəzərdə tutulmuş Tədbirlər Planına uyğun olaraq bu treninqlər digər mövzularda da davam etdiriləcəkdir.


C.Cabbarlı adına Respublika Gənclər Kitabxanasında “Kitabxana saytlarının inkişafı və modernləşdirilməsi” mövzusunda silsilə xarekterli treninqlər keçirilmişdir. Birinci treninq 5-8 noyabr 2013-cü il tarixdə keçirildi. Treninqdə Samux, Qusar, Siyəzən, Göygöl, Göyçay, Yardımlı, Bərdə, Yevlax, Şuşa, Zəngilan və digər rayon kitabxana əməkdaşları iştirak etdilər.
Treninq müddətində adı çəkilən rayonların İnformasiya –resurs şöbəsinin əməkdaşlarına veb dizayn sahəsində bilgilər tədris edilmişdir. İştirakçılar sayta mətn və şəkil yerləşdirmək, yeni səhifə yaratmaq, yeni kitablar və metodiki səhi fələr keçidlərini yaratmaq, yeni məlumatların serverə yüklənməsini öyrənmişlər. Adı çəkilən mövzulardan əlavə treninq iştirakçılarına aparıcı kitabxana saytlarının iş təcrübəsi, metodikası da əyani formada – saytlar vasitəsilə göstərilmişdir. Treninq iştirakçıları İnformasiya - resurs şöbəsinin əsas vəzifələrindən biri olan İnternetdə faydalı məlumatların və saytların axtarışı, elektron kitabların yüklənməsi, sayta yerləşdirilməsi haqda məlumat da əldə etdilər.
Eyni zamanda Azlibnet Milli İnformasiya Mərkəzinin iş struktur quruluşu bölmələri, yarımbölmələri, bloklar, blokların daxilindəki linklər barədə, həmçinin Respublikanın beş iri kitabxanasının biblioqrafik yazılarının toplandığı və geniş kitabxana şəbəkələri üçün Mərkəzləşmiş Kataloqlaşdırma yerinə yetirən və bununla da kitabxanaların elektron kataloqlarının dünya standartları səviyyəsində yenidən qurulmasını təmin edən Toplu kataloq, ondan istifadə qaydaları haqqında bilgi verilmişdir. Dialoq əsasında qurulan dərsdə əsasən Toplu kataloqdan biblioqrafik yazının istənilən AİS-in local єəbəkəsinə bir neзə formatda yüklənməsi metodlarını əyani göstərməklə hər bir iştirakçının prosesi təkrar etməklə qavraması təmin edildi. Həmзinin treninqdə İRBİS – 64 AİS onun iş prinsipləri kataloqçu, komplektləşdirici, oxucu qeydiyyatı, kitab verilişi, statistika, sistem inzibatçılığı haqqında verilən suallar cavablandırıldı.
Nəzəri və təcrübi hissədən ibarət olan treninqdə iştirakçılara “Kitabxanaçıların ixtisasartırma kursu”nun əməkdaşları tərəfindən ümumi İnternet və elektron poçt haqda bilgilər də verilmişdir.
Treninqın sonunda test və təcrübi tapşırıqdan ibarət imtahan da keçirilmişdir. Beş nəfər iştirakçıya Sertifikat təqdim edilmiєdir.
İkinci treninq 19-22 noyabr 2013-cü il tarixində keçirilmişdir. “Kitabxanların veb saytlarının istifadəçilərin tələblərinə uyğun tərtibatı” mövzusunda olan bu treninqdə Mingəçevir .əhər, Bərdə, Qax, Şirvan, Laçın, Xızı, Şamaxı, Gədəbəy, Abşeron, Qobustan, Biləsuvar, Şuşa rayon Mərkəzləşdirilmiş Kitabxana Sistemlərinin İnformasiya-resurs şöbəsinin mütəxəssisləri iştirak etmişlər. Treninq iştirakçılarına müasir kitabxana saytları qarşısında qoyulan tələblər, kitabxana saytlarının müasir standartlara uyğunlaşdırılması yolları tədris edilmişdir. Bir sıra kitabxana saytlarının əyanı monitorinqı keçirilmiş, müsbət tərəflər və nöqsanlar birgə müzakirə edilmiєdir.
Dövlət Proqramında nəzərdə tutulmuş Tədbirlər Planına uyğun olaraq bu treninqlər digər mövzularda da davam etdiriləcəkdir.


06 oktyabr 2008-ci il tarixdə “Azərbaycan Respublikasında kitabxana-informasiya sahəsinin 2008-2013-cü illərdə inkışafı üzrə təsdiq edilmiş Dövlət Proqramı”nın Tədbirlər Planına əsasən Azərbaycan Respublikasının Mədəniyyət və Turizm Nazirliyinin C.Cabbarlı adına Respublika Gənclər Kitabxanasında mütəmadi olaraq treninqlər keçirilir. Növbəti treninq 05 – 08 noyabr 2013-cü il tarixdə “Kitabxana saytlarının inkişafı və modernləşdirilməsi” mövzusunda keçirilmişdir. Treninqdə Samux, Qusar, Siyəzən, Göygöl, Göyçay, Yardımlı, Bərdə, Yevlax, Şuşa, Zəngilan və digər rayon kitabxana əməkdaşları iştirak etmişlər.



Azərbaycanda yeni tibb jurnalı işıq üzü görüb "Azərbaycan allerqologiya və klinin immunologiya jurnalı"
Lalə Allahverdiyeva Azərbaycan Respublikasının tibb tarixində ilk dəfə olaraq "Azərbaycan allerqologiya və klinik immunologiya" elmi-praktik juranlı təsis etmiş və jurnalın baş redaktorudur. Jurnal Azərbaycan, ingilis və rus dillərində nəşr olunur. Juranlın ilk nömrəsi 2013-cü ilin yanvar ayında işıq üzü görmüşdür. Jurnal allerqoloq, immunoloq, pediatr, pulmonoloq, dermatoloq, otorinolarinqoloq, ümumiyyətlə allerqologiya və immunologiya ilə maraqlanan bütün tibb mütəxəssisləri üçün nəzərdə tutulmuşdur.
Allahverdiyeva Lalə İsmayıl qızı - tibb elmləri doktoru, professor, Azərbaycan Tibb Universitetinin "Klinik allerqologiya və immunologiya" kafedrasının müdiri, Azərbaycan Respublikasının əməkdar həkimi, Bakı şəhəri Baş allerqoloqu.
Azərbaycan, BMT ölkələrinin Allerqoloq, İmmunoloq və İmmunoreablitoloqlar, Avropa Akademiyasının Allerqoloq və klinik İmmunoloqlar, eləcə də Avropa Respirator elmi cəmiyyətinin Qızıl üzvüdür. 150-çox elmi məqalənin, 1 monoqrafiyanın, 3 dərs vəsaitinin, 10-dan çox metodik tövsiyyələrin müəllifidir.
2006/2007-ci illərdə elmi nailiyyətlərinə görə Amerika Birləşmiş Ştatlarında “Who’s Who in Medicine and Healthcare” kitabının altıncı nəşrinə daxil edilmişdir.
2011-ci ildə tibb sahəsində böyük nailiyyətlərinə görə Kembric Universitetinin “THE CAMBRIDGE CERTIFICATE for Outstanding Medical Achiviment” sertifikatı ilə təltif olunub.
Azərbaycanda və xaricdə (Fransa, İngiltərə, İspaniya, Almaniya, İtaliya, Avstrya, Hollandiya, BƏƏ, Türkiyə, Misir Ərəb Respublikası, İsrail, Rusiya, Gürcüstan, Özbəkistan və s. ölkələrdə) keçirilən beynalxalq konfanslarda, simpoziumlarda və konqreslərdə dəfələrlə iştirak və məruzələrlə çıxış edib.
Professor Lalə Allahverdiyeva Azərbaycanın Nümayəndə heyyəti tərkibində 27-30 aprel tarixlərində Böyük Britanianın paytaxtı London şəhərində təşkil olunan və dünya şöhrətli alim, professor Alian De Week-in mərhum xatirəsinə həsr olunmuş beybəlxalq VI Dünya Astma, Allergiya və Xroniki Obstruktiv Bronx-Ağciyər Xəstəlikləri formunda iştirak etmişdir. Forumda dünyanın 72 ölkəsindən nümayəndələr iştirak edirdilər. Professor Lalə Allahverdiyeva və onun dissertantı həkim-allerqoloq G. Məmmədova tərəfindən bu foruma təqdim etdiyi məruzələri birinci yerə layiq görüldü (ən yaxşı poster məruzəsinə görə).
Azərbaycan Respublikasının ictimai-siyasi həyatında fəal iştirak edir, respublika Qadınar cəmiyyətinin üzvüdür. Lalə Allahverdiyeva haqqında "Azərbaycan qadınları" ensiklopediyasında məlumat verilib.



15-21 sentyabr 2013-cü il tarixdə Soçi-Adlerdə “Effektiv kitabxana: funksiyaların və inkişaf modellərin müxtəlifliyi. Gənc oxucu ilə birgə dəyişirik” mövzusunda XIII Beynəlxalq Konfrans keçirildi. Bu konfransın mütəmadi iştirakçısı C.Cabbarlı adına Respublika Gənclər Kitabxanasının direktoru T.Sadıqov bu dəfə də konfransa dəvətli idi. Bu konfransda “Beynəlxalq veb-sessiya “Kitabxana-informasiya xidmətlərinin müasir modelləri”, “Kitabxanalar, nəşriyyatlar, kitab satışı və KİV : mütaliənin inkişafı sahəsində effektiv modellərin qarşılıqlı əlaqələrin formalaşması” və s. mövzularda dəyirmi masa, seminar və sərgilər təşkil olunmuşdur. C.Cabbarlı adına Respublika Gənclər Kitabxanası Stavrapol vilayətinin Gənclər Kitabxanası, Krasnodar vilayətinin Gənclər Kitabxanası və Adıgey Respublika Gənclər Kitabxanası ilə gələcəkdə birgə əməkdaşlığa dair fikir mübadiləsi aparmışdır.


