C.Cabbarlı adına Respublika Gənclər kitabxanasında 01 fevral 2012-ci il tarixdə 2 fevral Azərbaycan gəncləri günü münasibəti ilə “Azərbaycan gəncliyi” adı altında dəyirmi masa keçirildi.
Tədbiri giriş sözü ilə kitabxananın elmi işlər üzrə direktor müavini X.Musayeva açıb ümummilli liderimiz Heydər Əliyevin 1997-ci ildən fevral ayının ikisini Gənclər günü elan etməsindən, Respublika əhalisinin 35%-nin gənclər olmasından danışıb hal-hazırkı dövrdə müasir gəncliyin ən uca zirvələrin fəthinə qadirliyini xüsusi vurğuladı. Qeyd etdi ki, Respublikamızın dünya miqyasında tanınmasında zamanla səsləşən gəncliyin səsi hamıdan gur səslənir.
Dəyirmi masada Bakı Dövlət Universitetinin kitabxanaçılıq və informasiya, tarix fakültələrinin tələbələri iştirak etdilər.
Tələbə Ü.Qasımova çıxışında qeyd etdi ki, indi Azərbaycan gəncliyi ölkədə aparılan quruculuq prosesinin sadəcə iştirakçısı deyildir, həmin inkişafın ən ciddi hərəkətverici qüvvəsidir. Azərbaycanın öz dövlət müstəqilliyini bərpa etməsində gəncliyin böyük xidmətləri vardır.
Tələbə E.Həsənova bu günkü gəncliyin müxtəlif dilləri mənimsəyərək dünyanın nüfuzlu ali təhsil mərkəzlərində təhsil almalarından, müasir elmin nailiyyətlərinə, yeni texnologiyalara yüksək səviyyədə yiyələnmələrindən, bilik və bacarıqlarını təcrübədə tətbiq etmələrindən danışdı.
Tələbə Z.Həsənova qeyd etdi ki. son dövrlər gənclərin asudə vaxtlarının səmərəli təşkili, mədəni və intellektual inkişafının təmin olunması məqsədi ilə Gənclərin Problemləri üzrə Elmi Araşdırmalar Mərkəzi və eləcə də müxtəlif yönümlü klublar yaradılmışdır ki, bu da əlbəttə ki, müasir gəncliyin tam ürəyincədir.
Tələbə R.Mərdanov Azərbaycan Respublikasının Prezidenti İ.Əliyevin müasir gəncliyə qayğı və diqqətindən, bu günkü gəncliyin sağlam düşüncəsindən, vətənpərvərliyindən, xalqını, millətini sevməsindən danışdı.
Tələbələr M.Babayeva, A.Nəcəfova və B.Kərimova da müasir gənclərimizin Respublikanın ictimai-siyasi həyatındakı rolundan, qazandıqları uğurlardan danışdılar. Tədbirin sonunda “Gələcək gənclərin gözü ilə “ adlı kitab sərgisinə baxış keçirildi.

C.Cabbarlı adına Respublika Gənclər kitabxanasında 19 yanvar 2012-ci il tarixdə 20 yanvar – Azərbaycanın suverenliyi uğrunda həlak olanların 22-ci ildönümünə həsr olunmuş dəyirmi masa keçirildi.
Tədbiri giriş sözü ilə kitabxananın direktoru T.Sadıqov açdıqdan sonra Azərbaycan Respublikasının dövlət himni səsləndirildi və şəhidlərimizin əbədi xatirəsi bir dəqiqəlik sükutla yad edildi. T.Sadıqov azadlıq uğrunda canlarından keçən şəhidlərimizin ölməzliyə qovuşduğunu vurğuladı, Azərbaycanın müstəqilliyi uğrunda aparılan mübarizənin yeni bir tarixi mərhələyə daxil olduğunu bildirdi. 1990-cı ilin 20 yanvar faciəsinin qurbanlarının xatirəsinə həsr olunmuş anım gününün və vətənin şərəfi naminə canından keçən hər bir Azərbaycan vətəndaşının keçdiyi bu çətin və müqəddəs yolun gənc nəslə çatdırılmasında əhəmiyyətli rolundan, beynəlxalq ictimaiyyətin isə bu qətliama biganə munasibətindən ürək ağrısı ilə danışdı.
Dəyrmi masada “Dünya Azərbaycanlılarının həmrəyliyinə dəstək” ictimai birliyinin sədri T.Əlizadə, “Millətçi” qəzetinin baş redaktorunun müavini S.Əsgərova, şair Z.Ağdamlı, BDU-nun “kitabxanaçılıq və informasiya” fakultəsinin tələbələri iştirak etdilər.
T.Əlizadə Qarabağ müharibəsinin uzun illər boyu davam etməsinə yarandığı şəraitdən, dinc əhalinin başına gətirilən müsibətlərdən söhbət açıb türkdilli xalqları birliyə çağırdı.
S.Əsgərova silahlanmış muzdlu cəlladların təkcə Bakıda deyil, bölgələrdə də törətdikləri vəhşiliklərdən , yerli əhalinin müqavimətindəm söhbət açdı.
Z.Ağdamlı bu faciəvi tarixi xalqın şərəfi kimi qiymətləndirdi və bu hadisələrə həsr etdiyi şerini oxudu.
Tələbə A.Hüseynova o zamankı gərgin şəraitdən, ulu öndərimiz Heydər Əliyevin vaxtında hakimiyyətə gəlməsi nəticəsində xalqın nicata çatmasından danışdı..
Tədbir boyu 20 yanvar şəhidlərinin müsibətlərinə həsr edilmiş slaydlar nümayiş etdirildi.
Tədbirin sonunda “20 yanvar tarixi” adlı sərgiyə baxış keçirildi.

C.Cabbarlı adına Respublika Gənclər kitabxanasında 27 dekabr 2011-ci il tarixdə 31 dekabr Dünya Azərbaycanlılarının həmrəyliyi günü münasibətilə “Dünya azərbaycanlılarının həmrəyliyi və faciələrimizin dünya ictimaiyyətinə çatdırılmasında xaricdəki soydaşlarımızın rolu” mövzusunda elmi-praktik konfrans keçirilmişdir.
Tədbir Qarabağ uğrunda şəhid olanların ruhlarının bir dəqiqəlik sükutla yad edilməsi, Azərbaycanın dövlət himninin səslənməsi ilə başladı.
Elmi-praktik konfransı giriş sözü ilə kitabxananın direktoru T.Sadıqov açaraq qeyd etdi ki, əsrlər boyu torpaqlarımız zəbt olunmuş, yeraltı və yerüstü sərvətlərimiz talan edilmişdir. 1918-ci il 28 mayda Demokratik Cümhuriyyət yaradılmış, Azərbaycan öz müstəqilliyini əldə etmişdir. 1991-ci il 31 dekabrdan bu günədək xalqımız “31 dekabr – Dünya Azərbaycanlılarının həmrəyliyi günü”nü qeyd edir. Azərbaycan dövlətinin iqtisadi-siyasi, sosial- mədəni qüdrətinin artması və dinamik inkişafı bütün dünya azərbaycanlılarının arzusudur. Tədbirdə “Dünya Azərbaycanlılarının həmrəyliuyinə dəstək” İB-nin sədri T.Əlizadə, “Xocalı soyqırımını tanıtma” İB-nin sədri Ş.Sabiroğlu, “Ailələrə sosial dəstək” İB-nin sədri E.Rəhimova, AzərTAC-ın müxbiri Z.Dəmirçiqayalı, professor Ə.Tuncay, ADNA-nın dosenti R.Teymurova , şair Z.Ağdamlı, gənc şair Günəş iştirak etdilər.
T.Əlizadə respublikanın qazandığı nailiyyətlərdə ümummilli lider Heydər Əliyevin misilsiz xidmətlərindən danışaraq onu da qeyd etdi ki, qazandığımız uğurlara baxmayaraq hazırda qarşımızda ölkəmizin ərazi bütövlüyünü bərpa etməkdən vacib vəzifə yoxdur.
Ə.Tuncay bildirdi ki, bu bizim tariximizin bayramıdır, türk dünyasının uğurudur. Lakin çox təəssüf ki, hələ Qarabağ dərdini ürəyimisdə daşıyırıq.
S.Sabiroğlu vurğuladı ki, XX əsr türk dünyasının əsridir. Bu da xristian dövlətlərini qıcıqlandırır. Biz müstəqilliyimizi düya bilmirik, çünki torpaqlarımız hələ də işğal altındadır.
Z.Dəmirçıqayalı, Z.Ağdamlı, R.Teymurova xalqımızı susmamağa, həmrəy olmağa səslədilər.
Şair Günəş torpağı, vətəni vəsf edən şerini oxudu.
Elmi-praktik konfrans boyu “Dünya Azərbaycanlılarının həmrəyliyinə dəstək” İB-in fəaliyyəti haqqında slaydlar nümayiş etdirildi.

05 dekabr 2011-ci il tarixdə C.Cabbarlı adına Respublika Gənclər kitabxanasında, “Sürgün Həyatı Repressiya Qurbanlarına dəstək” Ictimai Birliyi ilə birlikdə görkəmli dramaturq repressiya qurbanı Hüseyn Cavidin anım gününün 70 illiyi ilə əlaqədar tədbir keçirildi. Tədbiri C.Cabbarlı adına Respublika Gənclər kitabxanasının direktoru Tahir Sadıqov açaraq qeyd etdiki, bu gün kitabxanalar qarşısında böyük vəzifələr durur belə ki, kitabxanalar tarixi-mədəni, ədəbi-bədii, elmi-fəlsəfi irsin toplanıb qorunmasında, nəsildən-nəsilə çatdırılmasında, müasir Azərbaycan Cəmiyyətinin intellektual mənəvi potensialının inkişafında mühüm rol oynayır. Odur ki, biz kitabxanaçıların bu gün müqəddəs və mənəvi borcumuz görkəmli yazıçıların, dramaturqların, şairlərin anım günlərini, yubileylərini, kitab təqdimatlarını qeyd edib geniş oxucu auditoriyasına çatdırmaqdan ibarətdir. Bu baxımdan biz bu gün xx əsr Azərbaycan ədəbiyyatının inkişafında misilsiz xidmətləri olan, Azərbaycan poeziyasında fəlsəfi-lirikanın əvəzolunmaz nümunələrini yaradan, Azərbaycan xalqının qəlbində dərin iz qoymuş, yazıçı-dramaturq, böyük şəxsiyyət, repressiya qurbanı olmuş Hüseyn Cavidin vəfatının 70 illiyinə toplaşmışıq. Xahiş edirəm Hüseyn Cavidi və repressiya qurbanları olmuş digər şair-yazıçı-dramaturqlarımızı bir dəqiqəlik sükutla yad edək. Sonra T.Sadıqov Hüseyn Cavidin həyat və yaradıcılığı haqqında tədbir iştirakçılarına ətraflı məlumat verərək sözü, “Sürgün həyatı repressiya qurbanlarına dəstək” İB-nin sədri Quliyeva Laləyə verdi. Lalə xanım bu tədbirin təşkil olunmasında ona yardımçı aolan şəxslərə və xüsusilə də bizim kitabxanaya öz dərin təşəkkürünü bildirərək, bu səpkili tədbirlərin təşkil olunmasının zəruriliyini vurğuladı. Tədbirdə Fəlsəfə elmləri doktoru dosent, respublikanın əməkdar müəllimi İskəndər Orucəliyev, ehtiyatda olan polkovniklər Həmid Cəfərov və Telman Əliyev, polkovnik Zakir Nəsirov, respublikanın Xalq Artisti, dövlət mükafatı laureatı Ramiz Məlik, Rəssamlıq Akademiyasının dosenti, rəssam Asif Azəri, şair Vahid Əziz və digərləri iştirak etmişlər. Tədbirdə Hüseyn Cavidin həyat və yaradıcılığını əks etdirən geniş foto sərgi təşkil olunmuşdu.

C.Cabbarlı adına Respublika Gənclər kitabxanasında 16 noyabr 2011-ci il tarixdə Bakı Dövlət Universitetinin Kitabxanaçılıq-informasiya fakültəsinin kitabxanaşünaslıq kafedrasının müdiri, Azərbaycan Respublikasının əməkdar elm xadimi, Azərbaycan Respublikasının əməkdar mədəniyyət işçisi, BMT yanında Beynəlxalq İnformasiyalaşdırma Akademiyasının akademiki, Prezidentin fəxri təqaüdçüsü, “Şöhrət” ordenli, tarix elmləri doktoru, professor Abuzər Xələfovun anadan olmasının 80 illik yubileyi münasibəti ilə görüş keçirildi.

Tədbiri giriş sözü ilə kitabxananın direktoru T.Sadıqov açıb qeyd etdi ki, Professor A.Xələfov mədəniyyət, kitabxana işi, kitabxanaşünaslıq, təhsil və informatika sənədlərinin tarixinə, inkişafına və nəzəriyyəsinə dair 300-dən artıq monoqrafiya, dərslik və dərs vəsaitlərinin müəllifidir. T.Sadıqov Abuzər Xələfovun elmi yaradıcılığı ilə bərabər onun insani keyfiyyətlərindən xüsusilə danışdı. O qeyd etdi ki, “80 yaşın ucalığı” kitabında 218 nəfər alim və dəyərli ziyalılar Abuzər Xələfov haqqında ürək sözlərini yazmışlar. Mən inanıram ki, kiçik bir təşəbbüs olsa 218 nəfər yox bəlkə də 2 milyon nəfər bu dahi alim haqqında fikir söyləyə bilər. T.Sadıqov çıxışını Abuzər müəllimdən dərs aldığı tələbəlik illərinin xatirələri ilə bitirdi və arzu etdi ki, ona uzun ömür can sağlığı və 100 illik yubileyini qeyd edək.

C.Cabbarlı adına Respublika Gənclər kitabxanasında 10 noyabr 2011-ci il tarixdə Dövlət Bayraq Günü, “Dünya Azərbaycanlı Gənclərinin Beynəlxalq Həmrəyliyi” cəmiyyətinin yaranmasının 15-ci və “Dünya Azərbaycanlılarının 1-ci qurultayı”nın keçirilməsinin 10-cu ildönümü günü münasibəti ilə elmi-praktik konfrans keçirildi.

C.Cabbarlı adına Respublika Gənclər kitabxanasında 18-19 oktyabr 2011-ci il tarixdə Mədəniyyət və Turizm Nazirliyinin dəstəyi, YUNESKO-nun “İnformasiya hamı üçün” Proqramının Azərbaycan komitəsinin təşkilati dəstəyi ilə “Kitabxanalar milli mədəniyyətin dirçəliş resursudur” mövzusunda Azərbaycan-Rusiya Beynəlxalq konfransı keçirilmişdir.

