Ümummilli lider Heydər Əliyevin hakimiyyətə gəlişinin 50-ci ildönümünə həsr olunmuş dəyirmi masa.

Cəfər Cabbarlı adına Respublika Gənclər Kitabxanasında 12 iyul 2019-cu il tarixdə Ümummilli lider Heydər Əliyevin hakimiyyətə gəlişinin 50-ci ildönümünə həsr olunmuş dəyirmi masa keçirildi.

Tədbir ümummilli lider Heydər Əliyevin əbədi xatirəsinin bir dəqiqəlik sükutla yad edilməsindən sonra başladı.

Tədbiri Cəfər Cabbarlı adına Respublika Gənclər Kitabxanasının direktoru Oruc Quliyev “Ümummilli lider Heydər Əliyevin ölüm tarixi yoxdur, onun yalnız döğum tarixi var” sözləri ilə açdı. Azərbaycanın 1969-cı ildən XXI əsrə adlayan tarixinin otuz beş illik bir dövrünün, bu illər ərzində Azərbaycan xalqının ictimai-siyasi, sosial-iqtisadi və mədəni həyatının bütün sahələrində dirçəlişin ulu öndər Heydər Əliyevin adı ilə bağlılığından danışdı.

Kitabxananın elmi işlər üzrə direktor müavini Xalidə Musayeva 1969-cu il iyulun 14-də Heydər Əliyevin Azərbaycana rəhbər təyin olunması ilə yeni inkişaf yoluna qədəm qoyan respublikamızın hər bir yerində iri layihələrin, yenidənqurma işlərinin həyata keçirilməsi, bütün sahələrdə sürətli inkişaf getməsi mövzusunda çıxış etdi.

AMEA Memarlıq və İncəsənət İnstitutunun elmi işlər üzrə direktor müavini, sənətşünaslıq üzrə fəlsəfə doktoru, dosent, institut Yeni Azərbaycan Partiyası təşkilatının sədri Xəzər Zeynalov “Heydər Əliyevin bədii obrazı təsviri sənətdə” mövzusunda çıxışının sonunda sənət adamlarının, yaradıcı insanların ulu öndərlə bağlı sənət əsərləri, tablolar yaratmaqla Heydər Əliyev şəxsiyyətinə öz hörmət və ehtiramlarını ifadə etdiklərini bildirdi.

AMEA Memarlıq və İncəsənət İnstitutunun ümumi işlər üzrə direktor müavini, kulturologiya üzrə fəlsəfə doktoru, dosent Namiq Abbasov “Heydər Əliyev müasir Azərbaycan mədəniyyət siyasətinin qurucusudur” mövzusunda çıxışında bildirdi ki, XX əsrdə xalqımızın mədəni həyatında başlanan yeni bir dövr ulu öndər Heydər Əliyevin adı ilə bağlı olan bir dövrdür.

AMEA-nın Nizami Gəncəvi adına Ədəbiyyat İnstitutunun Yeni Dövr Azərbaycan Ədəbiyyatı İnstitutunun aparıcı elmi işçisi, filologiya üzrə fəlsəfə doktoru, dosent Xədicə İsgəndərli, Uluslararası Türkiyə Araşdırmalar Akademiyasının fəxri professoru, AMEA-nın Tarix İnstitutunun böyük elmi işçisi, “Azərbaycan” qəzetinin şöbə müdiri Tofiq Seyidzadə ölkəmizin qazandığı hər bir uğurun təməlində ümummilli liderimizin əsasını qoyduğu siyasətin dayandığını bildirdilər.

“Cabir Novruz” Mədəniyyət Fondunun üzvü, mədəniyyət işçisi Kəmaləddin Məmmədov ulu öndər Heydər Əliyev dühası haqqında danışandan sonra şair Xəlil Rzanın “Heydər dədə-Atatürk” şerini oxudu.

176 saylı orta məktəbin şagirdi Bayram Həsənli “Azərbaycan oğluyam”, “Səndən gözəli” mahnılarını ifa etdi.

Tədbirdə həmçinin, AMEA-nın Tarix İnstitutunun beynəlxalq əlaqələr şöbəsinin müdiri Lamiyə Qafarzdə, həmin institutun əməkdaşları Günel Aslanlı, Günel Mehdizadə, AMEA-nın kitabxana əməkdaşı Türkan Vahidova, Azərbaycan Milli Konservatoriyasının müəllimi Leyla Cumayeva, “Sosial İqtisadi Araşdırmalar” ictimai birliyinin sədr müavini Fərqanə Əliyeva, Azərbaycan Respublikasının Prezidenti yanında Dövlət İdarəçilik Akademiyasının tələbələri iştirak edirdilər.

Tədbir boyu ümummilli lider Heydər Əliyevin ictimai-siyası fəaliyyətini əks etdirən video çarx nümayiş etdirldi.

Tədbirin sonunda “Heydər Əliyev- Əsrlərə örnək ümummilli lider” adlı kitab sərgisinə baxış keçirildi.

Tədbirin FOTO GÖRÜNTÜLƏRİ

Kitabxanada keçirilən TƏDBİRLƏR

Əziz gənc dost!
Kitabxanada keçirilən çoxsaylı kütləvi tədbirlərin, elmi-praktiki konfransların, sərgilərin tam mətni ilə burda tanış ola bilərsiniz.

Kitabxanada keçirilən TRENİNQLƏR

Hörmətli sayt istifadəçimiz
Kitabxanada mütəmadi olaraq həmkar idarələrin əməkdaşları üçün müxtəlif mövzulu treninqlər keçirilir. Buyurub baxa bilərsiniz.

Gənclər hərəkatı və hərbi vətənpərvərlik

Əziz vətənpərvər dost
Kitabxana fəliyyətində vətənpərvərlik mövzusuna daim xüsusi dissət ayırmışdır. Bu səhifədə Siz bu mövzuda maraqlı məlumatlar ilə tanış ola bilərsiniz.

Azərbaycan kitabxanaları internetdə

Əziz gənc dost!
Ölkəmizdə fəaliyyət göstərən kitabxanalardan yararlanmaq istəyirsinizsə, o zaman bu link Sizin üçün çox faydalı ola bilər.

Dünya kitabxanaları internetdə

www.ryl.az saytının istifadəçisi!
dünya ədəbiyyatından onlayn istifadə etmək istəyirsinizsə, buyurun... "Dünya kitabxanaları internetdə" linkı bu işdə Sizə yardımçı olar

Təhsil ocaqlarının veb ünvanları

Əziz şagird, sevimli tələbə!
BU səhifədə Siz ölkəmizdə fəaliyyət göstərən təhsil ocaqlarına virtual səyahət edə bilərsiniz.