“Məhv olan abidələr- Unudulmayan tarix” mövzusunda elmi seminar

Cəfər Cabbarlı adına Respublika Gənclər Kitabxanasında 11 sentyabr 2019-cu il tarixdə Azərbaycan Respublikası Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin təşkilatçılığı ilə “Mədəniyyət naminə elm” layihəsi çərçivəsində “Məhv olan abidələr-Unudulmayan tarix” mövzusunda elmi seminar keçirildi.

Tədbiri giriş sözü ilə Cəfər Cabbarlı adına Respublika Gənclər Kitabxanasının elmi işlər üzrə direktor müavini Xalidə Musayeva açıb bildirdi ki, Dağlıq Qarabağ münaqişəsi zamanı məhv olmuş mədəniyyət nümunələrimiz, mədəniyyət abidələrimiz minlərlədir. Dəyəri çox yüksək olan bu abidələr tariximizin heç zaman silinməz yaddaşı kimi əvəzolunmaz milli sərvətimizdir. Azərbaycan xalqının mədəni irsi bəşər mədəniyyətinin ayrılmaz tərkib hissəsi olduğu üçün onun mühafizəsi də beynəlxalq əhəmiyyət kəsb edən bir məsələdir.

Azərbaycan Respublikası Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin direktoru Asif Usubəliyev “Mədəniyyət naminə elm” layihəsinin əhəmiyyətindən, əsas məqsədin respublikanın elmi potensialını mədəniyyət sahəsinin inkişafına yönəltmək olduğundan, ölkəmizdə mədəni abidələrin qorunmasından danışdı.

Tarix elmləri doktoru, Azərbaycan Turizm və Menecment Universitetinin professoru Məhərrəm Zülfüqarlı, əməkdar mədəniyyət işçisi Hikmət Nəbili, mərkəzin elmi katibi Cavid Əliyev, təlimlərin təşkili sektorunun müdiri Samirə Cəlilova, metodiki iş şöbəsinin əməkdaşı Elnur Hacıbabayev, innovativ inkişaf və təbliğat şöbəsinin əməkdaşı Leyla Qılıcova Mədəniyyət Konsepsiyası, daşınan və daşınmaz mədəni irs, mədəniyyət siyasəti, tarixi abidələrin dəyərləri, Lahıc misgərlik sənəti, milli geyimlər və sair mövzularda çıxışlar etdilər.

Azərbaycan Dövlət Mədəniyyət və İncəsənət Universitetinin tələbəsi Teyyub İsgəndərzadənin mədəni irsimizi əks etdirən əl işləri nümayiş edildi.

Tədbirin sonunda Azərbaycan Turizm və Menecment Universitetinin professoru Məhərrəm Zülfüqarlı kitabxanaya üç nüsxə müəllifi olduğu “Sərsəng SOS: təhlükə altında qalan tarixi və mədəniyyət abidələri” kitabından hədiyyə verdi. Məhərrəm Zülfüqarlı və Teyyub İsgəndərzadəyə mərkəz tərəfindən sertifikatlar təqdim olundu.

Tədbirin FOTO GÖRÜNTÜLƏRİ

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi dissət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.