C.Cabbarlı adına Respublika Gənclər kitabxanasında 15 oktyabr 2011-ci il tarixdə “Müstəqilliyimiz əbədidir” adı altında tədbir keçirildi. Tədbir Azərbaycanın müstəqilliyi uğrunda şəhid olanların ruhlarının bir dəqiqəlik sükutla yad edilməsi ilə başladı. Dəyirmi masanı giriş sözü ilə kitabxananın direktoru T.Sadıqov açaraq qeyd etdi ki, Azərbaycan Respublikası dünya birliyi ilə tam hüquqlu inteqrasiyaya istiqamət götürmüşdür və bunun üçün bütün imkanlara malikdir. Çıxışını ümummilli lider Heydər Əliyevin “Müstəqil Azərbaycan Respublikası XXI əsrdə həyatın bütün sahələrində geniş inkişaf edən, çiçəklənən bir ölkə kimi böyük uğurlar qazanacaqdır” cümləsi ilə bitirdi. Tədbirdə “Zirvə ziyalılar” ictimai birliyinin prezidenti M.Dəyanət, müavini E.Nüsrət qızı, “Xocalı faciəsini tanıtma” ictimai birliyinin sədri Ş.Sabiroğlu, “Dünya Azərbaycanlılarına dəstək” ictimai birliyinin sədri T.Əlizadə, Şəhərsalma və Memarlıq idarəsinin şöbə müdiri C.Qocayev, fəlsəfə elmləri doktoru, professor Ə.Tuncay, “Respublika” qəzetinin müxbiri R.İlyasoğlu, “Millətçilik” qəzetinin müxbiri S.Məmmədova, Azərbaycan Radiosunun müxbiri E.Bayramov, gənc şair Günəş, şəhid anası D.Əliyeva iştirak etdilər. T.Əlizadə çıxışında bildirdi ki, bu günkü müstəqil Azərbaycan Respublikası 1918-1920-ci illərdə mövcud olmuş Xalq Cümhuriyyətinin hüquqi varisidir. 1918-1920-ci illərdə cəmi 23 ay yaşamış Azərbaycan Xalq Cümhuriyyəti 1991-ci ildən başlayaraq indi artıq müstəqilliyinin 20 illiyini qeyd edir. C.Qocayev bildirdi ki, müstəqilliyi təmin etmək üçün çox düşünülmüş xarici və daxili siyasət aparmaq lazımdır. Məhz Azərbaycan da daim düzgün siyasət aparır və bu siyasi yolu uğurla davam etdirir. R.İlyasoğlu qeyd etdi ki, dünya təcrübəsi göstərmişdir ki, heç bir ölkə beynəlxalq əməkdaşlıq işləri olmadan, səylər və ehtiyatlar birləşdirmədən təkbaşına siyasi və iqtisadi tərəqqiyə nail ola bilməz. Azərbaycan bu cəhətdən tam düzgün və doğru yoldadır. D.Əliyeva, E.Bayramov və Ə.Tuncay da ümummilli liderimiz Heydər Əliyevin müstəqil, suveren Azərbaycan dövlətinin bərpasındakı rolundan danışaraq qeyd etdilər ki, Azərbaycanın müstəqilliyi Azərbaycan Respublikasının dünya birliyində tutduğu yer ilə bağlıdır. Tədbir “Azərbaycan müstəqillik illərində 1991-2011” adlı kitab sərgisinə baxışla sona çatdı.

C.Cabbarlı adına Respublika Gənclər kitabxanasında 5 oktyabr 2011-ci il tarixində “Zirvə”Ziyalılar Təşkilatı İB-nın təşkilatçılığı və Az.Res. Prezidenti yanında QHT-na Dövlət Dəstəyi Şurasının maliyyə yardımı ilə Azərbaycanda «Turizm-2011»-ci ilə dəstək olaraq-Turistlər üçün xalq yaradıcılığı işlərinin və suvenirlərin inkişafına yönəlmiş təşəbbüslər” adlı sərgi və gənc şair GÜNƏŞİN “Xəyallar” adlı kitabının təqdimat mərasimi keçirildi. Tədbiri giriş sözü ilə kitabxananın direktoru T.Sadıqov açaraq son illər kitabxanada müxtəlif mövzuları əhatə edən, bu günün tələblərinə uyğun olan silsilə tədbirlərin keçirilməsindən danışdı. Keçirilən hər bir tədbirin kitabxananın veb saytında işıqlandırılmasından və bunun həm tədbir təşkilatçılarının, həm də kitabxana oxucularının böyük marağına səbəb olduğunu bildirdi. Sonradan söz “Zirvə” ziyalılar Təşkilatı İB-nın Prezidenti Minayə Dəyanət qızına verildi. Minayə Dəyanət qızı öz çıxışında qeyd etdi ki, “Turizm İli” çərçivəsində onların ictimai birliyi 800 sayda nəfis şəkildə sərgini tərənnüm edən rəngli dəvətnamələr, kitabçalar, diplomlar, “press-relizlər”, reklamlar və s.çap etdirmişdir. Kitabxanada təşkil edilmiş sərgidə xalq yaradıcılığına aid gənc şair GÜNƏŞİN “Xəyallar” adlı kitabının təqdimatı və müxtəlif bölgələrdən gətirilmiş qədim el-sənət nümunələri və müasir sənət əsərlərindən ibarət əl işləri sərgilənmişdi. Azərbaycanda turizmin inkişafına təkan vermək məqsədiylə, ölkəmizə səfərə gələn turistlərin vətənimiz, tarixi mədəniyyətimiz və müasir incəsənətimiz haqqında ətraflı bilgilərə malik olmaları üçün maarifləndirmə işləri aparılmış, rəngli foto albomlar, kitabçalar və dəvətnamələr qonaqlara paylanmışdı. Tədbirdə Elmlər doktoru, 2000-ə yaxın kitab, jurnal, qəzet, məqalələr müəllifi Tofiq müəllim, şəhərsalma və memarlıq idarəsinin şöbə müdiri Cahangir Qocayev, fəlsəfə elmləri doktoru, professor Əminə Tuncay, Azərbaycan radiosunun aparıcı diktoru Eldost Bayramov, Bakı milyonçusu A.Nağıyevin nəvəsi D.Nağıyeva, Novosibirsk diasporasının ziyalısı Mirkazım Seyidov, şairə Mərcan Şahbuzlu, “Dünya azərbaycanlılarının həmrəyliyinə dəstək” İB-nin sədri T.Əlizadə, M.Müşfiqin qohumu şair Vahab müəllim, ziyalı Əlikram Müzəffər, ziyalı Şəhla Gündüz və başqaları iştirak etmişlər. Tədbirin sonunda ”Qafqaz ulduzları” ansamblı və tanınmış müsiqiçilər maraqlı proqramları ilə çıxış etdilər.

Cari ilin 19-25 sentyabr tarixlərində C.Cabbarlı adına Respublika Gənclər kitabxanasının direktoru T.Sadıqov, Xaçmaz rayon MKS-nin direkturu A.Əlixanov və Ağdaş rayon MKS-nin direktoru S.Feyzullayev Soçi şəhərinin Adler rayonunda “Müasir gəncliyin pozitiv özünütəsdiqi: dəyərli istiqamətlərin və sosial təcrübələrin formalaşmasında kitabxanaların rolu” mövzusunda “Kitabxanalardan gələcəyə” XI Beynəlxalq Konfransda iştirak etmişlər. Konfransı müxtəlif ölkələrdən gəlmiş 400 yaxın nümayəndə təmsil edirdi. Konfransı İ.F.Varavva adına Krasnodar vilayətinin Gənclər kitabxanasının direktoru L.Filippova açaraq gəlmiş qonaqları salamladıqdan sonra konfransda nəzərdə tutulmuş tədbirlər haqqında iştirakçıları məlumatlandırdı. Sonradan söz Krasnador vilayətinin mədəniyyət departamentinin müdiri, tarix elmləri doktoru, professor, Konferensiyanın Təşkilat Komitəsinin nümayəndəsi N.Puqaçovaya və Rusiya Federasiyasının Mədəniyyət Nazirliyinin mədəni irs və təsviri incəsənət departamentinin direktor müavini, kitabx ana və arxiv şöbəsinin direktoru, pedoqoji elmlər namizədi T.Manilovaya verildi. Konfransın açılışında təbrik üçün C.Cabbarlı adına Respublika Gənclər kitabxanasının direktoru T.Sadıqova da söz verilmişdi. O, Azərbaycan nümayəndə heyəti adından konfrans iştirakçılarını salamlamış və sonradan son illər ərzində Azərbaycan Respublikasında ölkə rəhbərliyinin, Mədəniyyət və Turizm Nazirliyinin mədəniyyət ocaqlarına, xüsusilə də kitabxanalara göstərdiyi qayğı və diqqətdən danışmışdır. 2008-2013-cü illəri əhatə edən Dövlət Proqramı və bu proqrama əsasən kitabxanaların avtomatlaşdırılması, maddi-texniki bazasının möhkəmləndirilməsi, fondun komplektləşdirilməsi, kitabxanaların dünya informasiya məkanına daxil olması, beynəlxalq kitabxanalararası əlaqələrin qurulması və digər məsələlərin həlli istiqamətində əldə edilən nailiyyətlərimiz konfrans iştirakçılarının böyük marağına səbəb olmuşdu. Azərbaycanın müasir dövrdə mədəniyyət, incəsənət və turizm sahəsində əldə etdiyi nailiyyətlər sonrakı söhbətlərdə də aparıcı mövzu olmuşdu.
Konfransda (“XXI əsr Rusiyada humanizm və kitabxanalar”, “Qiraətə cəlb istiqamətində yeni metodikaların tətbiqi”, “Gənclər arasında vətənpərvərlik ruhunun tərbiyə olunmasında kitabxanaların rolu”, “Kitabxanalar və gənc istifadəçilərin pozitiv dünyagörüşünün formalaşması”, “Fəal oxucu-uğurlu tələbə” və s. mövzularda seminarlar, dəyirmi masalar, “Gələcəyə doğru on bir addım” başlığı altında kitab sərgisi təşkil olunmuşdu. Sərgidə diqqət çəkən məqamlardan biri də Azərbaycan Yazıçılar İttifaqının katibi, xalq yazıçısı Çingiz Abdullayevin kitablarının nümayiş etdirilməsi və bu kitablara olan xüsusi maraq idi.

Azərbaycan Yazıçılar Birliyinin üzvü, hüquq elmləri namizədi, fəlsəfə doktoru Əli Eyvazovun “Bir batalyonun tarixi” adlı kitabının yeni nəşri Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə “Nurlar” nəşriyyatı tərəfindən çapdan çıxmışdır. Kitab “Cəza çəkmiş qadınların cəmiyyətə qayıdışı” Qeyri-hökümət təşkilatı tərəfindən kütləvi kitabxanalara, Quba-Qusar batalyonunun döyüşlərində şəhid olmuş qəhrəmanların ailələrinə, yaxınlarına paylanmışdır. Kitabın məktəb kitabxanalarında da paylanması nəzərdə tutulur. Eyni zamanda kütləvi kitabxanalarda, həmçinin C.Cabbarlı adına Respublika Gənclər kitabxanasında kitabın müəllifi ilə görüşlərin keçirilməsi də planlaşdırılır.

C.Cabbarlı adına Respublika Gənclər kitabxanasında 19 avqust 2011-ci il tarixdə “İçərişəhər tariximizin qan yaddaşıdır” mövzusunda dəyirmi masa keçirildi.
Tədbirlə əlaqədar “Azərbaycanın tarixi abidələri” adlı foto-sərgi təşkil olundu.
Dəyirmi masanı giriş sözü ilə kitabxananın direktoru T.Sadıqov açıb belə mövzuda keçirilən tədbirlərin müasir gəncliyin vətənpərvərlik tərbiyəsinə müsbət təsirindən danışıb qeyd etdi ki, İçərişəhərin hər bir daşının, hər bir guşəsinin, hər bir abidəsinin gənclərin vətənpərvərlik hissinin düzgün istiqamətləndirilməsində böyük rolu var. Hər bir Azərbaycan gənci öz ölkəsinin dünəninin, bu gününün tarixini, tarixi abidələrini yaxşı bilməli, tanımalı, bu biliyi gələcək nəsillərə ötürməlidir.
Tədbirdə Azərbaycan Respublikası Nazirlər Kabineti yanında “İçərişəhər” Dövlət Tarix, Memarlıq Qoruğu idarəsinin “İçərişəhər” tarixi muzeyinin elmi məsləhətçi eksperti S.Məsimov, elmi işçisi H.Əliyev, Azərbaycan Respublikası Veteranlar Şurasının müavini Ə.İsmayılov, Azərbaycan Respublikası Müdafiə Naziliyinin Hərb muzeyinin ekspozisiya hissəsinin rəisi L.Hüseynova, C.Cabbarlının ev-muzeyinin baş elmi işçisi Q.Seyfəddin qızı, Səbail rayon MKS-nin 1 saylı filialının müdiri G.Abbasova, A.Şaiqin ev-muzeyinin əməkdaşı X.Teymurova iştirak etdilər. Elmi işlər üzrə direktor müavini X.Musayeva Azərbaycan, onun qədim və zəngin tarixini özündə əks etdirən tarixi abidələr mövzusunda keçirilən tədbirlərin vətənpərvərlik tərbiyəsinin inkişafında yüksək əhəmiyyətindən, bu abidələrin mühafizə olunub gələcək nəsillərə çatdırılmasında müasir gəncliyin rolundan danışdı
S.Məsimov qeyd etdi ki, “İçərişəhər” tarixi muzeyinin yaranmasından keçən qısa müddət ərzində “Sıra tağlar”meydanı, Numizmatika ekspozisiyası yaradılmış, təqribən dörd mindən artıq əşya toplanmışdır.
Ə.İsmayılov tövsiyə etdi ki, vətənpərvərlik mövzusunda söhbət apararkən mütləq müharibə veteranlarının təcrübələrindən də nümunə götürmək lazımdır. Tarixi abidələrin qorunması isə əsl vətənpərvərlik deməkdir.
L.Hüseynova nəinki “İçərişər”, ümumiyyətlə, Azərbaycanın bütün tarixi abidələrinin qorunması, təbliği mövzusuna tez-tez müraciət etməyi, bununla gənc nəslin vətənpərvərlik tərbiyəsində müsbət rol oynamağı tövsiyə etdi. Q.Seyfəddin qızı, X.Teymurova, G.Abbasova qan yaddaşımız olan tarixi abidələrimizin qorunmasının labüdlüyündən, hər bir qədim tikilinin özünəməxsusluğundan danışıb qeyd etdilər ki, İçərişəhər Azərbaycanın milli sərvətidir. Bu sərvət bizə əsrlərin yadigarıdır. Azərbaycan Respublikasının Prezidenti İ.Əliyevin diqqət və qayğısından bəhrələnərək biz bütün tarixi abidələrimizi qoruyur və qoruyacağıq.
Tədbirin sonunda “Azərbaycanın tarixi abidələri” foto-sərgisinə baxış keçirildi.

