Azərbaycan Respublikasının Prezidenti İlham Əliyevin “Şəffaflığın artırılması və korrupsiyaya qarşı mübarizə üzrə Milli Strategiyanın həyata keçirilməsi ilə bağlı 28 iyul 2007-ci il tarixli Sərəncamının həyata keçirilməsinə müvafiq olaraq C.Cabbarlı adına Respublika Gənclər kitabxanasında 2009-cu ilin 14 mart saat 12-də “Korrupsiyaya qarşı mübarizə şəffaflığın qarunması deməkdir” başlığı altında görüş keçirilmişdir.
Tədbirə Respublika Mədəniyyət müəssisələri işçilərinin hazırlıq və ixtisasartırma mərkəzinin dinləyiciləri dəvət olunmuşdular.
Görüşdə kitabxananın hərbi-vətənpərvərlik və kütləvi işlər bölməsinin müdiri Xuraman Məmmədova “Dövlət və yerli özünüidarə orqanlarının fəaliyyəti”, beynəlxalq əlaqə və beynəlxalq kitabxanalararası abonement bölməsinin müdiri Xəyalə Məmmədova “Azərbaycanda korrupsiyaya qarşı mübarizə vahid Strategiya çərçivəsində aparılır”, kitabxanaçı Mayeva Nuranə “Şəffaflığın artırılması və korrupsiyaya qarşı mübarizə prioritet vəzifələrdən biridir” mövzularında məruzə etmişlər. Çıxışlardan sonra tədbir sualllara cavablarla davam etdirilmişdir.
Görüşün sonunda tədbirlə əlaqədar açılan “Şəffaflıq-korrupsiya” adlı kitab sərgisinə baxış keçirilmiş və bu mövzunu əhatə edən tövsiyə ədəbiyyat siyahısı təqdim olunmuşdur.