C.Cabbarlı adına Respublika Gənclər kitabxanasında 19 iyul 2013-cü il tarixdə “Müasir gənclik və Azərbaycan idmanının uğurları” mövzusunda dəyirmi masa keçirildi.
Tədbir Azərbaycanın müstəqilliyi uğrunda həlak olanların xatirələrinin bir dəqiqəlik sükutla yad edilməsindən sonra başladı.
Giriş sözü ilə tədbiri kitabxananın direktoru T.Sadıqov açdı. O, Azərbaycan Respublikasının prezidenti İ.Əliyevin idmanın inkişafı, dünya miqyasında idmançılarımızın qələbə qazanmaları üçün etdiyi xidmətlərdən danışdı. Qeyd etdi ki, məhz prezident İ.Əliyevin göstərişi ilə Azərbaycan Respublikasında bədən tərbiyəsi sahəsində milli proqram həyata keçirilir, beynəlxalq idman əlaqələrinin genişlənməsinə nail oluruq. Böyüməkdə olan gənc nəsil arasında idmanın və bədən tərbiyəsinin kütləviliyinin təmin edilməsi məqsədilə digər dövlət orqanları və ictimai təşkilatlarla birlikdə onların maddi- texniki bazasının inkişaf etdirilməsi də məhz hörmətli prezidentimizin verdiyi sərəncam nəticəsindədir.
Tədbirdə “Azərbaycan SQAY İdman Federasiyası”nın rəyasət heyətinin prezidenti, “Xocalını tanıtma” ictimai birliyinin sədri Ş.Sabiroğlu, vitse-prezidenti A.Zeynalova, E.Abbasov, katibi L.Bədəlova, Azərbaycan Peşəkar Sərbəst Döyüş İdman Klubunun direktoru , Beynəlxalq Döyüş Növləri Konfederasiyasının Azərbaycan üzrə təmsilçisi R.Eyvazov, Sumqayıt “Free Fighting” komandasının baş məşqçisi C.Adıgözəlov, Sumqayıt Olimpiya Kompleksinin kapitanı F.Muradov, həmin komandanın idmançıları, qaydasız döyüşçü N.Ələkbərov, Odlar Yurdu Universitetinin müəllimi F.Əsgərova, “Azərtac”ın müxbiri Z.Dəmirçiqayalı, Azərbaycanın milli qəhrəmanı A.Məhərrəmov adına inkişaf fondunun sədri, Qarabağ müharibəsi əlili Ə.Məhərrəmov, “Elit House” MMC-nin direktoru R.Əliyev, Quba Diaqnostika Mərkəzinin tibb işçisi A.Mirzəyeva, rəyasət heyətinin üzvlərindən B.Laçınsız, R.Heydərov, A.Cavadov, A.Şıxəliyev və s.iştirak etdilər.
Ş.Sabiroğlu 2013-cü ilin iyun ayının 1-də Beynəlxalq SQAY Federasiyasından onun Azərbaycan Respublikası üzrə nümayəndə təyin edilməsini bildirdikdən sonra Azərbaycan idmançılarına bu federasiyanın yaranmasına göstərdikləri dəstəyə görə təşəkkür etdi.
B.Laçınsız Azərbaycan Respublikasının Prezidenti İ.Əliyevin İdmanın bütün sahələrinin inkişafına, dünya olimpiadalarında iştirakına xüsusi diqqət göstərməsinin idmançılarımızın daha da ruhlanmasına təkan verməsini vurğuladı. Məhz bu diqqətin nəticəsi kimi Azərbaycan idmançılarının ildən-ilə respublikamıza gətirdikləri qızıl medalların sayının artmasını bildirdi.
A.Zeynalova SQAY idman növünün tarixinin məhz Kəşmirin erkən yarandığı dövrə təsadüf etdiyini söylədi. Bildirdi ki, SQAY döyüşü başqa döyüş standartlarına məxsus olmayan, özünəməxsus standartlara malik yerli, köklü döyüş növüdür. Azərbaycanda bu döyüş növünə olan tələbatı nəzərə alaraq “SQAY idman Federasiyası” yaradılmışdır. Məqsəd uşaq və gənclərimizim milli vətənpərvərlik ruhunda tərbiyə olunmalarına kömək etmək, çağırış yaşlı gənclərin həqiqi hərbi xidmət zamanı daha hazırlıqlı olmalarıdır.
M.Abbasov, R.Əliyev, F.Əsgərova da “SQAY İdman Federasiyası” nın yaradılmasındakı əsas məqsəddən, görəcəkləri işlərdən danışandan sonra qeyd etdilər ki, bu federasiya tezliklə Azərbaycanın digər bölgələrində də yaradılacaq.


C.Cabbarlı adına Respublika Gənclər kitabxanasında 29 iyun 2013-cü il tarixdə “AQRA”- Elmin İnkişafına Dəstək İctimai Birliyinin təşkilatçılığı ilə “Elmə, təhsilə, mədəniyyətə dəstək” mövzusunda dəyirmi masa keçirildi.
Tədbiri giriş sözü ilə kitabxananın direktoru T.Sadıqov açıb kitabxananın çoxsaylı oxuculara xidmətindən, elektron kataloq sistemindən, elmin, təhsilin inkişafında istiqamətverici rolundan danışandan sonra “AQRA” Elmin İnkişafına Dəstək İctimai Birliyinin Azərbaycanın hərtərəfli, çoxşaxəli tarixinin, etnoqrafiyasının , mədəniyyətinin, elmin dərindən və hərtərəfli öyrənilməsi, bunları bilməyimiz və dünyaya çatdırmağımız məqsədilə yaradılmasını bildirdi. Ümummilli liderimiz Heydər Əliyevin “Azərbaycan dünyaya günəş kimi doğacaq” ideyasını reallaşdırmaq məqsədilə AQRA Elmin İnkişafına Dəstək İctimai Birliyinin prioritet saydığı “Elm elmdədir.Tədqiqat, araşdırma, nəticələr elmdədir, bəşəriyyət elm əhatəsindədir” devizini əsas tutduğunu bildirdi.
Tədbirdə Ə.Ağayev adına Naxçıvan şəhər internat məktəbinin direktoru M.Kələntərli, müəllimlər Ə.Musayeva, K.Ağayeva, Q.Tarıverdiyeva, Ü.Hacıyev, məzunlardan Bakı Dövlət Universitetinin şərqşünaslıq fakultəsinin professoru Ə.Rəsulov, “AQRA” EİDİB- in sədri M.Seyidov, Aztelekom İstehsalat Birliyinin mühəndisi İ.Hətəmov, Azərbaycan Televiziyasının diktoru E.Bayramov, xalçaçı rəssam M.Bayramova, şairə M.Şahbuzlu, “Zirvəyə doğru” jurnalının baş redaktoru Z.Paşayeva, “Hərbi and” qəzetinin şöbə müdiri İ.Əsədova, 82 saylı məktəbin müəllimi Z.Hacıyeva, hərbçi Ə.Qəhrəmanov, həmçinin, F.Sadıqov, N.Mahmudov, M.Novruzov, M.Əsgərov, E.Hacıyev,Y.Hacıyev,Ə.Quliyev, E.Qurbanov, N.Əliyev, Ə.Vəliyev, N.Həsənov, Ə.Rəsulov və başqaları iştirak etdilər.
M.Kəngərli təhsilə verilən diqqətdən, uzun illər internat məktəbə etdiyi rəhbərlikdən, müəllim-şagird münasibətlərindən söhbət açdı. Qeyd etdi ki, Azərbaycan Prezident Aparatı ictimai-siyasi şöbəsinin müdiri Ə.Həsənov, Azərbaycan Prezident Aparatının şöbə müdiri M.Əliyev, Azərbaycan Prezident Aparatının sektor müdiri Q.Əliyev, general-leytenant Ş.Xəlilov da məhz həmin internat-məktəbin məzunları olmuşlar.
M.Seyidov təhsilin dünəni, bu günü haqda çıxışında qeyd etdi ki, yüksək biliyə yiyələnmək harada təhsil almasından asılı olmayaraq hər bir insanın öz əlindədir. Naxçıxan şəhəri internat məktəbi də yüksək bilik, elm, əxlaqi dəyərlər vermək baxımından çox diqqətəlayiqdir. Təhsilə, elmə, mədəniyyətə həmişə xüsusi diqqət ayrılmışdır ki, yetişən gənc nəsil də vətənə layiqli, xalqa arxa övlad olsun.
K.Ağayeva Haxçıvan şəhəri internat məktəbdə müəllim kimi işlədiyi illərin ən yadda qalan xatirələrindən, təhsil sisteminin özəlliyindən söhbət açdı. Müasir dövrdə də məhz yüksək təhsilin insan həyatında mühüm rol oynamasını xüsusi vurğuladı.
Ə.Musayeva, Q.Tarıverdiyeva, E.Bayramov, Ü.Hacıyev, Ə.Qəhrəmanov, N.Həsənov və bir çox başqaları da Naxçıvan şəhər internat məktəbində təhsil aldıqları illərin xatirələrindən danışdılar. Azərbaycan təhsil sisteminin ildən-ilə daha da təkmilləşəcəyini, yüksək ixtisaslı kadrların yetişməsində barbaşa rolunu, gələcəyimizin elmin zirvəsinə ucalan gənclərimizin əlində olmasına inandıqlarını bildirdilər.