C.Cabbarlı adına Respublika Gənclər kitabxanasında 05 avqust 2011-ci il tarixdə yazıçı-publisist Qəhrəman Şükürlünün “Vətənə gedən yol”, “Atəş”, “Mənim anasız dünyam” kitablarının təqdimatı keçirildi.
Tədbir Qarabağ uğrunda gedən döyüşlərdə şəhid olan həmvətənlərimizin ruhlarının bir dəqiqəlik sükutla yad edilməsi ilə başladı.
Kitab təqdimatını giriş sözü ilə kitabxananın direktoru T.Sadıqov açıb Q.Şükürlünün həyat və yaradıcılığı haqqında geniş məlumat verərək söylədi ki, onun tez-tez Respublika mətbuatında çap olunan yazılarının əksəriyyəti Qarabağ müharibəsi mövzusundadır. Bu əsərlərdə ancaq həyat həquqətləri və müharibənin törətdiyi dəhşətlər qələmə alınmışdır. Müəllifin vətən mövzusuna müraciət etməsi onun bu torpağa möhkəm bağlılığının sübutudur. Tədbirdə “Qafqaz Media” İctimai Birliyinin sədri A.Taleh, “Zirvə” ziyalılar İctimai Birliyinin prezidenti M.Dəyanət qızı, Azərbaycanlıların Rusiyadakı cəmiyyətinin üzvü T.Şıxməmmədova, “Dünya Azərbaycanlılarının Həmrəyliyinə Dəstək” İctimai Birliyinin prezidenti T.Əlizadə, Azərbaycan Dövlət Neft Akademiyasının dosenti, “Respublika” qəzetinin müxbiri R.Teymurova, Azərbaycan Respublikası Beynəlmiləlçi Döyüşçülər Fondunun prezidenti S.Orucov, “Qarabağ Həqiqətlərini Beynəlxalq Aləmə Tanıtma” İctimai Birliyinin sədri Ə.Qasımov, Azərbaycan Dövlət Radiosunun əməkdaşı İ.Cəfərova, şair Q.İlqar, şəhid anası D.Əliyeva iştirak etdilər.
T.Şıxməmmədova çıxışında qeyd etdi ki, Qarabağ bütün Azərbaycan xalqının dərdidir. Biz Rusiyada yaratdığımız cəmiyyətdə daim Qarabağın qaytarılmasını təbliğ edirik. Mən təklif edirəm ki, belə mövzuda yazılan kitabların daha geniş miqyasda oxunması üçün məktəb kitabxanalarına da verilsin.
T.Əlizadə bildirdi ki, Qarabağımızda gedən qanlı döyüşləri və oğullarımızın göstərdikləri igidlikləri əks etdirən əsərlərin yaranmasına bizim çox ehtiyacımız var. Məhz Q.Şükürlünün bu üç kitabı da Qarabağda baş verən qanlı hadisələrin real güzgüsüdür.
Q.İlqar belə missiyanı üzərinə götürməyin böyük məsuliyyət olduğunu qeyd edib hətta müəllifin bu kitabları dövlət vəsaiti hesabına yox, öz təqaüdü ilə çap etdirdiyini xüsusi vurğuladı. Hər üç kitabın oxucular üçün böyük əhəmiyyət kəsb etməsindən danışandan sonra çıxışını Qarabağ mövzusunda yazdığı şeri ilə bitirdi.
A.Taleh belə kitabların gənc nəslin tərbiyəsində, əsl vətənpərvər kimi yetişməsində böyük əhəmiyyət kəsb etməsindən danışıb müəllifə “Cəsarətli qələm” diplomunu təqdim etdi.
Q.Şükürlü çıxışında bildirdi ki, Qarabağ uğrunda gedən döyüşlərin real iştirakçısı olub və hər üç kitabda qələmə aldıqları həqiqətdir, yazılarında heç bir fantaziyaya yol verməyib. Bu kitabda şərəfli ana obrazı yaradıb. Ə.Qasımov, R.Teymurova və İ.Cəfərova da hər üç kitaba öz münasibətlərinin bildirib bu əsərlərin Azərbaycanın Qarabağ tarixini əks etdirən qiymətli sənət nümunəsi olduğunu bildirdilər.

C.Cabbarlı adına Respublika Gənclər kitabxanasında 22 iyul 2011-ci il tarixdə Ağdam rayonunun işğal günü münasibəti ilə “Ağdamım, ürək ağrım” başlığı altında anım günü keçirildi.
Anım günü Qarabağ uğrunda gedən müharibədə şəhid olan vətən övladlarının ruhlarının bir dəqiqəlik sükutla yad edilməsi ilə başladı.
Tədbiri giriş sözü ilə kitabxananın direktoru T.Sadıqov açıb söylədi ki, artıq 18 ildir Ağdam və bütün Qarabağ erməni işğalı altındadır. Dünyanın aparıcı dövlətləri isə bizim ərazi bütövlüyümüzü tanısalar da erməni işğalçılarını qınamırlar. Mən həmişə çalışıram ki, bir vətən oğlu kimi öz doğma Azərbaycanımın torpaqlarının toxunulmazlığını, Qarabağımızın hüquqlarını müdafiə edim. Anım günündə “Dünya azərbaycanlılarının həmrəyliyinə dəstək” ictimai birliyinin sədri T.Əlizadə, Beynəlxalq Əlillər cəmiyyətinin sədri T.Quliyev, cəmiyyətin əməkdaşı M.Abdullayeva, “Xocalı soyqırımı” ictimai birliyinin sədri Ş.Sabiroğlu, fəlsəfə elmləri doktoru Z.Əliyev, politoloq T.Əliyev, yazıçı-publisist İ.Qasımov, şairlər R.Əsgərov, Q.İlqar, Ağdam uğrunda döyüşlərdə hərbi hissə komandiri X.Xudiyev, “Mütləqa inam” ocağının əməkdaşı İ.Atalı iştirak etdilər.
T.Əlizadə çıxışında qeyd etdi ki, 1960-1980-cı illərdə Ağdam Qarabağın iqtisadi və mədəni cəhətdən ən çox inkişaf etmiş rayonlarından idi. İndi o torpaqlar işğal altında, yadlar əlində qalsa da, dünya ölkələri bu haqsızlığa qarşı hələ də susur. Ağdam rayonu erməni işğalçıları ilə qeyri-bərabər döyüşlərdə altı minə yaxın şəhid vermişdir.
X.Xudiyev bildirdi ki, həqiqətin bir üzü var. Hələ ki, biz bu müharibəni uduzmuşuq. Azərbaycan xalqı tam səfərbər olmalı, alınan torpaqlarımızı geri qaytarmalıdır. Bunun üçün bizim kifayət qədər vətənpərvər oğullarımız var. Anım günündə “Dünya azərbaycanlılarının həmrəyliyinə dəstək” ictimai birliyinin sədri T.Əlizadə, Beynəlxalq Əlillər cəmiyyətinin sədri T.Quliyev, cəmiyyətin əməkdaşı M.Abdullayeva, “Xocalı soyqırımı” ictimai birliyinin sədri Ş.Sabiroğlu, fəlsəfə elmləri doktoru Z.Əliyev, politoloq T.Əliyev, yazıçı-publisist İ.Qasımov, şairlər R.Əsgərov, Q.İlqar, Ağdam uğrunda döyüşlərdə hərbi hissə komandiri X.Xudiyev, “Mütləqa inam” ocağının əməkdaşı İ.Atalı iştirak etdilər.
T.Əlizadə çıxışında qeyd etdi ki, 1960-1980-cı illərdə Ağdam Qarabağın iqtisadi və mədəni cəhətdən ən çox inkişaf etmiş rayonlarından idi. İndi o torpaqlar işğal altında, yadlar əlində qalsa da, dünya ölkələri bu haqsızlığa qarşı hələ də susur. Ağdam rayonu erməni işğalçıları ilə qeyri-bərabər döyüşlərdə altı minə yaxın şəhid vermişdir.
X.Xudiyev bildirdi ki, həqiqətin bir üzü var. Hələ ki, biz bu müharibəni uduzmuşuq. Azərbaycan xalqı tam səfərbər olmalı, alınan torpaqlarımızı geri qaytarmalıdır. Bunun üçün bizim kifayət qədər vətənpərvər oğullarımız var.

C.Cabbarlı adına Respublika Gənclər kitabxanasında 12 iyul 2011-ci il tarixdə şairə Nəcibə İlkinin “İllərin o tayı gözləyir məni” kitabının təqdimat mərasimi keçirildi.
Tədbiri giriş sözü ilə kitabxananın direktoru T.Sadıqov açıb “Azad qələm” qəzetinin təsisçisi, “Xan qızı Natəvan”, “Xalqın nüfuzlu ziyalısı” mükafatları laureatı, “Qızıl qələm” diplomçusu şairə N.İlkinin gözəl lnsani keyfiyyətlərindən, onun öz səmimyiyəti ilə ürəklərə yol tapan yaradıcılığından, nəyinsə xatirinə ürəksiz bircə sətir belə qələmə almadığından danışdı. Qeyd etdi ki, onun ürəklərə nüfuz etmək qabiliyyəti və insani duyğuları riqqətə gətirən misraları vardır. Nəcibə xanımın vətənpərvərlik ruhunda yazılmış kitablarının gələcək nəslə örnək olduğunu da xüsusi vurğuladı.
Təqdimat mərasimində “Ədəbiyyat” qəzetinin şöbə müdiri, şair-publisist S. Hüseynoğlu, yazıçı, rejissor-dramaturq A. İdrisoğlu, həkim Z. Orxan, şairə G. Munis, Azərbaycan radiosunun diktoru E. Bayramov, şair-tədqiqatçı H. Rüstəm, ”Dünya azərbaycanlılarının həmrəyliyinə dəstək” İctimai birliyinin sədri T. Əlizadə, yazıçı-publisist A.Muxtarov, şairlər Q. İlqar, Z. Məlikzadə, O. Zəngilanlı, G. Könül, K. Nehrəmli, M. Şahbuzlu da iştirak etdilər.
Şair S.Hüseynoğlu N.İlkinin şerlərindəki şirinlikdən, səmimiyətdən, poetik düşüncələrdən, lirik axıcılıqdan söhbət açıb bu keyfiyyətlərə görə də şairənin qısa bir zaman kəsiyində çoxsaylı oxucuların rəğbətini qazandığını bildirdi.
H.Rüstəm N.İlkinin klassik nümunələrdən qidalandığını, bunun şairənin yaradıcılığında öz əksini göstərməsindən danışdı.
G.Munis N.İlkinin əsl vətənpərvər şair kimi cəsarətli yazıları ilə sözünün arxasında duran qələm sahibi olduğunu ,vətənpərvərlik ruhunun bütün yaradıcılığı boyu onu izlədiyini, şairənin bu hissin tərənnümü ilə qürur duyduğunu vurğuladı.
A.Muxtarov, G.Könül, K.Nehrəmli N.İlkinin yaradıcılığındakı insanı düşünməyə məcbur edən fikirlərdən, incə poetik duyğulardan danışdılar.
Şairə N.İlkin 50 illik yubileyi ərəfəsində keçirilən bu tədbiri sanki yaradıcılıq hesabatı adlandırıb gələcək ədəbi planlarından söhbət açdı.
Təqdimat mərasiminin sonunda N.İlkin bütün tədbir iştirakçılarına “İllərin o tayı gözləyir məni” kitabından hədiyyə verdi.

Azərbaycan Respublikası Mədəniyyət və Turizm Nazirliyinin Mədəniyyət İşçiləri İxtisasartıma Mərkəzi və Belarusiya Dövlət Mədəniyyət və İncəsənət Universiteti ilə birgə layihəyə əsasən Mərkəzin rəhbəri Ramazan Şabanov başda olmaqla nümayəndə heyəti 13.06.2011-18.06.2011 tarixində Belarus Respublikasında ezamiyyətdə olmuşdur. C.Cabbarlı adına Respublika Gənclər kitabxanasının İnformasiya və biblioqrafiya şöbəsinin müdiri Yeganə Sadıqlı da nümayəndə heyətinin tərkibində Azərbaycan kitabxana işçilərinin ixtisasartıma kursunda iştirak etmişdir.
Altı nəfərdən ibarət nümayəndə heyəti «Belarus Respublikasının kitabxana- informasiya təminatının müasir vəziyyəti və perspektivləri» mövzusunda mühazirələr dinlənilmiş və dəyirmi masa keçirilmişdir. Tərəflər Azərbaycan və Belarusiya kitabxanaları arasında təcrübə mübadiləsi aparmışlar.
Nümayəndə heyyəti həmçinin Belarus Milli Kitabxanasında olmuşdur. Kitabxanaya Azərbaycan Mədəniyyət və Turizm Nazirliyi və C.Cabbarlı adına Gənclər kitabxanasının birgə layihəsi olan Qarabağ müharibəsini özündə əks etdirən Ə. Eyvazovun “Bir batolyonun tarixi” sənədli povesti hədiyyə edilmişdir.

C.Cabbarlı adına Respublika Gənclər kitabxanasının direktoru Tahir Sadıqov və kitabxananın əməkdaşı Həsənova Günay Azərbaycan Respublikası Prezidentinin 2008-ci il 6 oktyabr tarixli Sərəncamı ilə təsdiq edilmiş “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı” nın Tədbirlər Planının 2.8.5. bəndində Azərbaycan kitabxanalarının beynəlxalq əlaqələrinin inkişafı, kitabxana-informasiya sahəsinin zəruri istiqamətləri üzrə nəzərdə tutulan tədbirlərin icrası ilə əlaqədar 04-12 iyun 2011-ci il tarixlərində Ukrayna Respublikasının, Krım vilayətinin Sudak şəhərində keçirilən “Kitabxanalar və informasiya resursları müasir aləmdə, elm, mədəniyyət, təhsil və biznes – 18-ci Beynəlxalq Konfrans” da iştirak etmişlər.

C.Cabbarlı adına Respublika Gənclər kitabxanasında 07 iyun 2011-ci il tarixdə gənc yazar Elnur Fərəcovun “Nağıllar” kitabının təqdimatı keçirildi.
Kitab təqdimatını giriş sözü ilə eimi işlər üzrə direktor müavini X.Musayeva açıb E.Fərəcovun ədəbi yaradıcılığa çox erkən yaşlardan başlamasından, bu yaradıcılığı sanki hansısa bir pak, təmiz xəyal aləminin izləməsindən, təxəyyülün məhsulu olan əsərlərin sevilməsindən danışdı.
Tədbirdə “Qafqaz Media” İctimai Birliyinin sədri A.Taleh, Azərbaycan Milli Elmlər Akademiyasının əməkdaşı G.Ənsərli, İran İslam Respublikasında Azər Tacın xüsusi müxbiri və Azərbaycanın daimi nümayəndəsi S. Şahtatlı, Azər Tacın xüsusi müxbiri Z.Dəmirçiqayalı, “Qurtuluş” qəzetinin baş redaktoru R.Məhərrəmova, “Azərbaycan dəmiryolçusu” qəzetinin müxbiri E.Məmmədli, şairə G.Cahan, şairə N.Yusifova, əlillər arasında şahmat üzrə çempion H.Rüstəmov, 153 saylı orta məktəbin müəllimi Ə.Əliyeva iştirak etdilər.
A.Taleh E.Fərəcova ədəbiyyat aləmində atdığı ilk qədəmlərin uğurlu olmasını arzulayıb kitabın redaktoru olduğu üçün qürur hissi duyduğunu, gənc yazarlara kömək etməyin vacibliyini, istedadlara həmişə yol göstərməli olduğumuzu söylədi. Çıxışının sonunda ona “Qafqaz Media” İctimai Birliyinin “Qızıl Kitab” diplomunu təqdim etdi.
G.Cahan E.Fərəcovun beş yaşından ədəbi yaradıcılığa gəlməsini, onun yazılarından yüzlərlə həmyaşıdlarının bəhrələnməsini söylədi.
Z.Dəmirçiqayalı E.Fərəcovun yaradıcılığını insan beyninin saf fantaziyası adlandırıb bu fantaziya ilə oxucunu cəlb etməsindən danışdı.
H.Rüstəmov, S.Şahtatlı, G.Ənsərli, N.Yusifova, R.Məhərrəmova da E.Fərəcovun yaradıcılıq xüsusiyyətlərindən danışıb onun tutduğu ədəbi yolu alqışladılar. Kitab təqdimatının sonunda E.Fərəcov özünün yeni yaradıcılıq planlarından danışıb bütün tədbir iştirakçılarına “Nağıllar” kitabından hədiyyə verdi.

Cari ilin 04-12 iyun tarixlərində Ukrayna Respublikasının Krım vilayətinin Sudak şəhərində “Krım 2011” kitabxanaların informasiyalaşdırılması və kitabxana – informasiya sahəsinin zəruri istiqamətləri mövzusunda Beynəlxalq Konfrans keçiriləcəkdir. “Azərbaycan respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı” nın Tədbirlər Planına, habelə, Mədəniyyət və Turizm Nazirliyinin 2011-ci ilin II yarımili üçün iş planına müvafiq olaraq C.Cabbarlı adılna Respublika Gənclər kitabxanasının direktoru Tahir Sadıqov və həmin kitabxananın əməkdaşı Günay Həsənova qeyd edilən konfransda iştirak edəcəklər.
Konfransda ən yeni informasiya texnologiyaları ilə tanış olmaq, təcrübə mübadiləsi aparmaq imkanı yaranacaqdır.

C.Cabbarlı adına Respublika Gənclər kitabxanasında 26 may 2011-ci il tarixdə Azərbaycan Xalq Cümhuriyyətinin yaranmasının 93-cü ildönümü günü münasibəti ilə elmi-praktik konfrans keçirildi.
Tədbiri açan kitabxananın direktoru T.Sadıqov öz çıxışına ümummilli liderimiz Heydər Əliyevin “Bu gün tam qətiyyətlə demək olar ki, Azərbaycan dövləti, müstəqil Azərbaycan Respublikası 1918-ci ildə yaranmış Xalq Cümhüriyyətinin varisidir. Biz bu varislik prinsipini şərəflə, sədaqətlə yerinə yetiririk.” sözləri ilə başladı. Tahir Sadıqov qeyd etdi ki, Azərbaycan Xalq Cümhuriyyəti gərgin və mürəkkəb ictimai-siyasi şəraitdə fəaliyyət göstərmişdir.Buna baxmayaraq, Xalq Cümhuriyyəti dövlətçilik atributlarının qəbul edilməsi, ana dilinin dövlət dili elan olunması, dövlət sərhədlərinin müəyyən olunması, iqtisadiyyat, mədəniyyət, təhsil sahəsində böyük nailiyyətlər əldə etmişlər ki, bu nailiyyətlər də bu günki müstəqil Azərbaycan Respublikasının yaranması üçün böyük zəmin yaratmışdır. Çıxış üçün söz alan Dünya Azərbaycanlı Gənclərinin Həmrəyliyi Cəmiyyəti”nin prezidenti T.Əlizadə qeyd etdi ki, bu gün də Azərbaycan öz dövlət müstəqilliyini şərəflə qoruyur və bu yolda bütün dünyada yaşayan 50 milyonluq azərbaycanlıların milli həmrəyliyinə böyük ehtiyac duyulur.T.Əlizadə çıxışının sonunda direktor Tahir Sadıqovu kitabxananın inkişafı sahəsində, dünya azərbaycanlı gənclərinin həmrəyliyinin təşkili sahəsində göstərdiyi xidmətlərə görə "Azərbaycan Respublikası Dünya Azərbaycanlı Gənclərinin Beynəlxalq Həmrəyliyi Cəmiyyətini" nin Fəxri Fərmanı və döş nişanı ilə təltif etdi.
Elmi-praktik konfransda alim Ə.Tuncay,” Dünya Azərbaycanlı Gənclərinin Həmrəyliyi Cəmiyyəti”nin prezidenti T.Əlizadə, müavini V.Əliyev, “Zirvə” Ziyalılar Təşkilatının sədri M.Dəyanət, AMEA-nın Ədəbiyyat institutunun aparıcı elmi işçisi E.Şükürlü, “Gənclər Təşkilatı”nın Milli Şurasının baş katibi O.Ərəbli, “Yevro xəbər” qəzetinin baş redaktoru N.Novruzov, “Millətçi” qəzetinin redaktoru S.Əsgərova, “Zəka və ülviyyət” qəzetinin təsisçisi E.Nüsrət qızı, şairlər İ.Tapdıq, Q.İlqar Ruhdaş, Azərbaycan üzrə səhiyyədə ictimai nəzarətin sədri, Əfqanıstan və Qarabağ müharibələrinin iştirakçısı S.Orucov, ADMİU-nin tələbələri iştirak etdilər.
Ə.Tuncay Azərbaycan Xalq Cümhuriyyətinin yaranma tarixindən, onun rəhbərlərindən, M.Ə.Rəsulzadənin, F.Xoyskinin xüsusi xidmətlərindən danışıb keçmişsiz gələcəyin olmamasını, tarixi unutmamağı xüsusi vurğuladı.
V.Əliyev, şairlər İ.Tapdıq və Q.İlqar Ruhdaş, S.Orucov, E.Şükürlü Azərbaycan Xalq Cümhuriyyətinin yaranma tarixindən, cümhuriyyətin rəhbərlərinin xidmətlərindən, tezliklə mütləq itirilən torpaqlarımızın geri alınacağından danışıb bir dəfə qalxan bayrağın bir daha enməyəcəyini qürurla söylədilər.
Tələbə S.Kərimova Azərbaycana həsr olunmuş şerlər oxudu.
Tədbirin sonunda “Ana vətən-, Azərbaycan” adlı kitab sərgisinə baxış keçirildi.

C.Cabbarlı adına Respublika Gənclər kitabxanasında 21 may 2011-ci il tarixdə görkəmli alim Nazim Rizvanın anadan olmasının 60 illiyi münasibəti ilə anım günü keçirilmişdir.
Tədbiri giriş sözü ilə “Dünya Azərbaycanlı Gənclərinin Beynəlxalq Həmrəyliyi” cəmiyyətinin prezidenti T.Əlizadə açıb N.Rizvanın keçdiyi həyat yolundan, onunla olan dostluğundan danışıb qeyd etdi ki, yaradıcı alim 1981-2003-cü illərdə Azərbaycan Milli Elmlər Akademiyasının “Cənubi Azərbaycan ədəbiyyatı” şöbəsində çalışmış, 1995-2003-cü ildən ömrünün sonuna kimi “ Dünya Azərbaycanlı Gənclərinin Beynəlxalq Həmrəyliyi” cəmiyyətinin ağsaqqallar şurasının sədri olmuşdur.
Anım günündə alim Ə.Tuncay, AMEA-nın aparıcı elmi işçisi, filologiya elmləri namizədi E.Cəfərova, əməkdar incəsənət xadimi Z.Əliyev, sənətşünaslıq doktoru R.İbrahim, Bakı Şəhər Təhsil İdarəsində metodiki mərkəzin direktor müavini S.Məmmədova, “Respublika” qəzetinin müxbiri R.İlyasoğlu, şairlər Q.Ruhdaş, Z.Ağdamlı, N.Rizvanın bacıları Z.Cəfərova, X.Kərimova, qızları Ülkər, Günel, Leyla, iştirak etmişlər.
Z.Əliyev çıxışında qeyd edir ki, N.Rizvan Azərbaycan ədəbiyyatı tarixinə böyük töhfələr verən alimdir. Onun yaradıcılığından, sonsuz xidmətlərindən bəhrələnənlərin sayı-hesabı yoxdur.
R.İbrahim N.Rizvanla tələbəlik illərindən dostluq etməsindən, özünə qarşı hədsiz tələbkarlığından, onun əsl qiymətini öz yaratdığı əsərlərin verməsindən danışdı.
E.Cəfərova N.Rizvanın onun elmi rəhbəri olmasından, vətənpərvərliyindən, Azərbaycanın milli mənafeyini yüksək qiymətləndirməsindən danışdı.
R.İlyasoğlu N.Rizvanın “M.H.Şəhriyar yaradıcılığında vətənpərvərlik” mövzusunda yazdığı dissertasiyasından, şerlərində vətənərvərlik hissinin ön planda olmasından, “Dünya Azərbaycanlı Gənclərinin Beynəlxalq Həmrəyliyi” cəmiyyətinin himnini yazmasından danışıb dövlət səviyyəsində onun əsərlərinin çap edilməsini təklif etdi.
Görkəmli alimin bacıları Z.Cəfərova, X.Kərimova, qızları Leyla, Günel N.Rizvanın həyatı ilə bağlı xatirələrini danışıb ona verilən qiymətə görə öz təşəkkürlərini bildirdilər.
Tədbir boyu cəmiyyətin təşkilinin 40 illiyi münasibəti ilə keçirilən tədbirdə N.Rizvanın çıxışı nümayiş etdirildi.

C.Cabbarlı adına Respublika Gənclər kitabxanasında 10-14 may 2011-ci il tarixlərində Azərbaycan Respublikası Prezidentinin 2008-ci il 6 oktyabr tarixli Sərəncamı ilə təsdiq edilmiş “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı” nın Tədbirlər Planına uyğun olaraq “Respublikanın şəhər (rayon) kitabxanalarının informasiyalaşdırılması, kitabxanalarda yeni informasiya texnologiyaların tətbiqi” mövzusunda treninq keçirilir.
Treninqi Azərbaycan Respublikası Mədəniyyət və Turizm Nazirliyinin kitabxana sektorunun müdiri Lətifə Məmmədova açaraq iştirakçıları salamladıqdan sonra treninqin qarşısına qoyulan məqsədlərdən, keçirilməsinin vacibliyindən və bu gün Dövlət Proqramının qarşımıza qoyduğu vəzifələrdən iştirakçılara geniş məlumat verdi. Treninqdə 31 şəhər və rayon MKS direktor və direktor müavinləri iştirak edirlər. Treninqdə mühazirələri Respublika Mədəniyyət Müəssisələri İşçilərinin Hazırlıq və İxtisasartırma Mərkəzinin mütəxəssisləri aparır. Treninqin sonunda iştirakçılara sertifikat təqdim ediləcəkdir.

C.Cabbarlı adına Respublika Gənclər kitabxanasında 07 may 2011-ci il tarixdə şair Leonid Aleksandroviç Skvortsov ilə görüş keçirildi. Görüşü giriş sözü ilə kitabxananın direktoru T.Sadıqov açıb Azərbaycan xalqının poeziya vurğunu olduğundan danışıb qeyd etdi ki, məhz buna görə hər dəfə şairlərlə, yazıçılarlar və müxtəlif sənət adamları ilə keçirilən görüşlər hamımızın sevincinə və marağına səbəb olur. Hər il yüzlərlə azərbaycan və rus dillərində nəzm əsərləri ilə kitabxana fondunu zənginləşdirir, müasir Azərbaycan oxucularının tələbatını ödəyir. T.Sadıqov L. Skvortsovun yaradıcılığı haqqında məlumat verərək onun vətənpərvər şair olduğunu vurğuladı. Tədbirdə şair L. Skvortsov, tarixçi R. Ağayev, “Dünya azərbaycanlılarının həmrəyliyinə dəstək” İB-nin sədri T.Əlizadə, şair Q.Ruhdaş və başqaları iştirak etdilər.
R.Ağayev şair L. Skvortsovun şerlərinin ilk dinləyicisi olmasından, uzun illər boyu onunla dostluq etməsindən danışdı, tezliklə yaradıcılığının kitab halında oxuculara təqdim olunmasını arzuladı.
Kitabxananın elmi işlər üzrə direktor müavini X.Musayeva kitabxananın rusdilli oxucularının tələbatını nəzərə alıb Rusiyadan hər il müxtəlif ədəbiyyatların alınmasından, nəinki Azərbaycan, həmçinin, bütün dünya xalqlarının poeziyasının oxucular tərəfindən mütaliə olunmasından danışıb, çıxışını özünün yazdığı şeir ilə bitirdi.
Q.Ruhdaş müasir poeziyada vətənpərvərlik ruhunun daha çox duyulmasından, gənclərin də son dövrlərdə nəzm əsərlərinə çox meyil göstərməsindən danışıb, çıxışını öz şeiri ilə bitirdi.
T.Əlizadə L. Skvortsovun şeirlərindəki müasirlikdən , fəlsəfi aspektlərdən danışdı.
Şair L. Skvortsov oxucuların çoxsaylı suallarını cavablandırdıqdan sonra özünün yazdığı “Bakı və bakılılar”, “Vətən”, “Bağışla ata”, “9 May” şeirlərini oxuyub, yeni yaradıcılıq planlarından danışdı.

C.Cabbarlı adına Respublika Gənclər kitabxanasında 06 may 2011-ci il tarixində gənc yazıçı-jurnalist Tamara Nahidin “Həsrət göz yaşlarını axtarır” kitabının təqdimat mərasimi keçirildi.
Tədbiri giriş sözü ilə kitabxananın direktoru T.sadıqov açıb qeyd etdi ki, “Həsrət göz yaşlarını axtarır” kitabı T.Nahidin ilk şerlər və publisistik məqalələr toplusudur. Bu kitabda müəllifin illərdən bəri ürəyində bəslədiyi, hər kəsdən gizlin yaşatdığı ən ülvi hisslərlə qələmə aldığı həsrət nəğmələri, sevgi çələngi toplanıb. Həmçinin, kitabda Mingəçevirin sənətsevər insanlarının həyat və fəaliyyətlərindən də bəhs olunur.
Kitab təqdimatında “Qafqaz Media” İctimai Birliyinin sədri A.Taleh, “Təbəssüm” Uşaq İctimai Birliyinin sədri L.Cavadqızı, “İnsanlığın keşiyində” qəzetinin baş redaktoru Ə.Mustafayeva, “Respublika” qəzetinin müxbiri R.İlyasoğlu, şairə Z.Bəhmənli, şairə N.Yusifqızı, Türkiyəli tələbə R.Özdəmir müəllifin tələbə və sənət dostları iştirak etdilər. A.Taleh 24 yaşlı gənc bir qız üçün kiatb nəşr etdirməyin çox böyük iş olduğunu, kitabın çapdan çıxan kimi oxucuların marağını cəlb etdiyini xüsusi vurğuladı. Kitab haqqında öz təəssüratını bildirəndən sonra ona “Qafqaz Media” İB-nin təsis etdiyi “Cəsarətli qələm” diplomunu verdi. R.İlyasoğlu gənc müəllifin Nahid təxəllüsünü şəhid əmisinin adından götürdüyünü, yaradıcılığında şəhid yanğısı duyulduğunu, vətənpərvərlik hissini uca tutduğunu söylədi. L.Cavadqızı T.Nahidin bədii yaradıcılığını çox bəyəndiyini, mənsur şerlərinin yüksək məna kəsb etdiyini, ümumiyyətlə, onun yazılarında əsl istedadın aydın göründüyünü söylədi. Z.Bəhmənli T.Nahidin müxtəlif mövzuları əhatə edən şerlərində əsl ədəbi yaradıcılığın nəzərə çarpmasından, gənc müəllifin qələmin dili ilə düşünüb öz hisslərini biruzə verməsindən danışdı. Ə.Mustafayeva, R.Özdəmir , L.Əliyeva, Ü.Musayeva, T.Nahidin “Qafqaz-Press”, “Hakimiyyət və gələcək”, “Borçalı”, “Kredo”, “İnsan haqları” mətbu orqanlarındakı fəaliyyətindən danışıb ona sənət, yaradıcılıq uğuralrı arzuladılar. Kitab təqdimatının sonunda T.Nahidqızı yeni yaradıcılıq planlarından danışıb, bütün tədbir iştirakçılarına yeni kitabını hədiyyə verdi.