C.Cabbarlı adına Respublika Gənclər kitabxanasında “Dünya Azərbaycanlı Gənclərinin Beynəlxalq Həmrəyliyi” cəmiyyətinin fəaliyyətinin 18 illiyi münasibəti ilə “Həmrəyliyi tərənnüm edən cəmiyyət” adlı musiqili- ədəbi-bədii-gecə keçirildi.
Tədbiri giriş sözü ilə kitabxananın direktoru T. Sadıqov açdı. Qeyd etdi ki, “Dünya Azərbaycanlı Gənclərinin Beynəlxalq Həmrəyliyi” cəmiyyəti 1995-ci il noyabr ayının 10-da Bakıda təsis edilmiş, 1996-cı il iyun ayının 19-da Ədliyyə Nazirliyində dövlət qeydiyyatına alınmışdır. Təşkilat tərəfindən 1995-2012-ci illlər ərzində Azərbaycanda və xarici ölkələrdə 200-dən çox dövlətçilik əhəmiyyətli və azərbaycançılıq ideyaları ilə istiqamətlənən tədbirlər keçirilmişdir. Qarabağ uğrunda həlak olmuş şəhidlərimizin xatirələrinin əbədiləşdirilməsi sahəsində də işlər görülmüş, buna xaricdəki soydaşlarımızın da cəlb edilməsinə nail olunmuşdur. O, demək olar yeganə qeyri-hökumət təşkilatıdır ki, özünün himni vardır. Bu himn 2004-cü ildə yazılmışdır.
Musiqili- ədəbi-bədii-gecədə “Dünya Azərbaycanlı Gənclərinin Beynəlxalq Həmrəyliyi “ cəmiyyətinin sədri T.Əlizadə, vitse-prezidenti V.Əliyev, ehtiyatda olan polkovnik S.Mövsümov, filologiya elmləri doktoru, professor N.Qasımzadə, “Qadınların ictimai problemlərinin araşdırılması” ictimai birliyinin sədri R.Vahidova, “Demokratik cəmiyyət və qadın hüquqlarının müdafiəsi” ictimai birliyinin sədri M.Abdullayeva, “Şahdağ” xeyriyyə ictimai birliyinin sədri R.Teymurova, “Sənsiz” xeyriyyə cəmiyyətinin sədri Z.Rəhimova, “Dünya Azərbaycanlı Gənclərinin Beynəlxalq Həmrəyliyi” cəmiyyətinin üzvü L.Salahova, “Carçı” jurnalının baş redaktoru G.Əmirquliyeva, “Millətçilik” qəzetinin baş redaktor müavini S.Əsgərova, “İctimai fikir” qəzetinin baş redaktoru E.Nüsrət qızı, şairlər İ.Tapdıq, Q.İlqar, Yasamal rayonu, 18 saylı orta məktəbin müəllimi M.Muradova, Bakı İdarəetmə və Texnologiya kollecinin direktor müavini İ.Əliyeva, iki şəhid anası D.Əliyeva, aktyor H.Cəbrayılov və musiqiçilər iştirak etdilər.
T.Əlizadə çıxışında bu cəmiyyətin yaranmasında dünya şöhrətli sənətçi, xalq artisti L.İmanovun və görkəmli ziyalımız N.Rizvanın xidmətlərini xüsusi vurğuladı. Bildirdi ki, bu hər iki ziyalının təşkilatın quruculuğunda özünəməxsus önəmli yerləri vardır. Onların hər ikisi təşkilatın ağsaqqalları, ideya daşıyıcıları olmuş, son nəfəslərinə qədər bu quruma öz sədaqətlərini nümatiş etdirmişlər. Məhz elə bu səbəbdəndir ki, cəmiyyətin himninin müsiqisi L.İmanova, sözləri isə N.Rizvana məxsus olmuşdur.
M.Abdullayeva çıxış edərək bildirdi ki, nəinki bizim bu cəmiyyət, ümumiyyətlə bütün xalqımızın borcu parçalanmış Azərbaycanı bir daha parçalanmaqdan qorumaqdır. Bizim bütün təşkilatlarımızın fəaliyyəti bir növ nümunə, örnək olmalıdır. Bu məqsədlə də bir çox idarə və təşkilatlarda, elm, təhsil ocaqlarında müxtəlif mövzuları əhatə edən tədbirlər keçirir, müasir gənc nəslin düzgün vətənpərvərlik tərbiyəsində müəyyən dərəcədə rol oynamağa çalışırıq.
İ.Əliyeva çıxışına ümummilli lider Heydər Əliyevin “ Azərbaycanın ən qiymətli sərvəti onun insanlarıdır” ifadəsi ilə başladı. Qeyd etdi ki, “Dünya Azərbaycanlı Gənclərinin Beynəlxalq Həmrəyliyi” cəmiyyəti bir neçə dəfə onun işlədiyi kollecdə tədbirlər keçirmiş, şagirdlərin hərbi-vətənpərvərlik tərbiyələrinin formalaşmasında sözün əsl mənasında müsbət dərəcədə rol oynamışlar. Əgər Azərbaycan torpağında yaşayırıqsa, onun sərvətlərinin, sərhədlərinin, mədəni irsinin qorunması üçün də çalışmalıyıq.
G.Əmirquliyeva vətən məvhumunu geniş mənada açıqlayıb onu sevməyi, qorumağı hər bir vətən övladına arzuladı. DAGBH cəmiyyətinin fəxri üzvü kimi 18 il ərzində göstərdikləri fəaliyyətdən, gördükləri işlərdən danışdı. Qeyd etdi ki, 2010-cu ilin noyabr ayının 27-də Almaniyada “Dünya Azərbaycanlı Gənclərinin1-ci konqresi” keçirildi.Bu da biz azərbaycanlılar üçün çox önəmli tarixi bir hadisədir. Bu illər ərzində DAGBHC tərəfindən Azərbaycanda ilk dəfə olaraq 15 bənddən ibarət olan “Xaricdəki Azərbaycan cəmiyyəti və mədəniyyət mərkəzlərinin fəaliyyəti” üçün iş proqramı da hazırlanmışdır.
S.Mövsümov, S.Əsgərova, Q.İlqar, N.Qasımzadə, E.Nüsrət qızı da təşkilatın yaranma tarixi, 18 il ərzində keçirdiyi kütləvi tədbirlər, sədr T.Əlizadənin sonsuz xidmətləri haqqında geniş məlumat verəndən sonra Azərbaycan xalqına, Azərbaycan torpaqlarına sülh, əmin-amanlıq, firavanlıq arzuladılar. Bu yolda “Dünya Azərbaycanlı Gənclərinin Beynəlxalq Həmrəyliyi” cəmiyyətinin də müstəsna rol oynayacağını xüsusi vurğuladılar.
Tədbir boyu cəmiyyətin fəaliyyətini əks etdirən slaydlar nümayiş etdirildi.
Bədii hissədə əməkdar incəsənət xadimi V.Əliyev, müğənni Ş.Babayev və parodiyaçı aktyor H.Cəbrayılov geniş proqramla çıxış etdilər.


Cari ilin 08-16 iyun 2013-cü il tarixlərində Ukrayna Respublikasının, Krım vilayətinin Sudak şəhərində keçirilən “Kitabxanalar və informasiya resursları müasir aləmdə, elm, mədəniyyət, təhsil və biznes – 20-ci Beynəlxalq Konfrans”ı başa çatmışdır. Həmin konfransda dünyanın 45 ölkəsindən 2000 nəfərə yaxın nümayəndə iştirak edirdi. Həmin konfransda iştirak edən C.Cabbarlı adına Respublika Gənclər kitabxanasının direktoru Tahir Sadıqov bir sıra kitabxanalarla əməkdaşlıq etmək mövzusunda fikir mübadiləsi aparmışdır. Tahir Sadıqovun Krım konfranslarında yaxşı iştiraklarına və çxışlarına görə Krım-tatar Respublikasının İ. Qaspirinski adına kitabxanasının “Türkdilli xalqların və regionların kitabxanaları: qarşılıqlı münasibətlərin və əməkdaşlığın prioritetləri” Tərifnamə ilə təltif olunmuşdur.
C.Cabbarlı adına Respublika Gənclər kitabxanasının direktoru həmin kitabxanaya müəllif Eldar Əliyevin ulu öndər Heydər Əliyevə həsr etdiyi “Sönməz günəş” adlı beş cildlik kitabı hədiyyə etmişdir.



                                                                                                                                                                                                                                               

C.Cabbarlı adına Respublika Gənclər kitabxanasında 13 iyun 2013-cü il tarixdə “Azadlığın sədası,- milli qurtuluş” adı altında 15 iyun Milli Qurtuluş günü münasibəti ilə dəyirmi masa keçirildi.
Tədbir Azərbaycanın suverenliyi uğrunda həlak olanların əbədi xatirələrinin bir dəqiqəlik sükutla yad edilməsindən sonra başladı.
Tədbiri kitabxananın elmi işlər üzrə direktor müavini X.Musayeva açıb qeyd etdi ki, Azərbaycanın ən yeni tarixinin mühüm mərhələlərindən biri 1993-cü ilin hadisələri ilə bağlıdır. Ulu öndər Heydər Əliyevin 1993-cü ilin iyun ayının 15-də Azərbaycanda siyasi hakimiyyətə xilaskar missiyalı qayıdışı bizi milli müstəqilliyimizi itirmək təhlükəsindən xilas etdi. Bununla da ölkənin ictimai-siyasi, sosial-iqtisadi, elmi-mədəni həyatında, beynəlxalq əlaqələrdə dönüş yarandı, elmi əsaslara, beynəlxalq norma və prinsiplərə uyğun müstəqil dövlət quruculuğu prosesi başladı. Heydər Əliyev Azərbaycan dövlətçiliyinin möhkəm təməlini qoyması ilə milli müstəqilliyin inkişaf vektoruna dönməzlik xarakteri verdi. Azərbaycanın dövlət müstəqilliyi hər cür daxili və xarici təhdidlərdən qurtardı. Ulu öndərin qurub-yaratdığı, müstəqilliyə qovuşdurduğu Azərbaycan hazırda Prezident İlham Əliyevin rəhbərliyi altında sürətlə inkişaf edir, qarşıya qoyduğu bütün məqsədlərinə doğru inamla addımlayır.
Dəyirmi masada Yasamal rayonu Ağsaqqallar Şurasının sədr müavini R.Cavadov, Yasamal rayonu 172 saylı orta məktəbin müəllimi N. Əfəndiyev, Azərbaycan Dövlət Mədəniyyət və İncəsənət Universitetinin tələbələri iştirak etdilər.
N.Əfəndiyev öz çıxışında bildirdi ki, 1993-cü ilin iyun ayında ümummilli lider Heydər Əliyevin hakimiyyətə gəlişi Azərbaycanda yeni dəyərlər sisteminin və yeni ideyaların meydana çıxmasına stimul yaratmış oldu. Azərbaycan xalqının müasir dövlətçiliyinin təşəkkül tapmasında görkəmli dövlət xadimi Heydər Əliyevin müstəsna xidmətləri olmuşdur. Ulu öndər bugünkü müstəqil dövlətçilik sistemimizin ideoloji-siyasi dayaqlarını yaratmaqla öz adını milli tariximizdə əbədi həkk etdirmişdir. N.Əfəndiyev çıxışını milli qurtuluşumuza həsr etdiyi şerlə bitirdi.
R.Cavadov çıxışında qeyd etdi ki, ulu öndər Heydər Əliyevin lider kimi gücü və qüdrəti həm də onun zamanında elan etdiyi məqsəd və vəzifələrin real həyatda praktik tətbiq imkanları ilə ölçülür. Bu mənada, ümummilli lider müstəqil Azərbaycanı davamlı və sabit inkişaf yoluna çıxaran mütərəqqi iqtisadi modelin banisi kimi də ehtiramla xatırlanır. O, xalqı həqiqi müstəqilliyə quvuşduran əvəzolunmaz milli lider adını əbədi olaraq qazanmışdır.
Kitabxanaçı L.Bəxtiyarova bildirdi ki, 1993-cü ildə ölkədə ictimai xaosun və siyasi hakimiyyətsizliyin geniş miqyas alması cəmiyyətin ümumi təhükəsizliyini və dövlətin gələcəyini sual altına qoymuşdu. Hakimiyyətdəki qüvvələrin səriştəsiz və heç bir məntiqə sığmayan siyasəti nəticəsində respublikada anarxiya baş alıb gedirdi. Ulu öndər Heydər Əliyevin məhz bu dövrdə xalqın təkidli istəyi ilə Naxçıvandan Bakıya qayıtması ilə və Ali Məclisin sədri seçilməsi onun sadəcə hakimiyyətə qayıdışı deyil, eyni zamanda xalqın xaosdan qurtulması və davamlı inkişaf yoluna qədəm qoymasıdır.
Kitabxanaçı S.Nəcəfova qeyd etdi ki, ümummilli lider Heydər Əliyevin 1993-cü ilin iyun ayının 15-də Azərbaycan Ali Sovetinin sədri seçilməsi respublikanın çağdaş tarixində dönüş mərhələsi kimi dəyərləndirilir. Azərbaycan Milli Məclisinin 1997-ci il 27 iyun tarixli qərarı ilə 15 iyunun hər il Milli Qurtuluş günü kimi qeyd edilməsi də obyektiv reallığa əsaslanır. Çünki, Heydər Əliyevin öz xalqının iradəsinə tabe olaraq ölkə rəhbərliyinə qayıtması milli azadlıq hərəkatında qazanılmış tarixi nailiyyətləri məhv olmaqdan xilas etmək kimi şərəfli missiyanı öz üzərinə götürməsi demək idi.
Tələbə E.Səfərli bildirdi ki, bu gün Azərbaycan xalqının demokratik hüquqi dövlətdə yaşamaq idealının real və dayanıqlı əsaslar üzərində gerçəkləşərək əbədiləşməsi də çağdaş tariximizin unudulmaz dühası, - ümummilli lider Heydər Əliyevin adı ilə bağlıdır.
Tələbələr H.Nəsirova, S.Əhədov və K.Əmirov da 1993-cü il hadisələri, ölkənin iflic halına düşdüyü bir vaxtda ümummilli lider Heydər Əliyevin yenidən hakimiyyətə qayıdışı ilə Azərbaycanın tarixində yeni səhifə açmasından, xalqı düşdüyü çətin vəziyyətdən xilas etməsindən danışdılar. Qeyd etdilər ki, bu nadir tarixi simanın yenilməz iradəsi, uzaqgörənliyi, tükənməz enerjisi onu xalqının sevimlisi etmiş, ideyaları isə layiqli davamçısı ölkə prezidenti İlham Əliyev tərəfindən qorunur və həyata keçirilir.
Tədbir boyu milli qurtuluşumuzu əks etdirən slaydlar göstərildi.
Dəyirmi masanın sonunda “ Azadlığın sədası,- milli qurtuluş” adlı sərgiyə baxış keçirildi.


C.Cabbarlı adına Respublika Gənclər kitabxanasının direktoru Tahir Sadıqov Azərbaycan Respublikası Prezidentinin 2008-ci il 6 oktyabr tarixli Sərəncamı ilə təsdiq edilmiş “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı” nın Tədbirlər Planının 2.8.5. bəndində nəzərdə tutulan Azərbaycan kitabxanalarının beynəlxalq əlaqələrinin inkişafı, kitabxana-informasiya sahəsinin zəruri istiqamətləri üzrə tədbirlərin icrası ilə əlaqədar cari ilin 08-16 iyun 2013-cü il tarixlərində Ukrayna Respublikasının, Krım vilayətinin Sudak şəhərində keçirilən “Kitabxanalar və informasiya resursları müasir aləmdə, elm, mədəniyyət, təhsil və biznes – 20-ci Beynəlxalq Konfrans” da iştirak edir.



                                                                                                                                                                                                                                               

6 – 8 iyun 2013-cü il tarixlərində C.Cabbarlı adına Respublika Gənclər Kitabxanasında “Mərkəzi kitabxanaları veb saytlarının modernləşdirilməsi” ilə əlaqədar təlim keçirilmişdir.
Təlimdə Xaççmaz, İmişli, Göygöl, Tovuz, Qubadlı, Zərdab və s. rayonların Mərkəzləşdirilmiş Kitabxana Sistemlərinin aparıcı mütəxəssisləri iştirak etmişlər. Təlim bütövlükdə veb dizayn və saytların modernləşdirilməsinə həsr olunmuşdur.
Təlimi giriş sözü ilə açan C.Cabbarlı adına Respublika Gənclər Kitabxanasının direktoru T.Sadıqov müasir dövrdə kitabxana sahəsində yaşanan yeniliklərdən, danılmaz inkişaf nümunələrindən bəhs edərək bu yeniliklərdən birinin və demək olar ki ən mühümlərindən birinin veb saytlar olduğunu qeyd etmişdir. Kitabxananın şəxsi www.ryl.az veb səhifəsindən bəhs edərkən bu saytın yaranma tarixindən danışmış və saytların müasir gündəmdə qalması, oxunaqlı olması üçün onların daim yenilənməsinin, yeni məlumatlar ilə zənginləşdirilməsinin zəruriliyindən söhbət açmışdır.
Üç gün davam edən təlim rayon MKS-lərinin mütəxəssislərinə veb saytlarının müasir tələblərə cavab verməsi üçün zəruri olan aspektlər açıqlanmış, saytlarda hansı əlavə link və məlumatların yerləşdirilməsinə dair geniş informasiya verilmişdir.
Sonda təlim iştirakçıları Sertifikat ilə təltif edilmişlər.


C.Cabbarlı adına Respublika Gənclər kitabxanasında 04 iyun 2013-cü il tarixdə Abşeron rayonu Saray qəsəbəsindəki 1 saylı orta məktəbin müəllimi M.Əmirovanın təşəbbüsü ilə şair İlyas Tapdığın anadan olmasının 80, ədəbi fəaliyyətinin 60 illiyi münasibıti ilə “Poeziyanı ömür yolu seçdim” adlı görüş keçirildi.
Tədbiri giriş sözü ilə kitabxananın direktoru T.Sadıqov açıb şair İlyas Tapdığın həyatı, ədəbi fəaliyyəti haqqında geniş məlumat verərək qeyd etdi ki, 1934-cü ildə Azərbaycanın Gədəbəy rayonunda anadan olan görkəmli ədəbiyyat xadimi yaradıcılığa 1952-ci ildən başlamışdır. “Kəndimizin çobanı”, “Bulaq başında”, “Xumar” kitablarını kənd mühitinə, doğma yurdun təbii gözəlliklərinə həsr etmişdir. 1960-1970-ci illərdən sonra isə uşaq poeziyasına daha çox meyl göstərmiş, kitablarının əksəriyyətini uşaq aləminə həsr etmişdir. Bu cəhətdən onun “Adxalı dağlar”, “Çimnaz oynayır”, “Bir gülün qönçəsi”, “Meşənin mahnısı”, “Çiçəklərim” və sair kitabları çox səciyyəvidir. Lirik şair olan İ.Tapdığın uşaq şerlərinin başlıca mövzusu təbiət aləmidir. Görüşdə N.Tusi adına Pedaqoji Universitetin müəllimi, professor N.Axundzadə, Bakı İdarəetmə və Texnologiya Kollecinin direktor müavini İ.Əliyeva, Qadın Jurnalistlər Assosiasiyasının üzvü, şairə M.Mətin, “Zəngəzurun səsi” qəzetinin redaktoru R.İmran qızı, “Aqra” Elmin İnkişafına Dəstək İctimai Birliyinin İdarə Heyətinin sədri M.Seyidov, Azərbaycan Dövlət Tibb Universitetinin müəllimi N.Zülfüqarova, “Yazıçı” Qadınlar Birliyinin üzvü, şairə M.Mahmud qızı, fəlsəfə doktoru M.İsrafilov, “Dünya Azərbaycanlılarının Beynəlxalq Həmrəyliyi” cəmiyyətinin sədri T.Əlizadə, jurnalist R.Qurban, tərcüməçi F.Kazımov, yazıçı-publisist İ.Zəkiyev, şairlər H.Loğman, A.Arabaçı, S.Məmmədli, O.Pza, K.Ağayeva, S.Şeyda, M.İmanqulu qızı, M.Ələkbərli, V.Aslan, S.Məmmədli, həmçinin, şair İ.Tapdıq və yaxın qohumları iştirak etdilər.
Şair O.Rza İ.Tapdıqla tələbəlikdən bu günədək olan dostluqlarından, birgə ədəbi fəaliyyətlərindən danışaraq qeyd etdi ki, özünün müəllifi olduğu “Torpağı dinləyirəm” kitabının da baş redaktoru məhz görkəmli sənət dostu olmuşdur. Öz kitablarında İ.Tapdığa həsr etdiyi şerlər də az deyildir. Həmçinin, İ.Tapdıq 1300-dən artıq kitabı redaktə etmişdir. O.Rza çıxışını İ.Tapdığın müəllifi olduğu şerlərlə bitirdi. Jurnalist R.Qurban çıxışında bildirdi ki, İ.Tapdıq Azərbaycan aşıq şerinin təbliğatına geniş imkan yaradanlardandır. Məhz bu səbəbdəndir ki, onun yaradıcılığında “Aşıq Alı” pyesi də mühüm yer tutur. Unudulmaz şairimiz O.Sarıvəlli onun yaradıcılığına böyük qiymət vermişdir. İ.Tapdıq nəinki uşaq şerlərinə yaradıcılığında geniş yer ayırmış, həmçinin, onun lirikasında vətən mövzusunda orijinallıq da duyulur. Vətən şerlərinin sonuncu misraları yəqin ki, onun ürəyinin sonuncu vurğuları olacaqdır.
Şair M.Ələkbərli öz çıxışında bildirdi ki, İ.Tapdığın ədəbiyyat aləminə gəlməsində ədəbiyyatşünas H.Qasımzadənin böyük rolu olmuşdur. Çoxsahəli yaradıcılıq yolunu seçən şair öz fəaliyyətində satiraya, təmsillərə də geniş yer ayırmışdır. Onun həmçinin, MDB ölkələrindəki rus və xarici dövlətlərdəki müxtəlif dilli şairlərlə də əlaqələri vardır.
Fəlsəfə doktoru M.İsrafilov çıxışında qeyd etdi ki, İ.Tapdıq tarixə öz adını yazan, öz izini qoyan Azərbaycan şairidir. O, sözün incəliklərini şerə gətirən, öz yaradıcılığında yeni fikirləri təbliğ edən, poeziyası litorikadan uzad olan sənətkardır. M.İsrafilov çıxışını yubilyarın iki şerini söyləməklə bitirdi.
R.İlyasoğlu, M.Əmirova, S.Şeyda, M.İmanqulu qızı, N.Axundzadə də İ.Tapdığın həyatı, ədəbi fəaliyyəti haqqında geniş çıxış edərək bildirdilər ki, yubilyar şairin yaradıcılığında uşaq mövzusuna geniş yer verilməsi, uşaq ədəbiyyatını zənginləşdirməsi ilə bərabər, həmçinin, ithaflara və ananın, məhəbbətin tərənnümünə də tez-tez toxunulmuşdur. Onun şerləri türkmən, latış, ukrayna, gürcü, qırğız dillərində də çap olunmuşdur. O özü də Y.Raynis, R.Berns, L.Ukrainka, P.Brovka, E.Mejelaytis kimi görkəmli sənətkarların şerlərini dilimizə tərcümə etmişdir.
Görüşün sonunda “Şerlərdə yaşanan ömür” adlı kitab sərgisinə baxış keçirildi.