C.Cabbarlı adına Respublika Gənclər kitabxanası 06 may 2011-ci il tarixdə Yasamal rayon İcra Hakimiyyətinin nəzdindəki Heydər Əliyev-məktəb-muzeydə ümummilli lider Heydər Əliyevin anadan olmasının 88-ci il dönümü günü münasibətilə anım günü keçirdi.
Anım günündə Yasamal rayonu 31 saylı orta məktəbin şagirdləri, muzey-məktəbin əməkdaşları Ü.Allahverdiyeva, A.Məmmədova, G.Abbasova, A.Müzəffərova iştirak etdilər.
Anım gününü giriş sözü ilə kitabxananın elmi işlər üzrə direktor müavini X.Müsayeva açıb müasir Azərbaycan dövlətçiliyinin banisi, ulu öndər H.Əliyevin Azərbaycanda demokratikləşmə prosesinin əsasını qoymasından, xalqı vahid bir ideologiya ətrafında birləşib ona zamanın sınaqlarından çıxmağı öyrətməsindən danışıb qeyd etdi ki, Heydər Əliyevin Azərbaycanın daxili və xarici siyasətindəki fəaliyyəti fövqəladə uğurdur.
Şöbə müdiri X.Məmmədova öz çıxışında qeyd etdi ki, ümummilli liderin qurduğu müstəqil Azərbaycan dövləti hazırda bütün dünya azərbaycanlılarının siyasi istinadgahına çevrilmişdir.
Baş kitabxanaçı M.Abbasova ulu öndər Heydər Əliyevin Azərbaycan mədəniyyətinin inkişafındakı xidmətlərindən, Azərbaycan mədəniyyətinə, incəsənətinə əvəzsiz qayğısından danışdı.
Ü.Allahverdiyeva ulu öndərin ölkəmizin xarici siyasətindəki sonsuz xidmətlərindən faktlarla danışıb, muzeydəki çoxsaylı şəkilləri, sənədləri nümayiş etdirdi. A.Məmmədova ulu öndərin Azərbaycanın daxili siyasətindəki fəaliyyətindən, respublikanın rifahı naminə sonsuz xidmətlərindən, Azərbaycanda baş vermiş sosial-iqtisadi və siyasi dəyişikliklərin baisi olmasından danışdı.
A.Müzəffərova muzeyin kitabxanasında dahi şəxsiyyət, ümummilli lider Heydər Əliyevin həyatını, Azərbaycanın daxili və xarici siyasətindəki fəaliyyətini, iqtisadiyyatın, mədəniyyətin, incəsənətin hər bir sahəsindəki uğurlarını əks etdirən 600 artıq ədəbiyyat olmasından, hər gün bu ədəbiyyatlardan istifadə edilməsindən danışdı.
Şagirdlərin çoxsaylı sualları cavablandırıldıqdan sonra xatirə şəkilləri çəkildi.

C.Cabbarlı adına Respublika Gənclər kitabxanasında 30 aprel 2011-ci il tarixdə “Zirvə” Ziyalılar Təşkilatının prezidenti, “Qızıl Qələm”, “M.Müşfiq”, “Min bir mahnı” mükafatları laureatı Minayə Dəyanətin “Həyat davam edir” kitabının təqdimatı keçirildi.
Təqdimat mərasimində Yaponiya səfirliyinin nümayəndəsi Tori Nishivasi, Rusiya Pedaqoji və Sosial Akademiyasının həqiqi üzvü, alim Ə.Ağayev, Ankara Tədris Mərkəzinin direktoru Asya xanım, alim Ə.Tuncay, “Yenilməz xalq” qəzetinin baş redaktoru K.Kamran oğlu, “Xızı-Bərmək” qəzetinin baş redaktoru A.Əzimov, əməkdar incəsənət xadimi Z.Salahova, “Milli dəyərlərin qorunması” ictimai birliyinin sədri D.Nağıyeva, “Ailələrə dəstək” ictimai birliyinin sədri E.Rəhimova, Səhiyyə Nazirliyinin əməkdaşı S.Əlizadə, ”Dünya Azərbaycanlılarının həmrəyliyinə dəstək” İctimai Birliyinin sədri T.Əlizadə, C.Cabbarlının nəvəsi Q.Cabbarlı, rəssam E.Hacızadə, şair O.Rza, şairə M.Şahbuzlu, yazıçı K.Dünyamalı və bir neçə mədəniyyət və incəsənət xadimləri iştirak etdilər. Kitab təqdimatını giriş sözü ilə kitabxananın elmi işlər üzrə direktor müavini X.Musayeva açıb qeyd etdi ki, M.Dəyanət portretisdir, elm,mədəniyyət, siyasət adamlarının portretlərini yaratmışdır. Rəssam kimi ölkəmizdə və xarici dövlətlərdə müxtəlif sərgilərin təşkilatçısı və iştirakçısı olmuşdur. “Həyat davam edir” xatirə-sənədli povesti isə onun ilk kitabıdır. M.Dəyanət yazıçı kimi də qələmini uğurla sınamış, kitab az müddət ərzində oxucuların diqqətini cəlb etmişdir.
Yaponiya səfirliyinin nümayəndəsi Tori Nishvasi M.Dəyanətlə dostluq əlaqələrindən, onun istər rəssam kimi, istərsə də yazıçı kimi yaradıcılığı ilə maraqlanmasından və yüksək qiymətləndirməsindən danışdı. Azərbaycan xaıqını sənətsevər, sənəti qiymətləndirən xalq adlandırdı. Z.Salahova qeyd etdi ki, M.Dəyanət həmçinin Ankara tədris mərkəzinin pedaqoqudur. Bir sıra oçerk və məqalələrin müəllifidir, Amerika Oriqon ştatının xüsusi diplom və mükafatlarına layiq görülmüşdür. Ümidvarıq ki, “Həyat davam edir” kitabı da oxucular tərəfindən layiqli qiymətləndiriləcəkdir.
Ə.Tuncay Minayə xanımın öz təşəbbüsü ilə “Zirvə” Ziyalılar Təşkilatını təsis etməsindən, yarandığı gündən respublikamızın tanınmış elm, mədəniyyət, siyasət adamları, ziyalılarla iş aparmasından, ədəbiyyat sahəsində də uğur qazanmasından danışdı.
E.Rəhimova, Ə.Ağayev, E.Hacızadə, M.Şahbuzlu, K.Dünyamalı, O.Rza və Q.Cabbarlı da M.Dəyanətin ölkəmizdə fəaliyyət göstərən xarici diplomatik korpuslar ilə aktiv iş aparmasından, təşkilatçılığından danışıb ədəbi yaradıcılığını da xüsusi vurğuladılar. Qeyd etdilər ki, bu səpkidə yazılan xatirə-sənədli povestlər ailə səmimiyyətinin, doğmalığının təcəssümü və tərənnümüdür. M.Dəyanət kitabının yazılma və yaranma tarixindən danışandan sonra əsərlə bağlı çoxsaylı suallara cavab verdi.
Kitab təqdimatının sonunda gənc skripkaçı S.Səlimov, müğənnilər Ş.Naxçıvanlı və N.Nağıvev bədii hissə ilə çıxış etdilər.

C.Cabbarlı adına Respublika Gənclər kitabxanası 29 aprel 2011-ci il tarixdə “Gənclər fəaliyyətinə dəstək” mərkəzində “Şəffaflıq,- korrupsiyanın ləğvi” mövzusunda görüş keçirdi.
Görüşdə şəffaf təhsil şəbəkəsinin sosial şəbəkələr üzrə məsul şəxsi O.İskəndərov, BDU-nun, ADNA-nın, İqtisad Universitetinin, Texniki Universitetin tələbələri iştirak etdilər.
Görüşü giriş sözü ilə kitabxananın elmi işlər üzrə direktor müavini X.Musayeva açıb Azərbaycan Respublikasının Prezidenti İ.Əliyevin 2004-cü ilin 13 yanvar tarixində “Korrupsiyaya qarşı mübarizə haqqında” Qanun imzaladığını, bu Qanunun tətbiqi barədə Dövlət Proqramı layihəsindən, korrupsiyaya qarşı mübarizənin səmərəli surətdə həyata keçirilməsi üçün müvafiq dövlət orqanlarının qarşısında konkret vəzifələr dayanmasından danışdı. Qeyd etdi ki, ümumbəşəri sosial bəla olan korrupsiyaya qarşı bütün dünyada genişmiqyaslı mübarizə aparılır. Şöbə müdiri X.Məmmədova ”Cinayətin başlanğıcı, korrupsiya” mövzusunda çıxışında bildirdi ki, ölkəmiz korrupsiyaya qarşı mübarizədə beynəlxalq əməkdaşlıqdan daha səmərəli istifadə etmək məqsədilə BMT-nin və Avropa Şurasının korrupsiyaya qarşı mübarizə sahəsində əsas konvensiyalarına qoşulmuşdur.
Baş kitabxanaçı M.Abbasova “Zamanın tələbi,-korrupsiyaya qarşı mübarizə” mövzusunda çıxışında korrupsiyaya qarşı mübarizənin, şəffaflığın qorunmasının yaşından asılı olmayaraq hər bir vətəndaşın borcu olmasını, cinayətə aparan bu yolun qarşısının alınmasının labüdlüyünü dedi. O.İskəndərov “Ali məktəblərdə korrupsiyaya qarşı mübarizənin tələbələr arasında təbliği” başlığı altındakı çıxışında indi ötən illərə nisbətən kitabxanalarda korrupsiya, şəffaflığın qorunmasını əks etdirən ədəbiyyatlara daha çox rast gəlmək mümkün olduğunu xüsusi vurğuladı.
Tələbə M.Abdinova “Şəffaflığın qorunması, təmini” mövzusunda çıxışında gənc nəslin bu sosial bəladan xilas olmaqda mütləq hökumət və dövlətin yardımçısı olmasını, korrupsiyanın kökünün kəsilməsində ən kəskin vasitələrdən istifadə etməli olduğunu qeyd etdi.
Tələbə Ş.Ağayeva “Şəffaflığı necə başa düşürsünüz” adlı çıxışında qeyd etdi ki, bu sahədə mübarizə təkcə korrupsiya, rüşvətxorluq yox, həmçının, korrupsiyaya şərait yaradan halların müəyyənləşdirilməsi ilə də bağlıdır.
Tələbələr X.Kərimov, J.Ələkbərova, Ə.Kazımov da öz çıxışlarında bildirdilər ki, korrupsiyaya qarşı mübarizənin səmərəli surətdə həyata keçırilməsi üçün ictimaiyyətin maariflənməsi məqsədilə müvafiq tədbirlərin həyata keçirilməsində öz qüvvələrini əsirgəməyəcəklər.

1928-ci ildə əsası qoyulan C.Cabbarlı adına Respublika Gənclər kitabxanası son illər öz fəaliyyətini dövrün, zamanın tələbinə uyğun daha da gücləndirmişdir. Azərbaycan Respublikasının Prezidenti İ.Əliyevin 2008-ci il 06 oktyabr tarixli Sərəncamı ilə təsdiq edilmiş “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı”nın icrası ilə əlaqədar Mədəniyyət və Turizm Nazirliyinin 18 noyabr 2008-ci il tarixli əmri ilə təsdiq edilmiş Tədbirlər Planında kitabxana-informasiya sahəsində kitabxanada bir sıra işlər həyata keçirilmişdir.
Azərbaycan Respublikasının Prezidenti İ.Əliyevin 2006-cı il 28 dekabr tarixli “Azərbaycan Respublikasında İnsan Hüquqlarının Müdafiəsinə dair Fəaliyyət Planının təsdiq edilməsinə” dair imzaladığı Sərəncama əsasən 2007-ci ilin fevral ayından kitabxananın nəzdində yaradılan İctimai Hüquqi İnformasiya Mərkəzinın ora müraciət edənlərə xidməti, 2009-cu ilin mart ayından İRBİS-64 Avtomatlaşdırılmış Kitabxana İnformasiya Sistemi, -elektron kataloqun təşkili, kitabxana ilə “Digesta” firması arasında bağlanmış müqaviləyə əsasən kitabxananın nəzdində Azərbaycan Respublikasının Qanunvericilik Bazasının yaradılması kitabxananın son illər müvəffəqiyyətli addımlarıdır. Azərbaycan Respublikasının Prezidenti İ.Əliyevin 12 yanvar 2004-cü il tarixli 56 saylı “Azərbaycan dilində latın qrafikası ilə kütləvi nəşrlərin həyata keçirilməsi haqqında” Sərəncamı ilə nəşr olunan kitablarla, Rusiya Federasiyasından rusdilli oxucular üçün alınan ədəbiyyatlarla fondun zənginləşdirilməsi, www.ryl.az veb saytı, ryl.az@mail.ru poçt ünvanı kitabxananın oxuculara yüksək xidmətinə nümunədir.
Mədəniyyət və Turizm Naziri Ə.Qarayev direktor T.Sadıqovun son illər kitabxananın fəaliyyətində göstərdiyi nümunəvi xidmətini yüksək qiymətləndirib onu Fəxri Fərmanla təltif etmişdir. Fəxri Fərmanı Mədəniyyət və Turizm Nazirliyinin kitabxana işi sektorunun müdiri L.Məmmədova T.Sadıqova təqdim etməzdən qabaq kitabxananın son illər fəaliyyətindəki əsaslı irəliləyişlərdən, yaratdığı bazalardan, dünya kitabxanaları ilə əlaqələrindən danışmışdır. Başda T.Sadıqov olmaqla kitabxana kollektivinə daha yüksək mükafatlar almağı arzulamışdır.
Eyni zamanda T.Sadıqov kitabxana işi sahəsində səmərəli fəaliyyətinə görə Mədəni-maarif işi jurnalının “Şərəf Diplomu” na, Azad qələmlər cəmiyyətinin “Qızıl əllər” fəxri mükafatı laureatı diplomuna, Ağamusa Nağıyev adına İB-nin “Ağamusa Nağıyev” diplomuna, Qafqaz Media İB-nin “Cəsarətli Qələm” Diplomuna layiq görülmüşdür.