27 may – 1 iyun 2013-cü il tarixlərində C.Cabbarlı adına Respublika Gənclər Kitabxanasında “Şəhər (rayon) Mərkəzi kitabxanalarının Elektron kataloq və Elektron kitabxanalarında əlavə və dəyişikliklərin edilməsi” ilə əlaqədar təlim keçirilir.
Təlimi C.Cabbarlı adına Respublika Gənclər Kitabxanasının direktoru T.Sadıqov açaraq 06 oktyabr 2008-ci il tarixdə “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı” nın təsdiq edilməsi barədə Azərbaycan Respublikasının Prezidenti İlham Əliyev tərəfindən Sərəncamın imzalanmasını tədbir iştirakçılarının diqqətinə çatdıraraq qeyd etdi ki, kitabxanamız qəbul edilmiş Dövlət Proqramı və onun respublikada həyata keçirilməsi istiqamətində kitabxana–biblioqrafiya proseslərinin avtomatlaşdırılması, Elektron kataloqun yaradılması və istifədəçilərə fasiləsiz on-line xidmətlərin göstərilməsi, informasiya mərkəzinin yaradılması və digər həlli vacib məsələləri yerinə yetirmişdir. Dövlət proqramında nəzərdə tutulmuş tədbirlərin icrası ilə əlaqədar dünya kitabxanalarının qabaqcıl təcrübəsindən bəhrələnmək, kitabxanada tətbiq etmək, qarşıda duran başlıca məsələlərdən biridir. Odur ki, Azərbaycan kitabxanalarının birgə milli kataloqlaşdırma sisteminin yaranmasını, Azərbaycanda yaradılan milli elektron resursların, biblioqrafik yazıların keyfiyyətinin yüksəldilməsini, bütün kitabxanaların elektron resurslarının vahid mərkəzdən idarə olunmasını, təkrarçılığın aradan qaldırılmasını və digər məsələlər nəzərə alınaraq, C.Cabbarlı adına Respublika Gənclər Kitabxanasında ümumrespublika əhəmiyyətli Azərbaycan Milli Kitabxana İnformasiya “AzlibNet” mərkəzi yaradılmışdır. Mərkəzdə iki sistem fəaliyyət göstərir. 1-ci sistem VEB-mərkəz, 2-ci sistem Elektron toplu kataloq. VEB mərkəz bütün kitabxanaların elektron kataloqlarının fasiləsiz işləməsini təmin edir. Bura, İRBİS-64 sisteminin istifadəçisi olan şəhər və rayon kitabxanaları daxildir.
Tədbirdə çıxış edən Azərbaycan Respublikası Mədəniyyət və Turizm Nazirliyinin Kitabxana İşi sektorunun müdiri və YUNESKO-nun “İnformasiya hamı üçün” Proqramının Azərbaycan Komitəsinin sədri Lətifə Məmmədova tədbir iştirakçılarını salamlayaraq tədbirin məqsəd və vəzifələrindən danışdışaraq qeyd etdi ki, AzlibBNet mərkəzində Azərbaycan Respublikası Mədəniyyət və Turizm Nazirliyinin Kitabxanalarının bazasında Respublikada ilk dəfə olaraq Milli resurslar əsasında Respublika Kitabxanalarını tam əhatə edən unikal bir sistem Korporotiv-toplu kataloq sistemi yaradılmışdır. AzlibNet-in Mərkəzinin toplu kataloquna aparıcı kitabxanaların bazaları daxil edilmişdir. Azlibnet Mərkəzində yaradılmış Toplu kataloqda, biblioqrafik təsvirdə kitablara Siqla verilmişdir ki, Respublikada bu ilk təcrübədir. Bu da axtarış zamanı oxuculara kitabın hansı mənbəyə aid olduğunu göstərir. Beynəlxalq standartları qəbul edən və bu standartlarla işləyən, istər Azərbaycan kitabxanaları, istərsə də xarici ölkələrin kitabxanaları bu toplu kataloqdan istifadə etmək imkanına malikdir. AzlibNet mərkəzinin yaradılması, kitabxanalarda kitab təsvirinin mərkəzləşməsni, vaxta və vəsaitə qənaət, dünya standartları səviyyəsində təsnifləşdirmənin həyata keçirilməsi, MKS Elektron Resursların vahid mərkəzdən idarə olunması, onların təhlükəsizliyi, biblioqrafik yazının tərtibində nöqsan və təkrarçılığın aradan qaldırılmasını, eləcə də Elektron Resursların fasiləsiz və operativ olaraq təqdim edilməsini təmin edəcəkdir. Artıq kitabxanalar komplektləşdirdiyi hər bir kitabın hazır təsvirini əldə edəcək, birbaşa kataloquna yükləyəcəkdir.Sonra Lətifə Məmmədova tədbir iştirakçılarının qarşısında bir sıra tələblər qoymaqla barəbər, onlara bir sıra tövsiyələr də verdi.
Təlim 01 iyun 2013-cü il tarixədək öz işini davam etdirəcəkdir.


C.Cabbarlı adına Respublika Gənclər kitabxanasında 08 may 2013-cü il tarixdə Şuşa rayonunun işğalı münasibəti ilə “İtirilmiş cənnət” mövzusunda anım günü keçirildi.
Tədbir Qarabağ uğrunda döyüşlərdə həlak olanların ruhlarının bir dəqiqəlik sükutla yad edilməsindən sonra başladı.
Anım gününü giriş sözü ilə kitabxananın direktoru T.Sadıqov açıb 1992-ci il may ayının 7-dən 8-nə keçən gecə erməni silahlı dəstələrinin böyük hərbi qüvvə ilə Şuşaya hücumundan, heç bir müdafiə tədbiri görülmədiyi üçün təbii istehkam, alınmaz qala, Azərbaycanın qədim mədəniyyət mərkəzinin düşmən əlinə keçməsindən danışdı. Qeyd etdi ki, Şuşa hər bir azərbaycanlının qan yaddaşının silinməz səhifəsi, əsrarəngiz, ecazkar mədəniyyətimizin parlaq rəmzi, milli azərbaycanlı ruhunun təcəssümü idi. Şuşanın işğalı milli varlığımıza vurulan ən sağalmaz yaradır. Artıq 21 ildir ki, Şuşa Azərbaycanın olsa da Azərbaycan Şuşasızdır.
Tədbirdə “Dünya Azərbaycanlı Gənclərinin Beynəlxalq Həmrəyliyi Cəmiyyəti”nin sədri T.Əlizadə, tarix üzrə fəlsəfə doktoru N.Məmmədov, şair, publisist Q.İlqar, İdarəetmə və Texnologiya kollejinin direktor müavini İ.Əliyeva, tələbə-gənclər təşkilatının sədri N.Ələkbərli, 175 saylı orta məktəbin müəllimi T.Həsənova, Azərbaycan Dövlət Tibb Kollejinin tələbələri iştirak etdilər.
T.Əlizadə öz çıxışında Şuşanın yaranma tarixindən, onun inkişafı, yüksəlişinin XYIII əsrdə Qarabağ xanlığının əsasını qoyan Pənah xanın adı ilə bağlı olmasından danışdı. Qeyd etdi ki, əlçatmaz bir yüksəklikdə salınan şəhərin ətrafında ilk dəfə onun təşəbbüsü ilə divarlar çəkilib və Şuşa alınmaz bir qalaya çevrilib. Məhz Şuşanın el arasında həm də “Qala” adlandırılması bununla əlaqədardır. Şuşanın tarixi abidələrinin sayı-hesabı yoxdur. Qala divarları, Qala qapısı , zindanlar, karvansaralar, Xan qızı Natəvanın və bir çox görkəmli şəxsiyyətlərin ev-muzeyləri Şuşanın təcəssümü idi. Gənclərimiz mütləq tarixi keçmişimizi öyrənməli, Azərbaycanı dünyaya tanıtmalıdırlar.
Şair, publisist Q.İlqar öz çıxışında ermənilərin əli ilə Güneyli-Quzeyli Azərbaycanın və Anadolu türklərinin soyqırıma məruz qalmalarından danışandan sonra vurğuladı ki, Şuşa unikal Azərbaycan musiqisinin beşiyi, musiqi akademiyası, şer-sənət mərkəzi, açıq səma altında muzey, canlı tarix idi. Şuşa M.P.Vaqifin. X.Natəvanın, N.Vəzirovun, Ü.Hacıbəyovun, Bülbülün vətənidir. 21 ildir ki, şəhidlərimizlə yanaşı onların da ruhları narahatdır.
Tarix üzrə fəlsəfə doktoru N.Məmmədov Şuşanın yaranma tarixi, 1992-ci il erməni qəsbkarları tərəfindən işğalı haqqında geniş məlumat verəndən sonra mətbuatda bu mövzuya daha geniş yer verilməsini arzuladı. Müasir gəncliyi, yeniyetmələri vətənpərvərliyə, unutqan olmamağa, torpaqlarımızın toxunulmazlığı uğrunda mübarizəyə səslədi.
İ.Əliyeva öz çıxışında bildirdi ki, Şuşanın düşmən əlində əsrliyi 21 ildir ki, davam edir. Lakin, itirilmiş cənnət olan Şuşa tezliklə öz qoynunu doğmalarına açacaq. Yenidən öz Şuşamız özümüzə qaytarılacaq, doğma torpaqlarında öz doğmaları gəzəcək.
Tələbələr N.Ələkbərli, A.Həsənova, S.Abbasova, N.Əlizadə də Azərbaycanın müvəqqəti itirilən mədəniyyət mərkəzi olan Şuşanın tarixi, korifey yetirmələri haqqında danışdılar. Öz həmyaşıdlarını mübarizliyə, torpaqlarımızın toxunulmazlığını qorumağa səslədilər.
175 saylı orta məktəbin şagirdi M.Ağazadə özünün Şuşaya həsr etdiyi şerini və məqaləsinin söylədi.
Tədbir boyu Şuşanın tarixi keçmişinə həsr olunmuş slaydlar nümayiş etdirildi.
Anım gününün sonunda “Ruhumuzun ünvanı Şuşa” adlı kitab sərgisinə baxış keçirildi.