C.Cabbarlı adına Respublika Gənclər kitabxanasında 31 mart Azərbaycanlıların soyqırımı günü münasibəti ilə “Milli dərd, milli genosid” mövzusunda elmi-praktik konfrans keçirildi.
Konfransda Bakı Dövlət Universitetinin, Azərbaycan Dövlət Mədəniyyət və İncəsənət Universitetinin, Azərbaycan Dövlət Texniki Universitetinin tələbələri, Yasamal Rayon Ağsaqqallar Şurasının sədr müavini R.Cavadov iştirak etdilər.
Konfrans soyqırım qurbanlarının ruhlarının bir dəqiqəlik sükutla yad edilməsi ilə başladı.
Elmi-praktik konfransı giriş sözü ilə kitabxananın elmi işlər üzrə direktor müavini X.Musayeva açıb qeyd etdi ki, 31 mart soyqırımı ermənilərin azərbaycanlılara qarşı keçirdikləri geniş miqyaslı terrorun tərkib hissəsi idi. 1917-ci ilin 31 martından aprel ayının 3-dək dörd gün müddətində ermənilər Bakı və onun ətraf kəndlərində 16 000 əhalini vəhşicəsinə qətlə yetirdilər. Bu, azərbaycanlılara qarşı kütləvi qırğın, “Böyük Ermənistan” imperiyası yaratmaq iddiası idi. R.Cavadov “Böyük Ermənistan” yaratmaq xülyasına düşən erməni qəsbkarlarının 1905-1907-ci illərdə azərbaycanlılara qarşı törətdikləri genişmiqyaslı qanlı aksiyalardan danışdı.
Tələbə E.Alıyev çıxışında uzun illər boyu erməni düşmənçiliyindən, erməni ədavətindən danışıb millətimizin gələcəyini istəməyən bədnamların dəfələrlə bizi soyqırıma məruz qoyduqlarına baxmayaraq yenə düşmənə əyilməzliyimizi xüsusi qeyd etdi.
Tələbə Y.Həsənov 31 mart soyqırımının tarixindən, başda Şaumyan olmaqla onu törədənlərdən, bu soyqırımın acı nəticələrindən danışdı.
Tələbə R.Əhədli çıxışında qeyd etdi ki, ümummilli liderimiz Heydər Əliyev 26 mart 1998-ci il tarixdə imzaladığı fərmanla hər il mart ayının 31-ni azərbaycanlıların soyqırımı günü elan etmişdir. Dünya bu gün terroru pisləyir, mübarizə aparırı, amma Ermənistanın törətdiyi terrora göz yumur.
Tələbə H.Bəşirov dedi ki, artıq uzun illərdir mart ayının 31-ni azərbaycanlıların soyqırımı günü kimi qeyd edirik. Bizdən xalqımızın başına gətirilmiş faciəni məqsədyönlü şəkildə tədqiq etmək, bütün dünya ictimaiyyətinə çatdırmaq tələb olunar.
S.Vəliyev, M.Həsənova, X.Eynullayeva və Ç.Xudiyeva da 31 mart azərbaycanlıların soyqırım tarixindən, bu faciənin səbəbkarlarından danışıb hamını erməni təcavüzünü pisləməyə, torpaqlarımızın geri alınması üçün mübarizəyə səslədilər.
Tədbirin sonunda “31 mart- soyqırım” adlı kitab sərgisinə baxış keçirildi.
Elmi-praktik konfrans başa çatdıqdan sonra isə 31 mart soyqırımının qurbanlarının xatirəsinə həsr olunmuş abidə ziyarət olundu.

C.Cabbarlı adına Respublika Gənclər kitabxanasında 17 mart 2011-ci il tarixdə Azərbaycan Jurnalistlər və Yazıçılar Birliyinin üzvü, “Qızıl Qələm” mükafatı laureatı, şair, nasir,publisist Qəşəm İlqar Ruhdaşın 70 illik yubileyi ilə bağlı tədbir keçirildi.
ətraflı

Azərbaycan Respublikası Prezidentinin 2008-ci il “6” oktyabr tarixli 3072 nömrəli Sərəncamı ilə Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı təsdiq edilmişdir.
Dövlət Proqramında irəli gələn tədbirlərin həyata keçirilməsi istiqamətində C.Cabbarlı adına Respublika Gənclər kitabxanası daim kitabxana fondunun zənginləşdirilməsi istiqamətində mühüm işlər həyata keçirir, müasir oxucuların marağına uyğun olan Azərbaycan və dünya ədəbiyyatının klassik və müasir nəşrlərini alaraq oxucuların istifadəsinə verir. 11.03.2011-ci il tarixdə Rusiyadan alınan yeni kitabların təqdimat mərasimi buna əyani sübütdür. Oxucuların böyük marağına səbəb olan təqdimat zamanı kitabxananın direktoru T.Sadıqov qeyd etdi ki, bu bizim kitabxanamızın Rusiya ilə ilk əməkdaşlığı deyil. Artıq neçə illərdir ki, kitabxana Rusiyanın aparıcı nəşriyyatları ilə mütəmadi əlaqə saxlayır və oxucuların tələblərinə uyğun şəkildə öz fondunu komplektəşdirməyə çalışır. Bu da öz növbəsində Azərbaycan Rusiya mədəni əlaqələrinin inkişafının əyani təzahürüdür.
Əziz oxucular aşağıda qeyd edilən və digər yeni kitabları Siz bizim kitabxanaya gələrək əldə edə bilərsiniz.
Джеймс Джойс. «Дублинцы» (Böyük Britaniya); Джейн Остен. «Доводы рассудка» (Böyük Britaniya); Эмили Бронт. «Грозовой перевал» (Böyük Britaniya); Мартин Бут. «Американец» (Böyük Britaniya); Альбер Комю. «Чума» (Fransa); Лион Фейхтвангер. «Лисы в винограднике» (Almaniya); Эрих Мария Ремарк. «Три товарища» (Almaniya); Курт Воннегут. «Сирены титана» (Amerika); Ирвин Шоу. «Богач, бедняк» (Amerika); Джон Апдайк. «Кролик, беги» (Amerika); Хулио Кортасар. «62. Модел для сборки» (Argentina); Карлос Фуэнтес. «Старый гринго» (Meksika); Пауло Коэльо. «Заир» (Braziliya); Достоевский Ф.М. «Идиот» (Rusiya); Владимир Набоков. «Смотри на Арлекинов» (Rusiya). və s.

C.Cabbarlı adına Respublika Gənclər kitabxanasında 24 fevral 2011-ci il tarixdə Xocalı faciəsinin 19-cu ildönümünə həsr olunmuş “Tarixin sağalmaz yarası” mövzusunda elmi-praktik konfrans keçirildi.
Konfrans Xocalı şəhidlərinin ruhlarının bir dəqiqəlik sükutla yad edilməsi ilə başladı.
Tədbiri giriş sözü ilə kitabxananın elmi işlər üzrə direktor müavini X.Musayeva açıb Xocalı faciəsinin insanlığa və bəşəriyyətə qarşı törədilən ən ağır cinayətlərdən biri olmasından, həmin gecə 613 nəfər dinc sakinin xüsusi amansızlıqla qətlə yetirilməsindən, onların 63-nün uşaq, 106-nın qadın, 70-nin qoca olmasından, 1 275 nəfərin əsir götürülməsindən, bununla ermənilərin iç üzlərinin bir daha ictimaiyyətə göstərilməsindən danışdı.
Konfransda “Dünya azərbaycanlılarının həmrəyliyinə dəstək” cəmiyyətinin prezidenti T.Əlizadə, ilk milli qadın qəhrəman G.Əsgərovanın anası R.Əsgərova, BDU-nun professoru, islamşünas alim Ə.Qurbanov, fəlsəfə elmləri namizədi, şairə Ə.Tuncay, tədqiqatçı-tarixçilər N.Məmmədov və X.İsmayılov, “Elm və zəka” qəzetinin ziyalısı R.Ağakişibəyova, şair R.Məmmədzadə iştirak etdilər.
T.Əlizadə öz çıxışında qeyd etdi ki, Xocalı soyqırımı XX əsrin II yarısında törədilən ən dəhşətli faciələrdən biridir. Faciədən 19 il keçməsinə baxmayaraq hələ də törədilən cinayət cəzasız qalmış və dünya ictimaiyyəti tərəfindən qınağa cəlb edilməmişdir.
Ə.Qurbanov öz çıxışında bildirdi ki, 1992-ci ilin fevral ayının 25-dən 26-na keçən gecə Ermənistan silahlı birləşmələri, Dağlıq Qarabağdakı erməni yaraqlıları Xocalı şəhərini sakinləri ilə birlikdə təmamilə məhv edərək insanlığa silinməz ləkə olan soyqırım aktını törətmişlər.
N.Məmmədov Xocalı faciəsinin tarixindən danışıb sonda qeyd etdi ki, Xocalı faciəsi-dünyada analoqu olmayan, qanlı, məhşicəsinə törədilən soyqırım,-adi təqvim tarixi deyil, milli dərdimiz, milli kədərimizdir.
R.Əsgərova, Ə.Tuncay, R.Məmmədzadə və X.İsmayılov da Xocalı faciəsinin səbəbkarlarından, bu qırğının nəticələrindən danışıb faciə ilə bağlı təbliğat və təşviqatı gücləndirməyi, unutqan olmamağı tövsiyə etdilər.
R.Ağakişibəyova Xocalı şəhidlərinə həsr olunmuş “Xocalı” şerini oxudu.
Elmi-praktiki konfransın sonunda iştirakçılar Xocalı soyqırımına hüquqi status verilməsi haqqında Milli Məclisə müraciət qəbul etdilər.
Tədbir boyu “Xocalı şəhəri” video xronikası nümayiş etdirildi.
Konfransın sonunda “Xocalı qırğını, Xocalı faciəsi” adlı kitab sərgisinə baxış keçirildi.

C.Cabbarlı adına Respublika Gənclər kitabxanasında 01 fevral 2011-ci il tarixdə 2 fevral Gənclər günü münasibəti ilə görüş keçirildi.
Tədbiri giriş sözü ilə direktorun elmi işlər üzrə müavini X. Musayeva açıb qeyd etdi ki, 1997-ci ildən fevral ayının 2-si Gənclər günü kimi təsis olunmuşdur. Azərbaycanın tarixində, inkişafında gənclərimiz həmişə özünəməxsus rol oynamışdır. Ulu öndərimiz, ümummilli liderimiz Heydər Əliyev demişdir ki, bizim bugünkü gəncliyimiz sağlam düşüncəli gənclikdir, vətənpərvər gənclikdir, xalqını, millətini sevən gənclikdir.
Görüşdə BDU-nun kitabxanaçılıq və informasiya, filologiya fakültələrinin tələbələri iştirak etdilər.
Kitabxanaçılıq və informasiya fakültəsinin tələbəsi Ə.Ağaverdiyeva öz çıxışında bildirdi ki, gənclik gələcək ziyalı potensialımızın yaranmasında ən təkanvereci qüvvədir.
Tələbə A.Bayramova bu gün ölkə əhalisinin 35%-ni gənclərin təşkil etməsindən, Respublikamızın dünya miqyasında tanınmasında onların müəyyən dərəcədə rol oynamalarından danışdı.
Filologiya fakültəsinin tələbəsi S. Həsənova Respublikamızın idman şərəfini bütün dünyada ucaldan idmançılarımızın uğurlarından danışdı.
Tələbə A.Mehdiyev Azərbaycan Respublikasının Prezidenti İlham Əliyevin gənc nəslə sonsuz diqqət və qayğı göstərməsini, Azərbaycanın gələcəyi naminə əsl ziyalı kimi yetişmələrində xüsusi xidmətlərini qeyd etdi.
İncəsənət şöbəsinin müdiri Z. Mehdiyeva Azərbaycan gəncliyinin bu gün cəmiyyətin inkişafında yüksək təkanverici qüvvə olduğunu xüsusi vurğuludı.
Hərbi-vətənpərvərlik və kütləvi işlər şöbəsinin müdiri X. Məmmədova son illər Azərbaycanda gedən hüquqi, demokratik dövlət quruculuğunda gənc ziyalıların da əvəzsiz xidmətlərini qeyd etdi.
Tələbələrdən S.Vəkilova, M. İbrahimova və F. Talıbov da əsasını ümummilli liderimiz Heydər Əliyevin qoyduğu gənclər siyasətinin bu gün onun layiqli davamçısı Azərbaycan Respublikasının Prezidenti İlham Əliyev tərəfindən uğurla davam etdirilməsindən danışdılar. Tədbir “Gəncliyin səsi” adlı kitab sərgisinə baxışla sona çatdı.

C.Cabbarlı adına Respublika Gənclər kitabxanasında 27 yanvar 2011-ci il tarixdə Azərbaycanın xalq artisti, M.F.Axundov adına Azərbaycan Dövlət Akademik Opera və Balet teatrının solisti, müasir Sovet vokal məktəbinin ən ləyaqətli nümayəndələrindən biri olan Lütfiyar Müslüm oğlu İmanovun anım günü qeyd edildi.
ətraflı

C.Cabbarlı adına Respublika Gənclər kitabxanasının on iki əməkdaşı Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurası Azərbaycan Kitabxana İşinin İnkişafı Assosiasiyasının 01.10.2010-cu il tarixdə təşkil etdiyi Kitabxanaçı kadrlara “Yeni kitabxana informasiya texnologiyalarının öyrədilməsi” layihəsi üzrə kurslarda iştirak etmişlər. Kursun sonunda Azərbaycan Kitabxana İşinin İnkişafı Assosiasiyasının Prezidenti X.İsmayılov tərəfindən iştirakçılara setifikatlar verilmişdir.