C.Cabbarlı adına Respublika Gənclər kitabxanasında 17 aprel 2013-cü il tarixdə ümummilli lider, dahi öndər Heydər Əliyevin anadan olmasının 90 illiyi münasibəti ilə “Azərbaycan sənin, sən Azərbaycanınsan” adı altında anım günü keçirildi.
Tədbir Azərbaycan Respublikasının Dövlət Himninin səsləndirilməsindən və dahi rəhbərin ruhunun bir dəqiqəlik sükutla yad edilməsindən sonra başladı.
Kitabxananın direktoru T.Sadıqov tədbiri giriş sözü ilə açıb bildirdi ki,dünyada tarixi şəxsiyyət kimi qəbul edilən siyasi xadimlərin sayı çox deyildir. Azərbaycan xalqı fəxr edə bilər ki, onun layiqli övladı Heydər Əliyev belə uca zirvəni hələ sağlığında ikən fəth etmişdir. Dərin zəkası, zəngin həyat və idarəçilik təcrübəsi, hədsiz çalışqanlığı sayəsində layiqli nüfuz qazanan bu ad beynəlxalq birlikdə sayılıb-seçilən, dərin ehtiram bəslənilən siyasətçilərin sırasında çəkilir. O, özündən sonra zəngin irs qoyaraq müstəqil Azərbaycan dövlətinin banisi və qurucusu kimi xalqımızın qəlbində öz işıqlı ideyaları ilə əbədi kök salmışdır. 90 illiyini qeyd etdiyimiz ulu öndərimiz xalqımızın firavan gələcəyinin əsasını qoymuşdur. Biz çox xoşbəxtik ki, bu liderlik indi etibarlı əllərdədir. Azərbaycan Respublikasının prezidenti İlham Əliyev əbədi liderimizin müqəddəs ideyalarını həyata keçirir və beləliklə Heydər Əliyev yolu, Heydər Əliyev siyasəti yaşayır və qalib gəlir. Anım günündə “Dünya Azərbaycanlı Gənclərinin Beynəlxalq Həmrəyliyi Cəmiyyəti”nin sədri T.Əlizadə, “Xocalını tanıtma” ictimai birliyinin sədri Ş.Sabiroğlu, “Ədəbiyyat” qəzetinin şöbə müdiri, şairə S.Baxışlı, Xətai rayonundakı 191 saylı və Yasamal rayonundakı 175 saylı orta məktəblərin şagirdləri iştirak etdilər.
T.Əlizadə çıxışında bildirdi ki, Azərbaycanın sürətli inkişaf strategiyasının əsası Heydər Əliyev tərəfindən qoyulmuşdur. Mən əminəm ki, onun yeritdiyi müdrik siyasət nəticəsində dünya birliyi , planetin tərəqqipərvər ictimaiyyəti Ermənistan-Azərbaycan, Dağlıq Qarabağ münaqişəsində haqqın və ədalətin kimin tərəfində olduğunu yəqin etmişdir. Onun layiqli davamçısı olan Azərbaycan Respublikasının prezidenti İ.Əliyev tezliklə mütləq torpaqlarımızın geri qaytarılmasına, sülhə, əmin-amanlığa nail olacaqdır. T.Əlizadə həmçinin, çıxışında ulu öndərin mədəniyyətə, incəsənətə verdiyi yüksək qiyməti də xüsusi vurğuladı.
Ş.Sabiroğlu, dahi rəhbər Heydər Əliyevin xalqın istəyi ilə çətin tarixi şəraitdə hakimiyyətə gəlməsindən, elmin, iqtisadiyyatın, mədəniyyətin bütün sahələrinə diqqət və qayğısından qürur hissi ilə söhbət açdı. Azərbaycan xalqının çox ağır vəziyyətə düşdüyü, ölkədə xaos yarandığı bir vaxtda yenidən hakimiyyətə qayıdıb müdrik siyasəti nəticəsində var qüvvəsi ilə vətəni xilas etməsindən, iqtisadiyyatı dirçəltməsindən, sabaha olan inam hissinin bərpa edilməsindən danışdı. Qeyd etdi ki, dahi rəhbər əsl dövlətçi idi. Dövlətçilik onun həyat prinsipi, yaşam tərzinə çevrilmişdi. “Ədəbiyyat” qəzetinin şöbə müdiri, şairə S.Baxışlı çıxışında ümummilli lider Heydər Əliyevin Azərbaycan xalqının rifahı naminə apardığı düzgün siyasətdən, vətənin gələcəyi, iqtisadiyyatın hər bir sahəsindəki uğurları, qələbələri haqqında danışdı. Qeyd etdi ki, dahi rəhbər Heydər Əliyevin siyasət aləmini bitib-tükənməyən, sahilləri görünməyən ümmana bənzətmək olar. Bütün bunların hamısını bir keyfiyyyət altında birləşdirmək lazımdır: Heydər Əliyev böyük Azərbaycanlıdır! Azərbaycan xalqının, Azərbaycan torpağının mısilsiz təəssübkeşi, dövlətçiliyimizin xilaskarıdır. Orta məktəb şagirdlərindən B.Nəhmətova, Q.Nəhmətov, V.Məmmədova, Z.Əkbərova, N.Kərimi ulu öndərə və Azərbaycana həsr olunmuş şerlər söylədilər. 10-cu sinif şagirdi M.Ağazadə dahi rəhbərə özünün həsr etdiyi “Azərbaycan Respublikasının banisi” adlı şeri və məqaləsi ilə çıxış etdi.
Tədbir boyu ümummilli lider Heydər Əliyevə həsr olunmuş “Dahi Prezident Heydər Əliyev” adlı slayd nümayiş etdirildi.
Anım gününün sonunda “Azərbaycan səni yaşadacaq.
Heydər Əliyev- 90” adlı kitab sərgisinə baxış keçirildi.




                                                                                                                                                               

C.Cabbarlı adına Respublika Gənclər kitabxanasında 30 mart 2013-cü il tarixdə 31 mart Azərbaycanlıların soyqırımı günü münasibəti ilə elmi-praktik konfrans keçirildi.
Tədbir 31 mart soyqırımının qurbanlarının xatirələrinin bir dəqiqəlik sükutla yad edilməsindən sonra başladı.
Tədbiri giriş sözü ilə kitabxananın elmi işlər üzrə direktor müavini X.Musayeva açıb bildirdi ki, ümummilli lider Heydər Əliyevin 27 mart 1998- ci ildə imzaladığı “31 mart Azərbaycanlıların Soyqırımı haqqında” fərmanı ilə 31 mart tarixi Azərbaycanlıların soyqırımı günü elan olunmuşdur. Qeyd etdi ki, azərbaycanlıların kütləvi surətdə qırğını, repressiyalara məruz qalması, doğma yurdlarından sürgün edilməsi və didərgin salınması XX əsr tarixinin ən faciəli və dəhşətli səhifələrindəndir. ”Böyük Ermənistan” yaratmaq xülyasından ruhlanan ermənilər 1918-ci il 30 mart və 03 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Salyan qəzalarında soyqırımı davam etdirmişlər. Rəsmi mənbələrə görə soyqırım nəticəsində 12 minə yaxın azərbaycanlı qətlə yetirilmiş, 10 minlərlə insan itkin düşmüşdür.
Elmi praktik konfransda Yasamal rayon Ağsaqqallar Şurasının sədr müavini R.Cavadov, Avrasiya Universitetinin, Azərbaycan Dillər Universitetinin, İqtisad Universitetinin, Sumqayıt Dövlət Universitetinin tələbələri iştirak etdilər.
R.Cavadov çıxışında 1918-ci ilin mart hadisələri zamanı erminilərin bütün Azərbaycanı işğal etməyə cəhd göstərmələrindən, bu qırğının bolşeviklərlə daşnakların birgə həyata keçirdikləri plan olmasından danışdı. Qeyd etdi ki, bu soyqırım Azərbaycan xalqı və dövlətçiliyinin tarixində baş vermiş faciəli hadisələrə milli yaddaşın təzahürüdür.
M.Vəlizadə öz çıxışında mart soyqırımının təşkilatçılarından olan S.Şaumyanın çox böyük rolundan danışıb öz etirafında yazdığı “Biz süvari dəstəmizlə birinci silahlı hücum cəhdindən bəhanə kimi istifadə etdik və bütün cəbhə boyu hücuma keçdik” cümləsi ilə əsaslandırdı.
Çıxış edən S.Məmmədov bildirdi ki, 1918-ci ilin mart ayından etibarən əks-inqilabçı ünsürlərlə mübarizə şüarı altında S.Şaumyanın əlaltıları Bakı Kommunası tərəfindən ümumən Bakı quberniyasını azərbaycanlılardan təmizləmək məqsədi güdən mənfur planı həyata keçirməyə başladılar. Həmin günlərdə ermənilərin törətdikləri cinayətlər, görünməmiş vəhşiliklər Azərbaycan xalqının yaddaşına əbədi həkk olunmuşdur.
Ş.Sarıyeva 1905-ci ildən bu günədək ermənilərin törətdikləri haqsızlıqlar, vəhşıliklər, cinayətlər, onların acı nəticələri haqqında geniş faktlarla çıxış etdi. İndi də qədim Qarabağımıza göz dikən, torpaqlarımızın 20%-dən çoxunu işğal edən ermənilərin yenə bəd niyyətlərini davam etdirməsini pisləyib öz yaşıdlarını Azərbaycan tarixini daha dərindən öyrənməyə, başımıza gətirilən fəlakətləri unutmamağa səslədi.
Çıxış edən tələbələr N.Hüseynzadə, A.Qurbanova, L.Xəlilov, K.Səmədova və Y.Babazadə də 1918-ci il mart qırğınının tarixi, təşkilatçıları, S.Şaumyanın xalqımıza qarşı törətdiyi soyqırım planı haqqında dəqiq faktlar söylədilər. 20 ildən artıq davam edən Qarabağ uğrunda gedən mübarizənin də erməni torpaq hərisliyinin, qəsbkarlığınin nəticəsi olduğunu qeyd etdilər.
Tədbir boyu 31 mart azərbaycanlıların soyqırımını əks etdirən slaydlar nümayiş etdirildi.
Elmi praktik konfransın sonunda “Milli soyqırım, milli faciə” adlı kitab sərgisinə baxış keçirildi.



C.Cabbarlı adına Respublika Gənclər kitabxanasında 29 mart 2013-cü il tarixdə Abşeron Rayon Saray qəsəbəsi 1 saylı orta məktəbin müəllimi M.Əmirova və “Respublika” qəzetinin xüsusi müxbiri, şair-publisist R.İlyasoğlunun birgə təşkilatçılığı ilə akademik Feyzulla Qasımzadənin anadan olmasının 115 illiyi münasibəti ilə xatirə gecəsi keçirildi.
Tədbiri giriş sözü ilə kitabxananın direktoru T.Sadıqov açıb akademik F.Qasımzadənin həyatı və yaradıcılığı haqqında danışaraq qeyd etdi ki, görkəmli alim 1898-ci ildə Bakının Mərdəkan qəsəbəsində anadan olmuşdur. Ilk ibtidai təhsilini əvvəl mollaxanada, sonra isə Mərdəkan kənd məktəbi və Bakı şəhər ali-ibtidai məktəbdə almışdır. Əmək fəaliyyətinə 1916-cı ildə “Kazyonnaya palata” müəssisəsində başlamışdır. 1923-1925-ci illərdə Azərbaycan Pedaqoji İnstitutunda təhsilini davam etdirmiş, 1929-1931-ci illərdə həmin institutun Azərbaycan ədəbiyyatı tarixi kafedrasında assistent, Azərbaycan Dövlət Elmi Tədqiqat İnstitutunda aspirant olmuşdur. Onun ilk mətbu məqaləsi 1931-ci ildə “Nücum” jurnalında dərc edilmişdir. 1939-cu ildə “M.F.Axundovun həyatı və yaradıcılığı” adlı ilk kitabı çapdan çıxmışdır. O, 30 elmlər doktoru, 120 elmlər namizədi yetirmişdir. 600-dən çox çap edilmiş elmi əsərlərin, onlarla dərslik və 34 monoqrafiyanın müəllifidir. Xatirə gecəsində Azərbaycan Pedaqoji Unuversitetinin müəllimi, filologiya elmləri doktoru, professor T.Novruzov, professor H.Qasımov, professor E.Abbaszadə, professor B.Xəlilov, professor İ.Nəcəfov, kafedra müdiri, şair Z.Xəlil, “Respublika” qəzetinin xüsusi müxbiri, şair-publisist R.İlyasoğlu, “Maarif” nəşriyyatının redaktoru A.Novruzova, şair İ.Tapdıq, Saray qəsəbəsi 1 saylı orta məktəbin müəllimi M.Əmirova, akademik F.Qasımzadənin qızı, dosent N.Qasımzadə, yaxın qohumları və dostları iştirak etdilər.
Çıxış edən R.İlyasoğlu ədəbiyyat tarixində silinməz iz qoymuş F.Qasımzadənin yaradıcılığının əsas xüsusiyyətləri, Azərbaycan Pedaqoji Universitetindəki müəllimlik fəaliyyəti, onun yüzlərlə yetirmələri haqqında tədbir iştirakçılarına məlimat verdi.
H.Qasımov öz çıxışında əsl kamil insan F.Qasımzadənin onun elmi rəhbəri olmasından, vaxtilə rəhbərlik etdiyi kafedraya indi öz rəhbərliyindən, elmin bu zirvəsinə qalxmasında müəlliminin böyük rolundan danışdı. 1974-cü ildə müəllim vəzifəsinə təyin olunanda sevincdən görkəmli akademikin gözlərinin yaşarmasını , bütün ömrünü ədəbiyyata, elmə sərf edən bu şəxsiyyətin əsl insani keyfiyyətlərini şirin xatirə kimi yada saldı.
T.Novruzov F.Qasımzadənin ən çox tədris olunan “X1X əsr Azərbaycan ədəbiyyatı tarixi” kitabı haqqında danışıb qeyd etdi ki, ölməz ədəbiyyat tarixi yaradan akademikimiz N.V.Qoqol və J.B.Molyerlə M.F.Axundovun yaradıcılıq xüsusiyyətlərinin müqayisəsini vermişdir. Quruluşun dəyişməsinə, xalqın öz milli kök-soyuna qayıdacağına inanan F.Qasımzadə sanki canlı ensiklopediya idi. B.Xəlilov çıxışında bildirdi ki, ədəbiyyat sahəsində əldə etdiklərinə görə F.Qasımzadəyə borcludur. Filoloji mühitdə ölməzlik qazanan bu görkəmli alim öz qələmi, düşüncəsi ilə Azərbaycan ədəbiyyatına qızıl külçə qoyub gedib. O, ədəbiyyat tarixində ən bilikli müəllimdir. Həyatda, elmdə halallıqla nə əldə etmişəmsə, hamısına görə sevimli müəllimimə borcluyam.
Çıxışçı İ.Tapdıq F.Qasımzadə ilə qonşu olmalarından, bu görkəmli şəxsiyyətin həqiqi əsl insani keyfiyyətlərə malikliyindən, sanki müqəddəsliyindən, filologiya elminin şahı olmasından, şəxsi münasibətlərindən danışdı. Təklif etdi ki, onun yaşadığı evin önündə xatirə lövhəsi qoyulsun.
A.Novruzova, Z.Xəlil, E.Abbaszadə, M.Əmirova da çıxış edərək akademik F.Qasımzadənin həyatı, filoloji fəaliyyəti, elmi axtarışları, altı yüzdən çox çap edilmiş elmi əsərləri, 34 monoqrafiyaları, dərslikləri, 1922-ci ildə məşhur şərqşünas P.Jüzenin rəhbərliyi ilə “Quranın estetikası” adlı rus dilində yazdığı diplom işi haqqında geniş məlumat verdilər.
Akademikin qızı N.Qasımzadə 37 il öncə bu günkü gün atasının dünyasını dəyişməsini ürək ağrısı ilə qeyd edəndən sonra onunla bağlı xatirələrini söylədi. Atasının istər ədəbi mühitdə, istər dostları, yoldaşları , istərsə də qohumlar arasındakı dərin hörmətindən, nüfuzundan söhbət açdı.
Tədbir boyu akademik F.Qasımzadəyə həsr olunmuş “Zamanın sorağında” adlı video çarx nümayiş etdirildi.




                                                                                                                                                                                                                                                                                       

C.Cabbarlı adına Respublika Gənclər kitabxanasında 25 fevral 2013-cü il tarixdə Xocalı soyqırımının 21-ci ildönümünə həsr olunmuş “Xocalı harayı” mövzusunda ədəbi-bədii gecə keçirildi.
Azərbaycan Respublikasının dövlət himni səsləndirildi, Xocalı qətliamının qurbanlarının xatirəsi bir dəqiqəlik sükutla yad edildi.
Tədbiri giriş sözü ilə kitabxananın direktoru T.Sadıqov açdı, Azərbaycanın qədim yaşayış məskənlərindən biri olan Xocalının yerləşdiyi təbii şəraitdən, coğrafi mühitdən, törənən qətliama qədər zəhmətsevər Azərbaycan xalqının yaradıcı əməyi nəticəsində çiçəklənən müasir bir şəhərə çevrilməsindən söhbət açdı. O, erməni faşizminin mənfur xislətini təmamilə ifşa edən bu kütləvi və amansız soyqırım aktını Azərbaycanın dövlət müstəqilliyinə və ərazi bütövlüyünə qarşı çevrilmiş terror siyasətinin təzahürü olmaqla bəşəriyyətə qarşı və insanlıq əleyhinə törədilmiş qəddar cinayət kimi qiymətləndirdi. 1992-ci ilin fevral ayının 25-dən 26-na keçən gecə Erməni Silahlı Qüvvələri tərəfindən Rusiyanın 366-cı motoatıcı alayının iştirakı ilə Xocalı şəhərinin işğalından, bu faciənin nəticəsi kimi 63-ü uşaq, 106-sı qadın, 70-i qoca olmaqla ümumilikdə 613 nəfər Xocalı sakininin qətlə yetirilməsini ürəkağrıdıcı fakt kimi qeyd etdi. Tədbirdə milli qəhrəman E.Xəlilovun bacısı Z.Əbiyeva, şair-publisist Q.İlqar, Sabunçu rayonundakı 252 saylı məktəb-liseyin müəllimləri Q.Həbibova, G.Əsgərova, R.Əmirəhmədov və yuxarı sinif şagirdləri iştirak etdilər.
“Dünya Azərbaycanlı Gənclərinin Beynəlxalq Həmrəyliyi Cəmiyyəti” nin sədri T.Əlizadə 26 fevral – Xocalı soyqırımını tarixin səhifələrinə qanla yazılmış tarix kimi dəyərləndirdi. Qeyd etdi ki, bu hadisə Azərbaycanda və qardaş Türkiyədə “Xocalı qətliamı”, “Xocalı soyqırımı” adlanır. Ermənistanda isə bu əməliyyat “Xocalı döyüşü”, “Xocalı hadisəsi” termini ilə ifadə olunur. Qərb və dünya mətbuatı “Xocalı qətliamı” terminindən istifadə etməyə üstünlük verir. T.Əlizadə çıxışının sonunda gənclərə xalqının dərdini öz əzizinin dərdi kimi qəbul etməyi, unutqan olmamağı tövsiyə etdi ,düşməndən qisas almaq uğrunda mübarizliyə və qətiyyətə çağırdı.
Məktəb-liseyin müəllimi , yazıçı-publisist E.Vəliyeva hələ Ermənistan dövləti yaranmamışdan əvvəl qəddar düşmənlərin Manna qövlətini işğal etməsini tarixi faktlarla söylədi. Fevral ayının 25-dən 26-na keçən gecə törədilən soyqırım siyasətindən ürək ağrısı ilə danışaraq bildirdi ki, 1991-ci ilin payızından Xocalı erməni silahlı dəstələri tərəfindən blokadaya alınmış, Dağlıq Qarabağdan daxili qoşunlar çıxarıldıqdan sonra isə tam blokadaya düşmüş, 1992-ci ilin yanvarından elektrik enerjisinin verilməməsi nəticəsində hətta işıqsız qalmışdılar. Bütün bunlar ermənilərin həyata keçirəcəkləri qətliama hazırlıq idi.
Ümummili liderimizim layiqli davamçısı, Azərbaycan Respublikasının Prezidenti, gənclərin sözün əsl mənasında dostu, köməkçisi, arxası, ümidi olan İ.Əliyevə göstərdiyi hər bir qayğıya görə öz təşəkkürünü bildirdi. Z.Əbiyeva Xocalı qırğınında zirehli texnikanın, - zirehli maşınların, piyadaların döyüş maşınlarının və tankların dəstəyi ilə Artsaxın Milli Azadlıq Ordusunun (AMAO) hissələrinin iştirakından danışdı. Şagirdləri vətən, onun torpaqlarının toxunulmazlığı uğrunda mübarizəyə səslədi.
Ü.Hacıbəyovun “Koroğlu” uvertürası və Ş.Əlizananlının musiqilərinin sədaları altında məktəbin şagirdləri G.Məmmədova və M.Məmmədov, N.Vəliyev, N.Qurbanov, A.Budaqova həmin günlərin acı anlarını xatırladan şerlər söylədilər və ədəbi kompozisiya və səhnəciklərlə çıxış etdilər.
1992-ci il 26 fevral – Xocalı genosidi və Azərbaycanın milli qəhrəmanı Ç.Mustafayevin Xocalı qətliamından sonra çəkdiyi videoçarxlar nümayiş etdirildi.
Ədəbi-bədii gecə “Xocalı soyqırımı - Əsrin faciəsi” adlı kitab sərgisinə baxışla sona çatdı.