C. Cabbarlı addına Respublika Gənclər kitabxanası 21 yanvar 2010-cu il tarixdə ”Zəka və Ülviyyət”, beynəlxalq ictimai elmi jurnalı və “Zirvə” ziyalılar təşkilatı Yasamal rayon şöbəsi ilə birlikdə 20 yanvar şəhidlərinin xatirəsinə həsr olunmuş elmi-praktik konfrans keçirmişdir.
ətraflı

C.Cabbarlı adına Respublika Gənclər kitabxanasında 25 dekabr 2010-cu il tarixdə Zərifə Orxan Quliyevanın “Sənsiz səninlə”, “Ömrün son baharı”, “Son ümidim”, “Tale yazısı” kitablarının təqdimat mərasimi keçirilmişdir.
ətraflı

C.Cabbarlı adına Respublika Gənclər kitabxanasında 24 dekabr 2010-cu il tarixdə Azərbaycan Yazıçılar Birliyinin üzvü, hüquq elmləri namizədi, fəlsəfə doktoru Əli Eyvazovun “Bir batalyonun tarixi” adlı kitabının təqdimat mərasimi keçirilmişdir. Tədbirlə əlaqədar “Vətən mənə oğul desə...” başlığı altında kitab sərgisi açılmışdı.
ətraflı

C.Cabbarlı adna Respublika Gənclər kitabxanasında 13 dekabr 2010-cu il tarixdən 17 dekabr 2010-cu il tarixədək davam edən “Kitabxanaların elektron resurslarının idarə olunması” adlı treninq başa çatmışdır.
ətraflı

C.Cabbarlı adına Respublika Gənclər kitabxanası 22 oktyabr 2010-cu il tarixdə Respublika Ekoloji Tərbiyə və Təcrübəçilik Mərkəzi ilə birlikdə “Təhsil müəssisələrində uşaqlara gender məsələləri və ekoloji tərbiyə ilə bağlı biliklərin verilməsinə yardım” layihəsi çərçivəsində “Gender (kişi və qadın) bərabərliyi” başlığı altında görüş keçirmişdir.

Soçi şəhərinin Adler rayonunda 20-25 sentyabr tarixlərində “Sağlamlıq, bilik, peşəkarlıq – gəncin uğurunun ən önəmli aspektləridir” mövzusunda “Kitabxanalardan gələcəyə” X Yubiley Beynəlxalq Konfransı keçirildi. Konfransı 270 nümayəndə təmsil edirdi. Konfransda Azərbaycan Respublikasından C.Cabbarlı adına Respublika Gənclər kitabxanasının direktoru Tahir Sadıqov və Qusar rayon MKS-nin direktoru Mustafayev Zahir iştirak edirdi. Konfransın açılışında təbrik üçün C.Cabbarlı adına Respublika Gənclər kitabxanasının direktoru Tahir Sadıqova söz verildi.
Tahir Sadıqov çıxışında Konfransın 10 illik yubileyini təbrik etməklə yanaşı, Azərbaycan Respublikasında ölkə rəhbərliyinin, Mədəniyyət və Turizm Nazirliyinin mədəniyyət ocaqlarına, xüsusilə də kitabxanalara göstərdiyi qayğı və diqqətdən danışmışdır. O öz çıxışında həmçinin, 2008-2013-cü illəri əhatə edən Dövlət Proqramı və bu proqrama əsasən kitabxanaların avtomatlaşdırılması, maddi-texniki bazasının möhkəmləndirilməsi, fondun komplektləşdirilməsi, kitabxanaların dünya informasiya məkanına daxil olması, beynəlxalq kitabxanalararası əlaqələrin qurulması və digər məsələlərin həlli istiqamətində əldə edilən nailiyyətləri qeyd etmişdır.
Konfransda müxtəlif mövzularda seminarlar (“Gənclər və kitab, Narkomaniya əleyhinə: Narkomaniyanın profilaktikasına kompleks yanaşma”, “Yeni narkotik maddələr -Narkomaniyanın profilaktikasında kitabxanaların rolu”, “Gənclər gələciyi seçir. Kitabxanalarda hüquqi maarifləndirmə”, “Yeni əsrin sağlam nəslinin tərbiyəsində Gənclər kitabxanalarının rolu”, “Elektron sənəd kitabxana işinin obyekti kimi”), dəyirmi masalar (“Moskva şəhərinin gənclərinin professional fəaliyyətində kitabxanaların rolu” ) Azbuka Attikus”, “Eksmo” və digər nəşriyyatların kitab sərgiləri təşkil olunmuşdu. Konfransın sonunda 2011-ci ildə keçiriləcək konfransın “Kitabxanalara dövlət rəhbərləri tərəfindən göstərilən qayğı” mövzusunda olması qəbul edildi.

Azərbaycan “Kitabxanalardan gələcəyə” mövzusunda Beynəlxalq konfransda təmsil olunacaq.
Sentyabrın 20-dən 25-dək Rusiyanın Soçi şəhərində “Kitabxanalardan gələcəyə” mövzusunda X Beynəlxalq konfrans keçiriləcəkdir.
Konfransda ölkəmizi C. Cabbarlı adına Respublika Gənclər kitabxanasının və Qusar Rayon Mərkəzləşmiş Kitabxana sisteminin əməkdaşları təmsil edəcəklər.
C. Cabbarlı adına Respublika Gənclər Kitabxanasının direktoru Tahir Sadıqov Azər Tac-a bildirmişdir ki, konfransın məqsədi kitabxanalarda sağlam həyatı tərənnüm edən idmana aid ədəbiyyatların təbliğinə nail olmaqdır. Dünyanın müxtəlif dövlətlərindən olan kitabxana işçilərinin qatılacağı tədbirdə qarşılıqlı təcrübə mübadiləsi aparılacaqdır. Ənənəvi olaraq keçirilən belə konfranslar kitabxanalar arasında əməkdaşlığın inkişafına əlverişli imkan yaradır.
T.Sadıqov onu da qeyd etmişdir ki, bu il həm də konfransın 10 illik yubileyi qeyd ediləcəkdir.

C. Cabbarlı adına Respublika Gənclər kitabxanası yeni kitabların biblioqrafik informasiya göstəricisinin 1-ci buraxılışını cap etdirmişdir. Yeni kitabların biblioqrafik informasiya göstəricisi oxucular arasında yeni ədəbiyyatı təbliğ etmək məqsədi ilə nəşr olunmuşdur. Təqdim edilən ədəbiyyatlar əlifba sırası ilə və dillər üzrə düzülmüşdür. Sonda köməkçi aparat kimi müəlliflərin əlifba göstəricisi, sərlövhə göstəricisi və kitabları cap edən nəşriyyatların siyahısı verilmişdir. Eyni zamanda həmin göstəricidə Dövlət Proqramının həyata keçirilməsi üzrə tədbirlər planı da öz əksini tapmışdır. Həmin göstəricilərdən region kitabxanalarına verilməsi nəzərdə tutulmuşdur.

C. Cabbarlı adına Respublika Gənclər kitabxanasının hazırladığı layihəyə əsasən tərtibçi-müəllif Əli Eyvazovun “Bir batalyonun tarixi” adlı kitab nəşr edilib vətənpərvər oxucularımızın istifadəsinə verildi.
Kitabda Azərbaycan Respublikasının Prezidenti Heydər Əliyevin 1993-cü il 2 noyabr tarixində xalqa müraciətindən sonra təşkil olunmuş Quba-Qusar könüllülərindən ibarət batalyonun yaranması, erməni təcavüzkarlarına qarşı batalyon igidlərinin ölüm-dirim mübarizəsi, sıravi əsgərdən tutmuş zabitə kimi hər bir döyüşçünün düşmənə nifrət hissi ilə torpaqlarımızın qorunması uğrunda apardığı döyüşlər haqqında sənədli materiallar öz əksini tapır. Quba-Qusar batalyonu haqqında tarixi həqiqətləri əks etdirən ilk, bir qədər də romantik yazılmış bu əsərdə, bəlkə də hələ bəlli olmayan məlumatlar, tarixi faktlar və sənədlər öz əksini tapmışdır.
Odur ki, oxuculardan, sabiq döyüşçülərdən kitab haqqında öz fikirlərini bildirməyi, bu batalyon barədə kitabda öz əksini tapmayan əlavə məlumatlar, tarixi sənədlər və faktlar varsa, onları çatdırmağı xahiş edirik. Çünki tarixi biz yaradırıq. Ona görə də həqiqəti xalqa çatdırmaq, baş verənlər barədə soydaşlarımızı xəbərdar etmək, Vətən uğrunda həlak olan şəhidlərimizin ruhu qarşısında mənəvi borcumuzdur.

C. Cabbarlı adına Respublika Gənclər kitabxanasında 17 iyul 2010-cu il tarixdə yazıçı R. Orxanın “Ölməzliyə abidə” kitabının təqdimatı keçirilmişdir.

C.Cabbarlı adına Respublika Gənclər kitabxanası 5-13 iyun 2010-cu il tarixlərində Ukrayna, Krım Muxtar Respublikasının Sudak şəhərində, kitabxanalar və informasiya resursları müasir aləmdə, mədəniyyət, təhsil, elm – 17-ci Beynəlxalq Konfransda iştirak etmişdir.

C. Cabbarlı adına Respublika Gənclər kitabxanasında 12 iyun 2010-cu il tarixində Azərbaycanın Milli Qəhrəmanı Allahverdi Teymur oğlu Bağırovun xatirəsinə həsr olunmuş tədbir keçirilmişdir.

C. Cabbarlı adına Respublika Gənclər kitabxanasında 12 iyun 2010-cu il tarixində Milli Qurtuluş gününə həsr olunmuş elmi-praktiki konfrans keçirilmişdir.

C. Cabbarlı adına Respublika Gənclər kitabxanasında 07 iyun 2010-cu il tarixdə vətənpərvərlik mövzusunda “Qəhrəmanlığı zirvə tutduq” başlığı altında görüş keçirilmişdir.

C.Cabbarlı adına Respublika Gənclər kitabxanası 26 may 2010-cu il tarixdə 28 may Respublika günü münasibəti ilə “Azadlığı qazanmışıq qram-qram” başlığı altında elmi-praktik konfrans keçirilmişdir.

C.Cabbarlı adına Respublika Gənclər kitabxanasında 14 may 2010-cu il tarixdə M.Seyidzadənin yeni nəşr olunan “Milli qəhrəmanlar zirvəsi” kitabının təqdimat mərasimi keçirilmişdir.

C. Cabbarlı adına Respublika Gənclər kitabxanası 07 may 2010-cu il tarixdə Yasamal rayon İcra Hakimiyyətinin nəzrindəki Heydər Əliyev – Məktəb Muzeydə milli öndər H. Əliyevin anadan olmasının 87-ci ildönümü münasibəti ilə anım günü keçirilmişdir.

04 may 2010-cu il tarixdə C.Cabbarlı adına Respublika Gənclər kitabxanası Nəsimi rayonundakı M.Hüseynzadə adına 19 saylı orta məktəbdə “Ekologiya ili” çərçivəsində “Dünya bizim evimizdir, gəlin onu qoruyaq” mövzusunda ədəbi-bədii gecə keçirilmişdir.

31 mart 2010-cu il tarixdə C.Cabbarlı adına Respublika Gənclər kitabxanasında “31 mart milli soyqırım-milli genosid” mövzusunda elmi-praktik konfrans keçirilmişdir.

C.Cabbarlı adına Respublika Gənclər kitabxanasında 30 mart 2010-cu il tarixdə “Müasir yeniyetmələr, gənclər arasında cinayətkarlıq və narkomaniya” mövzusunda dəyirmi masa keçirilmişdir.

C.Cabbarlı adına Respublika Gənclər kitabxanasında 17 mart 2010-cu il tarixdə 1995-ci il dövlət çevrilişinə cəhdin qarşısının alınmasında şəhid olan milli qəhrəmanların anım gününə həsr olunmuş elmi-praktiki konfrans keçirilmişdir.

C.Cabbarlı adına Respublika Gənclər kitabxanasında 9 mart 2010-cu il tarixdə ABŞ Konqresinin Nümayəndələr Palatasının Xarici Əlaqələr Komitəsində qəbul edilən qondarma erməni soyqırımına qarşı etiraz olaraq dəyirmi masa keçirilmişdir.

C.Cabbarlı adına Respublika Gənclər kitabxanasında 27 fevral 2010-cu il tarixdə Azərbaycanın Milli qəhrəmanı Məmmədov Nizami Murad oğlunun anım gününə həsr olunmuş dəyirmi masa keçirilmişdir.

C.Cabbarlı adına Respublika Gənclər kitabxanasında 26 fevral 2010-cu il tarixdə Xocalı soyqırımının 18-ci ildönümü ilə əlaqədar dəyirmi masa keçirilmişdir. Xocalıda şəhid olanların xatirəsi bir dəqiqəlik sükutla yad edilmişdir. Tədbiri giriş sözü ilə mədəniyyət və turizm nazirliyinin kitabxana işi sektorunun müdiri L,Məmmədova açmış, Xocalı soyqırımı ilə bağlı ətraflı məlumat vermiş, ermənilər tərəfindən törədilən ümumbəşəri cinayəti bir daha tədbir iştirakçılarının nəzərinə çatdırmışdır. Tədbirdə Xocalı soyqırımına həsr olunmuş qısametrajlı film nümayiş etdirilmişdir. Tədbirin sonunda “Xocalı faciəsi-əfsanəvi reallıq” başlığı altında sərgiyə baxış keçirilmişdir.

C.Cabbarlı adına Respublika Gənclər kitabxanasında 22-26 fevral 2010-cu ildə "Kitabxanaların informasiyalaşdırılması. Elektron kitabxana" adlı treninqlər keçirilmişdir.

Cəfər Cabbarlı adına Respublika Gənclər kitabxanası 16 fevral 2010-cu ildə “Qaradağlı faciəsindən 18 il keçir” mövzusunda “Həsrət Yolu” Əsir və Girovlara Kömək İctimai Birliyi ilə birlikdə dəyirmi masa keçirilmişdir.

C.Cabbarlı adına Respublika Gənclər kitabxanasında 10 fevral 2010-cu il tarixdə qəzəlxan Gülarə Munisin yaradıcılığına həsr olunmuş dəyirmi masa keçirilmişdir.

C. Cabbarlı adına Respublika Gənclər kitabxanasında 30 yanvar 2010-cu il tarixdə Ə. Ağayevin “Təməldən əmələ” kitabının təqdimatı keçirilmişdir.

C.Cabbarlı adına Respublika Gənclər kitabxanası 29 yanvar 2010-cu il tarixdə BDU-da 02 fevral Gənclər günü münasibətilə “Zamanla səsləşir gəncliyin səsi” mövzusunda görüş keçirilmişdir.

C.Cabbarlı adına Respublika Gənclər kitabxanasında 18 yanvar 2010-cu il tarixdə “Yanvar şəhidləri” mövzusunda dəyirmi masa keçirilmişdir.

C.Cabbarlı adına Respublika Gənclər kitabxanasında 9 yanvar 2010-cu il tarixində “Xalq qəhrəmanlığı unutmur” mövzusunda dəyirmi masa keçirilmişdir.

8 dekabr 2009-cu il tarixdə C.Cabbarlı adına Respublika Gənclər kitabxanasının İctimai Hüquqi İnformasiya Mərkəzində “Narkomaniya, müasir yeniyetmələr, uşaq hüquqları” mövzusunda dəyirmi masa keçirilmişdir.