C.Cabbarlı adına Respublika Gənclər kitabxanasında 20 fevral 2013-cü il tarixdə respublikada ilk Toplu kataloqun və AZLİBNET Milli Kitabxana-İnformasiya Mərkəzinin (www.azlibnet.az) təqdimat mərasimi keçirildi.
Tədbiri giriş sözü ilə kitabxananın direktoru T.Sadıqov açaraq ölkəmizdə kitabxana sahəsinin inkişafı istiqamətində görülən işlərdən danışdı. Qeyd etdi ki, kitabxana-biblioqrafiya proseslərinin avtomatlaşdırılması işinin daha səmərəli həyata keçirilməsində AZLİBNET-in xüsusi xidmətləri olacaq. Milli Kitabxana -İnformasiya Mərkəzinin məqsədi Azərbaycan kitabxanalarının birgə milli kataloqlaşdırma sistemini yaratmaqdır. Mədəniyyət və Turizm Nazirliyinin dəstəyi ilə yaradılan bu layihənin məqsədi kitabxanalarda elektron informasiya resurslarının yaradılması, istifadəçilərə təqdim edilməsi, eləcə də qlobal informasiya şəbəkələrində kitabxanaların korporativ işinin təşkilidir.
Təqdimat mərasimində Mədəniyyət və Turizm Nazirinin birinci müavini V.Əliyev, Mədəniyyət və Turizm Nazirliyi kitabxana sektorunun müdiri L.Məmmədova, Milli Məclisin deputatı F.Quliyev, Prezident Kitabxanasının direktoru M.Əhmədov, BDU-nun kitabxanaşünaslıq kafedrasının müdiri, tarix elmləri doktoru, professor, əməkdar elm xadimi A.Xələfov, BDU-nun kitabxanaşünaslıq kafedrasının baş müəllimi Nigar İsmayılova, Azərbaycan Diplomatik Akademiyasının elmi kitabxanasının bölmə müdiri E.Məmmədov, “Dünya Azərbaycanlılarının həmrəyliyinə dəstək” ictimai birliyinin sədri T.Əlizadə, publisist Q.İlqar, bir çox ziyalılar, elm və mədəniyyət xadimləri, şəhər, rayon kitabxanalarının rəhbərləri və ictimaiyyətin nümayəndələri iştirak etdilər.

ətraflı



                                                                                                                                                                                                       

C.Cabbarlı adına Respublika Gənclər kitabxanasında 1 fevral 2013-cü il tarixdə “Azərbaycan gəncliyinin səsi, sevindirsin hər kəsi” mövzusunda 2 fevral Gənclər günü münasibətilə dəyirmi masa keçirildi.
Direktorun elmi işlər üzrə müavini X.Musayeva tədbiri ümummilli liderimiz Heydər Əliyevin “Gənclər bizim gələcəyimiz, sabaha baxan gözümüz, yaradıcı qüvvəmizdir” sözləri ilə açaraq məhz ulu öndərin 1997-ci ildən fevral ayının 2-sinin Gənclər günü elan etməsini dedi. Müasir gəncliyin ölkənin ictimai-siyasi həyatında fəal iştirakından, vətənpərvərliyindən, torpaqlarımızın toxunulmazlığı uğrunda döyüşlərdə qəhrəmanlıqlarından, şəhidliyi uca tutub ölümü də şərəflə qəbul etmələrindən danışdı. Həmçinin, gənclərin elm, mədəniyyət, idmanın müxtəlif sahələrində əldə etdikləri uğurlardan danışdı. Müasir gəncliyi Azərbaycan Respublikasının Prezidenti İ.Əliyevin onlara qarşı etibarını doğrultmağa, elmin sirlərinə dərindən yiyələnməyə, cəmiyyətin qarşıya qoyduğu problemlərin həllini yerinə yetirməkdə israrlı olmağa, gələcəyimizi daha gözəl, mənalı qurmağa çağırdı.
Tədbirdə Bakı Dövlət Universitetinin, Azərbaycan Neft Akademiyasının, Azərbaycan Universitetinin tələbələri iştirak etdilər.
X.Qurbanlı bütün gənclər adından söz verdi ki, biz ulu öndər Heydər Əliyevin və onun layiqli davamçısı, Azərbaycan Respublikasının Prezidenti İlham Əliyevin biz gənclərin qarşıya qoyduğu vəzifələrin öhtəsindən layiqincə gələcəyik, dövlətimizə, xalqımıza layiq vətəndaş olacağıq. Milli qəhrəmanları ilə fəxr edən bir ölkənin gəncləri məhz yalnız bu cür olmalıdırlar.
A.Quliyeva müstəqil Azərbaycanın sağlam düşüncəli, tərbiyəli, zəngin dünyagörüşlü gənclərə ehtiyacı olduğunu vurğuladı və qeyd etdi ki, onlar yalnız Respublikanın ictimai- siyasi və mədəni həyatında deyil, beynəlxalq miqyasda da təmsil olunmalıdırlar. Müasir Azərbaycan gəncliyi digər ölkə gənclərindən heç bir sahədə geri qalmamalıdır.
Ü.Babayeva özü də gənc olduğu üçün gələcəyə inamla baxdığını, informasiya-kommunikasiya vasitələrinin sirrlərinə yiyələnməyə çalışdığını, əxz etdiyi nəzəriyyəni təcrübədə tətbiq edəcəyini bildirdi. Çünki, müasir dövr texnologiya, kommunukasiyanının yüksək inkişaf mərhələsidir.
S.Nəcəfova ölkəmizdə 2 fevral Gənclər gününün əlamətdar hadisə kimi qeyd olunmasına görə ümummilli lider Heydər Əliyevə öz təşəkkürünü bildirdi.
Ümummili liderimizim layiqli davamçısı, Azərbaycan Respublikasının Prezidenti, gənclərin sözün əsl mənasında dostu, köməkçisi, arxası, ümidi olan İ.Əliyevə göstərdiyi hər bir qayğıya görə öz təşəkkürünü bildirdi.
G.Aslanova, S.Orxan qızı və F.Hacıyeva da müasir Azərbaycan gəncliyinin dünyabaxışı, zamandan tələbi, maraq dairəsi, dünya gəncliyi ilə müxtəlif mövzularda rəqabətindən danışdılar.
Dəyirmi masa boyu Azərbaycan gəncliyinin fəaliyyətini əks etdirən slaydlar nümayiş etdirildi.
Tədbirin sonunda “Azərbaycan gəncliyi – Azərbaycanın gələcəyidir” adlı sərgiyə baxış keçirildi.



C.Cabbarlı adına Respublika Gənclər kitabxanasında 18 yanvar 2013-cü il tarixdə Azərbaycanın suverenliyi uğrunda həlak olanların 23-cü ildönümünə həsr olunmuş elmi-praktik konfrans keçirildi.
Tədbiri giriş sözü ilə kitabxananın direktoru T.Sadıqov açdı, 20 yanvar şəhidlərinin əbədi xatirəsi bir dəqiqəlik sükutla yad edildi. T.Sadıqov bildirdi ki, hər ildə olduğu kimi bu il də bizim üçün bura yığışmaq çox ağırdır.Bu müdhiş bir qətliam idi. Həmin gün çox qanlar axıdıldı, günahsız insanlar, dinc əhali haqsızlığın qurbanına çevrildi. Lakin mən əminəm ki, günahsız axıdılan qan heç zaman yerdə qalmayacaq, haqq-ədalət öz yerini tutacaq, düşmənlər cəzalarına çatacaq. Azərbaycan xalqı bütün dünyaya ermənilərin azğınlıqlarını, onların havadarı olan rus qoşunlarının vəhşiliklərini sübut edəcəklər.
İstanbulda yaşayan həmvətənlimiz Rövşən AyGünəş o zamanlarda qardaşları Allahyar və Tariyellə bağlı xatirələrindən söhbət açdı, millətin azadlıq uğrunda əzmkarlıqla mübarizə aparmasından faktlar gətirdi. Həzrət Əli Əleyhəssalamın “Öz mənliyini dərk etməyən, haqqı dərk edə bilməz” kəlamını söylədi. O, son illər Azərbaycanda gedən köklü dəyişikliklərə, güclu iqtisadi nailiyyətlərə görə qürur duyduğunu qeyd etdi.
“Dünya Azərbaycanlılarının həmrəyliyinə dəstək” İctimai Birliyinin sədri T.Əlizadə bu gün uşaqdan böyüyə hamının dilindən Qarabağ kəlməsinin düşmədiyini, bu bağışlanılmaz cinayətin tarixin yaddaşına əbədi yazıldığını, bununla yanaşı 20 yanvar hadisələrinin hələ də öz siyasi həllini tapmadığına görə təəssüfləndiyini bildirdi.
“Xocalı soyqırımını tanıtma” İctimai Birliyinin sədri Ş.Sabiroğlu qalibiyyət üçün xalqının yüksək milli ruhda olmasını arzuladı. 20 yanvar hadisələrinin şahidi kimi Azadlıq meydanında xalqın vətənpərvərlik ruhundan, lakin birliyin olmamasından danışdı.
Şair Qəşəm İlqar, yazıçı T.Paşa xalqın azadlıq mübarizəsinə həsr olunmuş şerlərdən parçalar oxudular.
Elmi-praktik konfransda “Respublika” qəzetinin müxbiri R.İlyasoğlu, şair Qəşəm İlqar, “Araz” Ziyalılar İctimai Birliyinin sədri C.Vəlıiyev, “Jurnalist, müharibə veteranları assosiasiyasının prezidenti, yazıçı Tahir Paşa, Azərbaycan universitetinin tələbələri M.Abbasov, Ə.Zamanov, E.Nurməmmədov iştirak etdilər.
Tədbir boyu 20 yanvar hadisələrini əks etdirən slaydlar nümayiş etdirildi.
“20 yanvar – Qanlı tarix” adlı sərgiyə baxış keçirildi, xatirə şəkli çəkdirildi.



XƏBƏR ARXİVİ>>>>