C.Cabbalı adına Respublika Gənclər kitabxanasının direktoru cənab T.Sadıqov 16-20 noyabr tarixlərində Moskva vilayətinin Zveniqorod rayonunda keçirilən “LİBCOM-2009” XIII Beynəlxalq Konfransda və sərgidə iştirak etmişdir. Konfransı Rusiya Federasiyasının Federal Məclisinin Dövlət Dumasının sədr müavini S.S Jurova konfrans iştirakçılarını salamlamış və konfransı açıq elan etmişdir. Konfransda Azərbaycanla yanaşı, Rusiya, Qazaxstan, Dağıstan və digər MDB ölkələrindən qonaqlar da iştirak edirdilər. Konfransda “Elektron resurslar, elektron kitabxanalar və İnternet texnologiyalar”, “Elektron informasiya dövründə kitabxana fondlarının və kitab satışı məntəqələrinin yaradılması”, “Təhsil sisteminin islah edilməsinin müasir problemləri: yeni standart, texnologiya və metodika”, “ABİS-in və elektron kitabxanaların linqvistik və informasiya təminatı”, “Rusiya kitabxanalarının ümumi kataloqları: Resurslar və xidmətlər”, “Müasir dünyada ekoloji informasiya” və s. mövzularda seminar və mühazirələr oxunmuşdu.

C.Cabbarlı adına Respublika Gənclər kitabxanasında 18 noyabr 2009-cu il tarixdə Qafqaz Media İctimai Birliyinin xeyriyyəçilik missiyası ilə Gözdən Əlillər üçün Respublika İnternat məktəbinin şagirdlərindən Nurlanə Nursuzun “Körpə ömrüm səninlə bir qocalı”, Mansur Qadirin “Necə sevməyim?” kitablarının təqdimat mərasimi keçirilmişdir.

C.Cabbarlı adına Respublika Gənclər kitabxanası 12 noyabr 2009-cu il tarixdə astroloq, yazıçı F.Qurbansoyun xalq şairi M.Müşfiqin həyat və yaradıcılığına həsr etdiyi “Lacivərd göylərin ətəklərində” kitabının təqdimat mərasimini keçirmişdir.

31 oktyabrda Gözdən Əlil Uşaqlar üçün Respublika İnternet məktəbinin akt zalında həmin məktəbin XI sinif şagirdi Mansur Qədir Rəhimovun “Necə sevməyim?” ikinci şeirlər kitabının təqdimat mərasimi keçiridi.

14 oktyabr 2009-cu il tarixdə C.Cabbarlı adına Respublika Gənclər kitabxanasının İctimai Hüquqi İnformasiya Mərkəzində “Məlhəm” Humanist Ictimai Qadınlar Birliyi və Milli qəhrəman qəzeti “Şəhid ailəsinə mənəvi dəstək” mövzusunda şəhid ailəsi və milli qəhrəman anaları ilə görüş keçirmişdir.

C.Cabbarlı adına Respublika Gənclər kitabxanası 16 oktyabr 2009-cu il tarixdə 31 saylı orta məktəbdə 18 oktyabr Azərbaycanın Müstəqillik günü münasibətilə “Azadlıq və istiqlaliyyət hər bir xalqın milli sərvətidir” başlığı altında söhbət keçirilmişdir.

C.Cabbarlı adına Respublika Gənclər kitabxanasında 2009-cu il iyun ayının 24-də “Milli qəhrəman” qəzetinin yaradıcılığının bir illiyi ilə bağlı Heydər Əliyev irsi və dövlətçilik işi mövzusunda tədbir keçirilmişdir.

C.Cabbarlı adına Respublika Gənclər kitabxanasında 2009-cu il iyun ayının 24-də C.Cabbarlının anadan olmasının “110 illik yubileyinə” həsr olunmuş ədəbi-bədii gecə keçirilmişdir.

27 may 2009-cu il C.Cabbarlı adına Respublika Gənclər kitabxanasının tarixində əlamətdar günlərdən biri olmuşdur. Kitabxanamızın direktoru Tahir müəllim Sadıqov "Mədəni-maarif işi" jurnalının redaksiyası tərəfindən "Kitabxana işinin təşkili, şəbəkənin genişləndirilməsi, müəssisənin maddi-texniki bazasının möhkəmləndirilməsi, yeni ədəbiyyatlarla zənginləşdirilməsi və əhaliyə mədəni xidmətin təkmilləşdirilməsi sahəsindəki səmərəli fəaliyyətinə görə" Şərəf diplomu ilə təltif olunmuşdur.Şərəf diplomunu təqdim edən "Mədəni-maarif işi" jurnalının baş redaktoru bu görəvin ona həvalə edilməsindən böyük zövq aldığını dönə-dönə qeyd etmiş və kitabxanamızın bütün kollektivini bu hadisə ilə əlaqədar səmimi qəlbdən təbrik etmişdir. Kİtabxanamızın direktoru Tahir müəllim də öz növbəsində son illər ərzində mədəniyyət xüsusilə də, kitabxana işi sahəsində aparılan islahatlar və kitabxanamızda olan dəyişikliklər haqqında qonağa məlumat verərək sonda ona öz təşəkkürünü bildirmişdir.

C.Cabbarlı adına Respublika Gənclər kitabxanasında 27 may 2009-cu il tarixdə AXC-nin yaranmasının 91-ci ildönümünə həsr olunmuş elmi-praktiki konfrans keçirilmişdir.

C.Cabbarlı adına Respublika Gənclər kitabxanası 2009-cu il may ayının 22-də Yasamal rayonundakı 31 sayli orta məktəb ilə birlikdə Mərdəkandakı M.E.A-nın Dendrari bağında təbiət qoynunda “Ekoloji saflıq-sağlamlıq” adı altında disput keçirmişdir.

2009-cu il may ayının 19-da C.Cabbarlı adına Respublika Gənclər kitabxanasının İctimai Hüquqi İnformasiya Mərkəzində Azərbaycan yazıçılar və jurnalistlər birliyinin üzvü Ali “Dan ulduzu”, Həsən bəy Zərdabi adına və “Qızıl Qələm” mükafatları laureatı İntiqam Mehdizadənin “Karvanın Sarvanı” kitabının təqdimat mərasimi keçirilmişdir.

2009-cu il 8 may tarixində saat 14.00 – da C.Cabbarlı adına Respublika Gənclər kitabxanasında ümummilli lider Heydər Əliyevin anadan olmasının 86-cı ildönümünə həsr olunmuş dəyirmi masa keçirilmişdir.

2009-cu il aprel ayının 20-dən 24-dək C.Cabbarlı adına Respublika Gənclər kitabxanasının İctimai Hüquqi İnformasiya Mərkəzində treninq keçirilmişdir.

2009-cu il mart ayının 30-da C.Cabbarlı adına Respublika Gənclər kitabxanasında “Soyqırım, milli genosid” mövzusunda elmi-praktiki konfrans keçirilmişdir.

2009-cu il mart ayının 14-ü saat 12-də C.Cabbarlı adına Respublika Gənclər kitabxanasında “Korrupsiyaya qarşı mübarizə şəffaflığın qorunması deməkdir” başlığı altında görüş keçirilmişdir.

Tələbləri kitabxana-informasiya fəaliyyətinin beynəlxalq standartlara uyğunlaşdırılmasına xidmət edən İRBİS-64 proqramı 07 mart 2009-cu il tarixindən kitabxanamızda tətbiq edilməyə başlanmışdır.

2009-cu il fevral ayının 23-ü saat 15-00-da C.Cabbarlı adına Respublika Gənclər kitabxanasında “Qan yaddaşı, qanlı Xocalı faciəsi” adı altında Xocalı faciəsinin 17-ci ildönümünə həsr olunmuş dəyirmi masa keçirilmişdir.

6 fevral 2009-cu il tarixində kitabxanamızda İctimai Hüquqi İnformasiya Mərkəzinin fəaliyyətinin iki illiyinə və Yazıçılar Birliyinin üzvi Ə.Eyvazovun tərtib etdiyi “Humanizm xeyirxahlıq missiyası” kitabının müzakirəsinə həsr olunmuş dəyirmi masa keçirilmişdir.

Noyabrın 25-i 2008-ci il tarixində İFLA-nın seçilmiş prezidenti Ellen Tisen kitabxanamızın İctimai Hüquqi İnformasiya Mərkəzində qonaq olmuşdur. Mərkəzin əməkdaşları mərkəzin strukturu yaranma tarixi, fəaliyyət prinsipləri ilə qonağı tanış etmiş, onu maraqlandıran sualları cavablandırmışlar.

05 iyul 2008-ci ildə kitabxanada yazıçı-publisist Mustafa Çəmənlinin “Ruhların üsyanı” kitabının təqdimat mərasimi keçirilmişdir. Tədbirdə S.Mumtaz adına Dövlət Ədəbiyyat və İncəsənət arxivinin direktoru M.Teymurov, yazıçı-dramaturq Əli Əmirli, filologiya elmləri doktoru Nazim Qəhrəmanlı, “Azərbaycan” qəzetinin şöbə müdiri, jurnalist Flora Xəlilizadə, tədqiqatçı Şəmistan Nəzirli, şair German iştirak etmişlər. Çıxış edən qonaqlar kitabın mövzusunun aktuallığından, Qarabağ dərdinin unudulmazlığından, xalqımızın mətanət və qəhrəmanlığından söhbət açdılar. Belə səpkili əsərlərin çox olmasını arzuladıqlarını qeyd etdilər. Sonda söz musiqiyə verildi.

27 may 2008-ci il tarixində kitabxananın İctimai Hüquqi İnformasiya Mərkəzində Azərbaycan xalq Cümhuriyyətinin 90 illik yubileyinə həsr olunmuş praktiki konfrans, bu mövzuda tövsiyə ədəbiyyat siyahısı və kitab sərgisi təşkil olunmuşdur. Tədbirdə Respublikası Mədəniyyət və Turizm Nazirliyinin Kitabxana işi sektorunun müdiri L.Məmmədova, S.Mumtaz adına Dövlət Ədəbiyyat və İncəsənət arxivinin direktoru M.Teymurov, AXC-nin tədqiqatçısı Nəsiman Yaqublu, elmi işçi Mirdayət Seyidov, AMEA-nın Filologiya İnstitutunun filologiya elmləri namizədi, dosent Asif Rüstəmli işyirak etmişlər. Tədbirdə çıxış edənlər AXC-nin yaranmasının Azərbaycan tarixinin ən şanlı səhifələrindən biri olduğunu, bu əlamətdar vaxt kəsiyinin tarix boyunca unudulmayacağını qeyd etdilər.

30 aprel 2008-ci il tarixində kitabxananın İctimai Hüquqi İnformasiya Mərkəzində yazıçı-publisist, Milli Məclisin deputatı Elmira Axundovanın müəllifi olduğu “Heydər Əliyev. Şəxsiyyət və zaman” «Гейдар Алиев. Личность и эпоха» adlı kitabının təqdimat mərasimi keçirilmişdir. Tədbirdə Yazıçılar Birliyinin sədri Anar, Fəttax Heydərov, Əkrəm Səlimzadə, Aleksandr İvanov, Albert salamov, Anar Məmmədxanov, bir sıra şəhər və rayon MKS-nin direktor və kitabxanaçıları iştirak etmişlər. İlk öncə ulu öndər ilə şəxsən tanışlıqları oaln qonaqlar ümummilli liderlə bağlı xatirələri ilə bölüşdülər. Tədbirdə çıxış edənlərin hər biri bu kitab ərsəyə gəlməsində zəhməti olanlara öz minnətdarlıqlarını bildirir və Elmira xanım Axundovanın əməyini yüksək qiymətləndirdiklərini dönə-dönə qeyd edirdilər. Tədbirin sonunda hamıya öz təşəkkürünü bildirən Elmitra xanım Axundova müəllifi olduğu kitabı gələn qonaqlara kitabını hədiyyə verdi.

15 aprel 2008-ci ildə kitabxanamızın İctimai Hüquqi İnformasiya Mərkəzində M.Muşfiqin 100 illiyinə həsr olunmuş “Müşfiqli günlərim” adlı musiqili-ədəbi-bədii gecə təşkil olunmuşdur. Tədbirdə Respublikası Mədəniyyət və Turizm Nazirliyinin Kitabxana işi sektorunun müdiri L.Məmmədova, Müşfiqşünas tədqiqatçı şair Gülhüseyn Hüseynoğlu, şair Vaqif Bəhmənli, F.Köçərli adına Respublika Uşaq kitabxanasının direktoru F.Quliyeva, Xətai MKS-in direktoru O.Quliyev, Nizami MKS-in direktoru Ş.Qəmbərova, S.Mumtaz adına Dövlət Ədəbiyyat və İncəsənət arxivinin direktoru M.Teymurov, KİV nümayəndələri oxucu və kitabxanaçılar iştirak etmişlər. Tədbirin bədii hissəsində gəlın qonaqlar İ.Əbilov adına Mədəniyyət Mərkəzinin “Şəlalə” xalq çalğı alətlərinin ifasıpnda Müşfiqin sözlərinə bəstələnmiş mahnılara qulaq asdılar. Tədbir “vaxtsız solan ömur” adlı kitab sərgisinə baxış ilə sona çatdı.

11 aprel 2008-ci ildə kitabxananın Rus xidmət şöbəsi Milli Konservatoriyanın nəzdində fəaliyyət göstərən Respublika İncəsənət Gimnaziyasının 9d sinfində müasir şair və yazıçılara həsr olunmuş “Azərbaycan ədəbiyyatı” mövzusunda açıq dərs xarakterli məşğələ keçmişlər. Rus bölməsinin şagirdlərinə M.Müşfiq, N.Xəzri, R.Rza, İ.Əfəndiyev, S.Ə.Şirvani kimi Azərbaycan ədiblərinə dair ətraflı məlumat verilmiş. Adları sadalanan şair və yazıçıların həyat və yaradıcılıqlarını əks etdirən kitab sərgisi də təşkil olunmuşdur.

C.Cabbarlı adına Respublika Gənclər kitabxanası daim kitabxana fondunun zənginləşdirilməsi istiqamətində mühüm işlər həyata keçirməyə, kitabxananın oxucularının marağına uyğun yeni nəşrlər almağa çalışır.Sözügedən nəşrləri oxuculara təqdim etmək məqsədilə 2008-ci il mart ayının 17-də kitabxananın İctimai Hüquqi İnformasiya Mərkəzində yeni kitabların təqdimat mərasimi keçirilmişdir.Alınan kitablar arasında oxucuların xüsusi marağına səbəb olan aşağıdakı kitablar Aydın Daddaşov “Demokratiya və İslam”, R.Azadə “Mövlanə Cəlaləddin Rumi”, “Müasir Azərbaycan ədəbiyyatı”, Мурад Аджи “Европа, трюки, Великая Степь”, «Я познаю мир», «Золотая книга легенд и мифов», Август Мюллер «История Ислама», Жак Ле Гофф «Цивилизация средневекового запада», «Мировая живопись от Джотто до Пикассо»,Т.И.Султанов «Чингиз хан и Чингизиды. Судьба и власть» В.Э.Вечканов «Философия» artıq əldən-ələ gəzməkdədir. Tədbirdə Azərbaycan Respublikası Mədəniyyət və Turizm Nazirliyinin Kitabxana işi sektorunun müdiri L.Məmmədova, S.Mumtaz adına Dövlət Ədəbiyyat və İncəsənət arxivinin direktoru M.Teymurov, respublika kitabxanalarının əməkdaşları iştirak etmişdilər.